Mataupu Faavae ma Feagaiga 23–26

Mataupu Faavae ma Feagaiga 23–26

Vaaiga Aoao

I aso ma masina talu ona faatulagaina le Ekalesia a le Faaola, sa mananao ai tagata o le aiga o Iosefa Samita ma isi ia iloa le finagalo o le Atua mo i latou. Sa ole atu Iosefa i le Alii ma maua mai ai se faaaliga mo i latou taitoatasi. Sa faatonuina foi e le Alii ia Iosefa i le ala e mafai ai ona ia taitaia le Ekalesia ma tausi lona aiga. Sa faaali mai e le Alii lona finagalo mo Ema Samita. Sa valaauina o ia o se tamaitai filifilia faatasi ma tofiga e faamafanafana i lana tane, avea o se tusiupu, faamalamalama atu tusitusiga paia, apoapoai atu i le ekalesia, ma faia se tuufaatasiga o viiga paia.

[@src=177d04367fc0111eca4f1eeeac1e06c7608f45ee @img-type=Aikona Faaleaoaoga] Aoao le aoaoga faavae a Iesu Keriso mo Oe Lava: E taua tele i nei aso e gata ai mo tagata aoga le aoaoina mo i latou lava o le aoaoga faavae a Iesu Keriso. O le tasi auala e faia ai lenei mea o le fatu lea o ni fesili tatala sailiili e fesoasoani i tagata aoga e iloa ai mataupu faavae o le talalelei mo i latou lava ma aua le tata’ia latou i se tali patino. Ina ia aoao atili e uiga i lenei mea, tagai i le vaega “Na Aoaoina e le Faaola le Aoaoga Faavae” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina Mataupu Faavae ma Feagaiga 25, Vaega 1.

Sauni e aoao atu

O lenei faamatalaga e tuuina atu ai ni manatu o mea atonu e te manaomia ona muai saunia mo lesona taitasi.

Mataupu Faavae ma Feagaiga 23–24

Faamoemoega o le lesona: O lenei lesona e mafai ona fesoasoani i tagata aoga ia lagona e silafia i latou e le Tama Faalelagi ma Iesu Keriso ma o le a tuuina mai le taitaiga mo o latou olaga faaletagata.

• Sauniuniga a le tagata aoga: Valaaulia tagata aoga e mafaufau e uiga i se manaoga tonu atonu o ia i latou (e auauna atu i se misiona, e auauna atu i o latou nuu, ia faaipoipo i le malumalu, ma isi mea faapena). Fai atu ia i latou e mafaufau loloto pe mafai faapefea ona latou sailia le fautuaga a le Alii e faatatau i ai.

• Anomea: Kopi o le pepa e tufa atu “Mataupu Faavae ma Feagaiga 23–24. Fautuaga mai le Alii”

• Vitio: “E Silafia Au e le Tama Faalelagi” (3:18)

Mataupu Faavae ma Feagaiga 25, Vaega 1

Faamoemoega o le lesona: O lenei lesona e mafai ona fesoasoani i tagata aoga ia malamalama i auala e mafai ai ona avea atili i latou e faapei o le Faaola.

• Sauniuniga a le tagata aoga: Valaaulia tagata aoga e mafaufau i avanoa na latou maua e auauna atu ai i le Faaola e ala i le auauna atu i isi. O le a se mea na latou lagona sa taua e uiga i le aafiaga?

• Anotusi e faaali atu: O se ata o Ema Samita

Mataupu Faavae ma Feagaiga 25, Vaega 2

Faamoemoega o le lesona: O lenei lesona e mafai ona fesoasoani i tagata aoga e saili faamanuiaga a le Alii ma tuu ese mea o le lalolagi.

• Sauniuniga a le tagata aoga: Valaaulia tagata aoga e talanoa i se matua po o se taitai o le ekalesia e uiga i mea faalelalolagi ua latou lafoa’ia e mulimuli ai i le Alii.

• Anomea: E lava le telē o se koneteina e uu ai ni meafaitino eseese e ono faatusa i mea e fiafia i ai tagata aoga, e pei o se polo soka, se api aoga, se tamai mea faimusika, tusitusiga paia, ma isi mea faapena.

• Vitio: “The Joy of Redeeming the Dead”(16:36) mai le faailo taimi 6:42 i le 7:44;“Feagaiga” (14:19) mai le faailo taimi 11:45 i le 13:46; “Aisea e Tuuina mai ai e le Atua poloaiga ia i tatou?” (0:39)