Mataupu Faavae ma Feagaiga 30–36

Mataupu Faavae ma Feagaiga 30–36

Vaaiga Aoao

E lei leva ona faatulagaina le Ekalesia, ae valaauina e le Alii le toatele o tagata i le galulega faafaifeautalai. Sa Ia aoao atu nei toeaina faatoa valaauina i le tele o upumoni taua e uiga i le mafuaaga na Ia finagalo ai ia i latou e talai atu Lana talalelei. Sa Ia tuuina atu foi ia i latou le faamautinoaga o Lana fesoasoani ma fautuaga mo auala e mafai ai ona latou talai atu ma le mataalia.

Valaaulia tamaiti aoga ia ola i mea ua latou aoaoina. O tusitusiga paia ma upu a perofeta o aso e gata ai e masani ona faaalia mai ai mamanu amiotonu o amioga. Tuu atu ni avanoa mo tamaiti aoga e fai ai se fuafuaga e faatino ai mea ua latou aoaoina ma uunaia i latou e mulimuli i ai. Mo nisi faamatalaga i le ala na faia ai e le Faaola lenei mea, tagai i le vaega “Na Faamalosi e le Faaola Isi ia Omai ia Iloa Ia e ala i le Aoaoina o Lana Upu” i le Aoao atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona o lenei vaiaso ua faaulutalaina “Mataupu Faavae ma Feagaiga 30–36 Vaega 2.”

Sauni e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 30–36, Vaega 1

Faamoemoega o le lesona: Ina ia fesoasoani i tamaiti aoga ia malamalama i nisi o mafuaaga a le Faaola mo le poloaiina o i tatou e talai atu Lana talalelei.

• Sauniuniga a le tamaitiiti aoga: Valaaulia tamaiti aoga e o mai saunia ma se tali i le fesili lenei: Aisea e taulai tele atu ai tagata O Le Ekalesia a Iesu Keriso o le Au Paia o Aso e Gata Ai i le galuega faafaifeautalai?

• Vitiō: “O Le Talaiina Atu o le Talalelei o le Filemu” (5:22; matamata mai le faailotaimi 2:52 e oo i le 5:00)

• Anotusi e faaali atu: O igoa o i latou ua valaauina e talai atu le talalelei i le Mataupu Faavae ma Feagaiga 30–36 (o loo lisiina i le lesona i lalo o le ulutala “Talai Atu mai le taimi nei i luma”)

• Pepa e tufa atu: “O Le Fautuaga a le Alii i Faifeautalai i le Mataupu Faavae ma Feagaiga 30–36”

Mataupu Faavae ma Feagaiga 30–36, Vaega 2

Faamoemoega o le lesona: Ina ia fesoasoani i tamaiti aoga i a latou taumafaiga e faasoa atu le talalelei.

• Sauniuniga a le tamaitiiti aoga: Mafaufau e valaaulia tamaiti aoga e asiasi i le itulau tafailagi o le “Faasoaina Atu o le Talalelei” e sue ai manatu e faasoa atu ai le talalelei i isi i ni auala masani ai.

• Vitio: “O Mai ma Vaai” (1:17); “O Mai ma Fesoasoani” (1:03); “Faasoaina Atu o leTalalelei” (3:49)

Mataupu Faavae ma Feagaiga 35

Faamoemoega o le lesona: Ina ia fesoasoani i tamaiti aoga ia lagona le lotofaafetai mo mea ua faaalia mai e le Alii e ala i le Faaliliuga e Iosefa Samita o le Tusi Paia.

• Sauniuniga a le tamaitiiti aoga: Tuu atu i tamaiti aoga le faamatalaga lenei: “E lei leva ona uma ona lolomiina le Tusi a Mamona i le 1830, ae faatonuina e le Alii Iosefa Samita e amata se faaliliuga o le Tusi Paia.” Valaaulia i latou e filimaoti pe moni pe sese le faamatalaga ma sue soo se faamatalaga faaopoopo atonu latou te maua e fiafia i ai i le mataupu. Valaaulia i latou e mafaufau loloto pe aisea e ono taua ai ia i latou ma ia o mai i le vasega ma soo se fesili e fesootai i ai.

• Pepa e tufa atu: “O Le Faaliliuga a Iosefa Samita”

Faataitaiga 3 o le Atamai i Aoaoga Faavae

Faamoemoega o le lesona: Ina ia tuu atu i tamaiti aoga ni avanoa e faataitai ai le taulotoina o fuaitau o le atamai i aoaoga faavae ma le aoaoga faavae o loo latou aoaoina atu. O le a fesoasoani foi ia i latou e aoao ma faaaoga mataupu faavae paia mo le mauaina o le malamalama faaleagaga.

• Sauniuniga a le tamaitiiti aoga: Valaaulia tamaiti aoga e faataitai le taulotoina o le mau faasino ma fasifuaitau autu o mau mo ni nai fuaitau o le atamai i aoaoga faavae sa latou suesueina.