Ami Boki Ibukin Te Nakoanibonga
Karaoa oin am boki n takakaro bwa ko na kakoauako bwa ana reirei Kristo.
Ritembwa ae nako, te Moan Bertitentii e kaotinakoa te rongorongo ni katanoata bwa ataeinimwane ake 11 aia ririki a na moana irakin aia kooram te Nakoanibonga ae te Aaron ni “moan Tianuare n te ririki are a koro iai aia ririki 12.”1
N tokina, inanon moan mwakoron te ririki aei, iai tii tabeman aika 11 aia ririki aika a kuba ake a katautaua bwa a na tiku n te Buraimwari ni karokoa koron aia ririki n are i mwiina ma ngkai a kabuta te toa n taian Taabati bwa ai ana riikan te Ekaretia aika a tia ni kabiraki aika moan te boou.
I aki koaua bwa antai ae rangi ni mimi n te bitaki aei—te riikan ke aia karo. Te mwaiti mai ikai—e kaan 80,000—riikan aika boou aika raora n te tairiki aei inanon te Tienta ni Maungatabu ae korakora ke ake a mwakuri rinanon te wanawana. Ti butimwai ngkami nakon te botaki n tari n te nakoanibonga!
Te bitaki aio e karika te kaitibo aio bwa teuana ae kakaongora—Bon aekan te kurubu ae te kabanea n rababa irouia taan taua te Nakoanibonga ae te Aaron aika ira ana tetere te nakoanibonga ni kabuta n te maungatabu ni kabuta. Ao ibukin te tai ae onoti aio, I taetae ni kaineti nakoia ataeinimwaane n te Nakoanibonga ae te Aaron.
Reirei a reiakinaki man taian Takakaro
Ngkai ataein te reirei, e mwaiti mai buakomi aika a karikirakei aia tarena, ao baika a nano iai, ao mamaten nanoia rinanon bwaai ake tiaki kanoan te karikiram n te reirei ke n reirei ake tiaki bwain te reirei, tiim, ao taian kurubu i tinanikun te reirei, n raonaki n te takakaro.
I rangi n tatangira te takakaro inanon maiu, I mataiakiniia ake a karikirakea aroia n takakaro nakon tokina are a roota are te tia are rietata. Ibukin temanna bwa e na rangin n nakoraoi ni bwaai ni kabane, n raonaki ma te tarena e na anaa te boaaki, te anga karea, ao te reirei ao te kataneiai ae abwabwaki. Taan takakaro aikai aki toki n ongo n taai tabetai te bwana ni un n tiribure mairouia taian kouti ao ni motinnanoia ni katikui bwaai aika a tangiri ngkai ibukin te bwai ae korakora riki n taai aika a roko.
Ti kinaia membwa n te Ekaretia ao taan taua te nakoanibonga ake a tia n namakina te tokanikai n taian karinan ake a rietata ake bwakuaku n te takakaro. A mwaiti katooto aika raraoi, ma I tii kona ni kaotii tabeua ikai ibukin uarereken te tai. Tao kam kinaia tabeman mai ibuakoia taan takakaro aikai: n te beitiboro Jeremy Guthrie ao Bryce Harper; n te bwatiketibooro Jabari Parker ao Jimmer Fredette; n te butiboro, Ricardo Rojas, ao n te urakibi n amerika William Hopoate; n te butibooro, Taysom Hill ao Daniel Sorensen. Ngaia n tatabeman a tia n anga aia ibuobuoki ae abwabwaki nakon aia takakaro .
Ngkai a bon rianako nakoraoin aia takakaro, taari aikai a na riki bwa taian moan aika a na kaotia bwa tiaki ngaia taan takakaro aika e kororaoi takakaroia ke aomata aika a kororaoi. A mwakuri korakora bwa a na rianako n aia takakaro—ao ni maiuakina te euangkerio. A teirake ngkana a bwaka ao ni kakorakora ni kaetia.
Ira te Boki
Inanon tiim n takakaro, a karaoi aia kawai ibukin aia takakaro ao a ikoikotii ni karin taekaia n te boki. Taan takakaro a reiakina tabeia are anganaki ibukin taian kawai nako. Taan takakaro ake a rineaki a kamatebwaia te boki n takakaro n rinanona bwa, ngkana e taekinaki te kawai teuana, a ataia raoi, bwa a na nakea ao tera ae a na karaoia.
Photograph by Dave Kaup/REUTERS/stock.adobe.com
N te kawai ae titebo ma aio, ngaira taan taua te nakoanibonga iai naba ara tiim (kooram)— ao bokin ara takakaro—(te boki ae tabu ao aia taeka burabeti n taai aika).
Ko kakorakoraiia kaain am tiim?
Ko kamatebwaia raoi am boki n takakaro?
Ko ota raoi n am mwakuri?
N totokoan te kaitara
Ni karababa nako te kabotau aio, taian kouti aika bwakuaku a ataa korakoran ao te mamaaran aia tiim ao te koraki ake a na kaitaraia. A karaoa aia kawai ibukin aia takakaro are e na anganiia te kona n tokanikai. Tera arom?
Ko ataia bwa baikara kariri aika ko kai reke iai, ko kona ni moantaai n totokoa te kaangaanga are na kataia ni kabwakako ao ni kabwara nanom. Ko a tia ni karaoa oin am baire ibukin te takakaro ao am boki n te aro bwa ko na ataa arom ni kaeka ngkana a kaitara ma te kaitara?
Ngkana ko kaitara ma katein kariri aika a kairua—ngkana raom tabeman ke ngkana tii ngkoe ni mataku n am tikuriin,—ko ataa te kawai ibukin am takakaro. Ngkana raraom e tuangko bwa ko na nima te kamanging ke ni kataa te turaka, ko ata te bwai ae ko na karaoia. Ko a tia ni kataneiai ao ko a kaman ataa te bwai ae ko na karaoia.
Ma babairen te takakaro, bokin tauan mwiin te takakaro ao te motinnano ae matoa ni karaoa tabeman, ko na kunea bwa te kariri e na karako tautaekanakim irouna. Kam na tia ni babaire bwa kam na kanga ni manga waaki ao tera ae kam na karaoia. Kam aki kainnanoa karaoan ami babaire ni katoa te tai are koa kauntabaaki n te kariri.
Temanna mairouia Tengaun ma Uoman e a tibwa karakina te karaki are katamneia te reirei aei. Ngke te ibonga Ngaia ngke e kauarinan, e mena i buakoia raoraona. Imwin kabooan kanaia, a kabuti kaa nako, ngke temanna e taku bwa a nakon te tamnei. Te kaangaanga bwa e ataia bwa te tamnei are e aki riai n nooria. E ngae n anne e waetata n namakina te kairua ao te aki rau ibukin te aro anne, are e a tia ni baireia. Aio ana anga are e a tia ni baireia man ana boki ibukin te nakoanibonga.
E aki kakarongoa tabeua te tai ao ni kaokioka nanona, e taekinna, “I aki nano n te tamnei anne. Tii kabwakai n au auti,” ao a karaoia. Te kawai ae bebete e kairiri nakon te tokanikai! Ririki imwiina, temanna raoia n te tairiki anne e kabwarabwara bwa te katoto aio e kakoaua bwa e riki bwa te korakora ae matoatoa ibukin teuaei ni kaunga ni kaitarai kaangaanga n aekana n oin maiuna.
Iteranibaa man te Boki n Takakaro
I tuangiia tabeman raou bwa a na anga kawai ake ko na karini n ami boki n takakaro. Aikai iango tabeua aika tabangaki:
-
Tataro ni katoa bong ibukin te ota ae korakora ao te koaua iroun Iesu Kristo.
-
Kakauongo raoi nakon aia reirei am karo ao am taan kairiiri n Bootaki n Ataeinimwane ao n te kooram.
-
Kararoai tamnei aika tangako ao rongorongo aika buakaka ni bwaai n reitaki n te intanete.
-
Uring taian berita ake ko karaoi ma te Atua ao mwakuri ni kawakin.
-
Kamatebwaii karakin booki aika tabu ibukiia burabeti aika kakanato ao katotonga tamaroaia.
-
Kakabwaiaia Natin Tamara are i Karawa rinanon te mwakuri.
-
Karekeia raom aika raraoi ni buokiko n riki bwa te aomata ae ko tangiria.
-
Riiki bwa te aomata aerabakau n te FamilySearch app ao kakaea oin rongorongon am utu.
-
Bairei taabo ni kamanomano are ko kona ni birinako man ana kairarang te buakaka.
-
Tangiriia ao buokiia ni kakorakoraiia membwa n am kooram n te nakoanibonga.
I reitaki naba ma taan tia takakaro are tamneia ake ti matakuakin mai imwaina. I kunea bwa e kakaongora bwa a aki kinaiia man te bwai are a karaoia, are taan takakaro aika bwakuaku—nakon, bwa antai ngaiia, bon natin Tamara are i Karawa ao taan taua ana nakoanibonga te Atua.
Kakauongo nakon aia iango:
-
Jimmer Fredette, n te tamei aei ao te riikan e reireinna ni kabaea ana neketeai, e taku: “I a tia n reiakinna bwa e nene ni korakora iaon ana ataibwai ao te onimaki ni kororaoin te euangkerio. Aio are e a tia ni kairai n riki bwa …te nakoanibonga ae kororai ao iaon bwaai ni kabane— te katoto ni koaua.”
-
Bruce Harper, e koreia, ngkai ngai te bu te mwaane , I angoia bwa n na kinaaki, man tekeraoi, ao man karekea kaniwanga ae rianako man anganai te kukurei. Ma iai te bwai ae bua. Ao, I … katauraoai ao [n rinnako] n te tembora. Ngkai I a toua te kawai n [okirikaaki] nakon Tamau are i Karawa ao n reke au utu ae akea tokina—bon te kukurei ae rianako n te aonaaba”
-
Daniel Sorensen, e taku, ngkai ngai te mitinare: e taku: “Te boki n takakaro ae tamaroa bon te babaire are e kamanenaaki iai tarena ao ni kakorakoraia kaain te tiim. … Ngkai I kamatebwai ao ni karaoi reirein ana euangkerio Iesu Kristo, I kona n ataia bwa n na kanga ni kabongana korakorau n te nakoanibonga.”
-
Jeremy Guthrie, ngkai e beku bwa te beretitenti n te mition, e tibwauaia: “Ngke te 12-au ririki n rikan … [I namakina] te Tamnei ni kakoaua nakoiu [bwa] ‘te maiu aei bon te tai … ni katauraoi ni kaitibo ma te Atua.’2 Te babaire n te takakaro bon te onimaki iroun te Atua n te mwakuri [ao] te rairannano rinanon te Tia Kamaiu. … Te boki n takakaro e kuneaki inanon koroboki aika tabu ao rinanoia burabeti aika maiu.”
-
Jabari Parker, aio tameina ngke e moan bwabetitoaki, e taku, “I aki kona ni uringa te aomata ae I kona n riki n aekana ngke I aki karaoa au babaire bwa N na bwabetitoaki. … I kakaitau bwa iai te Atua inanon maiu ni kairai ni katoa bong.”
-
Ricardo Rojas, ngkai I a riki bwa te beretitenti n te mwaanga, e taku: “Rinanon ana nakoanibonga te [Atua] [ti] kona n ibuobuoki n Ana mwakuri. Ti weteaki bwa ti na ‘korakora ma n ninikoria’3 ni kamanoa te koaua.” Aio e a tia ni buokia n tokanikai iaon tabeia ao ngkai e taua te nakoanibonga.
-
Taysom Hill, ngkai te mitinare ngai, I namwakinna ana euangkerio Iesu Kristo e mwakuri bwa te boki ibukina inanon maiuna. E tibwauaia, I kakoaua ana kainibaire te [Atua] ao N na kabanea au kabanea n tamaroa ni katiai katabeau are a a tia n anganai te namakin ae rau ao te kukurei n te maiu, n ataia bwa te Atua e kukurei ni korakorau.”
-
William Hopoate, aio are kakabwaiaan natin natina te mwaane are riki bwa mwakoron te kaua n roro n ana utu, e taekinna bwa te euangkerio e a tia ni buokia “ ni katauraoi mwakuri ni kaitara ao ni katauraoia nakon te maiu n tamnei ae kakawaki bwa e na kona ni kakorakoraia man kanganga ao n angania te beku ae tamaroa nakoia tabemwaang.”
Tera arom? Ko ata kinakiin rietatam ao tabum kinakim ae tabu bwa natin te Atua, te tia taua Ana nakoanibonga ae tabu? N te kinaki ae akea tokina n am iango, karaoa am baire n takakaro ao bokin te nakoanibonga are na kairiko n taai ni kariri ao ni kaangaanga. Iangoi ni kauoua buakana ao totokoi taian kaangaanga.
Buakanakin kaangaanga e buoka kakorakoran taian koaua ao ni karikirakea katokakina n tiku iaon te kawai ae eti ao ni irariki. Taian katoto n raonaki n te tataro n tainako, kamatebwaian booki aika tabu, Irakin taromauri, kabwakan kabwianibwai, ao irakin reirei aika mena inanon Bukin Kakorakoraia Roronrikare te boki.
Buakanakin kaangaanga ni ikotaki ma katauraoi nakon taai aika a na roko bwa ko na kanga ni kaitara te kariri. Ngkana ko kaririaki bwa ko na karinanoa aroarom n aomata, ko ataa ae ko na karaoia mai mwaina.
Ko kainnanoa te boki ibukin anne.
Ao ai tera ngkana ko aki kan tataro n te bong aei? Tain karaoan te kawai are ko a kaman baireia.
Ko namakina am koaua bwa e rikirake ni mamara? Iai am takakaro ibukin anne. Ko ataa ae ko na karaoia.
Ami konabwai iroun te Atua
Ngkami taan uota ana nakoanibonga te Atua. Katabeami bwa kam na taua ni kamatoa te kai te biti e na onei ngkami bwa aomata aika akea tokimi are kam karikaki nako iai.
Te Atua e kinako ao E tangiriko. E na kakabwaiai ngkami ao ni kairi ami mwakuri.
Kam na iangoia bwa kam aki onoti, bwa kam aki kona n riki bwa te tia kamataku ae rianako arona. Ma e aki koaua anne. Kam aki ataia bwa te Atua e tia ni katanoataa, “Bwaai aika mamara n te aonnaba a na roko ao ni urui aika mwaaka ao ni korakora”?4
Ngkanne kam namakina te mamara? akea bonganami? Tekeraoi, kam a riki bwa kaain te takakaro!
“Ko namakina bwa ko aki bongana? ko rinano? Ngkoe ae ko tau are tangiria te Atua.
Te bwai ni kakairi ae kakanato iai riki nakon Tawita inanon te tabo ni buaka ni kaitaraa aiana ae maaku, Koria? Ni mwioko iroun te Uea, ma te baire, Tawita e aki ti kamaiua ma e kamaiua ana taanga Iteraera!5 Kam riai n ataia bwa te Uea e na raoniko ngkana ko kabanea korakoram ni mena iaon Ana itera. Ngkana E tei ibukira te Atua, antai ae kona n ekiira nako?”5
E kona ni kauki mataroa ao ni buokira ni karekei korakora ao konabwai are ti aki ataia bwa bon iai iroura.6
Ongeaba nakoia ami taan kairi aika onimakinaki—n aroia ami karo, bitiobi, ao taan kairiiri n te irouia Ataeinimwaane. Reiakina te boki n takakaro. Wareki booki aika tabu. Kamatebwaia aia taeka burabeti ao abotoro ni boong aika kaitira. Karaoa ami babaire n takakaro bwa ko na kanga ni kakoauako bwa ana reirei Kristo ngkoe.
Kaman atai taian takakaro ake ko na karaoi ni kakorakoraa tamneim ao ni kararoai aia kai ni kamwane aiam.
Karaoa aio ao e na Kamanenako raoi te Atua.
Ngai e na iai tabeman ake a kararoaia man te euangkerio ao n tiotio nako. Tabeman a na tekateka ikekei ma a rawa ni mwakuri. Tabeman a na rineia n rawa ni iri e ngae ngkana e kanakoia te tia kairi takakaro. I kaoi ngkami bwa kam na kamaiu, boutoka, ao n tangiriia ngkai bon kaain te tiim!
Tabeman a tangiria n ira te takakaro—ao ni karaoia. Te bwai ae kakaawaki tiaki bwa a rabakau taan takakaro ma a ira te takakaro. Aki tataningaa te nambwa bwa e na weteaki bukina bwa atai koroboki aika tabu ae kangai, “Ngkana iai nanomi ni kan beku iroun te Atua kam weteaki nakon te mwakuri.”7
Ko kona n tauraoi ni karaoa ana mwakuri te Uea.
Ko karaoa aei ngkana ko reirei ao ni kaotinakoa am boki Ibukin te nakoanibonga.
Inanon te kawai kam na bae ni karaoi kairua, ao ni bwaka—n taai aika mwaiti. Kam aki kororaoi; te bwaka bon mwakoron mwakurin te rikirake are kariki ngkami ni kaitiaki ami katei ao ni mwakuri n te kawai ae tamaroa riki. Te Tia Kamaiu ao Ana Mwakuiri ni kamaiu ae akea tokina e katauraoa te kawai bwa ti na tokanikai iaon ara bure rinano te rairannano n tangira.
Taan takakaro a kabanei aoa ni katamaroa teuana te bwai ae uarereke n aia takakaro. Te tia taua te nakoanibonga, ko kainnanoa te katei ae aekakin aei. Ngkana ko bwaka, rairannano, ao n reirei mai iai. Kakaraoia bwa ko aonga n nakoraoi roai te tai are imwiina. Kabaneana, e bon nakoim. Ko reiakina te boki n takakaro?
I kairoroiko: Onimakina te Uea. Karina ana otanga te Atua9 ao n rin inanon te takakaro.
A aki mwaiti aika takakaro n taian takakaro ni karinan aika ririeta, ma ngkana e roko nakon te anua bwa te reirei a mwaiti taiani katoto aika a rineia n ira Kristo.
Ni koauana, bon am mwakuri anne n te maiu aei—n reiakini kawain te Uea, riin n te kawai bwa te reirei, ao kakorakora ni maiu nakon ana baire te Atua. E na kakabwaiako ma ni kamatoako te Atua ngkana ko rairaki Nakoina. Ko kona ni karaoa aei bukina bwa e rianako ami kamataku Imatana.
I tataro bwa kam na karaoa te tabe ni maiuakina te riai n te nakoanibonga ae tabu are kam uotia ao ni kakorakora ni karaoa tabem ae tabu ni katoa bong. I kakabwaiai ngkami ma te konaa ao te nano ni kan karaoia. I raona au kakoaua ni mwaakan te nakoanibonga are kam taua, ibukiia burabeti aika maiu, ao Iesu Kristo ao Ana Mwakuri are ara Tia Kamaiu ao Tia Kaboira n aran Iesu Kristo amen. N aran Iesu Kristo, amen.