« គោលលទ្ធិ និងសេចក្ដីសញ្ញា ៤៥ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៤៥ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្ដីសញ្ញា ៤៥
គោលលទ្ធិ និងសេចក្ដីសញ្ញា ៤៥
ទិដ្ឋភាពទូទៅ
ទីសម្គាល់ទាំងអស់នៅជុំវិញយើង ថ្លែងទីបន្ទាល់ថា ការយាងមកជាលើកទីពីររបស់ព្រះអង្គសង្គ្រោះគឺជិតមកដល់ហើយ ។ ទីសម្គាល់ខ្លះមានភាពរុងរឿង រីឯខ្លះទៀតមានការហិនហោច ។ ដើម្បីជួយរំងាប់ការភ័យខ្លាច និងភាពមិនច្បាស់លាស់ដែលពួកបរិសុទ្ធជាច្រើនបានមានអារម្មណ៍នៅដើមឆ្នាំ ១៨៣១ ព្រះអម្ចាស់បានអញ្ជើញពួកគេឲ្យស្តាប់ព្រះសូរសៀងរបស់ទ្រង់ ហើយជឿលើព្រះនាមទ្រង់ ។ ទ្រង់បានបង្រៀនអំពីរបៀបដែលយើងអាចរៀបចំខ្លួនសម្រាប់ការយាងមកជាលើកទីពីររបស់ទ្រង់ ។
ការគិតពិចារណាអំពីព្រះបរមងាររបស់ព្រះយេស៊ូវគ្រីស្ទ ៖ ព្រះគម្ពីរមាននូវព្រះនាម និងព្រះបរមងារខុសៗគ្នាជាង ១០០ ដែលពិពណ៌នាអំពីព្រះយេស៊ូវគ្រីស្ទ ។ នៅពេលសិស្សស្វែងយល់អំពីព្រះនាម និងព្រះបរមងារខុសៗគ្នារបស់ព្រះអង្គសង្រ្គោះ សូមអញ្ជើញពួកគេឲ្យគិតពិចារណាអំពីរបៀបដែលទ្រង់បានបំពេញតាមតួនាទីទាំងនោះនៅក្នុងជីវិតរបស់ពួកគេ និងជីវិតរបស់មនុស្សដែលនៅជុំវិញពួកគេ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « បង្រៀនអំពី ងារ តួនាទី និងបុគ្គលិកលក្ខណៈរបស់ព្រះយេស៊ូវគ្រីស្ទ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្តាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៤៥:១–៨ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំសម្រាប់មេរៀននីមួយៗ ។
គោលលទ្ធិ និងសេចក្ដីសញ្ញា ៤៥:១–៨
គោលបំណងមេរៀន ៖ ដើម្បីជួយសិស្សឲ្យយល់កាន់តែច្បាស់អំពីបេសកកម្ម និងលក្ខណៈរបស់ព្រះយេស៊ូវគ្រីស្ទ នៅពេលពួកគេយល់អំពីព្រះនាម និងព្រះបរមងាររបស់ទ្រង់មួយចំនួន ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យស្វែងយល់អំពីប្រភពដើម ឬអត្ថន័យនៃឈ្មោះរបស់ពួកគេ ហើយមករៀនដោយបានត្រៀមខ្លួនដើម្បីចែកចាយព័ត៌មានលម្អិតដែលពួកគេប្រហែលជាបានរកឃើញ ។
-
រូបភាពដែលត្រូវដាក់តាំង ៖ ព្រះយេស៊ូវគ្រីស្ទនៅសួនច្បារគែតសេម៉ានី
គោលលទ្ធិ និងសេចក្ដីសញ្ញា ៤៥:៩–៧៥ ផ្នែកទី ១
គោលបំណងមេរៀន ៖ ដើម្បីជួយសិស្សឲ្យយល់កាន់តែច្បាស់អំពីរបៀបដែលយើងអាចរកឃើញសេចក្តីសុខសាន្ត នៅពេលយើងសង្កេតមើលទីសម្គាល់ដែលនឹងមកមុនការយាងមកជាលើកទីពីររបស់ព្រះអង្គសង្គ្រោះ ។
-
ការរៀបចំសិស្ស ៖ សូមពិចារណាអញ្ជើញសិស្សឲ្យគិតអំពីភស្តុតាងដែលពួកគេឃើញថា យើងកំពុងរស់នៅក្នុងសម័យចុងក្រោយ ។
-
សម្ភារ ៖ សកម្មភាពផ្គូផ្គង « ទីសម្គាល់នៃការយាងមកជាលើកទីពីររបស់ព្រះអង្គសង្គ្រោះ »
-
វីដេអូ ៖ « Be Not Troubled » ( ៥:១៤ )
គោលលទ្ធិ និងសេចក្ដីសញ្ញា ៤៥:៩–៧៥ ផ្នែកទី ២
គោលបំណងមេរៀន ៖ ដើម្បីជួយសិស្សឲ្យរៀបចំខ្លួនសម្រាប់ការយាងមកជាលើកទីពីររបស់ព្រះយេស៊ូវគ្រីស្ទ ។
-
ការរៀបចំសិស្ស ៖ អ្នកអាចអញ្ជើញសិស្សឲ្យអានពាក្យនៃទំនុកតម្កើងអំពីការយាងមកជាលើកទីពីរ ឬឲ្យច្រៀងបទនេះជាទំនុកតម្កើងបើក ។ សូមឲ្យពួកគេគិតអំពីមូលហេតុដែលវាសំខាន់ ដែលពួកគេត្រូវរៀបចំខ្លួនមុនពេលការយាងមកវិញរបស់ព្រះអង្គសង្គ្រោះ ។ ជម្រើសផ្សេងទៀតគឺច្រៀងបទ « ទុកឲ្យព្រះវិញ្ញាណដឹកនាំ » ( ទំនុកតម្កើង ល.រ. ៨២ ) ដោយរកមើលរបៀបដែលព្រះវិញ្ញាណបរិសុទ្ធអាចជួយរៀបចំយើងសម្រាប់ការយាងមកជាលើកទីពីររបស់ព្រះអង្គសង្គ្រោះ ។
-
សំណៅចែក ៖ « ការរៀបចំខ្លួនសម្រាប់ការយាងមកជាលើកទីពីរ »