“Sa unsa nga paagi ako makalig-on sa akong relasyon ni Jesukristo kon ako dili makasimba?” Mga Serbisyong Pangkakulangan: Mga Indibidwal (2020)

“Sa unsa nga paagi ako makalig-on sa akong relasyon ni Jesukristo kon ako dili makasimba?” Mga Serbisyong Pangkakulangan: Mga Indibidwal

Sa unsa nga paagi ako makalig-on sa akong relasyon ni Jesukristo kon ako dili makasimba?

Kini importante ang paghupot sa Espiritu diha sa inyong panimalay bisan kon ikaw dili makahimo sa pagsimba. Ang pagpalambo sa imong hugot nga pagtuo ug sa paglig-on sa imong relasyon ngadto sa Manluluwas, si Jesukristo, ug sa Imong Amahan sa Langit usa ka personal nga tinguha ug kinahanglan nga kabahin sa imong inadlaw nga kinabuhi (tan-awa sa Deut. 6:6–7; Mga Buhat 17:11).

Adunay daghan nga mga paagi nga ikaw mas maduol ngadto sa imong Amahan sa Langit ug sa Iyang Anak, si Jesukristo, ug sa pagdapit sa Espiritu nganha sa inyong panimalay. Ania ang pipila ka mga sugyot:

Pag-ampo ug pagtuon sa mga kasulatan matag adlaw. Adunay daghang mga panalangin nga moabut sa imong kinabuhi samtang imong himoon ang pag-ampo ug pagtuon sa kasulatan nga usa ka inadlaw-adlaw nga batasan. Miingon si Presidente Thomas S. Monson, “Kon kita mahinumdom sa pag-ampo ug mogahin og panahon sa pagbasa sa kasulatan, ang atong kinabuhi mas mapanalanginan ug ang atong palas-anon mas mogaan.”
Himoa ang pagtuon sa ebanghelyo nga usa ka personal nga tinguha. Ang bag-o nga Dali, Sunod Kanako—Alang sa mga Indibidwal ug mga Pamilya nga kapanguhaan usa ka mahinungdanon nga himan nga motabang kanimo ug sa imong pamilya sa “pagkat-on og doktrina, paglig-on sa pagtuo, ug pag-ugmad og mas maayo nga personal nga pagsimba.”
Ipadala ang Simbahan nganha kanimo. Pangutan-a ang imong lokal nga mga lider kon ang sakrament mahimo bang dad-on ngadto sa inyong panimalay. Mahimo usab ikaw nga mangutana mahitungod sa posibilidad nga makuha ang audio recording sa mga miting sa simbahan.
Tahura ang Adlaw nga Igpapahulay. Makalig-on ka sa imong relasyon ngadto sa imong Amahan sa Langit ug ni Jesukristo pinaagi sa paghupot sa Igpapahulay nga adlaw nga balaan bisan kon kini malisud ang pagsimba tungod sa imong kakulangan. Pangandam sulod sa semana aron ikaw makagahin sa Dominggo alang sa makapabayaw nga mga kalihokan nga angay alang sa Igpapahulay. Ang maong mga kalihokan mahimong mag-apil sa pagtuon sa mga kasulatan, pagbasa o pagpaminaw sa mga pamulong sa kinatibuk-ang komperensya, paghimo og mga sulat, paghimo og family history nga buhat, ug sa paggahin og hilum nga panahon uban sa imong pamilya ug mga minahal. Pinaagi sa pagbalaan sa Igpapahulay nga adlaw, madapit nimo ang Espiritu nganha sa inyong panimalay, ug ang imong hugot nga pagtuo ug pagpamatuod motubo.
Pagtuman sa mga pakigsaad. Ikaw malig-on sa espiritwal nga paagi samtang ikaw naninguha sa pagsunod sa mga pakigsaad nga imong gihimo. Mipamatuod si Presidente B. Eyring: “Kamo ug ako mga saksi nga sa matag higayon nga kita nakatuman sa atong mga pakigsaad sa Dios, ilabi na kon kini malisud, Siya nakadungog sa atong mga pag-ampo sa pasalamat sa unsay Iyang nabuhat na para kanato ug mitubag sa atong mga pag-ampo alang sa kalig-on aron makalahutay nga matinud-anon. Ug sobra sa kausa Siya mihimo kanato nga malipayon ingon man nga malig-on.”