The Flight of the Prisoners,(Birinakoia Buure) iroun James Tissot ao tabeman riki

Turai 11–17

2 Uea 17–25

“E Onimakina Iehova, ae Atuaia Iteraera”

Manga rinanoi namakin ake ko korei inanon am tai ni kamatebwaia 2 Uea 17–25 n te wiiki aei. Tera kibu n taeka man mwakoro aikai aika ko namakin bwa a rangi ni uaana nakoia kain am kiraati?

Korei Am Namakin

Kaunga te Tibwatibwa

Ngkana a tibwaua te bwai ae a a reiakinna kain te kiraati, kain te kiraati ake tabeman a na namakina te kairi mai ieta ni kamatebwaia koroboki aika tabu inanon te wiiki anne. Ko kona ni moana te kiraati man kaoia kain te kiraati nakon te titiraki n aron “Tera ae e a tia te Tamnei ae Raoiroi n reireiniko ngkai ko a tia ni wareki mwakoro aika ko a tia n anganaki n te wiiki aei?”

Reirei te Reirei

2 Uea 18:28–36; 19:1–7, 14–19

Ti kona n teimatoa n onimakina te Uea ngkana a kataaki ara onimaki.

• A kona koaua inanon 2 Uea 18–19 ni buokiira n ataia bwa ti na kanga ni kaeka ngkana a kataaki ara onimaki. Ko na kanga ni buokiia kain te kiraati bwa a na kunei koaua aikai? Ko kona ni kaoiia kain te kiraati bwa ana tibwauai tabeua bukina ngkai a kakoaua te Atua ao Ana babaire. Ngkanne a kona ni karaoa aia kakaae n te 2 Uea 18:28–35, ni kakaai bukiia ngkai a tuangiia tenaan I-Aturia bwa a na aki onimakina te Uea. E kanga Tatan ni kataia n anai nanora bwa ti na aki koaua n ara onimaki n te bong aei? A kona ngkanne kain te kiraati n ukoukora 2 Uea 19:1–7, 14–19 ibukin te bwai ae ti kona n reiakinna mairoun Etekia bwa ti na kanga ni kaeka ngkana e kataaki ara onimaki. E kanga ni buokiira te Uea bwa ti na kona ni kaitarai kakaewenako nakon ara onimaki? Tera riki iango aika iai irouia kain te kiraati ibukin kabouan aia onimaki ao aia koaua iroun te Uea?

• Ko kona ni kaoa temanna kain te kiraati bwa e na roko nakon te kiraati n tauraoi ni kakimototoa te marooro are a karaoia I-Aturia ma ana taan mwakuri Etekia irarikin oon Ierutarem (taraa 2 Uea 18:17–36). Imwain ae na kanakoa ana karaki teuanne ke neienne, kaoiia kain te kiraati bwa a na iangoia ae aongkoa ngaiia kain Ierutarem aika kakauongo nakon te marooro aei. Tera iango ke namakin aika karekei? Tera ae a na karaoia? Ko kona n anganiia kain te kiraati mwakoron ana rongorongo Unimwaane David A. Bednar “Therefore They Hushed Their Fears” (Liahona, Meei 2015, 46–49) ao kaoiia bwa a na kakaei reirei aika a na kona ni kamatoaiia n taai ni maaku ke n nanououa. E kanga ara onimaki iroun Iesu Kristo ni kamatoaira n taai ni kangaanga?

2 Uea 22:8–20; 23

A kona koroboki aika tabu n rairi nanora nakon te Uea.

• Maroroakinan te mwaaka n ana taeka te Atua ni maiun te Uea Iotia ao ana aomata a kona ni kaungaiia kain te kiraati n ukoukora te mwaaka ae aron naba anne inanon maiuia. Ko kona ni moana te marooro man kaoakiia kain te kiraati bwa a na iangoia bwa e na kanga maiuia ni kaokoro ngkana akea aia boki aika tabu. Ngkanne a kona ni karaoa te kamatebwai n 2 Uea 22:8–11; 23:1–6, 21, 24 ni kakaea bwa a kanga Iotia ma ana aomata ni bitaki ngke a ongo ana taeka te Atua man koroboki aika tabu are e tibwa manga kuneaki inanon te tembora. A kanga koroboki aika tabu ni buokiira ni kaniira riki nakon Tamara are i Karawa ao Iesu Kristo?

• Te bitaki ae korakora n rokon ana taeka te Atua iaon Iotia ao aomata aika mwaiti n abanueana e kona ni kaungaiia kain am kiraati n ukoukori bitaki aikanne inanon maiuia. Imwiin maroroakinan bitaki aikai (taraa 2 Uea 23:1–6, 21, 24), a kona kain te kiraati n tibwauai aia taneiai are te kibu n taeka n booki aika tabu ke rongorongo a karaoi bitaki inanon maiuia. A kona ni maroroakinna bwa bukin tera a tauraoi nanoia nakon rongorongon te koroboki ae tabu anne n te tai anne ni maiuia. Te rongorongo inanon “Bwaai n Ibuobuoki Riki Tabeua” e kona ni karinaki n am marooro.

  

  A kona koroboki aika tabu ni buokiia n rairi nanora nakon te Uea.

Bwaai n Ibuobuoki Riki Tabeua

Manga rinanoan koroboki aika tabu.

E taku Beretitenti Spencer W. Kimball:

“E anaaki nanou bwa ngaira n tatabemaniira nako, n taai tabetai inanon maiura, ti riai ni kunei booki aika tabu i bon ibukira—ao tiaki ni kunei n ti teuana te tai, ma ni manga kunei n taai aika mwaiti. …

“Iai au namakin ae korakora bwa ti riai ngaira ni kabane n oki nakon booki aika tabu n aron are e karaoia te Uea Iotia ao kariaia bwa ana mwakuri ma te mimitong inanora, ni kaumakiira nakon te nano ae korakora ni beku ibukin te Uea. …

“I kunea bwa ngke I aki taratara raoi n au reitaki ma te Atua ao ngke e taraa n aki ongora te Atua ao te Atua e aki reitaki ma ngaia, bwa I rang n raroa nako. Ngkana I rang karekerekeai ma warekan booki aika tabu ao n na rangi ni kaan riki ma te tamnei. I kunea bwa I a rangin n tangiriia riki naake I riai n tangiriia ma nanou au iango ao korakorau ni kabane, ao n tangiriia riki, I kunea bwa e a bebete riki irakin aia reirei” (Teachings of Presidents of the Church: Spencer W. Kimball [2006], 62–63, 67).

Kanakoraoan Ara Anga reirei

Kabonganai bwaai ni ibuobuoki ni kamatebwaian koroboki aika tabu. Teuana te kawai ae ko kona ni buokiia iai kain te kiraati bwa a na oota ni koroboki aika tabu bon man tuangakiia bwaai n ibuobuoki n aron Guide to the Scriptures and Gospel Topics articles (ChurchofJesusChrist.org). A kona naba ni karekei rongorongo aika ibuobuoki inanon “Iango Aika Ko Na Katikui n Am Iangp” mwakoro inanon Nakomai, Iriirai—Ibukiia Aomata n Tatabemaniia ao Utu.