Iesu ngke e nakonako ma ana reirei aika a uoti bwaene ni kariki

Maati 27–Eberi 2

Mataio 14; Mareko 6; Ioane 5–6

“Tai Maku”

N am katauraoi n anga reirei man Mataio 14; Mareko 6; ao Ioane 5–6, tarai rongorongo aika bongana nakon am kiraati. Ngkai ko karaoia, iangoia bwa ko na kanga ni katabeia kaain te kiraati n te taneiai ae uaana ma koroboki aika a tabu.

te aikaon ibukin te tibwatibwa

Kaunga te Tibwatibwa

Kawaina teuana ae ko kona ni moana iai am marooro bon man kaoakiia tabeman kaain te kiraati bwa a na rinea te mwakoro man te wareware ao n tibwaua te mwakoro ae e uaana nankoia. Ngkai a tibwaia, a kona kaain te kiraati ake tabeman ni kanakoi aia titiraki ke ni karin nonoori riki tabeua.

te aikaon ibukin te anga reirei

Reirei te Reirei

Ioane 5:16–47

Iesu Kristo Bon Natin Tamara are i Karawa ae Tangiraki.

• Inanon Ioane 5, Iesu e katauraoi tabeua nonori Ibukina, ibukin Tamana, ao Reitakina nakon te Tama. Ni buokiia kaain te kiraati ni ukeri nonoori aikai, kataia kamaenakoia inanon kurubu ao n anganiia tabeua te miniti ni koroi koaua aika a kona ni karekei inanon kiibu 16–47 iaon anuan te Atua ao Iesu Kristo ao aron Aia reitaki. Tuangiia kurubu bwa a na wareki koaua ake a koroi. A kanga koaua aikai ni buokiira ni kinaa riki Tamara are i Karawa ao Natina? Ti na kanga n ira ana banna ni katooto Iesu Kristo n te ongeaaba nakon te Tama?

• Te waaki ni kakukurei inanon te kamataata n te wiiki aei inanon Nakomai, Iriirai—Ibukiia Aomata n Tatabemaniia ao Utu e tua bwa ti na noria ae n tainako Iesu e kabonganaa te taeka ae te Tama inanon Ioane 5:16–47. Tuangiia tabeman kaain te kiraati bwa a na tibwaua te bwai ae a reiakinna imwiin tokin karaoan te waaki aei. Tuangiia bwa a na tibwauai atatai aika a karekei iaon taekan Tamara are i Karawa ao Natina ae Tangiraki.

Mataio 14:15–21; Mareko 6:33–44; Ioane 6:5–14

E kona te Tia Kamaiu ni kakorakorai ara anganano aika karako ni kakoroi nanon Ana kaantaninga.

• Tera ae e kona ni buokiia kaain te kiraati ni kunea ibon ibukiia nanon te kakai are ngke Iesu e kamwarakeia nimaua tengaa aomata? Ko kona n titiraki bwa e kanga warekan te kakai ni karikirakea aia onimaki n ana konabwai te Tia Kamaiu ni kakabwaiaia. A kona n taekina te tai ngke a namakinna ngke te Tia Kamaiu e kakorakorai ke ni karawataa korakoraia ni kakoroa nanon te bwai ae taraa ni kangaanga. Imwain, naba te kiraati, ko kona n tuangiia kaain te kiraati bwa a na uota nakon te kiraati te tamnei ke te bwai are e tei ibukin kakorakorakiia n te waaki aei.

  mwakoro ni kariki ao ika

  Man te kakai Iesu e kamwarakeia nimaua te nga te aomata man nimaua te mwakoro ni kariki ao uoman te ika.

• Te witeo ae “The Feeding of the 5,000” (ChurchofJesusChrist.org) e kona ni buokiia kaain te kiraati n iango raoi te kakai ae riki n te ronoorongo aei_. Tera taian kabwarabwara inanon te rongorongo aei ae kakorakorai ara onimaki iroun te Tia Kamaiu? N te kawai raa ae kona te Tia Kamaiu ni kamwarakeira n te tamnei? Ningai ae ti a tia iai ni kamwarakeaki ao ni buokaki iroun Iesu Kristo?

Mataio 14:22–33

E kaoira Iesu Kristo bwa ti na katinanikui makura ao raraomara bwa ti aonga ni kona ni kaan riki nako Ina.

• E kona te rongorongo inanon Mataio 14:22–33 ni buokiia kaain te kiraati ni kakorakorai aia onimaki iroun te Tia Kamaiu ao nanoia ni kan Iria. Tuangiia kaain te kiraati bwa a na wareka te rongorongo aei, ma ni kabanea riki aia iango iaon taeka aika a taekinaki iroun Kristo, Betero, ao Abotoro ake tabeman. A na kanga ana taeka Iesu n tia ni buoka Betero ni karekea ana onimaki ni kitana te booti ao n nakonako iaon taari? E kanga ana kaetieti Iesu ae “kabebetei nanomi” ao “tai maku” (te kibu 27) ni kaineti nakoira n te bong aei? Tera ae ti kona n reiakinna mairoun Betero n aron nanon te riki bwa a na reirei Iesu Kristo ao n Onimakinna? Ko kona ni kaungaia kaain te kiraati n iangoa ao n tibwauai taneiai ngke ngaia, n aron Betero, a karaoa te mwakuri n ira te Tia Kamaiu, e ngae ngkana e aki ataaki bwa tera mwiina. Tuangiia bwa a na tibwauai bwaai aika a tia n reiakin man aia taneiai. E kanga n tia n roko Iesu Kristo ni kamaiura n ara tai ni maaku ke n nanokokoraki?

Ioane 6:22–71

Ngkai ngaira ana reirei Kristo, ti na riai n tangiria n onimakinna ao ni butimwaea te koaua, e ngae ngkana e kangaanga karaoana.

• Bwaai aika riki inanon Ioane 6 e kona ni karekea te taratara ae tamaroa ngkana iai aia titiraki aomata iaon te reirei, rongorongon ngkoa, ke kaetieti n Ana Ekaretia Kristo. Ni buokiia kaain am kiraati bwa a na atai bwaai aikai, ko kona ni koroi titiraki n aron aikai iaon te burakibooti bwa a na kaekai: Tera ae a kantaningaia aomata? (taraa te kibu 26). Tera ae e anganiia Kristo irarikin anne? (taraa te kibu 51). Tera ae aki koaua iai aomata? (taraa verses 41–42, 52). Ko kona naba n taekin titiraki n aron aikai ni buokiia kaain te kiraati ni kabonganai rongorongo aikai ni maiuia: Tera kawai tabeua aika ti kona iai n nakonako ma Kristo e ngae ngkana iai ara titiraki ke nanokokoraki? (taraa te kibu 66). Tera tabeua reirei, otenanti, ke tabeua “taeka n te maiu ae akea tokina” aika a tii kona ni kuneaki inanon ana Ekaretia Kristo ae kaokaki? (tarai kiibu 67–69). Ibukin atatai aika nano mairoun te Abotoro ae ngkai, taraa ana rongorongo Beretitenti M. Russell Ballard “To Whom Shall We Go?,” (Riaona, Nobembwa 2016, 90–92).

Kanakoraoan Ara Anga reirei

Kakauongo. “Te kakauongo bon kaotan te tangira. … Butiia Tamam are i Karawa bwa e na buokiko ni kaotako n te bwai ae a taekinna kain am kiraati. Ngkana ko kakauongo raoi nakon aia rongorongo aika a taekinaki ao aika aki taekinaki, ko na kona n atai raoi riki kainnanoia, tabeaiangaia, ao bwaai ake a tangiri” (Anga Reirei n Ana Kawai te Tia Kamaiu,,34).