“24–30 abril. Jwan 7–10: “Laa‘in li chaab‘il aj k‘aak‘alenel karneer,” ” Kim, Taaqehin—Choq‘ re li Dominkil Tzoleb‘aal: Li Ak‘ Chaq‘rab‘ 2023 (2022)
“24–30 abril. Jwan 7–10,“ Kim, Taaqehin—Choq’ re li Dominkil Tzoleb’aal: 2023
Chi moko laa‘in tatink‘e sa‘ tojb‘a-maak, xb‘aan li xEva Koleva Timothy
24–30 abril
Jwan 7–10
“Laa‘in li chaab‘il aj k‘aak‘alenel karneer”
Laa’at ut eb’ li wankeb’ sa’ laa tzoleb’aal teetaw eena’leb’ naq yookex chirilb’al Jwan 7–10 chiru li xamaan a’in. Chijultiko’q aawe naq eb’ li na’leb’ sa’ li tusleb’ aatin a’in tento te’rochb’eeni li na’leb’ nakak’ul rik’in li Musiq’ej, a’ut ink’a’ te’xk’ul xna’aj.
Xkanab‘ankileb‘ chi wotzok
Jultika reheb’ li komon sa’ li tzoleb’aal naq aajel ru naq li tzolok li na’ux sa’ kab’l a’anaq xch’oolil li tzolok neke’xb’aanu chirix li evangelio. Patz‘ reheb‘ naq te‘xwotz k‘a‘ru xk‘ute‘ chiruheb‘ xb‘aan li Musiq‘ej naq xe‘xtzol Jwan 7–10 sa‘ kab‘l, maare naq xe‘tzolok sa‘ junjunqal malaj jo‘ junkab‘al.
Xk’utb’al li tzol’leb’
Li Jesukristo a’an aj Kolol re li ruchich’och’.
-
Chiru chixjunil Jwan 7–10, li Kolonel kixch’olob’ junjunq li aatin li naru chixtenq’ankileb’ li komon sa’ li tzoleb’aal chixtawb ’al ru lix k’anjel ut chi nach’ok rik’in. Naru taapatz’ reheb’ li komon sa’ li tzoleb’aal naq te’rileb’ ru li raqal a’in reheb’ li loq’laj hu, ut te’xwotz k’a’ru k’utb’il aran chirix lix choxahil k’anjel li Kolonel. Chan ru naq li Kristo naxb’aanu li k’anjel a’in sa’ li qayu’am?
-
Jwan 7:37–39: releb‘aal li “yo‘yookil ha‘ ”
-
Jwan 9:8–10, 35–38: “Li Ralal li Dios“
-
Jwan 10:7–9: “Li okeb’aal“
-
Jwan 10:11–14: “Li chaab’il aj k’aak’alenel karneer“
-
Xsaqenkil li ruchich‘och‘, xb‘aan laj Howard Lyon
Naq naqayu’ami li k’a’ru kixk’ut li Jesukristo, too’ok chixnawb’al naq yaal.
-
Xtawb‘al jun xnawom ch‘oolej a‘an chanchan chik xtzolb‘al junaq li seeb‘al, xb‘aan naq aajel ru li k‘anjelak ut li tzolok. Re xk‘utb‘esinkil a‘in, naru nakapatz‘ reheb‘ li komon li wankeb‘ junaq xseeb‘al, maare xseeb‘aleb‘ li ruq‘ malaj xch‘e‘b‘al junaq li k‘anjeleb‘aal re son, naq te‘xch‘olob‘ chan ru naq xe‘xtzol a‘an. K‘a‘ut naq moko natz‘aqlok ta ka‘ajwi‘ li ilok hu malaj rilb‘al junaq chik li kristiaan chixk‘utb‘esinkil? Aatinanqex sa‘ komonil chirix xtzolb‘al jun li k‘anjel ch‘a‘aj chanchan ajwi‘ li musiq‘ejil na‘leb‘ kixk‘ut li Kolonel sa‘ Jwan 7:14–17. Chan ru naq jalan?
-
Eb‘ li komon naru neke‘xwotz xnumsihomeb‘ b‘ar wi‘ neke‘tenq‘aak xb‘aaneb‘ li yaal re li evangelio chixtawb‘al xnawomeb‘ xch‘ool. Kanab‘eb‘ li komon sa‘ li tzoleb‘aal chixk‘oxlankil junaq na‘leb‘ re li evangelio li te‘raj xnawb‘al xyaalal, ut ye reheb‘ naq te‘xk‘oxla li jayalihom taaruuq te‘xb‘aanu re xyu‘aminkil li na‘leb‘ a‘an.
Yeechi’i’inb’il li ruxtaan li Kolonel re chixjunileb’ li neke’xjal xk’a’uxl.
-
Reheb’ li neke’reek’a naq sachb’ileb’ xb’aaneb’ lix maak, li esilal chirix chan ru naq li Kolonel kixyeechi’i li uxtaan ut li jalb’a-k’a’uxlej re li ixq li kitawe’ sa’ muxuk sumsu naru chixwaklesinkileb’ xch’ool. Malaj ut wi eb’ li komon sa’ li tzoleb’aal neke’aaleek re te’raqoq aatin chirixeb’ li ras riitz’in xb’aaneb’ lix maak, li esilal a’in naru chixk’eeb’al xtijb’aleb’. Naru taaye reheb‘ naq te‘ril Jwan 8:1–11, ut te‘xsik‘ xsumenkil li patz‘om jo‘ a‘in: K‘a‘ru naxk‘ut li seraq‘ a‘in chirix li ruxtaan li Kolonel? Chan ru naq xk‘ulb‘al li ruxtaan naq xoomaakob‘ naru nokoxtenq‘a naq noko‘aaleek re tooraqoq aatin chirixeb‘ li qas qiitz‘in? (chi‘ilmanq Alma 29:9–10).
-
Re xtenq’ankileb’ li komon chixtawb’al ru chan ru nak’anjelak sa’ xyu’ameb’ li aatin sa’ Jwan 8:1–11naru nakajach li tzoleb’aal sa’ oxib’ jachal—li jun jachal taaril li raatin ut lix b’aanuhomeb’ laj Fariseo, li jun chik taaril li raatin ut lix b’aanuhom li Kolonel, ut li jun chik taaril li raatin ut lix b’aanuhom li ixq. Naru neke‘xb‘aanu a‘in naq yooqeb‘ chirilb‘al ru li seraq‘ malaj rilb‘al li video “Vete y no peques más” (ChurchofJesusChrist.org). Kanab’eb’ li junjunq ch’uut chixtz’iib’ankil chi tusb’il eb’ li musiq’ejil na’leb’ xe’xtzol rik’in rilb’al ru li junjunq raqal re li esil a’in.
-
Wan naq ink’a’ naqak’e reetal chan ru naq yooko chi raqok aatin chirixeb’ li qas qiitz’in. A’an a’in jun li k’anjel re xtenq’ankileb’ li komon sa’ li tzoleb’aal chi numtaak sa’ xb’een a’in: Ye reheb’ li wankeb’ sa’ li tzoleb’aal naq tate’xtenq’a chixtusb’al chan ru naq nokoraqok aatin chirixeb’ li qas qiitz’in (chirix chan ru neke’ilok, k’a’ru neke’xb’aanu, b’ar xe’chal, ut xkomon chik li na’leb’). K’e reheb’ li komon sa’ li tzoleb’aal eb’ li kok’ hu setb’ileb’ jo’ kok’ pek, ut ye reheb’ naq te’xk’oxla chan ru naq yookeb’ chi raqok aatin chirix li ras riitz’in, ut te’xtz’iib’a a’an chiru li pek hu. K’a’ru naqatzol rik’in li raatin li Kolonel reheb’ laj Fariseo sa’ Jwan 8:1–11? Ye reheb’ li komon sa’ li tzoleb’aal naq sa’ xjunpak’alil li pek hu te’xtz’iib’a k’a’ru taajultikanq reheb’ naq ink’a’ te’raqoq aatin (maare jun aatin sa’ Jwan 8).
Naq noko’ok chixnawb’al ru li Jesukristo, noko’ok chixnawb’al ru li Yuwa’b’ej.
-
K’a’ru naxye li raatin li Kolonel sa’ Jwan 8:18–19, 26–29 chirix a’an ut lix Yuwa’? Chirix rilb’al ru ut aatinak chirixeb’ li raqal a’in, eb’ li komon sa’ li tzoleb’aal naru te’xtz’iib’a chiru li pizarron junjunq li na’leb’ kixb’aanu, kixye, malaj kixk’ut li Jesus. K’a’ru naqatzol chirix li Dios Yuwa’b’ej rik’ineb’ li na’leb’ a’in?
Xkawresinkil qib‘ jo‘ aj k‘utunel
Chatwanq chi k‘ulub‘ej re xk‘ulb‘al aab‘eresinkil xb‘aan li Musiq‘ej. Naq nakayu‘ami li evangelio, k‘ulub‘ejat re tat-ochb‘eeniiq xb‘aan li Musiq‘ej. Naq nakasik‘ xb‘eresihom, a‘an tixk‘e aana‘leb‘ ut tatreek‘asi chixnawb‘al chan ru xk‘eeb‘al li ajb‘il ru xb‘aaneb‘ li tzolb‘ileb‘ aab‘aan. (Chi‘ilmanq Li k‘utuk jo‘ li Kolonel,5