Sa lutu o Paula ena qele

Saumaki mai ena iLakolako ki Tamasiko, mai vei Michelangelo Merisi da Caravaggio

10–16 ni Jiulai

Cakacaka 6–9

“A Cava Ko ni sa Vinakata Meu Cakava?”

Vulica na Cakacaka 6–9 ka vola na veika veivakauqeti vei iko. Oqo ena vukea mo ciqoma kina na ivakatakila ka vukea na kalasi mera toro voleka vei Jisu Karisito mai na nodra vulica na veiwase oqo.

ivakatakilakila ni veiwasei

Sureta na Veiwasei

Vola ena vava, na yacadra eso na tamata era tukuni tiko ena Cakacaka 6–9, Sitiveni, Saula, Filipe, Ananaiasa, Pita, kei Tapaica se o Tokasa. Sureta e vica na lewe ni kalasi mera wasea e dua na ka era sa vulica mai na dua vei ira na tamata oqo ni ra vuli tiko ena macawa oqo.

ivakatakilakila ni veivakavulici

Vakavulica na iVunau

Cakacaka 7

Na noda sega ni vinakata na Yalo Tabu ena rawa ni liutaki keda ki na cakitaki ni Vakabula kei ira Nona italai.

• E rawa ni o tekivuna e dua na veivosaki me baleta na veika a sotava o Sitiveni ena nomu sureti ira na lewe ni kalasi me ra railesuva na vosa nei Sitiveni ena Cakacaka 7:37–53. Na ivakaro cava e rawa ni solia vei keda nikua na nona vosa? Sa rawa mo raica matua na itukutuku nei Sitiveni ena Cakacaka 7:51. Na cava na kena ibalebale me da “ciqoma na Yalo Tabu”? Me kilai vakatitobu cake na veivosa oqo, sa rawa kina lewe ni kalasi mera veivosakitaka e dua se sivia na malanivosa oqo: 2 Nifai 28:3–6; 33:1–2; Mosaia 2:36–37; Alama 10:5–6; kei na Alama 34:37–38. Na cava na vuna eda dau “vorata kina na Yalo Tabu”ena so na gauna? Na cava e rawa ni da cakava meda kila ka muria vakalevu cake kina na veivakauqeti ni Yalo Tabu?

Cakacaka 8:9–24

Me sa “dodonu na yalo[da] e na mata ni Kalou.”

• Mo ni vulica vata na italanoa kei Saimoni, e rawa nio vola ena vava na taro O cei o Saimoni? Na cava e vinakata o koya? ka a tovolea vakacava o koya me rawata? Lesia na lewe yadua ni kalasi mera wilika na Cakacaka 8:9–24me raici kina na isaunitaro kece oqo. Na dina cava a se bera tu ni kila vinaka o Saimoni? Na cava eda vulica rawa mai na veika a sotava oqo ko Saimoni? Meda na cakava vakacava me “dodonu na yaloda e na mata ni Kalou”? (tikina 21).

• Ena gauna ni nodra vuli yadudua, eso na lewe ni kalasi era sa raica beka eso na ivakarau ni bula vinaka e tu vei Sitiveni kei Filipi ka sega vei Saimoni(raica na ituvatuva ni macawa oqo ena Lako Mai Mo Muri Au—Me Baleta na Tamata Yadua kei na Matavuvale). Ke vaka kina, sureti ira me ra wasea na veika era vulica. Sa rawa mera wasea talega na lewe ni kalasi eso tale na ivakaraitaki mai na Cakacaka 6–9 ni tamata era a dodonu tu ena mata ni Kalou na yalodra, me vakataki Filipi kei na tamata mai Iciopea (raica na Cakacaka 8:26–40), Saula (raica na Cakacaka 9:1–22), kei Tapaica (raica na Cakacaka 9:36–39).

  E vakaturi Tapaica cake mai na mate o Pita

  Tapaica Tucake mai,, mai vei Sandy Freckleton Gagon

Cakacaka 8:26–39

Na Yalo Tabu ena vukei keda meda dusimaki ira vei Jisu Karisito.

• Mera vukei na lewe ni kalasi mera kila vinaka na sala mera dusimaki ira eso vei Jisu Karisito (raica na Cakacaka 8:31), rawa nio sureta e rua na lewe ni kalasi me rau dabe veidonui ka wilika na veivosaki nei Filipi kei koya na tagane mai Iciopea ena Cakacaka 8:26–39. Na ikatolu ni lewe ni kalasi mena wilika na tikina e sega ni wili ena veivosaki. Na cava eda sa vulica mai na ivakaraitaki nei Filipi baleta na vakavulici ni kosipeli vei ira na tamata?

• Me dikevi na ivakaraitaki ni gauna oqo ni itukutuku ena Cakacaka 8:26–39, sa rawa vei ira na lewe ni kalasi mera wasea na gauna era wasea kina na kosipeli se nodra ewena na Lotu. A vukei ira vakacava na Yalo Tabu? E dusimaki ira vakacava edua? Sureta na lewe ni kalasi mera tugana o cei mera na dusimaka ki na kosipeli.

Cakacaka 9

Ni da sa soli keda kina lewa ni Turaga, eda sa rawa ni iyaya ni cakacaka ni Ligana.

• Sa rawa kina lewe ni kalasi mera vulica na dina kaukauwa me baleta na nodra saumaki mai ni ra vulica na ka a sotava o Saula, oka kina na dina ni sa rawa vua tamata yadua mera veivutuni ka veisau kevaka sa lomadra. E rawa nio kerea na lewe ni kalasi mera vakatauvatana na ka a sotava o Saula kei na veika a sotava o Alama (raica na Mosaia 17:1–4;18; 26:15–21) kei ira na Anitai-Nifai-Liai (raica na Alama 24:7–12). Na cava e cakava na Turaga me vukei ira na tamata oqo me ra saumaki mai? Era vakaraitaka vakacava na nodra lomasoli me ra veisau? Na itukutuku cava eda sa raica me noda mai na itukutuku oqo?

• Me vakauqeta na veitalanoataki ni veika a sotava o Saula, sa rawa mo sureta e vica mera mai wasea na veika era vulica mai na wase yadua ena vosa nei Peresitedi DieterF. Uchtdorf “Wawa Toka ena Gaunisala i Tamasiko” (Liaona, Me 2011, 70–77). Eda dau wawa vakacava ena so na gauna ena noda dui gaunisala ki Tamasiko? Me vaka a kaya o Peresitedi Uchtdorf, na cava ena vukei keda meda rogoca vakavinaka cake kina na domo ni Kalou? Sa rawa talega me saravi na vidio “The Road to Damascus” (ChurchofJesusChrist.org). Na lewe ni kalasi mera wasea na gauna era vakasaqara ka muria kina na lewa ni Kalou.

Vakatorocaketaki Noda Veivakavulici

Vakadinadinataki Jisu Karisito Me vaka ni o qasenivuli, sa rawa mo vukei ira na lewe ni kalasi me ra tara cake nodra vakabauta ena iVakabula, me vaka a vakayacora o Filipi vua na kai Iciopea ena nona vakavulici koya ena Aisea (raica na Cakacaka 8:26–37). Me vakayacori oqo, sa dodonu me na tiko vei iko na veika o sotava ena vakabauta ena ivolanikalou. Na ivakadinadina o wasea e rawa ni dua na kaukauwa ena nodra vukei na lewe ni kalasi me ra vaqaqacotaka na nodra ivakadinadina me baleti Jisu Karisito.