Mataupu Faavae ma Feagaiga 41–44

Mataupu Faavae ma Feagaiga 41–44

Vaaiga Aoao

Na aoao mai le Alii e fiafia o Ia e faamanuia i latou o e faalogo ia te Ia (tagai i le Mataupu Faavae ma Feagaiga 41:1). A o tali atu le Au Paia ma tatalo i le faatuatua, sa Ia faaali mai Lana tulafono ma poloaiga, e aofia ai le tulafono o le faapaiaga.

Fesoasoani i tagata aoao i le iloaina o le tosinaga a le Alii: Valaaulia tamaiti aoga e faailoa mai upumoni i tusitusiga paia o loo aoao mai ai le auala e mafai ai e le Faaola ona tosinaina o latou olaga, ofoina atu le faamalologa, ma tuuina atu ia i latou le malosi. Mo nisi faamatalaga i le ala na faia ai e le Faaola lenei mea, tagai i le “Fesoasoani i Tagata Aoao ia Iloa le Alofa, Mana, ma le Alofa Mutimutivale o le Alii i o Latou Olaga,” i le Aoao Atu i le Ala a le Faaola. O se faataitaiga o le auala e mafai ona e faataitaia ai lenei mea o loo aofia ai i le lesona o lenei vaiaso ua faaulutalaina “Mataupu Faavae ma Feagaiga 41.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 41

Faamoemoega o le lesona: Ia fesoasoani i tamaiti aoga ia lagona le mautinoa o le a faamanuiaina i latou e le Alii a o latou faalogo ma usitai ia te Ia.

• Sauniuniga a le tamaitiiti aoga: Fai i tamaiti aoga e faaalu sina taimi e mafaufau loloto ai pe o le a so latou lagona mautinoa o le a faamanuiaina i latou e le Alii pe afai latou te logona atu ma faalogo ia te Ia. E mafai foi ona latou mafaufau pe aisea ua faapena ai o latou lagona.

• Vitio: “Matou te Savavali i le Faatuatua” (16:24; matamata mai le faailotaimi 7:30 seia oo i le 12:38)

• Anomea: Fasipepa laiti e lua mo tamaiti aoga taitasi

Mataupu Faavae ma Feagaiga 42

Faamoemoega o le lesona: Ina ia fesoasoani i tamaiti aoga e faaalia lo latou alolofa mo le Alii e ala i le usiusitai i Ana poloaiga.

• Sauniuniga a le tamaitiiti aoga: Valaaulia tamaiti aoga e mafaufau e uiga i le taimi mulimuli na latou usitai ai i se tasi o poloaiga a le Atua ma mafaufau loloto pe aisea na latou filifili ai e usitai.

Mataupu Faavae ma Feagaiga 42:29–39

Faamoemoega o le lesona: Ina ia fesoasoani i tamaiti aoga ia faateleina lo latou mananao e ola i le tulafono o le faapaiaga.

• Sauniuniga a le tamaitiiti aoga: Valaaulia tamaiti aoga e mafaufau pe faapefea e le tausia o tagata e manaomia le fesoasoani, e aofia ai e matitiva, ona fesoasoani ia i tatou ia avea faapei o Iesu Keriso.

• Vitio: “You Are My Hands” (17:22; matamata mai le faailotaimi 0:00 i le 2:27); “Fast Offerings: A Simple Commandment with a Marvelous Promise” (3:01); “Syrian Refugee—‘The Moment I Was Shot I Knew I Would Never Walk Again’” (2:39); “A Thousand Days” (4:32)

• Aitema e saunia: Pesini; mea faitino laiti mo tamaiti aoga taitasi e pei o ni lole po o ni tupe siliva