Mataupu Faavae ma Feagaiga 19

Mataupu Faavae ma Feagaiga 19

Vaaiga Aoao

Sa talosagaina e Matini Harisi le Perofeta o Iosefa Samita mo se faaaliga mai le Alii ina ua ia iloaina e ono faamatuu atu lana faatoaga e totogi ai le lolomiina o le Tusi a Mamona. I le Mataupu Faavae ma Feagaiga 19, na toe faamatala ai e le Faaola le ala na Ia filifili ai e gauai atu i le finagalo o le Tama Faalelagi ma maua ai le mana e faatoilalo ai mea uma. Na fautuaina e le Alii ia Matini ia salamo ma faia le taulaga e manaomia e totogi ai le aitalafu sa ia aitalafu ai i le lomitusi.

Taulai atu ia Iesu Keriso: O le aoaoina e uiga ia Iesu Keriso e mafai ona musuia ai i tatou ia avea atili e faapei o Ia. Ae o le avea e faapei o Ia e tupu pe a tatou galulue i le faatuatua, i totonu ma fafo o le vasega. Mo nisi faamatalaga, tagai i le vaega “Fesoasoani i Tagata Aoao e Taumafai Ma le Loto ina ia Avea Atili e Pei o Iesu Keriso” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 19:1–24, Vaega 1.”

Ia sauni e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 19:1–24, Vaega 1

Faamoemoega o le lesona: Ina ia fesoasoani e faateleina le manao o tagata aoga e mulimuli i le faataitaiga a Iesu Keriso o le gauai atu i le finagalo o le Tama Faalelagi

• Sauniuniga a le tagata aoga: Mafaufau e valaaulia tagata aoga e mafaufau i taimi e faaosoosoina ai le autalavou e fai mea latou te mananao ai nai lo le finagalo o le Alii.

• Anotusi e faaali atu: Faamatalaga mai ia Peresitene Ezra Taft Benson

Mataupu Faavae ma Feagaiga 19:1–24, Vaega 2

Faamoemoega o le lesona: Ina ia fesoasoani i tagata aoga ia talisapaia atili le loloto o le meaalofa a le Faaola o le salamo, lea ua mafai e ala i Lana taulaga togiola sili

• Sauniuniga a le tagata aoga: Mafaufau e valaaulia tagata aoga e faitau le Alema 36:12–21, vaavaai pe aisea na lagona ai e Alema le tiga tele ma le olioli matautia i lona salamo.

• Anotusi e faaali atu: Faamatalaga e uiga i le salamo

• Anomea: Afa o laupepa

• Vitio: “Aua Ua Faapea Lava Ona Alofa Mai le Atua i le Lalolagi” (4:48; mai le faailotaimi 1:56 i le 4:48)

• Pepa e tufa atu: “O Iesu Keriso ma lo Tatou Salamo”

Mataupu Faavae ma Feagaiga 19:25–41

Faamoemoega o le lesona: Ina ia fesoasoani i tagata aoga e mulimuli i le faataitaiga a le Faaola o le faataulagaina o soo se mea e finagalo ai le Tama Faalelagi ia i tatou

• Sauniuniga a le tagata aoga: E mafai ona e valaaulia tagata aoga e fesili atu i se tagata faatuatuaina o le Ekalesia po o a taulaga na latou faia o se soo o le Alii.

• Anotusi e faaali atu: Fesili mo se gaoioiga i le api talaaga o suesuega

Iloilo Lou Aoaoina 2

Faamoemoega o le lesona: Ina ia fesoasoani i tagata aoga e manatua ma iloilo pe na faapefea e o latou aafiaga i le suesueina o le Mataupu Faavae ma Feagaiga ona fesoasoani i lo latou tuputupu a’e faaleagaga

• Sauniuniga a le tagata aoga: E mafai ona e valaaulia tagata aoga e manatunatu i se lesona talu ai nei a le seminare lea sa tele le aoga mo i latou. E mafai ona latou mafaufau loloto i soo se suiga na latou faia o se taunuuga o lena lesona.

• Anomea: Fasipepa laiti

• Ata: Ua faaali atu Moronae ia Iosefa Samita; Iosefa Samita ma Oliva Kaotui o loo faaliliuina papatusi; o Molimau e Toatolu ua vaai i papatusi; o se atatusi o se tagata o loo faaigoaina le mafaufau ma fatu