Niu Testeman 2023
21–27 Ogis: Fas Korin 1–7: “Yufala I Mas Joen Gud we Yufala I Gat Wan Tingting Nomo, mo we Fasin blong Yufala I Wan Nomo”

“21–27 Ogis. Fas Korin 1–7: ‘Yufala I Mas Joen Gud we Yufala I Gat Wan Tingting Nomo, mo we Fasin blong Yufala I Wan Nomo,’” Kam Folem Mi—Blong Sandei Skul: Niu Testeman 2023 (2022)

“21–27 Ogis. Fas Korin 1–7,” Kam Folem Mi—Blong Sandei Skul: 2023

olfala Korin

Korin, Saot Gris, Forom mo Siti Senta, pikja i kam long Balage Balogh/www.ArchaeologyIllustrated.com

21–27 Ogis

Fas Korin 1–7

“Yufala I Mas Joen Gud we Yufala I Gat Wan Tingting Nomo, mo we Fasin blong Yufala I Wan Nomo”

Elda Jeffrey R. Holland i tijim se plante pipol oli “kam [long jos] oli stap lukaot blong kasem eksperiens long saed long spirit” (“A Teacher Come from God,” Ensign, May 1998, 26). Taem yu ridim Fas Korin 1–7, wetem prea tingting long wanem yu save mekem blong help krietem ol eksperiens long saed blong spirit insaed long klas blong yu.

serem pikja aekon

Invaetem Ol Memba blong Serem Wanem Oli Gat

Tingting blong invaetem ol memba blong klas blong raetemdaon olsem wanem oli bin laef folem wanem we oli bin lanem long ol skripja. Askem sam memba blong klas blong serem wanem oli bin raetemdaon.

tijing aekon

Stap Tijim Doktrin

Fas Korin 1:10–17; 3

Ol memba blong Jos blong Kraes oli traehad blong kam wan.

  • Toktok raon long sam long ol fasfala japta blong Fas Korin i maet stap olsem wan bigfala janis blong bildim yuniti long ol memba blong wod. Yu save stat blong askem ol memba blong klas blong tokbaot wan klab, grup, tim, o sam nara oganaesesen we oli pat long hem we i soem bigfala yuniti long olgeta. ?From wanem ol grup ia oli filim se oli yunaet gud? Yu save lukluk long sam moa tijing blong Pol abaot yuniti long Fas Korin 1:10–13; 3:1–11. ?Wanem nao ol ves ia, mo ol eksperiens we yumi gat, i tijim yumi abaot wanem i help krietem yuniti o wanem i stap blokem? ?Wanem sakrifaes nao yumi nidim blong mekem se yuniti i save hapen? ?Wanem blesing i kam long olgeta we oli stap yunaet? Luk stori we i kam long Sista Sharon Eubank we i stap long “Sam Moa Risos.”

  • Pol i bin yusum pikja blong wan bilding blong leftemap tingting blong yuniti long Fas Korin 3:9–17. ?Olsem wanem stori ia i helpem klas blong yu blong andastanem gud moa yuniti? Eksampol, afta we yufala i ridim ol ves ia tugeta, yu save givim long wanwan memba blong klas wan blok, mo letem olgeta i wok tugeta blong bildim wan samting. ?Long wanem wei yumi olsem “haos blong God”? (Fas Korin 3:9). ?Olsem wanem nao God i bildim yumi wanwan? ?Wanem yumi stap bildim tugeta olsem olgeta Sent? ?Wanem nao yumi save mekem tugeta ol wan wod we i yunaet we yumi no save mekem olsem wanwan man?

Fas Korin 1:17–31; 2; 3:18–20

Blong mekem wok blong God i hapen, yumi nidim waes blong God.

  • Hemia wan aedia blong helpem klas blong yu blong dipen long God: Seraotem ol memba blong klas long ol grup mo askem olgeta blong rid tru long Fas Korin 1:17–31; 2; o 3:18–20 lukaotem ol toktok olsem waes man mo krangke man. Afta, oli save serem insaed long ol grup blong olgeta wanem ol ves oli stap tij, abaot fasin blong stap waes long wok ia blong Lod. ?Wanem sam samting abaot gospel we i luk olsem i wan krangke samting long sam pipol? ?Olsem wanem ol samting ia oli soemaot waes blong God? Maet ol memba blong klas oli save serem eksperiens, abaot wan taem we oli bin trastem waes blong God, be i no waes blong olgetawan blong mekem wok blong Hem.

Fas Korin 6:9–20

Ol blong yumi, oli tabu.

  • Blong stat blong toktok raon long ol ves ia, maet bae yu raetem ol kwestin ia long bod: ?Olsem wanem nao Lod i wantem yumi blong luk bodi blong yumi? ?Olsem wanem nao hemia i defren long we Setan we i wantem yumi blong tingting abaot bodi blong yumi? ?Hem i minim wanem se bodi blong yumi i tempol blong Tabu Spirit? Invaetem ol memba blong klas blong faenem anda long ol kwestin ia insaed long Fas Korin 6:9–20 (luk tu long Doktrin mo Ol Kavenan 88:15; Moses 6:8–9).

  • Storian blong yufala abaot hamas bodi blong yumi oli tabu, i gat tu, storian ia loa blong jastiti. Maet yu save askem ol memba blong klas blong yu abaot wanem nao oli lanem aot long Pol—mo tu, aot long ol risos blong Jos—we i save eksplenem long narawan from wanem jastiti hem i impoten. Sam long ol risos ia, oli stap insaed long “Sam Moa Risos.”

risos pikja bokis

Sam Moa Risos

“Wanem we i defdefren long ol narawan i save stap olsem wan gud samting.”

Sista Sharon Eubank i tokbaot olsem wanem ol rowing tim we oli kompit oli wok wan:

“Ol man we oli pul oli mas kontrolem fasin blong mekem samting olgetawan, mo semtaem, stap tru long paoa blong olgetawan. Oli no winim ol resis from evriwan i semsemmak. Ol gudfala kru, oli gat ol gud defren kwaliti—wan i lidim grup, wan blong holem wan samting i stap, wan blong faet long faet, wan blong mekem pis. I no gat wan man blong pul we i moa impoten long wan narawan, evriwan oli ol impoten rul long sip, be sapos oli pul gud tugeta, wanwan i mas stretem nid mo paoa blong hem i folem ol narawan—hem we han i sot, i pul i longwan moa, hem we han i longwan, i pul long sot ples nomo.

“Wanem we i defdefren long ol narawan i save stap olsem wan gud samting.”(“Taem Yumi Wan long Filing Yumi Kasem Paoa Wetem God,” Liahona, Nov 2020, 56; luk long Daniel James Brown, The Boys in the Boat: Nine Americans and Their Epic Quest for Gold at the 1936 Berlin Olympics [2013], 161, 179).

Blesing ia blong stap klin long saed blong seks.

Jeffrey R. Holland, “Personal Purity,” Ensign, Nov. 1998, 76.

David A. Bednar, “We Believe in Being Chaste,” Liahona, May 2013, 42.

“Chastity: What Are the Limits?,” “I Choose to Be Pure” (vidio), ChurchofJesusChrist.org

Stap Kam Antap long Fasin blong Yumi blong Stap Tij

Talem testemoni blong yu abaot Jisas Kraes. Pol “i no kam blong talemaot long ol flas tok mo long ol waestok blong man, nogat. … Mi stap tokbaot Jisas Kraes nomo.” (Fas Korin 2:1). Simpol testemoni blong abaot Sevya, i save gat bigfala paoa blong lidim tingting.