Te Tia Kawakin tiibu ae Raoiroi, Ana Tiibutetei te Atua

Iroun Unimwane Gerrit W. Gong

Man te Kooram n Abotoro n te Tengaun ma Uoman

Iesu Kristo e weteia Ana tiibu ni Bwanana ao arana. E ukoukorira ao ni bobotira. E reirei aron te buobuoki n te tangira.

Nakoia tariu ao mwaneu, kam a tia n rootaki ni kangaangan te matu ao ni kataia ni wareki taian tiibu n am iango? Ngke taian tiibu aika kibwara aon te oo, ko wareki: 1, 2, 3, … 245, 246, … 657, 658 …¹

N au keiti, warekakin taian tiibu e aki karika te kanimatu irou. I tabetabe bwa a na akea temanna ae na bua, ao e aki karika te kani matu irou.

Te ataeinimwane ae te tia kawakin tibu are ngaia ae riki bwa te king, ti katanoata:

“Bon Iehova te tia kawakinai ngkai kanga te tibu ngai; ane e na aki kai nanou n te bwai teuana.

“E kaweweneai n tawana n uteute aika mawawa: E kairirai nako rarikin raan aika e rau te aba iai.

“E kamaiua tamneiu.”²

N tain te Itita aio, ti bukamarua Te Tia Kawakin Tiibu ae Raoiroi, ae Ana Tiibutetei te Atua. Man Arana ni kabane aika mimitong, akea riki kabotauana ke ae rianako. Ti reiakina ae mwaiti man taekan ara Tia Kamaiu Ibukina bwa Te Tia Kawakin tiibu ae Raoiroi ao man aia koaua burabeti Ibukina bwa Ana Tiibutetei te Atua. Taian tabe ao kanikina aikai a mwaakaroiroi n taekina—ae tamaroa riki ni buokia tiibu aika a kakawaki n tatabemaniia nakon te Tia Kawakin tiibu, ao ae raoiroi riki bwa e na riki bwa te Tia Kawakin tiibu nakon Ana Tiibutetei te Atua?

“Bwa E tangiria aomata te Atua n te aro are E anga Natina ae te Rikitemanna te Nati te Mwaane, ao Natin te Atua ae te Rikitemanna te mwaane e anga Maiuna n ongeaba nakon Tamana.³ E kakoaua Iesu, “Ngai te tia kawakin tiibu ae raoiroi: e anga maiuna te tia kawakin tiibu ae raoiroi ibukiia ana tiibu.”⁴ Iai mwaakan Iesu n anga Maiuna ao mwaakana ni manga anaia⁵ N Ikotaki ma Tamana, ara Tia Kamaiu e kakabwaiaira, ni kotaki ma ara Tia Kawakin tiibu ae Raoiroi ao Ana Tiibutetei te Atua.

Ngkai ara Tia Kawakin Tiibu ae Raoiroi, Iesu Kristo e wetera ni Bwanana ao n Arana. E ukoukorira ao ni bobotira. E reirei aron te buobuoki n te tangira. Ti a iangoi botoniango aika teniua aikai, ni moa ma Irouna ni weteira ni Banaana ma Arana.

Te moan, ara Tia Kawakin tiibu ae Raoiroi “e weteia oin ana tiibu n araia. … A kinaa bwanana.”⁶ Ao “inanon oin arana e wetei ngkami, are te ara ae Kristo.”⁷ Ngkai ti ukeuke ma nanora ni kan rimwiin Iesu Kristo, e roko te namakin ni kani karaoa ae raoiroi, ao ni beku Ibukina.⁸ Ngkana ti kamatebwai, kabanea nanora nako iai, ao n tataro; ngke ti aki toki ni kaboua ara berita n toa ao taian berita n te tembora; ao ngkana ti kaoia ni kabane nakon Ana euangkerio ao taian otenanti, ti bon ongo nakon Bwanana.

Ni bong aikai, Beretitenti Russell M. Nelson e reirei nakoira bwa tina arana te Ekaretia ae kaokaki ni kaota aran Iesu Kristo—Ana Ekaretia Iesu Kristo ibukiia aika Itiaki ni Boong Aika Kaitira.⁹ Te Uea e taku, “Te bwaai are kam karaoia, kam na karaoia inanon arau my name; therefore ye shall call the church in my name; and ye shall call upon the Father in my name that he will bless the church for my sake.”¹⁰ Ni kabuta te aonnaba, inanora ao ni mweengara ti na wetea aran te Tama n aran Iesu Kristo. Ti rang kukurei ibukin te kakabwaia ae akoako n boutoka n te mweenga, ana boutoka n taromauri te Ekaretia, kamatebwaian te euangkerio, ao ana bootaki te utu ae Bwanin.

Kauoua, ara Tia Kawakin tiibu ae Raoiroi e ukoukorira man bobotira nakon Ana nanai ae tii teuana. E titiraki, “Antai te aomata, ae iai ana tiibu ae tebubua, ngkana e kabuaa temanna, ao e aki nako ni kitaniia ake ruangaun ma ruaman n te rereua, ao ni ukoukora are bua, ni karokoa e kunea?”¹¹

Ara Tia Kamaiu e tabeakina are temanna ao ake ruangaun ma ruaman, n taainako n te tai ae tii teuana. Ngkai ti buobuoki, ti boutokaia ake ruangaun ma ruaman ake a tia n rineaki ao n aki neneaki, ao bon ibukin naba ae temanna ae tiotionako n te tai ae maan. Ara Uea e ukoukorira ao ni kamaiuira man kangaanga “n tabo nako,”¹² “man te aonnaba ni kabuta.”¹³ E ikoikotiira rinanon te berita ni koaua ae tabu ao Raraana ni kamaiu.¹⁴

Ara Tia Kamaiu e tuangiia Ana reirei inanon te Nu Tetamenti, “Iai irou tiibu ake tabeman, ake tiaki kaain te nanai aio.”¹⁵ Iaon Amerika, te Uea ngke e uti man te mate e kaotia nakoia natin Riaai n te berita, “Ngkami au tiibu.”¹⁶ Ao e taku Iesu iai tiibu tabeman ae a na ongo Bwanana.¹⁷ Ai kakabwaiara ana Boki Moomon bwa bon ngaia teuana tetamenti ni kakoaua bwanaan Iesu Kristo!

Iesu Kristo e kaunga te Ekaretia ni butimwaia ake a ongo Bwanana¹⁸ ao ni kawakin Ana tua. Ana reirei Kristo raonaki ma te bwabetito n te ran n te ai ao te Tamnei are Raoiroi.¹⁹ E titiraki Nibwaai,“Ngkana Ana Tiibutetei te Atua e mimitong, e na bwabetitoaki n te ran, ni kakoroa nanon te raoiroi, O ngkanne, ana korakora riki riain bwabetitoakira ,ngaira, aika tiaki tabu, eng, i nanon te ran!”²⁰

Te bong aei, ara Tia Kamaiu e tangiria bwa tera are ti na karaoia ao antai ae ti na riki iai e na kaoia tabeman n nakomai, Iriiria. Nakomai karekea te tangira, te kamaiuaki, te itoman ao namakinan te Atua inanon ana tembora ae tabu ike otenanti ni kamaiu aika tabu a kona ni kakabwaiaiia utu n rooro ni kabane, bwa aonga ni bootaki Iteraera ni iteran te roki aika uoua.²¹

Kateniua,“Aia Tia Kawakin tiibu Iteraera,”²² Iesu Kristo e kabwarabwara aronaia kawakin tibu i Iteraera nibuobuoki ma te tangira. Ngke e titiraki ara Uea bwa ngkana ti Tangiria, n aron are karaoia ma Timon Betero, ara Tia Kamaiu e tuangia: “Kamwarakeia au tiibu. … Kamwarakeia au tiibu … Kamwarakeia au tiibu”.²³ Te Uea e berita bwa ngkana Ana tia kawakin tiibu e kamwarakeia Ana tiibu aika ataei ao ana tiibu, ake n Ana nanai “a na aki manga maku, ao a na aki manga kubani maku, ao akea ae na bua.”²⁴

Ara Tia Kawakin tiibu ae Raoiroi e kauring bwa taan kawakin tibu i Iteraera a na aki nimatutu,²⁵ anaki uamaenako ke ni uamaenakoia tiibu,²⁶ n aki taraa oin nanora ibukin rikirakera.²⁷ Ana tia kawakin tiibu te Atua a na kakorakoraiia, ni kamaiuia, naake a uruaki nanoia, ni manga ukeukeria naake a bua.²⁸

E kauring naba te Uea nakoia, ake “a aki mutiakinia taian tiibu,”²⁹ ao taian “burabeti ni kewe ake a roko nakoimi ni kunikainia ni kuniia tiibu ma ni koauana bon kameanti aika kaakang.”³⁰

Ara Tia Kawakin tiibu ae Raoiroi e kukurei ngkana ti karaoa te katei ae raoiroi ma te nano ni koaua ao te onimaki. Ake a mena n Ana Nanai taraa ara Tia Kamaiu ma te kakaitau ibukin Ana karea ni Kamaiu. Ti berita bwa ti na Rimwiina, n aki kabarabae,man aki mataki, ke “te aki kan muti n tararuiaa tiibu,” ma nanora ni kabane ao ara ianog n tangira te Atua ao kain rarikira, n uota uotan temanna ao ni kukureia riki temanna. Ngkai Kristo e katia Ana kantaninga ao Ana kantaninga te Tama, bwa tina karinea ni katoka Arana iaora. Ti kukurei n ukoukora raonakina n Ana mwakuri n ikotakiia ao buokakiia natin te Atua ni kabane.

Tariu ao mwaneu, Iesu Kristo bon ara Tia Kawakin tiibu ae kororaoi. Bukina bwa E anga Maiuna ibukiiia ana tiibu ao ngkai e a manga auti ma te mimitong Iesu Kristo bon Ana Tiibutetei naba te Atua.³¹

Anga kareanakin Ana Tiibutetei te Atua e a kaman kaotaki te kanikina man moanakin bwaai. Te anera e tuanga Atam ana karea “bon katotongan kareanakin Ana Rikitemanna te Tama,” are weteira nakon te rairanano ao ni wewete nakon te Atua n Aran te Nati te mwaane n aki toki.”³²

Tamara Aberaam, are karaoa te berita ni kakabwaia ibukiia aomata ni kabane n te aonnaba, e a tia rinanona mananga natina te mwaane.

“Ao Itaaka e taetae nakon Aberaam are tamana, ao e taku, Tamau: ao e taku Aio Ngai natiu. Ao e taku, Noora te ai ao te aia: ma e ngaa te tiibutetei …?

“Ao Aberaam e taku, Natiu, te Atua ae na bon katauraoa te karea te tiibutetei.”³³

Abotoro ao burabeti a kaman nooria ao a kukurei n ana mwakuri Ana Tiibutetei te Atua ae e a kaman katabuaki. Ioane n te Aonnaba ngkoa ni Kawai ao Nibwaai n te Aonnaba ngkai ae Boou a taekina “ana Tiibutetei te Atua,”³⁴ “eng, are Natin te Tama[,] ae Akea tokina, … te Tia Kamaiua te aonnaba.”³⁵

Abinataai e taekina Ana mwakuri ni kamaiu Iesu Kristo “Ti a bane ni mwaninga nako n aroia tiibu temanna e rairaki nakon kawaina ao temanna nakon kawaina; ao te Uea e katoka te [bure] iaona”³⁶ Aramwa e arana te kabanea ao ni korakora ni karea ae Natin te Atua bwa ngaia te “bwai teuana ae moan te bongana nakon aikai ni kabane.” Aramwa e kaunga, “Kam na onimaki iroun Ana Tiibutetei te Atua”; “nakomai ao tai maaku.”³⁷

Te rao ae tangiraki ae tibwaa karekean ana koaua ae moan te kakawaki n Ana mwakuri ni Kamaiu Iesu Kristo. E ikawairake ni kakoaua bwa te bure n tainako e uota te katuaeaki ae korakora, are ti karikia bon mai iroura. E bubuti nakon te Atua bwa e na ataa karekean kabwarakin te bure ae mimitong. E tataro bwa e aonga n ataa Iesu Kristo bwa e kona ni kabwara aia bure ake a raira nanoia, ao te akoi ae kona ni kakoroa nanona.

N te bong teuana e kaekaaki ana tataro inanon namakinan bitakin nanona n tamnei. Te ataeinimwane ae kananoanga e biri n otinako man titoan te irikomaeu ni uotii uoua baeki n amwarake. E biri nakon te kawai ae mangaongao, ni kakioaki iroun manatian te titoa, ngke taua ao e moana takaruana ni un. N onean mwiin motikan taekan te ataeinimwne ae maaku ae te tia iraa, raraou ae te aine e aki kantaningaia e kaonaki n te nanoanga ibukina. Ma te maaku ke te raraoma ibukin kamanoana, e nakonako ni kaineti nakoia mwaane ake uoman ake a uneaki. E taetae nakoia, “I a kabooa te amwarake. Taiaoka kanakoa. Taiaoka kariaiakai bwa N na kaboa te amwarake.”

Ni kairaki iroun te Tamnei are Raoiroi ao ni kaonaki n te tangira ae tuai namakinna mai mwaina, e taku raraou, “Te bwai ae I tangiria ni kan karaoia bon buokan ao kamanoan te ataeinimwane aio.” E taku raraou e moana ataakin Iesu Kristo ao Ana mwakuri ni Kamaiu—ni kanga ao bukintera n ana tangira ae itiaki Iesu Kristo bwa e na anga nanona n riki bwa ana Tia Kamaiu ao te Tia Kaboira, ao bukintera bwa E tangiria ni kan riki Ngaia.³⁸

Tao ibukin ae, ti anene:

Taraa, te Tia Kawakin tiibu ae Raoiroi e tabe ni kakae,

Kakaeia taian tiibutetei aika bua,

Ni uouotia n oki ma te kukurei,

Kamaiuaki n te boo ae akea tiana³⁹

Ngkai Ana Tiibutetei te Atua, ara Tia Kamaiu e ataia aeti maroa, e kerikaki korakorara, ti nanououa, ke ni maaku. N te kaotioti, Nibwaai e noora mwakan Ana Tiibutetei te Atua n “[ruo] iaoia aika itiaki n ana ekaretia te Tiibutetei, ao iaoia ana aomata te Uea n te berita.” E ngae ngke a uamaenako iaon te aonnaba, … a otangaki n te raoiroi ao ni mwaakan te Atua n te mimitong ae korakora.”⁴⁰

Te berita aio bon te kantaninga ao te rau inanon ara bong.

Ti ngkoe kaain te Ekaretia inanon am utu, n te reirei, te tabo ni mwakuri ke te kurubu? Ko atia namakina n tabetai n tikum ni mwaangam ae kotionako iai? Ko a tia mwaee nakon te tabo ae boou, ae kam aki tataneiai ma te taetae ke te katei? Tao anuan maium e a tia n bitaki, ao bwaai ake ko aki kantaningai bwa a na riki ngkai a tukiko? Ara Tia Kamaiu e kantaningaira, Bwa ti mena ia, Tera ara kangaanga, n ana taeka Itaia: “E na bobotiia tiibu aika ataei ni baina, ao ni uotiia i mwanokana, ao ni karaurau ni kairia ma ake a uarereke.”⁴¹

Tariu ao mwaneu, ara Tia Kawakin tiibu ae Raoiroi e weteira ni Bwanana ao n Arana. E kakaeia, bobotia, ao n roko nakoia Ana aomata. Rinanon Ana burabeti ae maiu ao ngaira n tatabeman, E kaoira bwa ti na kakaea te rau, te mwakuri, nikakamaiu, ao ni kukurei ni kororaoin Ana euangkerio ae kaokaki ao Ana reirei. Man te banna ni katoto, E reireiia taan kawakin tiibu aika Iteraera ni buobuoki inanon Ana tangira.

Ngkai Ana Tiibutetei te Atua, Ana mwakuri ae mimitong boni katabuakia ngkoa ao te kukurei irouia abotoro ao burabeti. A na mwakuri ni kamaiu, ae akea tiana ao akea tokina, e boboto nakon ana baire ni kakukurei ao te mwakuri ni karikibwai. E tuangira, bwa baikara ara kangaanga, bwa E na uotira nakon Nanona.

Tariu ao mwaneu aika tangiraki, ti na tangiria n riki bwa “taan ririmwin te Atua aika nanorinano ao te Tiibutetei,”⁴² tao iai te bong are a na koreaki iai arara n Ana boki ni maiu te Tiibutetei,⁴³ n anenea ana anene te Tiibutetei,⁴⁴ ao ni kaoaki nakon ana amwarake te Tiibutetei.⁴⁵

Ngkai te Tia Kawakin tiibu ao te Tiibutetei, E wewete: nakomai riki “nakon rabakau ni koaua … [teTia] Kaboira, … [ami] tia kawakintiibu ae korakora ao ni koaua.”⁴⁶ E berita bwa “man raoiroina [ti] kona n [riki] ni kororaoi inanon Kristo.”⁴⁷

N Tain te Itita aio, ti Neboia:

“E itiaki te Tiibutetei!”⁴⁸

“Otanna nakon te Atua ao te Tiibutetei!”⁴⁹

I kakoaua Irouna, te tia Kabooa te aonaaba ao te Mataniwi iroura ni kabane. E weteira n arara, inanon Arana—are te ara ae tabu ao ni mimitong ae Iesu Kristo—amen.

Bwaai aika a na taraaki

1. Te anene ae ataaki e taku:

   Ngkana I raraoma ao I aki kona ni matu,

   I wareki au bwai n onei mwiia tiibu.

   Ao I bwaka ni matu ni wareki au bwai.

   (Irving Berline, Wareki mwaitin Am Bwai n onea mwiin Tiibu”[1952])

2. Taian Areru 23:1-3.

3. Ioane 3:16.

4. Ioane 10:11.

5. Taraa Ioane 10:15, 17-18.

6. Ioane 10:3–4.

7. Aramwa 5:38;taraa naba Aramwa 5:37–39, 59–60.

8. Taraa Moronaai 7:13; Reirei ao Berita aika Tabu 8:2–3.

9. Taraa Russell M. Nelson, “Aran te Ekaretia ae Eti,” Riaona, Nov. 2018, 87–89.

10. 3 Nibwaai 27:7; e ikotaki karawawatana.

11. Ruka 15:4, e ikotaki karawawatana; taraa naba Reirei ao Berita aika Tabu ,18:15.

12. Etekiera 34:11–12; taraa naba Ieremia 31:10; Etekiera 34:6, 11–14; Mika 5:8; Mataio 10:6; 15:24. Taian taetae ni burabeti ibukin te uamaenako ao taetae ni burabeti ao berita ibukin te manga ikotaki bon babaire irouia burabeti ae raoiroi n airi naba ma Beretitenti Russel M. Nelson.

13. 1 Nibwaai 22:25.

14. Taraa Ebera 13:20.

15. Ioane 10:16; taraa naba 3 Nibwaai15:21; 16:1, 3; Reirei ao Berita aika Tabu 10:59–60.

16. 3 Nibwaai15:24; taraa naba 3 Nibwaai15:17, 21.

17. Taraa 3 Nibwaai16:1, 3.taraa naba Reirei ao Berita aika Tabu 10:59–60.

18. Taraa Motiaea 26:21.

19. Taraa 2 Nibwaai 31:13–14, 21.

20. 2 Nibwaai 31:5taraa naba Aramwa 7:14.

21. Taraa Maraki 4:5–6; Ioane15:9–13; Motiaea 25:18; Eremen 11:21; taraa naba Russell M. Nelson, “Hope of Israel” (worldwide youth devotional, June 3, 2018), HopeofIsrael.ChurchofJesusChrist.org; Russell M. Nelson, “Ikotakiia Iteraera aika Uamaae nako,” Riaona, Nov. 2006, 79–82.

22. Taian Areru 80:1.

23. Ioane 21:15–17; tara naba te mwakoro ni kabane.

24. Ieremia 23:4.

25. Taraa Naum 3:18.

26. Taraa Ieremia 23:1; 50:6, 44.

27. Taraa Itaia 56:11; Etekiera 34:2–6.

28. Taraa Etekiera 34:2–6.

29. Ioane 10:13.

30. 3 Nibwaai14:15; taraa naba Mataio7:15; Aramwa 5:60.

31. Taraa 2 Nibwaai 9:10–12. Man te tokanikai ni maten te rabwata ao rauren te tamnei, Ana Tiibutetei te Atua are na kona ni karaoa te ikotaki ni kabane ma ngaia are iai, ngkai ao n aki toki, temanna te Tia Kawakin tiibu.

32. Mote 5:5–8.

33. Karikan Bwaai 22:7–8; taraa naba Iakobwa 4:5.

34. Ioane1:29; 1 Nibwaai 11:21.

35. 1 Nibwaai 11:21, 27.

36. Motiaea 14:6; taraa naba Itaia 53:6.

37. Aramwa 7:7, 14–15.

38. Conversation with Pornthip “Tippy” Coyle, Feb. 2019, kabonganaaki ma te kariaiakaki.

39. “Dear to the Heart of the Shepherd,” Anene, no. 221. Anene ake tabeua are a kaota te Tia Kawakin tiibu ao Ana tiibu a reke iai aikai: “The Lord My Pasture Will Prepare,” Anene, no. 109:

    Te Uea au tawana e na tauraoi

    Ao ko na kamarakeai ma ana nanoanga te tia kawakin tiibu.

    N rokona ao ena buoka kainanou ,

    Ao kamanoai ni matam aika teimatoa ni kakawakinai.

    Nakonakou n te tawanou E mena irarikiu

    Ao inanon n raun nukanibong n tai nako E bon memena naba irou.

    “Help Me Teach with Inspiration,” Hymns, no. 281:

    Buokai ni kakaea am tiibu aika maenako;

    Buokai ni uotia nakoim .

    Reireinai, Te Uea, riki bwa te tia kawakintiibu;

    Tamau, buokai ni kamwarakeia am tiibu.

    “Come, All Ye Sons of God,” Hymns, no. 322:

    Te mwakuri ibukin te kaitira ni bong ea moanaki,

    Ni botia mai Itibun Iteraera ake a maenako,

    Ao ni uotiia ni kaokiia nako Tion neboa te Tibutetei.

    Banemai, ngkami tiibu aika kam maenako, ao man ongora iroun ami tia Kawakintibu.

40. 1 Nibwaai14:14; taraa naba 1 Nibwaai 13:35, 37: “Maatata ma ni Kakawaki [taian koroboki a na] … roko … man ana bwaintangira ao ni mwaakan te Tiibutetei. … Ngkana [ti] teimatoa ni karokoa te tokii…[ti] na kamaiuaki inanon abanuean te Tiibutetei ae akea tokina.”

41. Itaia 40:11.

42. Ereman 6:5.

43. Taraa Te Kaotioti 21:27.

44. Taraa Te Kaotioti 15:3; Reirei ao Berita aika Tabu 133:56.

45. Taraa Te Kaotioti 19:9; Reirei ao Berita aika Tabu 58:11; taraa naba Te Kaotioti 7:17: “Bukin te Tiibutetei … e na kamwarakeia, ao e na kairiia nakon bwaronran aika maiu: ao te Atua e na kaoi ranimataia mai mataia”; Te Kaotioti 22:1: Te karanga n ran ae itiaki, n aiaron te kurititaro, ae raanga man ana kaintokanuea te Atua ao te Tiibutetei.”

46. Ereman 15:13.

47. Taraa Moronaai 10:32-33.

48. Te Kaotioti 5:12.

49. Reirei ao Berita aika Tabu 109:79.