“Tuun 27–Turai 3. 1 Uea 17–19: ‘Ngkana Tao Iehova te Atua, Ao Kam Na Ira Nanona,’” Nakomai, Iriirai—Ibukin te Reirei n Tabati: O Tetemanti 2022 (2021)
“Tuun 27–Turai 3. 1 Uea 17–19,” Nakomai, Iriirai—Ibukin te Reirei n Tabati: 2022
E kaitaraia ana Ibonga Baara, iroun Jerry Harston
Tuun 27–Turai 3
1 Uea 17–19
“Ngkana Tao Iehova te Atua, Ao Kam Na Ira Nanona”
Te kantaninga ibukin booki aika tabu—ao am kiraati—bon katean te onimaki iroun Tamara are i Karawa ao Iesu Kristo. Kariaia te kantaninga aei bwa e na kairi am iango aika ko karaoi iaon te bwai ae na reiakinaki ao titiraki aika ana kanakoi.
Korei Am Namakin
Kaunga te Tibwatibwa
Ni buokiia kain te kiraati tibwauai atatai aika nano n 1 Uea 17–19, ko na kaoiia bwa a na iangoi atuun rongorongo ibukin mwakoro aikai n tatabeua nako. Tera kiibu aika ana kona n iangoi iai atuun rongorongo aikai?
Reirei te Reirei
Te kakao nakon te anganano bon ara tai ni kamwakura ara onimaki.
-
Ana katooto te I-Tarebata ae mate buna e kona n anai nanoia kain te kiraati n taai ngke a kataaki iai aia onimaki. Ko na bae ni moanna man tuangakiia bwa a na koroi rinerine aika a kainnanoa te onimaki iroun Iesu Kristo. Ngkanne a kona ni wareka te rongorongo inanon 1 Uea 17:8–16 ao n taekina te bwai ae reirei te karaki aei ibukin kamwakuran te onimaki. Kaungaiia kain te kiraati bwa a na tibwaua aia namakin iroun te aine ae mate buna ao a kanga ana banna ni katooto ni kaungaiia bwa a na kamwakura aia onimaki. E kanga ana onimaki n titebo ma ana onimaki Eritai are e kabwarabwaraaki n 1 Uea 19:19–21? Tao a kona membwa n anga nanoia bwa a na tibwauai aia anganano aika a tia ni karaoi ibukin te Uea ao E kanga n tia ni kakabwaiaia.
-
Karakinan te I-Tarebata are mate buna e kona n reireiniira taekan kakabwaia aika reke man te anga karea. Ko kona n tuangiia kain te kiraati bwa a na iangoia bwa a na kanga ni kaeka nakon taian rongorongo n aron aikai: “I aki kona ni kabwaka au kabwianibwai” ke “I rang n tabetabe ni butimwaea te mwakuri n ibuobuoki.” Tera ae reireiniira 1 Uea 17:8–16 aika ana kaineti ma rongorongo aikai? E kanga ara atatai iroun te Tia Kamaiu ni buokiira ngkana ti tuangaki bwa ti na karaoa te anganano? Ana taeka Unimwaane Lynn G. Robbins inanon “Bwaai n Ibuobuoki Riki Tabeua” a kona n ibuobuoki naba.
“Ngkana Tao Iehova te Atua, ao kam na ira nanona.”
-
Te marooro ibukin 1 Uea 18:17–39 e kona ni buokiia kain te kiraati n rang ni kabaeaki riki nakon irakin Iesu Kristo ao n Onimakinna. Imwiin rinanoan te karaki ma kain te kiraati, ko kona ni koroia iaon te burakibooti te titiraki are e titirakiniia iai kain Iteraera Eria: “Tao ai ti maanra ngkami n okioki imarenan naano aika uoua?” (te kibu 21). Kariaia kain te kiraati bwa a na tibwaua aia namakin n nanon te titiraki aei. Tera bukina tabeua ngkai a na “turatura” aomata (are e kona n nanonaki n ae te rawa, te nanououa, ke te kangaanga n te nakonako) imarenan irakin te Uea ao irakin Baara? Bukin tera n tabetai akea aia iango bwa a na ira Iesu Kristo? A kona kain te kiraati n tibwauai aia atatai ake a tia ni buokiia n rineia bwa a na ira te Tia Kamaiu.
Te kanikina ae uaana 1 Uea 19:11–12. Te Burabeti, © Robert Booth Charles/Bridgeman Images
E aki toki te Uea n taetae ni kawai aika maraara, ao ni bebete.
-
A mwaiti aomata aika korakai ni kan ataia ngkana e reitaki te Uea ma ngaia. Ni buokiia kain te kiraati bwa a na kona n ataa riki bwanaan te Uea, ko kona ni kaoiia bwa a na wareka 1 Uea 19:1–12 ao n tibwaua te bwai ae reiakinna Eria. A kona kain te kiraati n tibwauai aia atatai ake a tia n reireiniia iaon kakaokoron ana kawai te Uea n taetae nakoia. Ko na bae n tangiria n tibwaua te witeo “How Can I Feel the Holy Ghost More Often?” (man “Face to Face with President Eyring ao Unimwaane Holland” [worldwide youth broadcast, Maati. 4, 2017], ChurchofJesusChrist.org).
-
Ni buokia ni wakina te marooro iaon te kibu n taeka “te bwana ae maraara n rau,” ko kona ni katei bwaai (ke tamnein bwaai) aika a na kona ni buokiia kain te kiraati n iangoa te kibu n taeka anne. A kona kain te kiraati ni iangoi katooto riki ake tabeua. Bukin tera taeka “maraara” ao “n rau” kawai aika raoiroi ni kabwarabwara bwanaan te Tamnei? Ibukin kabwarabwara riki ake tabeua, a kona kain te kiraati ni wareki booki aika tabu n aron Ereman 5:30; 3 Nibwaai 11:3–7; Reirei ao Berita aika Tabu 6:22–23; 8:2–3; 9:8–9; 11:12–14; 36:2. A kona n tibwauai koroboki ake tabeua iaon kinakin te Tamnei. Tera ae tangiri koroboki aikai bwa ti riai ni karaoi bwa ti aonga n ongo bwanaan te Uea? Te witeo “Feeling the Holy Ghost” ke “Voice of the Spirit” e na kona n ibuobuoki (ChurchofJesusChrist.org).
3:17
3:55
Bwaai n Ibuobuoki Riki Tabeua
Te aine ae mate buna ae kain Tarebata.
E taku Unimwaane Lynn G. Robbins: “E ata te reirei Eria are a roko kakabwaia imwiin kataakin ara onimaki [taraa Ita 12:6; Reirei ao Berita aika Tabu 132:5]. E aki ti iangoia ibon irouna. Ngkai ana toro te Uea, E mena Eria ikekei bwa e na anga, ao tiaki n ae na anai bwai [taraa 1 Uea 17:13–16]. … Teuana bukina ngkai te Uea e kamataatai reirei ma kangaanga aika tibwa riki naba ngkai bwa a na totokoi kakarautaeka. Ngkana e kantaningaia te Uea riki te aine ae aki kaubwai ae mate buuna bwa e na kabwaka natina, e katikuia iaa ake tabeman ake a kunea bwa e aki angaraoi ke ni bebete bwa ko na anga am bwai?” (“Tithing—a Commandment Even for the Destitute,” Liahona, Meei 2005, 35).
Kanakoraoan Ara Anga reirei
Ko na riki bwa te bwai ni mwakuri ae nanorinano iroun te Tamnei. “Kantaningaam ngkai te tia reirei ngkoe tiaki karaoan te angareirei ae anainano ma ko na buokiia tabeman bwa ana karekea ana kakairi te Tamnei ae Raoiroi, are bon te tia reirei ni koaua” (Te Reirei n Ana Kawai te Uea, 10).