“23-29 ni Okotova. 1 kei na 2 Timoci; Taito; Filimoni: ‘Me Yaco Mo iVakaraitaki vei Ira era sa Vakabauta’” Lako Mai, Mo Muri Au—Me Baleta na Matawilivola ni Sigatabu: Veiyalayalati Vou 2023 (2021)
“23-29 ni Okotova 1 kei na 2 Timoci; Taito; Filimoni,” Lako Mai, Mo Muri Au—Me Baleta na Matawilivola ni Sigatabu: 2023
23–29 ni Okotova
1 kei na 2 Timoci; Taito; Filimoni
“Mo yaco mo nodrai vakarau o ira era sa vakabauta”
Wilika na 1 kei na 2 Timoci; Taito; kei na Filimoni vata kei ira na nomu lewe ni kalasi. Na vakanananu kei na veivakauqeti ena yaco mai ena vukea mo dusimaka na lewe ni kalasi kina veitiki ni ivolanikalou veidonui ka sureta mai na Yalo ki na kalasi.
Sureta na Veiwasei
Ena veivuke kina lewe ni kalasi mera vakarogoca na nodra dui vosa yadua baleta na nodra rawa-ka kei na bolebole ni ra vulica na ivolanikalou, vakai ira yadua ka vakamatavuvale. Sa rawa mo tekivuna na kalasi ena nomu sureta na lewe ni kalasi mera tukuna na veika e lako vinaka tiko ena nodra vuli ivolanikalou.
Vakavulica na iVunau
Ni da kila vinaka na vunau dina ena vukei keda meda kakua ni lawakitaki?
-
Era bula tiko na lewe ni nomu kalasi ena dua na gauna e rawa ni dredre kina me kilai na ka e dina kei na ka e lasu. Rau bula talega o Timoci kei Taito ena gauna vakaoqo, ka rairai ni ivakasala i Paula vei rau ena yaga sara nikua. Oqo eso na malanivosa ka tu kina na ivakasala nei Paula: 1 Timoci 1:1–7; 4:1–2, 6; 6:3–5, 20–21; 2 Timoci 3:13–17; 4:2–4; Taito 1:7–9; 2:1, 7–8. Sa rawa mo lesi ira yadua na lewe ni kalasi mera wilika e dua na itukutuku oqo ka wasea na ka e vulica o koya me baleta na bibi ni vunau dina (raica talega na Alama 31:5). E vukei keda vakacava na ivunau ni iVakabula meda levea na veicavilaki? Sa rawa mera wasea talega na lewe ni kalasi na gauna a vakalougatataki ira kina na kaukauwa ni vunau dina.
“Me kakua ni beci iko e dua ni ko sa cauravou; ia mo yaco mo nodra ivakarau era sa vakabauta” (1 Timoci 4:12).
“Mo yaco mo nodrai vakarau o ira era sa vakabauta”
-
Ena rawa me tiko eso ena nomu kalasi era sega ni kila tiko na kaukauwa ni ivakaraitaki vinaka era sa tuvana tiko. Sa rawa mo sureti ira mera talanoataka eso era kila, oka kina na nodra itokani lewe ni kalasi, era sa ivakaraitaki vinaka ni tisaipeli i Karisito. Ena rawa ni vukea na veivosaki ke o vola ena papa na vosa ena tikina 12 e vakamacalataka na sala meda ivakaraitaki kina—vosa, veivosaki (rawa ni kena ibalebale talega ivukivuki se itovo), loloma cecere, yalo, vakabauta, kei na savasava. Sa rawa kina kalasi mera veivosakitaka na sala meda sa nodra ivakarau era sa vakabauta ena sala yadua oqo.
“Ni sa sega ni solia mai vei keda na Kalou na yalo ni rere; a yalo ni kaukauwa ga, kei na yalololoma, kei na yalomatua.”
-
iTuvatuva ni macawa qo ena Lako Mai, Mo Muri Au—Baleta na Tamata Yadua kei na Matavuvale e vakatura tiko me raici ena 2 Timoci me baleta na ivakasala a solia o Paula me vakayaloqaqataki Timoci kina ena nona veiqaravi. Kerei ira na lewe ni kalasi mera wasea na eso na vakasama era kunea. Se e rawa ni o solia vei ira e vica na miniti ena kalasi mera raica ka wasea eso na ivakasala nei Paula (wase 1 e tiko kina eso na ivakaraitaki vinaka). Sa rawa mera wasea talega na gauna a vukei ira kina na Kalou mera vorata rawa nodra rere ka solia vei ira “na yalo ni … kaukauwa, kei na yalololoma, kei na yalomatua” (2 Timoci 1:7
Ena rawa ni vukei keda na vuli ivolanikalou meda vorata rawa na veika rarawa ena otioti ni gauna oqo.
-
Ni sa vakaroti Timoci oti baleta na “gauna ni veivakararawataki” sa na yaco mai, a vakadinadinataka kina o Paula na kaukauwa kei na bibi ni ivolanikalou (raica na 2 Timoci 3:1, 14–17). Me tekivu na veivosaki baleta na ivakarau e rawa ni vaqaqacotaki keda kina na ivolanikalou ena gauna dredre, sa rawa mo sureti ira na lewe ni kalasi mera taleva lesu na ivakamacala i Paula baleta na gauna ni veivakararawataki e tiko ena 2 Timoci 3:1–7. Mera qai vakasaqara ka wasea na ivolanikalou a vukea mera tataqomaki mai na veivakararawataki vakaoqo (eso era volai tiko ena “iKuri ni iVurevure”). E sa taqomaki keda vakacava noda vulica na ivolanikalou mai na leqaleqa ena vuravura nikua?
-
Nio vulica na ivakasala i Paula me baleta na kaukauwa ni ivolanikalou sa madigi vinaka vei ira na lewe ni kalasi mera veivakayaloqaqataki vakai ira ena nodra sasaga mera vulica na vosa ni Kalou. Sa rawa talega kina lewe ni kalasi mera wilika na 2 Timoci 3:14–17 ka kila na veivakalougatataki kei na veitaqomaki e yaco mai na vulica na ivolanikalou. Sa rawa mera qai wasea na veika era sotava ni ra sa ciqoma na veivakalougatataki oqo ena vuku ni nodra vulica na ivolanikalou. Sa rawa mo solia na gauna vei ira na lewe ni kalasi mera tugana na ka era rawa ni cakava me vakaibalebale cake nodra gauna ni ivolanikalou, vakai ira yadua ka vakamatavuvale.
iKuri ni iVurevure
Na ivolanikalou era taqomaki keda mai na veivakararawataki ena iotioti ni gauna (raica na 2 Timoci 3:2).
|
Na Veivakararawataki ena iOtioti ni Gauna |
Na Dina E Taqomaki Keda |
|---|---|
Na Veivakararawataki ena iOtioti ni Gauna Era sa lomani ira ga vakai ira | Na Dina E Taqomaki Keda |
Na Veivakararawataki ena iOtioti ni Gauna Domona | Na Dina E Taqomaki Keda |
Na Veivakararawataki ena iOtioti ni Gauna Boletaki koya | Na Dina E Taqomaki Keda |
Na Veivakararawataki ena iOtioti ni Gauna Dokadoka | Na Dina E Taqomaki Keda |
Na Veivakararawataki ena iOtioti ni Gauna Vosacacataka na Kalou | Na Dina E Taqomaki Keda |
Na Veivakararawataki ena iOtioti ni Gauna Talaidredre vei ira na itubutubu | Na Dina E Taqomaki Keda |
Na Veivakararawataki ena iOtioti ni Gauna Sega ni vakavinavinaka | Na Dina E Taqomaki Keda |
Na Veivakararawataki ena iOtioti ni Gauna Tawasavasava | Na Dina E Taqomaki Keda |
Vakatorocaketaki Noda Veivakavulici
Na tubu vakayalo e yaco e vale. E lekaleka wale nomu gauna kei ira na nomu lewe ni kalasi vakarua ena dua na vula. E vuqa vei ira era sotava tiko na veika vakayalo vakaibalebale ena taudaku ni kalasi, ka na rawa ni vaqaqacotaki ira na vo ni lewe ni kalasi na veika era sotava oqo. Taroga na taro e vakayaloqaqataki ira na lewe ni kalasi me ra wasea na veika era sa vulica tiko ni ra vulica tiko na kosipeli e vale. (Raica na Veivakavulici ena iVakarau ni iVakabula, 18.)