Si Pablo nagtudlo diha sa bungtod

Hulyo 24–30

Mga Buhat 16–21

“Ang Dios Nagtawag Kanamo aron sa Pagwali sa Maayong Balita [Ebanghelyo]”

Sa dili pa motan-aw niining latid, mainampoong mobasa sa Mga Buhat 16–21 nga maghunahuna sa mga sakop sa imong klase. Ang mosunod nga mga ideya makadugang sa inspirasyon nga imong madawat gikan sa Espiritu.

pagpaambit nga icon

Dapita ang Pagpaambit

Ikonsiderar ang pagdapit sa mga sakop sa klase sa pagpaambit og usa ka tudling gikan sa Mga Buhat 16–21 nga nagpahinumdom kanila bahin sa usa ka kasinatian nga ilang naangkon sa pagpaambit sa ebanghelyo.

icon sa pagtudlo

Itudlo ang Doktrina

Mga Buhat 16–21

Isip mga miyembro sa Simbahan sa Manluluwas, kita mopamatuod Kaniya ug mopaambit sa Iyang ebanghelyo.

• Usa ka mahinungdanong mensahe Mga Buhat 16–21 mao ang kaimportante sa Espiritu Santo sa pagpaambit sa ebanghelyo. Pananglitan, ang mga sakop sa klase mahimong mobasa mahitungod kon giunsa sa pagtabang sa Espiritu Santo sila si Pablo ug Silas diha sa Mga Buhat 16:6–15. Nganong nagkinahanglan kita sa Espiritu Santo kon kita mopaambit sa ebanghelyo? (tan-awa sa 2 Nephi 33:1; Doktrina ug mga Pakigsaad 33:8–10; 42:14; 100:5–8). Tingali ang mga sakop sa klase mahimong mopaambit og mga kasinatian sa dihang ang Espiritu Santo migiya sa ilang mga paningkamot sa pagpaambit sa ebanghelyo.

• Sa unsang paagi ang mga kasinatian ni Pablo makatabang sa mga sakop sa klase nga makabaton og kaisog kon sila giaghat sa pagpaambit sa ilang mga pagpamatuod? Ikonsiderar ang paghangyo sa matag sakop sa klase sa pagrebyo sa usa sa mosunod nga asoy: Mga Buhat 16:16–34; 17:16–34; 18:1–11. Hangyoa sila sa pagpaambit og ebidensiya nga ilang nakit-an sa kaisog ug kaprangka ni Pablo. Unsa nga mga kamatuoran ang gitudlo (ug nasabtan) ni Pablo nga nakahatag kaniya og kamasaligon sa iyang mensahe? Nganong usahay mahadlok man kita nga mopaambit sa ebanghelyo, ug sa unsang paagi ang Manluluwas motabang kanato? Awhaga ang mga sakop sa klase sa paghunahuna og usa ka paagi nga ilang masunod ang ehemplo ni Pablo ug mas mopaambit kanunay sa ilang pagpamatuod bahin ni Kristo ([]).

Mga Buhat 17:16–34

Kay mga anak man kita sa Dios.

• Didto sa Areopago [Mars’ Hill], nagtudlo si Pablo mahitungod sa Langitnong Amahan ngadto sa usa ka grupo sa katawhan nga gamay ra ang nahibaloan mahitungod sa tinuod nga kinaiyahan sa Dios. Aron masuhid kining mga pagtulon-an, ang mga sakop sa klase mahimong mobasa sa Mga Buhat 17:24–31 ug isulat sa pisara ang mga kamatuoran nga ilang makit-an mahitungod sa Langitnong Amahan, ang atong relasyon ngadto Kaniya, ug ang atong mga relasyon sa usag usa. Mahimo dayon nilang ipaambit ang mga kasinatian diin ilang nabati ang kamatuoran sa pamahayag ni Pablo nga ang Dios mao” (bersikuklo 27).

• Sa inyong pagsusi niining mga bersikulo, ikonsiderar ang paghisgot sa kamatuoran nga gitudlo diha sa bersikulo 29: “Kay kita anak man sa Dios.” Mahimo nimong isulat diha sa pisara ang Kay kita mga anak man sa Dios ug Kon kita wala masayod nga kita mga anak sa Dios, … Dapita ang mga sakop sa klase sa pagsugyot og mga paagi sa pagkompleto niining mga kapahayag. Pananglitan, Nianang kamatuoran nga kita mga anak sa Dios unsa ang gitudlo niana mahitungod sa atong kaugalingon ug mahitungod sa paagi nga kita motagad sa usag usa? Unsa kaha nga paagi ang atong mga kinabuhi mahimong lahi kon kita wala pa masayod mahitungod sa atong tinuod nga relasyon sa Dios? Unsa ang nadugang sa pamahayag ni Elder Dallin H. Oaks diha sa “Dugang nga mga Kapanguhaan” niining panaghisgotan?

  masuso gikugos

  Matag usa kanato anak sa Dios.

mga kapanguhaan nga icon

Dugang nga mga Kapanguhaan

Kitang tanan mga anak sa Dios.

Ang Pamilya: Usa ka Pamahayag ngadto sa Kalib[o]tan” nagpaambit og mahangturong mga kamatuoran mahitungod sa atong relasyon ngadto sa Dios: “Ang tanan nga mga tawo—lalaki ug babaye—gilalang diha sa hitsura sa Dios. Ang matag usa hinigugmang espiritu nga anak nga lalaki o babaye sa langitnong mga ginikanan, ug, sa ingon, ang matag usa adunay mga kinaiya sa pagkadios ug kalagmitan” (ChurchofJesusChrist.org).

Si Elder Dallin H. Oaks sa Korum sa Napulog Duha ka Apostoles namulong bahin sa kaimportante sa pagtan-aw sa atong kaugalingon labaw sa tanan isip espirituhanong mga anak sa Dios:

“Pagmatngon kon giunsa ninyo pagpaila ang inyong kaugalingon. Ayaw ipaila o ihulagway ang inyong kaugalingon pinaagi sa temporaryo nga kalidad. Ang mao lamang nga nag-inusarang kalidad nga kinahanglang mopaila kanato mao nga kita mga anak sa Dios. Kana nga kamatuoran molabaw sa tanang mga kinaiya, lakip ang kaliwat, trabaho, pisikal nga mga kinaiya, mga kadungganan, o bisan ang relihiyosong pagkasakop. …

“Kita adunay kabubut-on, ug makapili kita og bisan unsa nga kinaiya nga maoy mohulagway kon si kinsa kita. Apan kinahanglan kitang masayod nga kon mopili kita sa paghulagway sa atong kaugalingon o sa pagpresentar sa atong kaugalingon pinaagi sa pipila ka kinaiya nga temporaryo o dili importante sa mahangturong mga termino, wala nato hatagi og gibug-aton ang labing importante mahitungod kanato, ug pasobrahan nato sa paghatag og gibug-aton ang unsay dili kaayo importante. Mahimo kining makadala kanato ngadto sa sayop nga dalan ug makapugong sa atong mahangturong pag-uswag” (“Be Wise” [Brigham Young University–Idaho, Nob. 7, 2006], byui.edu).

Pagpalambo sa Atong Pagtudlo

Dapita ang mga batan-on nga mahimong kabahin sa imong leksyon. Kon magtudlo ka og mga batan-on, hinumdomi nga kasagaran makasabot sila sa mga butang nga naagian sa ilang mga kaedad. Kon ang usa ka batan-on mopamatuod o magtudlo og doktrina, ang ubang mga batan-on mahimong matandog sa paagi nga dili nimo masundog. Hatagi og mga oportunidad ang mga batan-on sa pagtudlo sa usag usa. (Tan-awa sa Pagtudlo sumala sa Pamaagi sa Manluluwas, 28.)