Mataupu Faavae ma Feagaiga 45

Mataupu Faavae ma Feagaiga 45

Vaaiga Aoao

O faailoga o loo siomia ai i tatou o loo molimau mai ua latalata mai le Afio Mai Faalua o le Faaola. O nisi e fiafia, a o isi e matuai faanoanoa. Ina ia fesoasoani e faatoafilemu le fefe ma le lē mautonu lea na lagonaina e le toatele o le Au Paia i le amataga o le 1831, sa valaaulia i latou e le Alii e faalogo i Lona siufofoga ma talitonu i Lona suafa. Sa Ia aoao mai le ala e mafai ai ona tatou sauni mo Lona Afio Mai Faalua.

Manatunatu i faalagiga o Iesu Keriso: O loo i ai i tusitusiga paia le silia ma le 100 o suafa ma faalagiga eseese o loo faamatala ai Iesu Keriso. A o faailoa mai e tamaiti aoga suafa ma faalagiga eseese o le Faaola, valaaulia i latou e tomanatu pe na faapefea ona Ia faataunuuina na matafaioi i o latou lava olaga ma i olaga o i latou o siomia i latou. Mo nisi faamatalaga i le ala na faia ai e le Faaola lenei mea, tagai i le vaega “Aoao atu e uiga i Faalagiga, Matafaioi, ma Uiga o Iesu Keriso” i le Aoao Atu i le Ala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 45:1–8.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona saunia ai mo lesona taitasi.

Mataupu Faavae ma Feagaiga 45:1–8

Faamoemoega o le lesona: Ina ia fesoasoani i tamaiti aoga ia malamalama atili i le misiona ma uiga o Iesu Keriso a o latou malamalama i nisi o Ona suafa ma faalagiga.

• Sauniuniga a le tamaitiiti aoga: Mafaufau e valaaulia tamaiti aoga e aoao e uiga i le faapogai po o uiga o o latou igoa ma ia o mai saunia e faasoa mai soo se faamatalaga atonu na latou mauaina.

• Ata e faaali: O Iesu Keriso i Ketesemane

Mataupu Faavae ma Feagaiga 45:9–75, Vaega 1

Faamoemoega o le lesona: Ina ia fesoasoani i tamaiti aoga ia malamalama atili pe mafai faapefea ona tatou maua le filemu a o tatou matauina faailoga o le a taimua mai i le Afio Mai Faalua o le Faaola.

• Sauniuniga a le tamaitiiti aoga: Mafaufau e valaaulia tamaiti aoga e mafaufau e uiga i faamaoniga latou te vaaia o loo tatou ola ai i aso e gata ai.

• Anomea: “Faailoga o le Afio Mai Faalua o le Faaola” gaoioiga faafetaui

• Vitio: “Aua Le Atuatuvale” (5:14)

Mataupu Faavae ma Feagaiga 45:9–75, Vaega 2

Faamoemoega o le lesona: Ina ia fesoasoani i tamaiti aoga e saunia mo le Afio Mai Faalua o Iesu Keriso.

• Sauniuniga a le tamaitiiti aoga: E mafai ona e valaaulia tamaiti aoga e faitau upu o se viiga e uiga i le Afio Mai Faalua pe usuina o se viiga amata. Fai atu ia i latou e mafaufau pe aisea e taua ai ona latou saunia a o lei toe afio mai le Faaola. O le isi filifiliga o le usuina lea o le “Agaga Taitai Mai,” (Viiga, nu. 78), ma vaavaai mo auala e mafai ai e le Agaga Paia ona fesoasoani e saunia i tatou mo le Afio Mai Faalua o le Faaola.

• Tufaaga: “Sauniuniga mo le Afio Mai Faalua”