Վարդապետություն և Ուխտեր 3–5

Վարդապետություն և Ուխտեր 3–5

Ակնարկ

Այս բաժիններում Տերը ուղղեց Մարգարե Ջոզեֆ Սմիթին, քանի որ նա ավելի շատ մարդուց, քան Աստծուց էր վախենում, հայտնեց Ջոզեֆ Սմիթի հորը, թե ինչպես կարող է ծառայել Իրեն և առաջնորդեց Մարտին Հարրիսին, երբ նա պետք է ելույթ ունենար դատավարության ժամանակ: Այս շաբաթը նաև ներառում է գնահատման դաս։

Առաջարկեք սովորողներին ինքնուրույն բացահայտել ճշմարտությունները. Որոշ դեպքերում ուսուցիչը կարող է մատնանշել վարդապետությունը կամ սկզբունքը: Սակայն առավել հաճախ ուսուցիչը պետք է ուղղորդի, խրախուսի և թույլ տա ուսանողներին ինքնուրույն բացահայտել վարդապետությունը կամ սկզբունքը։ Ուսուցիչները պետք է ջանասիրաբար օգնեն ուսանողներին ձեռք բերել վարդապետությունն ու սկզբունքները ինքնուրույն բացահայտելու ունակությունը: Ավելին իմանալու համար, թե ինչպես է Փրկիչը արել դա, տես «Փրկիչը օգնել է մարդկանց փնտրել, ճանաչել և հասկանալ ճշմարտությունը» բաժինը Ուսուցանել Փրկչի ձևով ձեռնարկում։ Դա անելու օրինակ կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 3»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 3

Դասի նպատակը․ օգնել ուսանողներին ավելի մեծ ցանկություն ունենալ ապավինելու Աստծուն, այլ ոչ թե մարդկանց

• Ուսանողի նախապատրաստում․ առաջարկեք ուսանողներին խորհել այն դեպքերի մասին, երբ իրենց վրա ազդել են ընկերները՝ որևէ բան ճիշտ կամ սխալ անելու հարցում: Խնդրեք նրանց մտածել իրենց և գուցե ուրիշների կյանքի վրա իրենց որոշումների ազդեցության մասին:

• Նյութեր. փափուկ առարկա, օրինակ՝ փափուկ խաղալիք կամ բարձ, ծանր առարկաներ, օրինակ՝ գրքեր

• Տեսանյութ. «Աստծո գործը» (13:35, դիտել 2:25-8:45)

Վարդապետություն և Ուխտեր 4

Դասի նպատակը․ օգնել ուսանողներին ծառայել Աստծուն և ուրիշներին Քրիստոսանման եղանակներով։

• Ուսանողի նախապատրաստում․ հիշեք մեկին, որը Քրիստոսանման ծառայության լավ օրինակ է: Արդյոք այդ մարդու օրինակը օգնո՞ւմ է իրենց ծառայել Փրկչի նման:

Վարդապետություն և Ուխտեր 5

Դասի նպատակը․ օգնել ուսանողներին ճանաչել այն վկայությունները, որոնք Տերը տվել է, որպեսզի օգնի իրենց անձնական վկայություն ստանալ Մորմոնի Գրքի՝ որպես Հիսուս Քրիստոսի մասին մեկ այլ վկայության և Ջոզեֆ Սմիթի՝ որպես Աստծո մարգարե կանչվելու մասին:

• Ուսանողի նախապատրաստում․ խնդրեք ուսանողներին մտածել այն փորձառությունների մասին, որոնք մեծացրել են իրենց վկայությունները Մորմոնի Գրքի մասին: Ուսանողներին կտրվի հնարավորություն դասարանի հետ կիսվել իրենց անձնական վկայություններով։

• Տեսանյութ․ «Համոզիչ վկայություն» (7:46)

• Աշխատաթերթ․ «Վկայություններ»

Գնահատեք ձեր գիտելիքները 1

Դասի նպատակը․ օգնել ուսանողներին հիշել և գնահատել, թե Վարդապետություն և Ուխտեր, ինչպես նաև Ջոզեֆ Սմիթ—Պատմություն գրքերի ուսումնասիրության իրենց փորձառություններն ինչպես են օգնել իրենց հոգևորապես աճել և ավելի մոտենալ Հիսուս Քրիստոսին:

• Ուսանողի նախապատրաստում․ առաջարկեք ուսանողներին խորհել հոգևոր դասերի մասին, որ իրենք սովորում են այս տարի, և նշել իրենց սովորած կամ զգացած մի բան, որն օգնել է իրենց հոգևոր առաջընթացին:

• Նյութեր. Մարգարե Ջոզեֆ Սմիթի նկարը, յուրաքանչյուր ուսանողի համար երկու փոքր թերթիկ