nin̄nin̄ ej kab ļotak

Ļaam̧ eo Edik, jān Jenedy Paige

Tijem̧ba 18–24

Kūrijm̧ōj

“Naan ko Rem̧m̧an kōn Lan̄lōn̄ Eļap”

Iien ekōnono ko an gospel eo rekajoor ilo jetōb n̄e rej pedped ioon Jisōs Kraist. Ilo am̧ ekkatak kōn ļotak eo im mijen eo an Jisōs Kraist ilo wiik in, pukōt im̧we eo jān Jetōb Kwojarjar n̄an jeļā ekōjkan am̧ maron̄ ilo em̧m̧an tata pedpede iien ekōnono eo an kūlaaj eo am̧ ilo Rilo̧mo̧o̧r eo.

pija ej bōk jikin kwaļo̧k

Kajjitōk bwe ren Kwaļo̧k

Kajjitōk ippān ro uwaan kūlaaj eo n̄an kwaļo̧k ta eo rej kōm̧m̧ane ak kar kōm̧m̧ane jem̧aan āinwōt kajjojo ak baam̧le ko n̄an keememe ļotak eo an Rilo̧mo̧o̧r eo ilo wāween ko me rej kepaakļo̧k er n̄an E.

pija eo ej bōk jikin katakin

Katakin Katak eo

Matu18–25; Luk 1:26–38; 2:1–20

Jisōs Kraist ekar wanlaļtak n̄an an ļotak ioon laļ in.

• Kūrijm̧ōj ej juon iien em̧m̧an n̄an kejekļo̧kjeņ im keememe wanlaļtak eo an Kraist—An m̧ōņōņō in door “jikin eo eutiej jikin Jemen, kōn armej n̄an mour, n̄an an armej mej” (“Again We Meet around the Board,” Hymns, no. 186). N̄an im̧we juon iien ekōnono kōn unin kōnono in, kwomaron̄ kajjitōk ippān ro uwaan kūlaaj eo ta eo rekar ekkatak ilo ekkatak eo aer make ak an baam̧le ilo wiik in kōn wōn eo kar Jisōs Kraist m̧okta jān An kar ļotak (lale Jon 17:5; Mosaia 7:27; Katak im Bujen Ko 76:12–14, 20–24; Moses 4:2). Innām kwomaron̄ kwaļo̧k pija eo ilo unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko ilo an ro uwaan kūlaaj eo riit kōn ļotak eo an Rilo̧mo̧o̧r eo (lale Matu 1:18–25; Luk 1:26–38; 2:1–20). Kōketak er n̄an kwaļo̧k ļōmņak ko im en̄jake ko aer ilo aer keidi aiboojoj eo an Rilo̧mo̧o̧r eo ilo mour eo m̧oktak ippān ļotak eo An ettā.

• Juon kajjitōk āinwōt an enjeļ eo kar kajjitōk ippān Nipai ilo 1 Nipai 11:16 emaron̄ in juon wāween em̧m̧an n̄an jino juon iien ekōnono an kūlaaj eo, men̄e emaron̄ oktak am̧ likūt ilo naan. Bōlen kwomaron̄ je ioon boot eo Ta ettāļo̧k eo an Anij? im kajjitōk ippān ro uwaan kūlaaj eo n̄an kejekļo̧kjeņ kōn kajjitōk in ilo aer riiti 1 Nipai 11:17–33. Kajjjitōk ippāer n̄an kwaļo̧k jabdewōt ļōmņak ko kōn Rilo̧mo̧o̧r eo me eoon kein rej im̧we. Ta pija ko kwomaron̄ in kwaļo̧k n̄an kūlaaj eo me rej bōk jikin jikin ko jān mour eo an Rilo̧mo̧o̧r eo kar kōmeļeļeik jān Nipai? Ro uwaan kūlaaj eo remaron̄ barāinwōt ļōmņak kōn ettāļo̧k eo an Rilo̧mo̧o̧r eo ilo aer alooje pija in alooj eo kōn ļotak eo An, ko āinwōt “A Gift to the World,” “The Nativity,” ak “He Is the Gift” (ChurchofJesusChrist.org).

• Al ko ej juon wāween em̧m̧an n̄an karuwaineneiktok Jetōb eo n̄an kūlaaj eo am̧. Ļōmņak in kajjitōk in ippān juon n̄an kōjan̄ juon al in Kūrijm̧ōj ak riit ak al jejjo al ippān āinwōt juon kūlaaj (lale Hymns, nō. 201–14). Ro uwaan kūlaaj eo remaron̄ kappukōt eoon ko ilo al kein im eoon in jeje ko rekwojarjar kar kōllaajraki ippān al ko me ej kōļapļo̧k kam̧m̧oolol eo aer kōn Rilo̧mo̧o̧r eo im m̧ōņōņō eo An n̄an itok n̄an laļ in.

Jisōs ej bukwelōlō ilo Jikin Kallib Gethsemane

Gethsemane,, jān J. Kirk Richards

Luk 4:16–21; Jon 3:16

Jisōs Kraist ekar kakūrm̧ool mijen eo An, eo ekar kōm̧m̧an bwe en pidodo n̄an kōj n̄an jolete mour indeeo.

• N̄an jipan̄ ro uwaan kūlaaj eo ekōnono kōn un ko Jisōs Kraist ekar ļotak, kwomaron̄ kajjitōk ippāer n̄an pukōt im kwaļo̧k ilo jeje ko rekwojarjar me rej kwaļo̧k ilo tukadu in mijen eo An (lale unin tōl eo an wiik in ilo Itok, Ļoor Eō—N̄an Kajjojo Armej im Baam̧le ko kōn jet waanjon̄ak ko). Bōlen ro uwaan kūlaaj eo remaron̄ kappukōt im riiti eoon ko ilo ruo iaan ruo ak kumi ko reddik. Ta eo rej ekkatak kōn mijen eo an Kraist jān eoon ko raar loi? Ta eo jej ekaktak kōn mijen eo An jān jet iaan taitōļ ko kōn E kar litok ilo eoon in jeje ko rekwojarjar? (lale Bible Dictionary, “Christ, names of”).

• Ro uwaan kūlaaj eo remaron̄ ekkatka kōn mijen eo an Rilo̧mo̧o̧r eo jān riiti “Kraist Eo Emour: Nan In Kamol An Dri Jilōk Ro” (ChurchofJesusChrist.org) im kwaļo̧k ennaan ko rej loi me rej kōmeļeļeik etke E ekar itok n̄an laļ. Leļo̧k n̄an ro uwaan kūlaaj eo iien n̄an kōļmenļo̧kjeņ kōn naan in kam̧ool ko aer kōn Jisōs Kraist im mijen eo An. Remaron̄ ke kwaļo̧k en̄jake ko aer make ak bwebwenato ko jān mour eo an Rilo̧mo̧o̧r eo me ekar kōļapļo̧k tōmak eo aer ilo ak iakwe n̄an E? Ekōjkan an kar ekkatak kōn Kallim̧ur Ekāāl ilo iiō in jipan̄ļo̧k n̄an juon tōre in iien Kūrijm̧ōj eļapļo̧k meļeļe in? N̄an etale jet iaan bwebwenato ko an Kallim̧ur Ekāāl ro uwaan kūlaaj eo rekar ekkatak kaki ilo iiō in, kwomaron̄ kwaļo̧k pija in alooj ko “For God So Loved the World” ao “To This End Was I Born” (ChurchofJesusChrist.org).

Kōkōm̧anm̧anļo̧k Ad Katakin

Kōm̧m̧an iien n̄an an rūkkatak ro kwaļo̧k. “N̄e rūkkatak ro rej kwaļo̧k ta eo rej ekkatak, rejjab en̄jake wōt Jetōb eo im kōkajoorļo̧k naan in kam̧ool ko aer, ak rej barāinwōt rōjan̄ ro jet uwaan kūlaaj eo n̄an pukot m̧ool ko ippāer make. … Kōjparok iien n̄an an rijikuuļ ro kwaļo̧k ilo aolep katak—ilo jet wāween, kwomaron̄ loe bwe iien ekōnono kein rej katak eo” (Teaching in the Savior’s Way,, 30).