Doktrina ug mga Pakigsaad 45

Doktrina ug mga Pakigsaad 45

Kinatibuk-ang Pagpasabot

Ang mga timailhan sa atong palibot nagpamatuod nga ang Ikaduhang Pag-anhi sa Manluluwas duol na. Ang uban mahimayaon, samtang ang uban makadaot. Aron sa pagtabang sa pagpakalma sa kahadlok ug kawalay kaseguroan nga gibati sa daghang mga Santos sa sayong bahin sa 1831, gidapit sila sa Ginoo nga maminaw sa Iyang tingog ug motuo sa Iyang ngalan. Siya mitudlo kon unsaon nato sa pagpangandam alang sa Iyang Ikaduhang Pag-anhi.

Pamalandongi ang mga titulo ni Jesukristo: Ang mga kasulatan adunay sobra sa 100 ka nagkalainlaing mga ngalan ug mga titulo nga naghulagway kang Jesukristo. Samtang ang mga estudyante makaila sa mga ngalan ug mga titulo sa Manluluwas, dapita sila sa pagpamalandong kon sa unsang paagi Iyang gituman kadtong mga tahas sa ilang mga kinabuhi ug sa mga kinabuhi niadtong nagpalibot kanila. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Pagtudlo mahitungod sa mga Titulo, mga Tahas, ug mga Hiyas ni Jesukristo” diha sa Pagtudlo sumala sa Pamaagi sa Manluluwas. Makakita ka usab og ehemplo kon unsaon kini sa pagbuhat diha sa leksiyon karong semanaha nga giulohan og “Doktrina ug mga Pakigsaad 45:1–8.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong kinahanglan nga andamon alang sa matag leksiyon.

Doktrina ug mga Pakigsaad 45:1–8

Katuyoan sa leksiyon: Aron matabangan ang mga estudyante nga mas makasabot sa misyon ug kinaiya ni Jesukristo samtang makasabot sila sa pipila sa Iyang mga ngalan ug titulo.

• Pagpangandam sa estudyante: Ikonsiderar ang pagdapit sa mga estudyante sa pagkat-on mahitungod sa gigikanan o mga kahulogan sa ilang mga ngalan ug sa pagtambong nga andam sa pagpakigbahin sa bisan unsang mga detalye nga tingali ilang nadiskobrehan.

• Hulagway nga ipakita: Jesukristo diha sa Getsemani

Doktrina ug mga Pakigsaad 45:9–75, Bahin 1

Katuyoan sa leksiyon: Aron matabangan ang mga estudyante nga mas makasabot kon unsaon nato pagkaplag og kalinaw samtang atong obserbahan ang mga timailhan nga mag-una sa Ikaduhang Pag-anhi sa Manluluwas.

• Pagpangandam sa estudyante: Ikonsiderar ang pagdapit sa mga estudyante sa paghunahuna og ebidensiya nga ilang nakita nga kita nagpuyo sa kataposang mga adlaw.

• Mga materyal: “Timailhan sa Ikaduhang Pag-anhi sa Manluluwas” pagpares nga kalihokan

• Bidyo: “Be Not Troubled” (5:14)

Doktrina ug mga Pakigsaad 45:9–75, Bahin 2

Katuyoan sa leksiyon: Aron matabangan ang mga estudyante nga maandam alang sa Ikaduhang Pag-anhi ni Jesukristo.

• Pagpangandam sa estudyante: Mahimo nimong dapiton ang mga estudyante sa pagbasa sa mga pulong sa usa ka hymno mahitungod sa Ikaduhang Pag-anhi o sa pagkanta niini isip pangbukas nga himno. Hangyoa sila sa paghunahuna kon nganong importante nga sila maandam sa dili pa mobalik ang Manluluwas. Laing kapilian mao ang pagkanta sa “Paggiyaha ang Espiritu” (Mga Himno, nu. 85), mangita sa mga paagi nga ang Espiritu Santo makatabang sa pag-andam kanato alang sa Ikaduhang Pag-anhi sa Manluluwas.

• Handout: “Pagpangandam alang sa Ikaduhang Pag-anhi”