O̧kwōj 7–13

Rom1–6

“Kajoor an Anij n̄an Lo̧mo̧o̧r”

Riit ilo am jar kōn Rom 1–6 ippān ro uwaan kūlaaj eo ilo ļōmņak. Menin enaaj jipan̄ eok pidodo am̧ en̄jake im̧we ko an Jetōb ilo am̧ m̧aanjabopopo n̄an katakin.

Kajjitōk bwe ren Kwaļo̧k

Ļōmņak in leļo̧k n̄an ro uwaan kūlaaj jejjo minit n̄an etale Rom 1–5 kōn juon eoon me Jetōb Kwojarjar eo ekar jipan̄ er kōkōm̧anm̧anļo̧k aer meļeļe. Innām remaron̄ kwaļo̧k eoon eo raar kāālete ippān juon eo ej jijet iturin.

Katakin Katak eo

Rom 1:16–17

“I Jab Jook kōn gospel eo an Jisōs Kraist.”

• Elōn̄ armej ekar wōr aer en̄jake ko me kar kajjirere kōn tōmak ko aer. N̄an jipan̄ ro uwaan kūlaaj eo n̄e ewōr kain en̄jake rōt in, kwomaron̄ kajjitōk ippāer n̄an riiti Rom 1: 16–17 im ļōmņak kōn jekjek ko jān bok in Jerbal ijo Paul ekar kwaļo̧k ekar jab jook kōn gospel eo. Bōlen ro uwaan kūlaaj eo remaron̄ barāinwōt kwaļo̧k un ko rej en̄jake jab jook kōn gospel eo an Jisōs Kraist. Ak remaron̄ kwaļo̧k en̄jake ko me er ak ro jet raar kwaļo̧k bwe raar jab jook kōn gospel eo.

  

  Jemaron̄ in jab jook n̄an kwaļo̧k naan in kam̧ool ko ad kōn gospel eo.

Rom 2:28–29

Rikam̧ool m̧ool ej lo ilo kallim̧ur eo ad itulik, ejjab wōt ilo jerbal ko ad.

• Ekōjkan ad etale rikaļoor eo ad make? Kapilōk eo an Paul n̄an armej in Rom ro emaron̄ in jipan̄ kōj keememej n̄an kōļapļok pedped ioon “bōro [im] jetōb eo” (Rom 2:29) jān jerbal ko ad itulik. N̄an jipan̄ kūlaaj eo am̧ kapilōk eo an Paul, kwomaron̄ je naan eo jān Rom 2:28–29 ioon boot eo. Bōk jikin naan eo Jew kōn Armej ro Rekwojarjar ilo Raan-ko Āliktata im naan eo m̧wijm̧wij kōn bujen. Ta eo in ej kobaiktok n̄an meļeļe eo an kōn katak ko an Paul? Kwomaron̄ barāinwōt ekōnono kōn waanjon̄ak ko kōn men ko jej kōm̧m̧ani āinwōt ro uwaan Kabun̄ in me eļapļo̧k meļeļeier im kajoor n̄e kōm̧m̧ani “jān bōro, ilo jetōb” (Rom 2:29).

Rom 3–6

“A ijo jerọwiwi ear orḷọk, e kanooj ḷap an jouj orḷọk ie.”

• Ekōjkan am̧ maron̄ jipan̄ ro uwaan kūlaaj eo meļeļe katak ko an Paul kōn tōmak, jerbal ko, im jouj? Ļōmņak in kwaļo̧k jekjek kein ruo n̄an jipan̄ er meļeļe bwe jejjab aikuj lo jerbal ko ad rem̧m̧an āinwōt juon wāween n̄an kam̧ool erreo eo ad, ak jej aikuj lo jouj eo an Kraist āinwōt juon un n̄an jekpen ņae bōd ko im jerawiwi ko ad. Ro uwaan kūlaaj eo remaron̄ kappukōt m̧ool ko ilo Rom 3:20–31; 5:1–2; 6:1–2, 21–23 me remaron̄ jipan̄ Gloria im Justin. Ta m̧ool ko jet ilo “Kein Jipan̄ ko Jet” emaron̄ in jipan̄ ro uwaan kūlaaj eo meļeļe aorōk eo an jim̧or jerbal ko rejim̧we im jouj eo an Kraist?

  Jekjek 1

  Juon m̧ōtta kar etan in Gloria ej en̄jake tōr jān jon̄an ilo kijejeto ko an n̄an erom juon rikaļoor etiljek. Liin ekar buuļ kōm̧m̧an aolep men liin ej en̄jake ej aikuj kōm̧m̧ani, bōtaab liin emakijkij an inepata bwe kijejeto ko an relikjab. “Ebwe ke aō em̧m̧an?” liin ej ļōmņak. “Irooj enaaj ke bōk eō?”

  Jekjek 2

  Juon m̧ōtta kar etan Justin ejjab kanooj inepata kōn kōm̧m̧ani kāālet ko rejim̧we. Ej tōmak ilo Jisōs Kraist, ej etal n̄an kweilo̧k ko an kabun̄ in, im ej juon baba eo ej iakwe im juon rūturu em̧m̧an. Ijo wōt ke, ekar kāālet n̄an jab mour kōn jon̄ak ko me renaaj kar kōkarbōb e n̄an juon peba in mālim an tampeļ. Ke baam̧le eo im ro m̧ōttan raar kajjieon̄ in kōketak e n̄an m̧aanjabpopo n̄an tampeļ, ej uwaak, “Ij juon armej em̧m̧an. Ewōr aō tōmak ilo Kraist. E ekar dedeļo̧k an kōļļāik wōņāān jerawiwi ko aō, im ijjab ļōmņak E enaaj bōbrae eō jān aelōn̄ in selestial ioon jet jekjek ko reddik.”

Kein Jipan̄ ko jet

Tōmak, jouj, im jerbal ko.

Jekjek 1

• Ether 12:27

• Moronai 10:32–33

• J. Devn Cornish, “Ebwe Ke Aō Wāppān? Inaaj Ke Tōprak?,” Liaona, Nob. 2016, 32–34

• Būreejtōn Dieter F. Uchtdorf ekar katakin: “Lo̧mo̧o̧r ej jab maron̄ wiaiki kōn mani in pokake; ej pojak n̄an kōj kōnke bōtōktōk in Nejin Anij. … Tiriam̧o̧ ej menin letok an Anij, im ad kōņaan in pokake n̄an kajjojo kien ko an Anij ej ilo ad leļo̧k pā kein peid rewabanban bwe jen maron̄ bōk menin letok kein rekwojarjar jān Jemedwōj Ilan̄.” (“Menin Letok eo kōn Tiriam̧o̧,” Liaona, Māe 2015, 109–10).

Jekjek 2

• Jemes 2:17–26

• Hilamōn 12:23-24

• Lale D. Todd Christofferson, “Pād ilo Aō Iakwe;” Liaona,, Nob. 2016, 48.

• Būreejtōn Uchtdorf ekar katakin: “Eļan̄n̄e tiriam̧o̧ ej menin letok an Anij, innām etke elukkuun aorōk pokake kien ko an Anij? Etke jej elļo̧k n̄an kien ko an Anij—ak ukweļo̧k, kōn unin? … Ad pokake kien ko an Anij ej itok āinwōt waļo̧k in ad iakwe im kam̧m̧oolol ejjeļo̧k jem̧ļo̧kier kōn em̧m̧an eo an Anij. Wāween iakwe in em̧m̧an im kam̧m̧oolol in enaaj tuwe ta eo jej kōm̧m̧ane kōn tiriam̧o̧ an Anij” (“Menin Letok eo kōn Tiriam̧o̧,” 109).

Kōkōm̧anm̧anļo̧k Ad Katakin

Kūr eo am̧ ej im̧we. Āinwōt juon rūkaki, kar kūr eok jān Irooj n̄an kōjeraam̧m̧an ajri ro Nejin. Irooj kōņaan bwe kwon wejepedik, kōn menin ilo am̧ mour erreo n̄an jipan̄ eo An, E enaaj lewaj n̄an kwe revelesōn eo kwoj kappukōte. (Lale Teaching in the Savior’s Way, 5.)