“Lesona 59—Fotopampianarana sy Fanekempihavanana 45:9–75, Tapany 1: Ireo famantarana mialoha ny Fiavian’i Jesoa Kristy Fanindroany,” Boky torolalana ho an’ny mpampianatra seminera: Fotopampianarana sy Fanekempihavanana (2025)
“Fotopampianarana sy Fanekempihavanana 45:9–75, Tapany 1,” Boky torolalana ho an’ny mpampianatra seminera: Fotopampianarana sy Fanekempihavanana
Lesona 59: Fotopampianarana sy Fanekempihavanana 45
Fotopampianarana sy Fanekempihavanana 45:9–75, Tapany 1
Ireo famantarana mialoha ny Fiavian’i Jesoa Kristy Fanindroany
Ireo famantarana rehetra manodidina antsika dia mijoro ho vavolombelona fa efa akaiky ny Fiavian’ny Mpamonjy Fanindroany. Ny famantarana sasany dia be voninahitra, fa ny hafa kosa tena mahakivy. Ity lesona ity dia natao hanampiana ireo mpianatra hahatakatra kokoa ny fomba ahafahantsika mahita fiadanana rehefa mandinika ireo famantarana izay hialoha ny Fiavian’ny Mpamonjy Fanindroany isika.
Sahanasa fianarana azo atao
Rehefa manomana sy mampianatra ity lesona ity ianao, dia tadidio fa ny “Fotopampianarana sy Fanekempihavanana 45:9–75, Tapany 2” dia hifantoka amin’ny fiomanana ho amin’ny Fiaviana Fanindroany. Hanamafy ny fitsanganana eo amin’ny toerana masina sy ny fandraisana ny Fanahy ho mpitari-dalana antsika izany (jereo ny andininy 32, 57).
Mari-pamantarana
Asao ireo mpianatra hieritreritra toerana malaza iray izay tian’ireo fianakaviana ao amin’ny faritra misy anao ny mitsidika azy. Angataho ny mpilatsaka an-tsitrapo iray hanao sary fanehoana io toerana io eo amin’ny ilany iray eo amin’ny solaitrabe. Angataho ny mpilatsaka an-tsitrapo iray hafa hanao ny sarin’ny toerana misy ny seminera atrehanao eny amin’ny ilany iray hafa eo amin’ny solaitrabe. Asao ireo mpianatra hieritreritra ny fomba hitarihan’izy ireo olona iray tsy mahafantatra ilay faritra, miainga avy eo amin’ny toerana misy ny seminera mankany amin’ilay toerana malaza. Angataho izy ireo ho eny amin’ny solaitrabe ary hanao sary na hitanisa ireo mari-pamantarana manokana izay azon’ilay olona jerena rehefa manakaiky ny toerana halehany.
Hamafiso fa ny mari-pamantarana rehetra izay hitan’ilay olona eny an-dalana dia hanome azy fahatokiana bebe kokoa fa efa manakaiky kokoa ny toerana haleha izy.
-
Inona no mampitovy ireo mari-pamantarana ireo amin’ireo famantarana izay hialoha ny Fiavian’ny Mpamonjy Fanindroany?
Azonao atao ny manolo ny toerana misy ny seminera eny amin’ny solaitrabe amin’ny teny hoe “Izao androntsika izao” ary manolo ilay toerana malaza amin’ny hoe “Ny Fiaviana Fanindroany” (na asehoy ny sarin’ny Fiaviana Fanindroany).
Asao ny mpianatra hitanisa eny amin’ny solaitrabe ireo famantarana ny Fiavian’ny Mpamonjy Fanindroany izay fantatr’izy ireo. Ampahatsiahivo izy ireo mba tsy hiahiahy momba ny filaharan’ireo famantarana satria tsy mbola nambara tanteraka izany.
-
Inona no fahatsapana anananao rehefa mieritreritra ireo famantarana ny Fiaviana Fanindroany?
-
Nahoana araka ny eritreritrao no tian’ny Mpamonjy ho fantatsika ny momba ireo famantarana ireo?
Rehefa mandalina ianao androany, dia eritrereto ny fomba ahafahan’ny fahafantarana ireo famantarana ny Fiavian’ny Mpamonjy Fanindroany ireo mitondra fiadanana sy fanantenana eo amin’ny fiainanao.
Famantarana ny fotoana
Ny ankamaroan’ny Fotopampianarana sy Fanekempihavanana 45 dia maneho ny toriteny ara-paminaniana nataon’ny Mpamonjy ho valin’ny fanontanian’ireo mpianany mikasika ireo famantarana ny Fiaviana Fanindroany (jereo ny Matio 24; Joseph Smith—Matio 1).
Mba hanampiana ireo mpianatra hahatakatra ireo famantarana sasany nampianarin’ny Mpamonjy ao amin’ny fizarana 45, dia asehoy ity sahanasa fampifanarahana manaraka ity, na zarao ny tahadikan’izany. Azonao atao ny manasa ireo mpianatra hiasa tsirairay, na tsiroaroa, na ao anaty vondrona kely mba hampifanaraka ireo andinin-tsoratra masina amin’ireo famantarana izay faritan’izy ireo.
Valiny: 1-F, 2-D, 3-B, 4-G, 5-E, 6-A
|
Ireo famantarana ny Fiavian’ny Mpamonjy Fanindroany |
Ireo famantarana ny Fiavian’ny Mpamonjy Fanindroany | ||
|---|---|---|---|
Ireo famantarana ny Fiavian’ny Mpamonjy Fanindroany | Ireo famantarana ny Fiavian’ny Mpamonjy Fanindroany
| ||
Ireo famantarana ny Fiavian’ny Mpamonjy Fanindroany | Ireo famantarana ny Fiavian’ny Mpamonjy Fanindroany
| ||
Ireo famantarana ny Fiavian’ny Mpamonjy Fanindroany | Ireo famantarana ny Fiavian’ny Mpamonjy Fanindroany
| ||
Ireo famantarana ny Fiavian’ny Mpamonjy Fanindroany | Ireo famantarana ny Fiavian’ny Mpamonjy Fanindroany
| ||
Ireo famantarana ny Fiavian’ny Mpamonjy Fanindroany | Ireo famantarana ny Fiavian’ny Mpamonjy Fanindroany
| ||
Ireo famantarana ny Fiavian’ny Mpamonjy Fanindroany | Ireo famantarana ny Fiavian’ny Mpamonjy Fanindroany
| ||
Mitandrema amin’ny fandaniana fotoana be loatra amin’ny firesahana momba ireo famantarana na ny fanombantombanana ny dikany na ny fahatanterahany. Betsaka no tsy mbola nambara, ary ny Fanahy Masina dia tsy hijoro ho vavolombelona momba ny fandikan-javatra diso.
-
Iza amin’ireo no tsapanao fa hitantsika ankehitriny?
-
Nahoana araka ny eritreritrao no samy tian’ny Mpamonjy ho fantatsika ireo famantarana mifono fanantenana sy ireo famantarana mampikorontana?
-
Nahoana no mety hampitombo ny finoanao an’i Jesoa ny fahafantaranao fa nahafantatra ireo antsipiriany momba ny androntsika ireo Izy?
Inona no mety ho azontsika atao manoloana ireo famantarana ny Fiaviana Fanindroany?
Vakio ny Fotopampianarana sy Fanekempihavanana 45:35 sy ny Joseph Smith—Matio 1:23, 39 mba hitadiavana ny zavatra tian’ny Mpamonjy ho takatry ny mpianany sy ho tsapany mikasika ireo famantarana ny fiaviany.
-
Inona no hitanao?
Raha ilaina, dia ampio ny mpianatra hamantatra ilay fahamarinana hoe rehefa mahita ny fahatanterahan’ny famantarana ny Fiavian’ny Mpamonjy Fanindroany isika dia afaka mahafantatra fa eo am-pahatanterahana ireo fampanantenany amintsika.
-
Ahoana no ahafahan’ny fahatakarana izany fahamarinana izany manampy antsika tsy hiahiahy eo anatrehan’ireo famantarana mialoha ny Fiaviana Fanindroany?
Nampianatra izao ny Loholona Dieter F. Uchtdorf ao amin’ny Kôlejin’ny Apôstôly Roambinifolo:
Rahalahy sy ranabavy isany, nangatahina isika handalina ny tenin’ Andriamanitra sy hanaraka ny feon’ny Fanahy, mba hahafahantsika “[m]ahafantatra ireo famantarana ny fotoana sy ireo famantarana ny amin’ny fiavian’ny Zanak’olona” [Fotopampianarana sy Fanekempihavanana 68:11].
Noho izany isika dia mahafantatra ireo olana misy eo amin’izao tontolo izao ary mahalala ireo fahasarotana amin’ny vaninandro misy antsika. Saingy tsy midika anefa izany fa tokony hamesatra ny tenantsika na ny hafa amin’ny tahotra lalandava isika. Ho solon’ny fifantohana amin’ny hasarotry ny olana mianjady amintsika, dia tsy tsaratsara kokoa ve ny mifantoka amin’ny halehibe sy hatsarana tsy manam-petra ary ny hery tanteraky ny Andriamanitsika, ny matoky Azy ary ny miomana amin’ny fo falifaly amin’ny fiverenan’i Jesoa Kristy?
Amin’ny maha-vahoakan’ny fanekempihavanany antsika dia tsy tokony ho raiki-tahotra isika noho ny mety ho fisian’ny zavatra ratsy mitranga. Afaka mandroso amim-pinoana sy amin’ny risi-po ary amim-pahavononana kosa isika, ary matoky an’ Andriamanitra eo am-piatrehantsika ireo olana sy eo am-pisokafan’ny lalana eo alohantsika. (Dieter F. Uchtdorf, “Ny fitiavana tanteraka mandroaka ny tahotra,” Liahona, mey 2017)
-
Inona no nisongadina taminao tamin’io fanambarana io?
-
Eo anatrehan’ireo korontana rehetra misy sy mbola hitranga eto amin’izao tontolo izao, inona no porofo hitanao fa i Jesoa Kristy no mifehy ny toe-draharaha?
Vakio ny fanoharana nampianarin’ny Mpamonjy ao amin’ny Fotopampianarana sy Fanekempihavanana 45:36–38. Eritrereto hoe ahoana no ahafahan’ireo ravinkazo manampy antsika hahafantatra hoe hatraiza ny halaviran’ny fahavaratra.
Ho solon’ny famakiana an’ilay fanoharana, dia azonao aseho ilay horonan-tsary hoe “Aza matahotra” (5:14), hita ao amin’ny ChurchofJesusChrist.org.
-
Ahoana no mampitovy ny ravin’ilay hazo ao amin’io fanoharana io amin’ireo famantarana ny fotoana nomen’ny Mpamonjy antsika?
-
Ahoana no ahafahan’io fanoharana io manampy ireo izay miaina amin’ny andro farany mba tsy hiahiahy?
Mba hanampiana ireo mpianatra haneho ny fahatakarany ny fitsipika noresahina tato amin’ity lesona ity dia asehoy ity rafi-tantara manaraka ity ary asao izy ireo hamaly. Azonao atao ihany koa ny manasa azy ireo hanome antsipiriany momba ilay rafi-tantara, toy ny anaran’ilay namana sy ireo zavatra manokana hitranga mialoha ny Fiavian’ny Mpamonjy Fanindroany izay mampanahy ny tanora maro.
Alaivo sary an-tsaina hoe nisy namana iray nianatra momba ireo famantarana mampikorontan-tsaina izay hialoha ny Fiavian’ny Mpamonjy Fanindroany. Noho ny horohoron-tany vao haingana niseho teo akaiky teo, dia tsapany fa efa mitranga ireo famantarana sasany ireo, ary manahy ny amin’izay mbola ho avy izy. Manahy ny amin’ny fiantraikan’ireo zava-mitranga ireo eo amin’ny hoaviny izy.
Asao ny mpianatra hanoratra torohevitra vitsivitsy ho an’io namana io ao amin’ny diariny, izay mifototra amin’ny zavatra nianarany androany. Ireto fanontaniana manaraka ireto dia mety hanampy amin’ny fanoratana.
Raha tsy izany dia afaka mifanakalo hevitra tsiroaroa na ao anaty vondrona kely ihany koa ny mpianatra mikasika ny atao manoloana ilay rafi-tantara.
-
Inona no soratra masina afaka manampy ny namanao hahatakatra kokoa ny hatsaran’ny Mpamonjy sy ireo zava-mitranga alohan’ny fiaviany?
Mety hanampy ny fampisehoana ny teny nambaran’ny Loholona Uchtdorf tany am-piandohan’ny lesona rehefa mamaly ity fanontaniana manaraka ity ny mpianatra.
-
Inona avy ireo hevi-baovao avy amin’ny teny nambaran’ny Loholona Uchtdorf izay afaka manampy ny namanao? Nahoana?
-
Nahoana no mety hanampy azy ny fiezahana mijery ireo famantarana amin’ny fomba fijery mibanjina ny mandrakizay?
Azonao atao ny mamarana amin’ny fanasana ireo mpianatra hizara ny fanantenana tsapan’izy ireo momba ny Fiavian’i Jesoa Kristy Fanindroany.