Si Jesus naggiya sa mga karnero

Dali, Sunod Kanako, ni Scott Sumner

Oktubre 24–30

Ezequiel 1–3; 33–34; 36–37; 47

“Ang Usa ka Bag-ong Espiritu Igabutang Ko sa Sulod Ninyo”

Ang mga pulong ni Ezequiel gitagana sa Ginoo alang sa maalamon nga katuyoan ug makapanalangin sa mga miyembro sa imong klase. Pamalandonga kini samtang ikaw magtuon sa mga sinulat ni Ezequiel niining semanaha.

Irekord ang Imong mga Impresyon

pagpaambit nga icon

Dapita ang Pagpaambit

Ang mga tawo kinsa nakadungog ni Ezequiel naghunahuna sa iyang mga pulong “hiligugmaon” ug “matah[o]m,” “apan sila wala mo[tuman] niana” (tan-awa sa Ezequiel 33:30–33). Ang mga sakop sa klase mahimong mopaambit og usa ka tudling nga makita sa sinulat ni Ezequiel nga nakapadasig kanila sa pagbuhat og usa ka butang.

icon sa pagtudlo

Itudlo ang Doktrina

Ezequiel 34

Ang Ginoo nagdapit kanato sa pagpakaon sa iyang mga karnero.

Aron matabangan ang mga sakop sa klase sa pagpangita og personal nga kahulogan sa Ezequiel 34, mahimo nimong isulat diha sa pisara ang mga sitwasyon nga lagmit nilang giatubang pagpangandam sa pagserbisyo og usa ka misyon, pagpadako og mga bata, o pagdawat og usa ka tahas sa pagpangalagad. Ang mga sakop sa klase makapili og usa aron pamalandongan samtang sila mobasa sa hilom sa Ezequiel 34:1–10. Dapita sila sa pagpaambit unsa ang tambag base niining mga bersikulo nga lagmit ilang mahatag ngadto sa usa ka tawo diha sa sitwasyon nga ilang gipili. Unsa ang gipasabot nga pakan-on ang atong kaugalingon imbis ang mga panon sa Ginoo? Sa unsang paagi kita mamahimong magbalantay sama sa Manluluwas? (tan-awa sa mga bersikulo 11–16).

Tingali imong mabati nga nadasig sa pagpangutana nianang makatabang sa mga sakop sa klase sa pagpamalandong sa simbolismo diha sa Ezequiel 34:11–31. Pananglitan, unsa kaha ang girepresentar sa “maayong sibsibanan” ug “maayong panon” diha sa bersikulo 14? Unsa ang kalainan tali sa usa ka karnero kinsa “nawala” ug ang usa kinsa “ginapatibulaag”? (bersikulo 16). Sa unsang paagi ang Manluluwas miluwas sa duha ka matang sa karnero? Ang mga sakop sa klase mahimong makapaambit sa uban nga mga simbolo nga ilang makit-an niining mga bersikulo ug maghisgot unsa ang gitudlo niining mga simbolo kanila mahitungod ni Jesukristo.

Ezequiel 37

Ang Ginoo nagpundok sa Iyang katawhan ug naghatag kanila og bag-ong kinabuhi.

• Ang pagbasa sa Ezequiel 37 ug ang paghunahuna mahitungod sa saad sa Ginoo sa pagpundok sa Israel makahatag kanato og salabotan mahitungod unsay gipasabot sa panagpundok ug sa unsang paagi kita makaapil niini. Aron matabangan ang mga sakop sa klase nga makakita niining salabotan Unsa man ang gipaningkamotan sa Ginoo nga matuman pinaagi sa pagpundok sa Israel? Sa unsang paagi nga Siya nagtuman niini? Mahimo dayon nimong hangyoon ang katunga sa klase sa pagbasa sa Ezequiel 37:1–14 ug ang laing katunga sa pagbasa sa Ezequiel 37:15–28 samtang sila mangita alang sa salabotan nga tingali mahatag niining duha ka tudling ngadto sa mga pangutana diha sa pisara. Tingali makatabang ang pagpasabot nga ang sungkod ni Joseph ug Judah nga nahisgotan sa mga bersikulo 16–19 nagrepresentar sa Basahon ni Mormon ug sa Biblia. Samtang ang mga sakop sa klase mopaambit sa ilang mga tubag, awhaga sila sa paghisgot mahitungod sa ilang tahas diha sa ulahing mga adlaw sa pagpundok sa Israel.

desyerto ug Patayng Dagat [Dead Sea]

Si Ezequiel nakakita og panan-awon nga usa ka sapa nga nagdagayday gikan sa templo ug miayo sa Patayng Dagat.

Ezequiel 47:1–12

Ang templo naghatag og espirituhanong pagkaayo.

• Ang mga hulagway makatabang sa sakop sa klase nga masabtan ang panan-awon nga gihulagway sa Ezequiel 47:1–12. Pananglitan, makapakita ka og usa ka litrato sa usa ka templo, usa ka sapa, usa ka desyerto, ug sa Patayng Dagat (tan-awa ang mga imahe diha sa gilatid niining semanaha sa Dali, Sunod Kanako—Alang sa mga Indibidwal ug mga Pamilya ug sa mga Litrato sa Biblia, nu.3, “Judean Wilderness”). Tingali makatabang ang pagpasabot nga ang Patayng Dagat hilabihan ang kaparat nga ang isda ug mga tanom dili mabuhi diha niini. Ang mga sakop sa klase mahimong mobasa sa mga bersikulo 1–12 ug mopaambit kon unsa ang ganahan nila mahitungod sa mga tubig nga gihulagway diha sa panan-awon (tan-awa usab sa Pinadayag 22:1 ug ang pamahayag diha sa “Dugang nga mga Kapanguhaan”). Sila mahimo usab nga makadrowing og hulagway sa panan-awon ni Ezequiel. Unsa kaha ang simbolo sa mga tubig? Unsa kaha ang girepresentar sa mga kahoy nga gihulagway diha sa bersikulo 12? Tingali ang mga sakop sa klase makapaambit kon sa unsang paagi ang templo ug ang mga panalangin niini nakahatag og espirituhanong kinabuhi ug pagkaayo.

icon sa dugang nga mga kapanguhaan

Dugang nga mga Kapanguhaan

Ang mga panalangin templo makaayo kanato.

Nagpasabot sa tubig nga nagdagayday gikan sa templo diha sa panan-awon sa Ezequiel (tan-awa sa Ezequiel 47:1–12), si Elder Dale G. Renlund miingon:

“Duha ka kalidad sa tubig ang importanting hinumd[o]man. Una, bisan ang gamay nga sapa walay mga sanga, nahimo kining dako kaayong suba, milapad ug milawom kutob sa giab[o]t niini. Susama sa nahitabo sa mga panalangin nga midagayday sa templo samtang gisilyo ang mga tawo isip mga pamilya. Makahuluganong paglambo paatras ug paabante nahitabo lah[o]s sa mga henerasyon samtang gihimo ang mga ordinansa sa pagsilyo nga nagsumpay sa mga pamilya.

“Ikaduha, ang suba mibag-o sa tanan nga gitandog niini. Ang mga panalangin sa templo usab may talagsaong kapasidad nga moayo. Ang mga panalangin sa templo moayo sa mga kasingkasing ug sa kinabuhi ug sa mga pamilya” (“Buhat sa Family History ug sa Templo,” Liahona, Mayo 2018, 47–48.

Pagpalambo sa Atong Pagtudlo

Tabangi ang uban nga makadawat sa Espiritu. “Usahay ang mga magtutudlo mahimong matintal sa paghunahuna nga ang ilang kahibalo o pamaagi o personalidad maoy nagdasig niadtong ilang gitudloan. … Ang imong katuyoan isip usa ka magtutudlo dili ang paghimo og impresibo nga presentasyon apan sa pagtabang sa uban nga modawat sa impluwensya sa Espiritu Santo, kinsa mao ang tinuod nga magtutudlo” (Pagtudlo sumala sa Pamaagi sa Manluluwas, 10).