Omuaraa parau

Te Hoê Parau poro‘i na te Peresideniraa Matamua

E te mau Tuahine here e:

Ei tapa‘o haamauruururaa no te mau haamaitairaa a te Sotaiete Tauturu i roto i te oraraa o te mau melo no te Ekalesia, ua arata‘i matou i te faaineineraa no te buka E Mau Tamarii Tamahine i roto i To’u Basileia: Te Aamu e te Ohipa a te Sotaiete Tauturu. Te pure nei matou e e riro teie buka ei hoê haamaitairaa no outou e te feia atoa ta outou e haamaitai.

Te faaite nei matou i to matou here e to matou faahiahia ia outou e te ite nei matou e e mau tamarii tamahine herehia outou na te Metua i te Ao ra e e mau pĭpĭ itoito outou na te Fatu ra ia Iesu Mesia. E tufaa outou no te hoê autuahineraa rahi na te ao taatoa nei. Ma te arata‘ihia e ta outou parau tumu, « E ore roa te Aroha e mou », te tauturu nei outou i te haapuai i te mau utuafare e i te patu i te basileia o te Atua i ni‘a i te fenua nei.

Te faaitoito nei matou ia outou ia tai‘o i teie buka e ia faati‘a i te mau parau mau mure ore e te mau hi‘oraa maitai i roto i teie buka no te haamaitai i to outou mau oraraa.

Te faaite papû atu nei matou e ua faaho‘i mai te Fatu i te îraa o te evanelia na roto i te Peropheta Iosepha Semita e ua riro te Sotaiete Tauturu ei hoê tufaa faufaa rahi no taua faaho‘iraa ra. E faufaa ai‘a hanahana ta te mau tuahine no te Sotaiete Tauturu. Te pure nei matou e e riro teie buka ei rave‘a faufaa rahi no te faaherehereraa i taua faufaa ai‘a ra.

Te Peresideniraa Matamua