tattao a pumampanaw iti nadadael a siudad

Ti Ipapanaw dagiti Balud, ni James Tissot ken dagiti dadduma

Hulio 1–17

2 Ar-ari 17–25

“Nagtalek ken Jehova a Dios ti Israel”

Irebyu dagiti impresion nga insuratmo kabayatan ti bukod a panagadalmo iti 2 Ar-ari 17–25 iti daytoy a lawas. Ania dagiti binatog manipud kadagitoy a kapitulo a mariknam nga agbalinto a kapatgan kadagiti miembro ti klasem?

Isuratmo dagiti Impresionmo

icon iti panagbibinninglay

Yawis ti Panagbibinninglay

No ibinglay dagiti miembro ti klase no ania ti masursuroda iti pagtaengan iti panagadalda iti nasantuan a kasuratan, mabalin a marikna a naparegta dagiti dadduma a miembro iti klase tapno agadal kadagiti nasantuan a kasuratan iti unos ti makalawas. Mabalinmo a rugian ti klase babaen ti panangawis kadagiti miembro ti klase a mangsungbat iti saludsod a kas iti “Ania ti insuro ti Espiritu Santo kenka bayat ti panangbasam kadagiti naidutok a kapitulo iti daytoy a lawas?”

icon iti panangisuro

Isuro ti Doktrina

2 Ar-ari 18:28–36; 19:1–7, 14–19

Makapagtalinaedtayo a pudno iti Apo no masubok ti pammatitayo.

• Dagiti kinapudno iti 2 Ar-ari 18–19 ti makatulong kadatayo a mangammo no kasano ti agresponde no masubok ti pammatitayo. Kasano a matulongamto dagiti miembro ti klase a mangtakuat kadagitoy a kinapudno? Mabalinmo nga awisen dagiti miembro ti klase a mangibinglay iti sumagmamano a gapu no apay a mamatida iti Dios ken iti planona. Kalpasanna mabalinda a sukisoken ti 2 Ar-ari 18:28–35, a mangsapsapul kadagiti gapu a nangtedan dagiti Asirio kadagiti tao iti Jerusalem a saan nga agtalek iti Apo. Kasano a padasen ni Satanas ti mangallukoy kadatayo nga agduadua iti pammatitayo ita? Kalpasanna mabalin dagiti miembro ti klase ti agsukisok iti 2 Ar-ari 19:1–7, 14–19 para iti no ania ti masursurotayo manipud iti Ezekias maipapan iti no kasano ti agresponde no masubok ti pammatitayo. Kasano a tulongannatayo ti Apo a mangparmek kadagiti karit iti pammatitayo? Ania dagiti dadduma pay a singasing dagiti miembro ti klase iti pannakapabaro ti pammati ken panagtalekda iti Apo?

• Mabalinmo nga awisen dagiti miembro ti klase nga umay iti klase a nakasagana a manggupgop iti napagsasaritaan dagiti Asirio ken dagiti opisial ni Ezekias iti asideg dagiti bakud ti Jerusalem (kitaen iti 2 Ar-ari 18:17–36). Sakbay nga isaritana ti estoria, mangawis kadagiti miembro ti klase a mangipapan nga isuda dagiti agindeg iti Jerusalem a dumdumngeg iti daytoy a panagsasarita. Ania dagiti kapanunotan wenno rikna a mabalin nga adda kadakuada? Ania ti mabalin nga aramidenda? Mabalin a mangted dagiti miembro ti klase iti paset ti mensahe ni Elder David A. Bednar “Therefore They Hushed Their Fears” (Liahona, Mayo 2015, 46–49) ket awisem ida a mangsapul iti balakad a mabalin a mangtulong kadakuada kadagiti panawen ti panagbuteng wenno panagduadua. Kasano a natulongannatayo ti pammatitayo ken ni Jesucristo kabayatan dagiti mapannubok a panawen?

2 Ar-ari 22:8–20; 23

Mabalin nga iturong dagiti nasantuan a kasuratan ti puspusotayo iti Apo.

• Ti panangilawlawag iti bileg ti balikas ti Dios iti biag ni Ari Josias ken dagiti taona ket mabalin a mangparegta kadagiti miembro ti klase nga agkalikagum a manggun-od iti kasta met la a bileg iti bukodda a biag. Mabalinmo a rugian ti maysa panaglilinnawag babaen ti panangawis kadagiti miembro ti klase a mangipapan no kasano koma a maiduma ti biagda no awan kadakuada dagiti nasantuan a kasuratan. Kalpasanna mabalinda a sukisoken ti 2 Ar-ari 22:8–11; 23:1–6, 21, 24 tapno ammuen no kasano a nagbalbaliw ni Josias ken dagiti taona idi nangngeganda ti balikas ti Dios manipud kadagiti nasantuan a kasuratan a natakuatanda manen itay nabiit iti templo. Kasano a nakatulong dagiti nasantuan a kasuratan kadatayo nga umas-asideg iti Nailangitan nga Ama ken ni Jesucristo?

• Ti makaawis rikna a panagbalbaliw a balikas ti Dios nga adda ken ni Josias ken dagiti adu a tao iti pagarianna ti mabalin a mangparegra kadagiti miembro ti klasem a mangsapul kadagiti kasta met la a panagbalbaliw iti biagda. Kalpasan ti panangilawlawag kadagitoy a panagbalbaliw (kitaen iti 2 Ar-ari 23:1–6, 21, 24), mabalin nga ibinglay dagiti miembro ti klase dagiti padas a ti maysa a binatog ti nasantuan a kasuratan wenno pakaammuan ket nakaited iti pagdumaan iti biagda. Nalabit a mabalinda nga isarita maipapan no apay a sipapalubosda nga inawat ti mensahe dayta a nasantuan a kasuratan iti dayta a panawen iti biagda. Mabalin nga inayon ti palawag iti “Dagiti Nainayon a Resources” iti panaglilinnnawagyo.

  pamilia nga agad-adal kadagiti nasantuan a kasuratan

  Makatulong dagiti nasantuan a kasuratan a maiturong ti puspusotayo iti Apo.

dagiti nainayon a resources icon

Dagiti Nainayon a Resources

Takuaten manen dagiti nasantuan a kasuratan.

Kinuna ni Presidente Spencer W. Kimball:

“Maallukoyak a ti tunggal maysa kadatayo, iti sumagmamano a panawen iti biagtayo, nasken a takuatentayo mismo dagiti nasantuan a kasuratan—ken saan laeng a takuatentayo iti mammaminsan, ngem takuatentayo dagitoy manen ken manen. …

“Sipipigsa a mariknak a nasken nga agsublitayo amin kadagiti nasantuan a kasuratan kas iti inaramid ni Ari Josias ken palugodan dagitoy nga agtrabaho a simamaingel iti kaunggantayo, a mangidurduron kadatayo iti saan a mapagduaduaan a determinasion nga agserbi iti Apo. …

“Makitak a no saanak a naannad kadagiti pannakinaigko iti kinadiosan ken no kasla awan dumdumngeg a nadiosan a lapayag ken awan nadiosan a timek nga agsasao, nga addaak iti adayo, nakaad-adayo. No iraremko ti bagik kadagiti nasantuan a kasuratan bumassit ti nagbaetan ket agsubli iti kinaespirituan. Naduktalak ti bagik nga ad-adda ti panangipategko kadagiti nasken nga ipategko iti amin a pusok ken panunotko ken pigsak, ket ad-adda nga ipategko ida, naduktalak a nalaklakaak nga agtungpal iti balakadda” (Teachings of the Presidents of the Church: Spencer W. Kimball [2006], 62–63, 67).

Panangpadur-as iti Panangisurotayo

Usarem dagiti tulong iti panagadal iti nasantuan a kasuratan. Maysa a wagas tapno matulongan dagiti miembro ti klase a maawatanda dagiti nasantuan a kasuratan ket ti mangiturong kadakuada kadagiti resources kas iti Pangiwanwan iti Nasantuan a Kasuratan ken dagiti artikulo iti Gospel Topics iti (ChurchofJesusChrist.org). Kasta met a masarakan dagiti makatulong nga impormasion kadagiti benneg a “Dagiti Kapanunotan a Laglagipen” iti Umaykayo, Sumurot Kaniak—Para kadagiti Indibidual ken Pamilia.