Doktrina ug mga Pakigsaad 27–28

Doktrina ug mga Pakigsaad 27–28

Kinatibuk-ang Pagpasabot

Pinaagi sa langitnon nga mensahero, mipadayag ang Manluluwas og mga kamatuoran mahitungod sa sakramento. Ang Ginoo mitudlo usab mahitungod sa pagsul-ob sa Iyang taming ug mipadayag sa han-ay ug organisasyon nga Iyang gigamit sa pagpadayag sa Iyang kabubut-on diha sa Iyang Simbahan.

Tabangi ang mga tigkat-on sa pagduol ngadto ni Jesukristo: Samtang ikaw nagtabang sa mga tigkat-on sa pag-ila sa “malumo nga mga kaluoy” (1 Nephi 1:20) sa Ginoo, diha sa pareho nga mga kasulatan ug diha sa ilang kaugalingon nga mga kasinatian, sila mobati ug mahibalo nga ang Ginoo nagauban kanila ug mahigugmaong mobarog uban kanila (tan-awa sa Doktrina ug mga Pakigsaad 68:6). Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Tabangi ang mga Tigkat-on nga Makaila sa Gugma, Gahom, ug Kaluoy sa Ginoo diha sa Ilang Kinabuhi” sa Pagtudlo Sumala sa Pamaagi sa Manluluwas. Makakita ka usab og usa ka ehemplo kon unsaon kini sa pagbuhat diha sa leksiyon nga giulohan og “Doktrina ug mga Pakigsaad 27:1–14.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 27:1–14

Katuyoan sa leksiyon: Aron matabangan ang mga estudyante nga mas makapangandam sa pag-ambit sa sakramento nga adunay bug-os nga tinguha ngadto sa himaya sa Dios.

• Pagpangandam sa estudyante: Dapita ang mga estudyante sa pagpamalandong ug sa pagtambong nga andam mopakigbahin og mga paagi nga sila makapunting ngadto sa Manluluwas atol sa sakramento.

• Bidyo: “Nga Ako Unta Makadala sa Tanan nga mga Tawo ngari Kanako”(13:33; tan-awa gikan sa time code 7:15 hangtod sa 9:13)

Doktrina ug mga Pakigsaad 27:15–18

Katuyoan sa leksiyon: Aron matabangan ang mga estudyante nga makasabot kon sa unsang paagi ang Manluluwas makapanalipod kanato gikan sa mga paagi nga si Satanas nagsulay sa pagtintal ug sa pagpaluya kanato.

• Pagpangandam sa estudyante: Dapita ang mga estudyante sa pagtambong nga andam sa pagpakigbahin og mga paagi nga si Satanas nag-atake o nagtintal sa kabatan-onan nga sama sa ilang pangedaron karon ug unsa nga mga kapanguhaan ang gihatag sa Manluluwas sa pagpanalipod batok niadtong mga pag-atake o mga pagtintal.

• Mga materyal: Gagmay nga mga palid sa papel alang sa matag estudyante

• Handout: “‘Pagsul-ob diha kaninyo sa akong tibuok nga taming’ (Doktrina ug mga Pakigsaad 27:15)”

Doktrina ug mga Pakigsaad 28

Katuyoan sa leksiyon: Aron matabangan ang mga estudyante nga makasabot sa han-ay ug organisasyon nga gigamit sa Manluluwas aron ipadayag ang Iyang kabubut-on diha sa Iyang Simbahan.

• Pagpangandam sa estudyante: Ikonsiderar ang paghatag sa mga estudyante sa mga sitwasyon gikan sa seksiyon nga “Mga Pananglitan” dinhi niini nga leksiyon ug dapita sila sa pagpamalandong kon sa unsang paagi nila maila ang tinuod nga pagpadayag gikan sa mga imitasyon ni Satanas.

• Mga butang nga andamon: Mga pinili nga tinuod o imitasyon nga mga butang (pananglitan, tinuod o dulaan nga telepono; tinuod o dulaan nga kwarta; tinuod o plastik nga prutas; ug tinuod nga email gikan sa bangko o imitasyon nga email gikan sa usa ka tawo nga nagpakaaron ingnon nga taga bangko)

• Bidyo: “Usa ka Sistema sa mga Lagda alang sa Personal nga Pagpadayag,” (12:29; tan-awa gikan sa time code 4:14 hangtod sa 5:07)