Mataupu Faavae ma Feagaiga 27–28

Mataupu Faavae ma Feagaiga 27–28

Vaaiga Aoao

E ala mai i se avefeau faalelagi, na faaali mai ai e le Faaola mea moni e uiga i le faamanatuga. Na aoao mai foi le Alii e uiga i le ofuina o Lona ofutau ma faaali mai le tulaga ma le faatulagaga ua Ia faaaogaina e faaali mai ai Lona finagalo i Lana Ekalesia.

Fesoasoani i tagata aoao e omai ia Iesu Keriso: A o e fesoasoani i tagata aoao ia iloa le “alofa mutimutivale agamalu” o le Alii (1 Nifae 1:20), i tusitusiga paia ma i o latou lava aafiaga, o le a latou lagonaina ma iloa o loo faatasi le Alii ma i latou ma o le a tu ma le alofa ia i latou (tagai Mataupu Faavae ma Feagaiga 68:6). Mo nisi faamatalaga i le ala na faia ai e le Faaola lenei mea, tagai i le vaega “Fesoasoani i Tagata Aoao ia Iloa le Alofa, Mana, ma le Alofa Mutimutivale o le Alii i o Latou Olaga” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona ua faaulutalaina “Mataupu Faavae ma Feagaiga 27:1–14.”

Sauni e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 27:1–14

Faamoemoega o le lesona: Ina ia fesoasoani i tamaiti aoga ia saunia lelei e tagofia le faamanatuga ma manatu tasi i le mamalu o le Atua.

• Sauniuniga a le tamaititi aoga: Valaaulia tamaiti aoga e mafaufau loloto ma omai saunia e faasoa mai ni auala e mafai ona latou taulai atu ai i le Faaola i le taimi o le faamanatuga.

• Vitio: “Ina Ia Mafai Ona Ou Aumai o Tagata Uma ia te A’u”(13:33; maimoa mai le faailotaimi 7:15 i le 9:13)

Mataupu Faavae ma Feagaiga 27:15–18

Faamoemoega o le lesona: Ina ia fesoasoani i tamaiti aoga ia malamalama i le ala e mafai ai e le Faaola ona puipuia i tatou mai auala o loo taumafai Satani e faaosooso ma faalotovaivai ai i tatou.

• Sauniuniga a le tamaititi aoga: Valaaulia tamaiti aoga e o mai sauni e faasoa mai ni auala e osofaia ai e Satani pe faaosoosoina ai le autalavou o lo latou matutua ma po o a punaoa ua saunia e le Faaola e puipuia ai mai na osofaiga po o faaosoosoga.

• Anomea: Pepa laiti mo tamaiti aoga taitasi

• Pepa e tufa atu: “‘Ave i o outou luga lo’u ofutau atoa’(Mataupu Faavae ma Feagaiga 27:15)”

Mataupu Faavae ma Feagaiga 28

Faamoemoega o le lesona: Ina ia fesoasoani i tamaiti aoga ia malamalama i le tulaga ma le faatulagaga e faaaoga e le Faaola e faaali mai ai Lona finagalo i Lana Ekalesia.

• Sauniuniga a le tamaititi aoga: Mafaufau e tuu atu i tamaiti aoga ia tulaga mai le vaega o “Faataitaiga” i lenei lesona ma valaaulia i latou e mafaufau loloto pe mafai faapefea ona latou iloa faaaliga moni mai faataitaiga a Satani.

• Aitema e saunia mai: O se filifiliga o aitema moni po o mea faataitai (mo se faataitaiga, o se telefoni moi po o se meataalo, tupe moi po o tupe taalo; fualaau aina moi pe palasitika, ma se imeli moni mai se faletupe po o se imeli faataitai mai se tasi o faafoliga o se faletupe)

• Vitio: “A Framework for Personal Revelation,” (12:29; maimoa mai le faailotaimi 4:14 i le 5:07)