Te Nne ni mate n te Onaroka

Eberi 3–9

Itita

“Te Rua ni Mate, E nga Am Tokanikai?”

Ngkai ko katauraoi n angareirei n te wiiki aei, iangoia e na kanga maroroakinan te Itita n te Tabati n am kiraati ni kona ni katea onimakinan Iesu Kristo ao Ana Mwakuri ni Kamaiu.

te aikaon ibukin te tibwatibwa

Kaunga te Tibwatibwa

Tuangiia kain te kiraati bwa an a kanga ni kaeka nakon titiraki n aron “Tera ana mwakuri ni kamaiu Iesu Kristo?” ao “N na kanga ni karekei kakabwaia n Ana Mwakuri ni Kamaiu Kristo?” Kaoia bwa ana tibwai koroboki aika a tabu ake a wareki n te wiiki aei are e na buoka kaekaan titiraki aikai.

te aikaon ibukin te anga reirei

Reirei te Reirei

Iesu Kristo e kamaiuira man bure ao te mate, kakorakoraira ni mamarara, ao e karaunanora ni katakira.

• A ota kain te kiraati ae Iesu e karaui nanora n ara tai ni kataaki ao e kakorakoraira ni kabwakara, n ai aron naba are e kamaiuira man te bure ao te mate? Teuana te kawai ni buokakiia bwa a na kunei reirei aikai bon man koreakin taeka aikai iaon te burakibooti: Bure, Mate, Kataaki, Mamaara. Kain te kiraati n tatabemaniia a kona ni wareka teuana te mwakoro man koroboki aika a tabu ake a karinanaki n “Bwaai ni Ibuobuoki riki Tabeua” ao ni iangoia bwa e kanga te Tia Kamaiu ni buokiira n tokanikai iaon bwai aikai. Kain te kiraati a kona ngkanne ni korei bwaai ake a reiakini man koroboki aika a tabu iaan atu ni iango ao n tibwai aia koaua iroun te Tia Kamaiu ao Ana Mwakuri ni Kamaiu.

  Iesu i aon te kaibangaki

  Tauraki n te Kaibangaki, iroun Louise Parker

• Tao te bwai n angareirei ae beebete e kona ni buoka kabwarabwaran te kaokoro imarenan te kaitiakaki man te bure ao te kororaoi: Ko kona ni koreia iaon te burakibooti tabeua moan rain n taeka man Moronaai 10:32, ma karini kairua n te tibering ao te kuramwa. Ngkanne kaoia kain te kiraati bwa a na kamauna (ma n aki kaeti) kairua. Te waaki aei e kaeta te kairua aei? Tera te reirei ae ti reiakinna man te kibu ae tabu aei ao te bwai ae ti karaoia aio iaon ana Mwakuri ni Kamaiu te Tia Kamaiu are e kona n reke nakoira? Te rongorongo aei mairoun Beretitenti Dieter F. Uchtdorf e kona naba n ibuobuoki: “Ngkana te mwakuri ni kamaiu e ti nanonaki ni kamaunaakin ara kairua ao ara bure, ngkanne te mwkauri ni kamaiu—n aron tamaroana—e aki kakoroa nanon a na kabanea ni kouru te Tama ibukira. Ana takete e rietata riki: E tangiriia Natina mwane ao aine bwa a na riki n ai Arona” (“The Gift of Grace,” Riaona, Meei 2015, 108).

• Karaki ao kabotau a kona ni buokiira n ota riki n ana Mwakuri ni Kamaiu Kristo. Ko na bae n tangiria n tibwai karaki ke kabotau man teuana te rongorongo n te maungatabu ni kabuta n “Bwaai ni Ibuobuoki riki Tabeua.” Ke ko kona ni ikotaki ni matakuakina “Handel’s Messiah: Debtor’s Prison” (video), ChurchofJesusChrist.org, ao maroroakinna bwa e kanga Ana Mwakuri ni Kamaiu Kristo ni kainaomataira man te karabuti. Kain te kiraati a kona ngkanne n tibwai iango ke namakin ake a karekei iaon te Tia Kamaku ao Ana Mwakuri ni Kamaiu Ibukira.

Mataio 28:1–10; Ruka 24:13–35; Ioane 20:1–29; 1 I-Korinto 15:3–8, 55–58

Taan Kakoaua n te Nu Tetamenti a kaoti kakoaua bwa Iesu Kristo e tokanikai iaon te mate.

• Iangoia n rinanoi rongorongo n koroboki aika a tabu iaon te moan Itita—Mangautin Iesu Kristo. Ko kona ni kaoia kaain te kiraati bwa teuanne ke neienne a na karakina te karaki ni bon oin ana taeka. (taraa Ioane 20:1–17). Ko kona naba ni kaota te witeo man te Baibara, n aron “He Is Risen” (ChurchofJesusChrist.org).

• Tao kain am kiraati a na karekea kamatatakiia riki ae nano ni kakaawakin kakoaua ni Mangautin Iesu Kristo ngkana a iangoia bwa aongkoa ngaiia rooia ke taan kareke rongorongo ake a kakaea koauan ae e a mangauti Kristo. Kaoia bwa a na kakaeia aomata n koroboki aika a tabu ake a riki bwa taan kakoaua (taraa Mataio 28:1–10; Ruka 24:13–35; Ioane 20:19–29; 1 I-Korinto 15:3–8, 55–58). A kona naba ni korei rongorongo aika kimototo n te bwai are a kona n taekinna aomata aikai ngkai a kakoaua n te boowi ke ngke a intawiunaki ibukin te kaongoraa n te rongorongon.

• Teuana te kawai ae e na korakora riki iai ara kakaitau ibukin Mangautin te Tia Kamaiu bon iangoana bwa e na kanga aron kabwarabwaraan ara koaua nakoia tabeman. A kanga kain te kiraati n tibwa aia koaua iaon Iesu Kristo n aro aikai: kain te utu iai ae reke irouna te aoraki ae moan te kakaiaki; te rao e bua raona, kain rarikira e titiraki bwa bukin tera ti bukamarua te Itita. Kaungaia bwa a na okiri koroboki aika a tabu (n aron ake n “Bwaai ni Ibuobuoki riki Tabeua”) ngkai a bairei aia kaeka. Kaoiia tabeman kaain te kiraati bwa a na tibwaua aia iango.

te aikaon ibukin bwaai n ibuobuoki

Bwaai n Ibuobuoki Riki Tabeua

Koroboki aika a tabu ibukin Ana Mwakuri ni Kamaiu te Tia Kamaiu ao Mangautina.

• Itaia 25:8; 53:3–6

• Ioane 20:11–17

• I-Rom 8:31–39

• 2 Nibwaai 9:5–12

• Motiaea 3:5–10

• Aramwa 7:10–14; 11:42–44

• 3 Nibwaai 11:8–17; 27:13–20

• Moronaai 7:41

• Reirei ao Berita aika Tabu 19:15–19

Rongorongo iaon Ana Mwakuri ni Kamaiu te Tia Kamaiu ao Mangautina.

• Dale G. Renlund, “Consider the Goodness and Greatness of God (Iangoa Raoiroin ao Korakoran te Atua),” Riaona, Meei 2020, 41–44

• Gerrit W. Gong, “Good Shepherd, Lamb of God,” Riaona, May 2019, 97–100

• Sharon Eubank, “Kristo: Te Ota i Buakon te Roo,” Riaona, May 2019, 73–76

• Cristina B. Franco, “Mwaakan Iesu Kristo ni Kamaiu,” Riaona, Nov. 2020, 60–62

Kanakoraoan Ara Anga reirei

Ko na riki bwa te bwai ni mwakuri iroun te Tamnei. “Kantaningaam ngkai te tia reirei ngkoe tiaki karaoan te angareirei ae anainano ma ko na buokiia tabeman bwa ana karekea ana kakairi te Tamnei ae Raoiroi, are bon te tia reirei ni koaua” (Te Reirei n Ana Kawai te Uea,10).