Doktrina ug mga Pakigsaad 41–44

Doktrina ug mga Pakigsaad 41–44

Kinatibuk-ang Pagpasabot

Ang Ginoo mitudlo nga Siya nahimuot sa pagpanalangin niadtong kinsa naminaw Kaniya (tan-awa sa Doktrina ug mga Pakigsaad 41:1). Samtang ang mga Santos mitubag ug nag-ampo inubanan sa hugot nga pagtuo, Siya mipadayag sa Iyang balaod ug mga sugo, lakip ang balaod sa pagpahinungod.

Tabangi ang mga tigkat-on sa pag-ila sa impluwensiya sa Ginoo: Dapita ang mga estudyante sa pag-ila sa mga kamatuoran diha sa mga kasulatan nga nagtudlo kon sa unsang paagi ang Manluluwas makaimpluwensiya sa ilang mga kinabuhi, nagtanyag og pagkaayo, ug naghatag kanila og kalig-on. Alang sa dugang pa kon sa unsang paagi kini gibuhat sa Manluluwas, tan-awa ang “Tabangi ang mga Tigkat-on nga Makaila sa Gugma, Gahom, ug Kaluoy sa Ginoo diha sa Ilang Kinabuhi,” diha sa Pagtudlo Sumala sa Pamaagi sa Manluluwas. Usa ka ehemplo kon unsaon nimo kini pagbansay gilakip diha sa leksiyon niining semanaha nga giulohan og “Doktrina ug mga Pakigsaad 41.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 41

Katuyoan sa leksiyon: Aron matabangan ang mga estudyante nga mobati og pagsalig nga ang Ginoo mopanalangin kanila samtang sila maminaw ug mosunod Kaniya.

• Pagpangandam sa estudyante: Hangyoa ang mga estudyante sa paggahin og panahon sa pagpamalandong kon unsa ka masaligon ang ilang gibati nga ang Ginoo mopanalangin kanila kon sila maminaw ug mopatalinghog Kaniya. Mahimo usab silang maghunahuna mahitungod kon nganong mibati sila sa ingon nga paagi.

• Bidyo: “We Walk by Faith” (16:24; tan-awa gikan sa time code 7:30 hangtod sa 12:38)

• Mga materyal: Duha ka gagmay nga mga panid sa papel alang sa matag estudyante

Doktrina ug mga Pakigsaad 42

Katuyoan sa leksiyon: Aron matabangan ang mga estudyante sa pagpakita sa ilang gugma alang sa Ginoo pinaagi sa pagsunod sa Iyang mga sugo.

• Pagpangandam sa estudyante: Dapita ang mga estudyante sa paghunahuna sa kataposang higayon nga sila misunod sa usa sa mga sugo sa Dios ug sa pagpamalandong kon ngano nga sila mipili sa pagsunod.

Doktrina ug mga Pakigsaad 42:29–39

Katuyoan sa leksiyon: Aron matabangan ang mga estudyante nga madugangan ang ilang tinguha sa pagsunod sa balaod sa pagpahinungod.

• Pagpangandam sa estudyante: Dapita ang mga estudyante sa paghunahuna kon sa unsang paagi nga ang pag-atiman sa mga tawo nga nanginahanglan, lakip ang mga kabos, makatabang kanato nga mahimong sama kang Jesukristo.

• Mga bidyo: “Kamo ang Akong mga Kamot” (17:22; tan-awa gikan sa time code 0:00 hangtod sa 2:27); “Fast Offerings: A Simple Commandment with a Marvelous Promise” (3:01); “Syrian Refugee—‘The Moment I Was Shot I Knew I Would Never Walk Again’” (2:39); “A Thousand Days” (4:32)

• Mga butang nga andamon: Panaksan; gagmay nga mga butang alang sa matag estudyante sama sa kendi o mga sensilyo