Mataupu Faavae ma Feagaiga 6–9

Mataupu Faavae ma Feagaiga 6–9

Vaaiga Aoao

Sa iloa e Oliva Kaotui galuega a Iosefa Samita le Itiiti o le faaliliuga o le Tusi a Mamona a o nofo ai i le fale o Iosefa Samita le Matua ma Lusi Maka Samita. Sa lagona e Oliva se manao e auai i le galuega ma siitia atu i Haramoni, Penisilevania, i le vaitau totogo o le 1829, lea na avea ai o ia ma tusiupu a le Perofeta. Sa tuuina atu e le Alii ia Oliva ni faaaliga se tele e ala ia Iosefa Samita, e faatatau i lana matafaioi o se tusiupu ma lona manao e auai i le faaliliuga. O nei faaaliga o loo i ai upumoni taua e uiga i faaaliga faaletagata lava ia. I le auauna atu o Oliva o se tusiupu, na iloga le alualu i luma o faatinoga a Iosefa Samita i le faaliliuina o le Tusi a Mamona e ala i le meaalofa ma le mana o le Atua.

Taulai atu i upumoni e taitai atu ai i le liuaina: Fesoasoani i tamaiti aoga ia iloa aoaoga faavae ma mataupu faavae e fausia ai le faatuatua ia Iesu Keriso ma se naunautaiga e usitai i le finagalo o le Atua. Uunaia i latou e iloilo pe mafai faapefea e nei upumoni ona faaloloto lo latou liuaina ma fesoasoani ia i latou e faatino i le faatuatua. Mo nisi faamatalaga i le ala na faia ai e le Faaola lenei mea, tagai i le “The Savior Taught Truths That Lead to Conversion and Build Faith,” i le Aoao Atu i le Ala a le Faaola. O se faataitaiga o le auala e mafai ona e faataitaia ai lenei mea o loo aofia ai i le lesona o le Mataupu Faavae ma Feagaiga 8.

Saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 6

Faamoemoega o le lesona: Ina ia fesoasoani i tamaiti aoga e tuu atu lo latou faatuatuaga i le Faaola pe a latou feagai ma masalosaloga ma le fefe

• Sauniuniga a le tamaititi aoga: Faamalamalama atu o le Mataupu Faavae ma Feagaiga 6:36 o se fuaitau o le atamai i aoaoga faavae. Fautuaina le vasega e tauloto lenei fuaiupu puupuu a o lei o mai i le vasega.

• Vitio: “Days of Harmony” (25:01; maimoa mai le faailotaimi 3:07 i le 7:18 ma le 15:02 i le 17:49)

• Ata: Ata o Iesu Keriso e faaali i luga o le laupapa

O Le Faaliliuga o le Tusi a Mamona

Faamoemoega o le lesona: Ina ia fesoasoani i tamaiti aoga e faamalosia a latou molimau faapea na saunia e le Atua auala ma le mana mo Iosefa Samita e faaliliu ai le Tusi a Mamona mo i tatou

• Sauniuniga a le tamaititi aoga: Mafaufau e valaaulia tamaiti aoga e filifili se fuaiupu po o se tala mai le Tusi a Mamona na aoga ia i latou.

• Vitio: “Seer Stone” (3:47); “Days of Harmony” (25:01; maimoa mai le faailotaimi 7:18 i le 11:33)

• Anomea ua lolomiina: Mo tamaiti aoga o ē e le i ai se initoneti e maua ai le Sau,Mulimuli Mai ia te A’u, mafaufau e lolomi kopi o le “Leo o le Toefuataiga” i le vaega o le “Mataupu Faavae ma Feagaiga 6–9: O Le Agaga Lenei o Faaaliga,” Sau Mulimuli Mai ia te A’u—Mo le Aiga ma le Ekalesia: Mataupu Faavae ma Feagaiga 2025.

Mataupu Faavae ma Feagaiga 8

Faamoemoega o le lesona: Ina ia fesoasoani i tamaiti aoga ia faateleina lo latou tomai e iloa ai pe faapefea ona fetalai mai le Atua ia i latou e ala i le Agaga Paia

• Sauniuniga a le tamaititi aoga: Fai i le vasega e toe mafaufau i auala na fetalai mai ai le Atua ia i latou e ala i le Agaga Paia.

• Ata: O le ata o loo faatusa i le mafaufau ma le loto

• Vitio: “Ina ia Maua le Taitaiga Faaleagaga” (16:00; matamata mai le faailotaimi 14:41 i le 15:04); “Mamanu o le Malamalama: Iloatino o le Malamalama” (2:12)

Faataitaiga o le Atamai i Aoaoga Faavae 1

Faamoemoega o le lesona: Ina ia tuu atu i tamaiti aoga ni avanoa e aoao ai fuaitau o le atamai i aoaoga faavae ma upumoni o loo i ai faapea foi ma le aoaoina ma le faaaogaina o mataupu faavae paia mo le mauaina o le malamalama faaleagaga

• Sauniuniga a le tamaititi aoga: Valaaulia tamaiti aoga e filifili se fuaitau se tasi pe sili atu o le atamai i aoaoga faavae latou te mananao e tauloto. E mafai ona latou taulotoina mau faasino ma fasifuaitau autu o mau i le Pepa Autu o le Atamai i Aoaoga Faavae (2023) po o le galulue i le taulotoina o fuaitau atoa.

• Anotusi e faaali: Siata faatasi ai ma mau o le atamai i aoaoga faavae ma fasifuaitau autu o mau; gaoioiga o talanoaga A, E, ma le I e mulimuli i le ata faataitai