Adamu ’e Eva i rāpae i te ’ō i Edene

Maita’i a’e i te paradaiso, nā Kendal Ray Johnson

17–23 nō Tēnuare

Genese 5 ; Mose 6

« Ha’api’i atu i teie mau mea i tā ’outou mau tamari’i ma te tāpe’ape’a ’ore »

Hou ’oe ’a taiʼo ai i te tahi atu mātēria, ’a tai’o ’e ’a feruri i te Genese 5 ’e te Mose 6, ’e ’a pāpa’i i tō ’oe mau mana’o pae vārua e tae mai. E nehenehe te Mai, pe’e mai—nō te ta’ata hō’ē ’e te ’utuāfare ’e teie arata’i ha’api’ira’a, e hōro’a ia ’oe i te tahi mau mana’o nō ni’a e nāhea i te tauturu i te feiā tā ’oe e ha’api’i ra, ’ia ’ite mai i te mau parau mau e tano nō rātou.

Pāpa’i i te mau mana’o e tae mai

ītona fa’a’itera’a

Tītau i te mana’o

Nāhea ’oe i te fa’aitoito i te mau pīahi ’ia fa’a’ite mai i te mau mana’o ’e te mau ’itera’a tā rātou i fāri’i ’a tuatāpapa ai rātou i te Genese 5 ’e te Mose 6 ? ’A pāpa’i i te mau i’oa Adamu ’e Enoha i ni’a i te tāpura ’ere’ere ’e e ani i te mau pīahi ’ia pāpa’i i te hō’ē mea tā te hō’ē o teie nau peropheta i rave ’aore rā i ha’api’i ’o tā rātou i tāpe’a mai.

’ītona ha’api’ira’a

Ha’api’i i te ha’api’ira’a tumu

Mose 6:26–39

Tē pi’i nei te Fatu ia tātou ’ia rave i tāna ’ohipa noa atu tō tātou nāva’i ’ore.

• Penei a’e tē vai ra te tahi ta’ata i roto i te piha ha’api’ira’a tei fāri’i—’aore rā ’o tē mana’o nei ē—’aita rātou e tano nō te hō’ē hōpoi’a i te fare ’aore rā i roto i te ’ēkālesia. Nō te patu i te fa’aro’o o te mau pīahi ’o tā te Fatu e nehenehe e tauturu ia rātou, e ani ia rātou ’ia tai’o i te ’itera’a o Enoha e ’itehia i roto i te Mose 6:26–39. Nāhea te Atua i te tauturura’a ia Enoha ’ia rave i tāna ’ohipa noa atu te taiā o Enoha ? E ani i te mau pīahi ’ia feruri i te tahi atu mau hi’ora’a nō te mau ta’ata tei upo’oti’a i ni’a i tō rātou paruparu ’e tei fa’aoti i te ’ohipa a te Fatu, i roto ānei i te mau pāpa’ira’a mo’a ’aore rā i roto i tō rātou iho orara’a. E aha te mau hi’ora’a tā tātou e nehenehe e fa’a’ite ? (hi’o ato’a Exodo 4:10–16 ; Ieremia 1:4–10 ; 2 Nephi 33:1–4 ; Etera 12:23–29).

• E rave rahi ’āpōsetolo ’e te mau peropheta i teienei ’anotau tei fa’a’ite i tō rātou māna’ona’ora’a mai ia Enoha te huru i te taime ’a fa’a’ite ai rātou i te huru nō te fāri’ira’a i tā rātou pi’ira’a. E nehenehe tō rātou mau ’itera’a e ha’amaita’i i te hāro’aro’ara’a o te mau pīahi i te Mose 6:26–39. ’A feruri e māta’ita’i i te video « On the Lord’s Errand: The Life of Thomas S. Monson [I roto i te ’ohipa a te Fatu : Te orara’a o Thomas S. Monson] (ChurchofJesusChrist.org : mai te 35:46 minuti ē tae atu i te 39:40) ’aore rā hō’ē a’ora’a a te hō’ē melo nō te pupu nō te Tino ’Ahuru Ma Piti tei pi’i-noa-hia mai nei (’ei hi’ora’a, hi’o i te ’itera’a pāpū o Elder Ronald A. Rasband, Elder Gary E. Stevenson, ’e Elder Dale G. Renlund [Liahona, Nov. 2015, 89–94]). Vaiiho i te mau pīahi ’ia fa’a’ite mai e aha tei māerehia e rātou nō ni’a i teie mau hi’ora’a. E aha tā tātou e nehenehe e ha’api’i mai nā roto mai i te feiā fa’atere nō ni’a i tō rātou mau mana’o taiā ? E nehenehe ato’a te fa’ahitira’a a te peresideni Thomas S. Monson, i roto i « Te tahi atu mau rāve’a tauturu », e tauturu i te ’āparaura’a.

Mose 6:48–65.

E fa’aineine te fa’aro’o, te tātarahapa, te bāpetizora’a ’e te fāri’ira’a i te Vārua Maita’i, ia tātou ’ia ho’i i te Atua ra.

• Tē parau nei te arata’i ha’api’ira’a nō teie hepetoma i roto i te Mai, pe’e mai—nō te ta’ata hō’ē ’e te ’utuāfare ’ia tai’o i te Mose 6:48–62 nō te ’ite mai e aha tei tītauhia ia tātou tāta’itahi ’ia ’ite ’e ’ia fa’aorahia. Penei a’e e nehenehe te mau pīahi e fa’a’ite atu i te mau mana’o nō roto mai i teie tuatāpapara’a i tō rātou fare. ’Aore rā e nehenehe ’outou e paraparau ’āmui i te Mose 6:48–62 i roto i te piha ha’api’ira’a. Nāhea tātou i te pāhono atu i te hō’ē ta’ata ’o tē ui mai nō te aha e tītauhia te fa’aro’o, te tātarahapa, te bāpetizora’a ’e te fāri’ira’a i te hōro’a o te Vārua Maita’i ? Nāhea te Fatu i te pāhono i teie uira’a i roto i te mau ’īrava 53–65, ’e e aha tā tātou e ha’api’i mai nā roto mai i tāna pāhonora’a ?

  ’utuāfare e tuatāpapa ra i te mau pāpa’ira’a mo’a

  ’Ia ha’api’i te mau metua i te ’evanelia i tā rātou mau tamari’i.

Mose 6:51–63

« Ha’api’i atu i teie mau mea i tā ’outou mau tamari’i ma te tāpe’ape’a ’ore ».

• I roto i te Mose 6:51–63 tē ha’api’i mai nei tātou i te mau parau mau o te ’evanelia tā te Fatu i ha’api’i ia Adamu ’e ’ua ani iāna ’ia ha’api’i i te mau u’i nō ananahi. Penei a’e e nehenehe te mau pīahi e hāmani i te hō’ē tāpura nō teie mau parau mau nā roto i te tuatāpapara’a i te mau pupu ’īrava na’ina’i a’e, mai te mau ’īrava 51–52, 53–57, 58–60, 61–63. Nō te aha e mea faufa’a teie mau parau mau nō te u’i ’āpī i teie mahana ? E aha tā ’oe e hina’aro ’ia ’ite te feiā ’āpī nō ni’a i te Fa’aora nā roto mai i teie mau ’īrava ? E hina’arohia paha i te mau pīahi ’ia fa’a’ite mai i te mau mana’o ’aore rā i te mau ’itera’a nō te tauturu i te tahi ’e te tahi ’ia ha’api’i atu i teie mau parau mau i te mau tamari’i ’e i te feiā ’āpī. E aha atu ā tā tātou e nehenehe e ha’api’i mai nā roto mai i te mau arata’ira’a a te Fatu i te mau metua i roto i te Mosia 4:14–15 ’e Te Parau Ha’api’ira’a ’e te mau Parau Fafau 68:25–28 ; 93:40–50 ?

• Nō te ’āpiti atu i te mea tā te Mose 6 e ha’api’i nei nō ni’a i te hōpoi’a a te metua ’ia ha’api’i i tā rātou mau tamari’i, e nehenehe ’oe e ani i te mau pīahi ’ia māta’ita’i hō’ē ’aore rā hau atu o te mau video i muri nei : « Parenting : Touching the Hearts of Our Youth [Ti’ara’a metua : Ha’aputapū i te ’ā’au o tā tātou feiā ’āpī] », « Proclamation Series : Children [Te mau tamari’i] », ’aore rā « Mother in Israel [Metua vahine i ’Īserā’ela] » (ChurchofJesusChrist.org). E aha tā tātou i ha’api’i mai nā roto mai i teie mau video nō ni’a i te ha’api’ira’a i te ’evanelia i tā tātou mau tamari’i ? Mai te mea tē ha’api’i nei ’oe i te feiā ’āpī, e nehenehe ’oe e ani ia rātou ’ia fa’a’ite mai nāhea rātou i te turu i tō rātou metua i roto i tā rātou mau tauto’ora’a e ha’api’i i te ’evanelia i te fare.

ītona te tahi atu mau rāve’a tauturu

Te tahi atu mau rāve’a tauturu

« Tā te Fatu e piʼi, tā te Fatu e faʼaʼaravihi ».

’Ua ha’api’i te peresideni Thomas S. Monson : « Tē vai nei paha vetahi o ’outou e huru māmahu ’aore rā e mana’o taiā nō te pāhono i te hō’ē pi’ira’a. ’A ha’amana’o ē, e ’ere teie ’ohipa nā ’outou noa ’e nā’u iho. E ’ohipa teie nā te Fatu, ’e ’ia rave ana’e tātou i te ’ohipa a te Fatu, e ti’ara’a tō tātou ’ia fāri’i i te tauturu a te Fatu. Ha’amana’o ē, tā te Fatu e pi’i, tā te Fatu e fa’a’aravihi » (« Duty Calls », Ensign, Mē 1996, 44).

Ha’amaita’ira’a i tā tātou ha’api’ira’a

’O te Vārua Maita’i te ’orometua. E mea faufa’a rahi tō ’oe ti’ara’a ’ei ’orometua, ’a ha’amana’o rā ē, ’o te Vārua Maita’i te ’orometua mau. E tauturu i te mau pīahi ’ia haʼapiʼi mai nā roto i te Vārua ʼe ’ia faʼaʼite atu i te tahi ʼe te tahi te mea tā rātou i haʼapiʼi mai.