62-р хичээл: Сургаал ба Гэрээ 46–48

Сургаал ба Гэрээ 46:7–33, 1-р хэсэг

Сүнсний бэлгүүд

Ариун Сүнсний бэлэг хүлээн авч буй өсвөр насны хүүхэд

Тэнгэрлэг Эцэг Сүмийн итгэлтэй гишүүдийг сүнслэг бэлгүүдээр адисалдаг. Эдгээр бэлэг нь Аврагчтай илүү адил болж, эргэн тойрныхоо хүмүүсийг адислах боломжийг бидэнд олгодог. Энэ хичээл нь Тэнгэрлэг Эцэг яагаад биднийг сүнслэг бэлгээр адисалдгийг мэдэж авснаар Тэнгэрлэг Эцэгийн тэднийг гэх хайрыг ойлгоход суралцагчдад тусална.

Боломжит суралцах үйл ажиллагаа

Энэ нь Сүнсний бэлгүүдийн тухай хоёр хичээлийн эхнийх нь юм. 1-р хэсэг нь Тэнгэрлэг Эцэг биднийг сүнслэг бэлгээр адисалдаг зорилго дээр төвлөрнө. 2-р хэсэг нь сүнслэг бэлгүүдийг хэрхэн эрэлхийлж болохыг олж мэдэхэд суралцагчдад тусална. Хэрэв хичээлийн цаг хүрэлцэхгүй, уг сэдвийг нэг л хичээлээр заах боломжтой бол хичээлүүдийг хэрхэн үр дүнтэй нэгтгэж болох талаар бодож үз.

Тэнгэрлэг Эцэгийн хайрын нотолгоо

“My Heavenly Father Loves Me” (2:58) гэх мэт Тэнгэрлэг Эцэгийн хүүхдүүдээ гэх хайрын тухай дууг дуулах юм уу сонсож хичээлээ эхлэхийг бод. Хэрэв суралцагчдыг бэлтгэл үйл ажиллагааг хийж гүйцэтгэхэд урьсан бол энэ нь хэрхэн бэлдсэнийг нь шалгах тохиромжтой цаг юм. Эсвэл та суралцагчдыг дараахтай адил асуултуудыг тунгаан бодоод, хариултаа хуваалцахыг хүсэж болно. Үүнд:

• Ариун Сүнс хэзээ таныг өөрийн эсвэл бусдын амьдралыг адисалсан ямар нэгэн зүйлийн талаар бодож, хэлж эсвэл хийхэд урамшуулж байсан бэ?

• Уг үйл явдал Тэнгэрлэг Эцэгийн хүүхдүүдээ гэх хайрын талаар танд юу заасан бэ?

Сүнсний бэлэг

Бурханы Ариун Сүнсээр дамжуулан бидэнд өгдөг адислал, ур чадваруудыг сүнслэг бэлэг гэдэг.

• Та сүнслэг бэлгүүд болон тэдгээрийн зорилгын талаар юу мэдэх вэ?

Сүмийн эхэн үеийн гишүүдийн Сүнсний бэлгүүд хүлээн авах хүслийг суралцагчдад ойлгуулахын тулд та Гэгээнтнүүд: Хожмын Үеийн Есүс Христийн Сүмийн түүхийн 1-р боть болох Үнэний жишиг, 1815–1846 (2018) номын 111–113-р хуудсыг уншиж эсвэл saints.ChurchofJesusChrist.org дээрх 10-р бүлгийн аудиог цагийн код 12:36-аас 15:52 хүртэл тоглуулж болно. Эсвэл та дараах тоймыг хуваалцаж болно.

Көртланд дахь Сүмийн эхэн үеийн хөрвөгчид сүнслэг бэлэг хүлээн авна гэсэн амлалт аваад баяртай байв. Гэвч зарим нь эдгээр бэлэг хэрхэн илрэх талаар буруу ойлголттой байсан.

Көртландын зарим гэгээнтэн итгэл үнэмшлийн хувьд туйлшран, юуг Сүнсний бэлэг гэж хүлээн авснаа илчлэх болов. Хэд хэдэн хүн юу болохыг нь тайлбарлах боломжгүй үзэгдэл харснаа хэлжээ. Зарим нь Ариун Сүнс тэднийг газраар хөрвөж, үсрэн харайхад хүргэсэн гэж байлаа. Нэг хүн Сүнс мэдэрлээ гэж бодмогц өрөөгөөр үсрэн харайж эсвэл таазны дам нуруунаас дүүжлэгдэж байв. Бас нэг нь бүдүүлэг аашлах болов.

Ингэж аашлахыг хараад зарим хөрвөгч сэтгэлээр унаж, шинэ сүмийг орхин явсан юм. (Гэгээнтнүүд, 1:112)

• Орчин үед хүмүүст Сүнсний бэлгийн талаар ямар асуулт, буруу ойлголт байж болох вэ?

Суралцагчдыг сүнслэг бэлгийн талаар асуухад урьж болно. Сүнслэг бэлгүүд мөн тэдгээр нь хэрхэн Бурханы хайрын нотолгоо болдог талаар илүү сайн ойлгоход нь туслах сургаалуудыг хайж олоход суралцагчдыг урамшуул.

Их Эзэн сүнслэг бэлгийн талаарх үнэнүүдийг илчилсэн

Бошиглогч Иосеф Смит Көртландын гэгээнтнүүдэд хэрхэн туслах талаар тэнгэрлэг удирдамж эрэлхийлжээ. Иосеф Смитийн хүлээн авсан нэг илчлэлээр Их Эзэн гэгээнтнүүдэд хууран мэхлэгдэхээс зайлсхийхэд болон Сүнсний жинхэнэ бэлгүүдийг ойлгоход туслах зарчмуудыг заасан.

Сургаал ба Гэрээ 46:7–8-ыг уншаад, Их Эзэний гэгээнтнүүдэд өгсөн сэрэмжлүүлгийг олж мэд.

• Бид хууран мэхлэгдэхээс хэрхэн зайлсхийж чадах талаар Их Эзэн эдгээр шүлэгт юуг заасан бэ?

Сургаал ба Гэрээ 46:9–12, 26-г уншина уу. Дараах асуултуудад хариул.

• Сүнслэг бэлгүүдийг хэнд өгдөг вэ?

• Тэнгэрлэг Эцэг яагаад хүүхдүүддээ сүнслэг бэлэг өгдөг вэ?

  Дээрх хоёр асуултыг суралцагчдад судалж байхдаа харах боломжтой газарт тавь. Тэд ганцаараа эсвэл жижиг бүлгээр судалж болно. Судлах хангалттай цаг гаргаж өгсний дараа асуултуудад хэрхэн хариулснаа ярилцахад тэднийг урь.

  Ярилцаж байхдаа, Тэнгэрлэг Эцэг бүгдэд ашиг тусаас нь хүртэх боломжийг олгохын тулд хүүхдүүдээ сүнслэг бэлгээр адисалдаг гэсэн үнэнийг тодорхойлоход суралцагчдад тусал.

• Сүнслэг бэлгийн зорилгыг мэдэх нь тэдгээрийг амьдралдаа таньж мэдэхэд бидэнд хэрхэн тусалж чадах вэ?

Сүнслэг бэлгийн талаар илүү ихийг мэдэж авах

Суралцагчдад Сургаал ба Гэрээ 46-д дурдсан сүнслэг бэлгүүдийн талаар мэдэж авахад нь туслахын тулд тэдэнд “Эдгээр бэлэг Бурханаас болой” гэх тараах материалыг өг. Суралцагчид үүнийг ганцаараа эсвэл жижиг бүлгээр хийж болно. Дараах тодорхойлолтуудыг үзүүлэх нь тус болж болох юм.

• Үйлчлэлийн ялгаануудыг мэдэх (15-р шүлэг): Энэ бэлэг нь бусдын сүнслэг бэлгүүдийг таньж мэдэх, тэдгээр нь үйлчлэлийн янз бүрийн албан тушаалд хэрхэн тус болохыг олж харахад удирдагчдад тусалж болно.

• Үйл ажиллагаа олон янз байдгийг мэдэх (16-р шүлэг): Энэ бэлэг нь хүмүүст заах эсвэл нөлөөлөх нь Бурханаас уу эсвэл бусад эх сурвалжаас уу гэдгийг мэдэхэд тусална.

• Бошиглох бэлэг (22-р шүлэг): “Есүсийн гэрчлэл бол эш үзүүллэгийн сүнс мөн” (Илчлэл 19:10). Хувийн илчлэл нь гэрчлэлийн эх үүсвэр бөгөөд гэрчлэл нь тухайн хүнийг бошиглох эсвэл Бурханы ажлыг гэрчлэх боломжийг олгодог.

• Сүнсийг ялган таних (23-р шүлэг): Энэ нь тухайн хүнд бусдын үнэн санаа, далд хүслийг ялган таних эсвэл ойлгох боломжийг олгодог. Энэ бэлэг нь хүнд бусдын далд хилэнцийг илрүүлж мөн бусдын сайн талыг олж харахад тусалдаг.

“Энэ бүх бэлэг Бурханаас ирдэг”

Сургаал ба Гэрээ 46:13–26-г уншаад, Бурханы хүүхдүүддээ өгдөг олон сүнслэг бэлгийг тодорхойл. Эдгээр бэлэг Бурханы хүүхдүүдэд хэрхэн ач тустай болохыг илүү сайн ойлгоход нь туслахын тулд шүлэг болгоныг тохирох жишээнүүдтэй холбо.

Сүнслэг бэлгүүд		Сүнслэг бэлгүүд
Сүнслэг бэлгүүд Сургаал ба Гэрээ 46:13	Сүнслэг бэлгүүд Мишээл Залуу эмэгтэйчүүдийн ангийн ерөнхийлөгчөөр үйлчилж байхдаа ангийн гишүүдийнхээ өөр өөр давуу талыг ялган таньж чаджээ. Ийн ялган таньсан нь ангийнханд утга учиртай арга замаар хувь нэмрээ оруулж, үйлчлэх боломжийг олгох томилгоонуудыг хийхэд түүнд тусалжээ.
Сүнслэг бэлгүүд Сургаал ба Гэрээ 46:14	Сүнслэг бэлгүүд Саманта бусдын гэрчлэлийг сонсож байхдаа Сүм үнэн гэдгийг мэднэ гэдгээ тэдний нэгэн адил хэлж чадах эсэхдээ итгэлгүй байв. Гэхдээ тэдний гэрчлэлийг сонссоноор Аврагчид итгэх итгэл нь нэмэгджээ. Энэ итгэл нь түүнийг итгэлээрээ үргэлжлүүлэн амьдрахад сүнслэгээр өдөөв.
Сүнслэг бэлгүүд Сургаал ба Гэрээ 46:15	Сүнслэг бэлгүүд Люсийг үдэшлэгт урьжээ. Хэн ч түүнд нарийн ширийн юм хэлээгүй ч түүнд тэнд оролцох талаар таагүй мэдрэмж төрөв. Тэр урилгаас эелдгээр татгалзлаа. Ингэх нь хэцүү санагдсан ч тэр зөв зүйл хийж байгаагаа мэдрэв.
Сүнслэг бэлгүүд Сургаал ба Гэрээ 46:16	Сүнслэг бэлгүүд Их Эзэн олон бошиглогчид Есүс Христийн тохинуулал (Исаиа 7:14; 1 Нифай 11:27–28; Мозая 3:5–10-ыг үзнэ үү) гэх мэт ирээдүйд болох үйл явдлыг урьдчилж хэлэхэд тусалсан.
Сүнслэг бэлгүүд Сургаал ба Гэрээ 46:17–18	Сүнслэг бэлгүүд Робэрт сайн мэдээний дагуу амьдарч, тогтмол залбирч, судраас судлахыг хичээснээр Есүс Христ бол түүний Аврагч гэдгийг мэддэг болсон.
Сүнслэг бэлгүүд Сургаал ба Гэрээ 46:19–20	Сүнслэг бэлгүүд Ахлагч Васкүз, ахлагч Кокс хоёрт номлолын ажил хүнд байсан ч тэд Есүс Христэд итгэлтэйгээр үйлчлэхээр шийджээ. Цаг хугацаа өнгөрөхийн хэрээр тэд зүрх сэтгэл нь зөөлөрч, зааж байгаа хүмүүсийнх нь амьдралд гайхамшгууд тохиож байгааг харж эхлэв.
Сүнслэг бэлгүүд Сургаал ба Гэрээ 46:21	Сүнслэг бэлгүүд Марк өвдөхдөө ааваасаа санваарын адислал авч болно гэдгээ мэддэг. Олон удаа эдгээр адислал нь түүнд илүү их амар амгалан, хүч чадлыг өгч байжээ.
Сүнслэг бэлгүүд Сургаал ба Гэрээ 46:22	Сүнслэг бэлгүүд Сошиал медиа дээрх нэг нийтлэл Алисын нэг найзыг итгэлдээ эргэлзэхэд хүргэв. Уг нийтлэлийг Алистай хуваалцахад тэр тухайн мэдээлэл Бурханаас биш болохыг ялган таньсан.
Сүнслэг бэлгүүд Сургаал ба Гэрээ 46:23	Сүнслэг бэлгүүд Жудигээс Залуу эмэгтэйчүүдийн ангид заахыг хүсэв. Тэнгэрлэг Эцэгийн тусламжийг эрэлхийлснээр тэр хичээлдээ бэлтгэхдээ удирдамж хүлээн авч, сэнхрүүлэх хичээл зааж чаджээ.
Сүнслэг бэлгүүд Сургаал ба Гэрээ 46:24–25	Сүнслэг бэлгүүд Эриксон эгч өөр улсад номлолд үйлчлэхээр дуудагдав. Тэрээр Бурханаас тусламж эрэлхийлж, хэлээ сурахаар ажилласнаар бусдыг ойлгож, хүчирхэг гэрчлэл хуваалцаж чадаж байгаагаа олж мэдэв.

Суралцагчдыг энэ үйл ажиллагааг дуусгах үед хариултуудыг тэдэнтэй хуваалц. Хариултууд: 1e, 2b, 3a, 4h, 5i, 6g, 7f, 8d, 9c, 10j. Хэрэгтэй бол тодруулга өг.

• Тэнгэрлэг Эцэг Сүнсний бэлгүүдээр дамжуулан хэрхэн хүүхдүүдээ адисалдаг талаар та юу сурч мэдсэн бэ?

  Тэнгэрлэг Эцэг өөрсдийг нь сударт дурдсанаас хамаагүй олон сүнслэг бэлгээр адисалж байгааг суралцагчид таньж мэдэж болох юм гэдгийг тайлбарла. Жишээлбэл: Тэр Ариун Сүнсээр дамжуулан бухимдмаар нөхцөл байдалд тэвчээрээр, гомдоосон нэгнийг уучлах чадвараар, хэрэгтэй үед зоригоор эсвэл хэн нэгэнд үйлчлэх агуу хүслээр тэднийг адисалж болно. Суралцагчдыг бидний хүлээн авах боломжтой нэмэлт сүнслэг бэлгийн тухай мөн тэдгээр нь хэрхэн Бурханы хайрын илрэл болох талаар бодоход урь. Та тэдгээрийн заримыг самбарт жагсаан бичиж болно.

• Тэнгэрлэг Эцэг таныг өөр ямар ямар сүнслэг бэлгээр адисалсан бэ?

• Бусдын сүнслэг бэлгээр дамжуулан Тэр хэрхэн таныг адисалж байсан бэ?

• Сүнслэг бэлэгтэй холбоотой таны туршлага Тэнгэрлэг Эцэгтэй харилцах харилцаанд тань хэрхэн нөлөөлж байсан бэ?

Нэмэлт эх сурвалж

Би Сүнслэг бэлгийн талаар илүү ихийг хаанаас мэдэж авч болох вэ?

Энэ хичээл дээр дурдсан зарим сүнслэг бэлгийн талаарх дэлгэрэнгүй тайлбарыг харах бол Шинэ Гэрээний суралцагчийн гарын авлага (2018) дахь “1 Коринт 12–14” дээрх хүснэгтийг үзнэ үү.

Сургаал ба Гэрээ 46:7–8: Дайсан хэрхэн хүмүүсийг Сүнсийг мэдэрч байна гэж итгүүлэн, хуурч мэхэлдэг вэ?

Көртландын зарим гэгээнтэнд тохиолдсон сүнслэг хууран мэхлэлтүүд нь өнөө үед Сүмд түгээмэл тохиолддоггүй ч дайсан Есүс Христийн сайн мэдээтэй нийцэхгүй зан үйлд хүмүүсийг хөтлөн хуурдаг хэвээр.

Арван хоёр төлөөлөгчийн чуулгын ахлагч Дэйл Г.Рэнланд ийн хуваалцсан.

Ахлагч Дэйл Г.Рэнланд

Надад нэг хүн гэр бүлийн санхүүгийн нөхцөл байдлаа тогтворжуулах гэж хичээсэн тухайгаа ярьсан юм. Шийдэл болгож сангийн мөнгийг шамшигдуулах санаа түүнд төрсөн бөгөөд тэр энэ талаар залбираад, үүнийг хийж болно гэсэн баттай илчлэлийг хүлээн авсан мэт санагдсан байна. Тэрээр Бурханы тушаалд харш илчлэл эрэлхийлсэн учраас хууртагдсан гэдгийг нь би мэдэж байсан. Бошиглогч Иосеф Смит “Хүмүүний үрс хуурамч сүнсний нөлөөн дор байгаагаа Бурханы Сүнстэй байгаа гэж эндүүрэхээс илүү аюултай хорлол гэж үгүй” хэмээн сэрэмжлүүлжээ [Joseph Smith, in Times and Seasons, Apr. 1, 1842, 744, josephsmithpapers.org]. (Дэйл Г.Рэнланд, “Хувийн илчлэл авах цогц дүрэм,” Лиахона, 2022 оны 11-р сар)

Сүнслэг бэлгүүдийг хүлээн авахад Ариун Сүнсний бэлэг шаардлагатай юу?

Бошиглогч Иосеф Смит ийн заасан.

Бошиглогч Иосеф Смит

“Бид … бошиглолд, олон янзын хэлээр ярихад, үзэгдэл болон илчлэлүүдэд, мөн эдгээлтэд итгэдэг; түүнчлэн эдгээр зүйлсийг Ариун Сүнсний бэлэггүйгээр эзэмшиж чадахгүй гэдэгт итгэдэг.” (Сүмийн ерөнхийлөгчдийн сургаалаас: Иосеф Смит [2007].

Бидэнд хүлээн авах боломжтой өөр ямар сүнслэг бэлгүүд байдаг вэ?

Далын ахлагч Жон С.Пингрий ийн заасан.

Ахлагч Бага Жон С.Пингрий

Хэд хэдэн сүнслэг бэлэг сударт тэмдэглэгдсэн байдаг ч (1 Коринт 12:1–11, 31; Моронай 10:8–18; Сургаал ба Гэрээ 46:8–26) өөр олон бэлэг бий. Зарим жишээ дурдахад, энэрэнгүй сэтгэлтэй байх, итгэж найддагаа илэрхийлэх, хүмүүстэй сайн харьцаатай байх, үр дүнтэй зохион байгуулах, итгэл үнэмшилтэй ярьж, бичих, тодорхой зааж, шаргуу хөдөлмөрлөх зэрэг юм. (Бага Жон К.Пингрий, “Чамд зориулсан ажил надад буй,” 2017 оны 10-р сарын Ерөнхий чуулган, 19)

Арван хоёр төлөөлөгчийн чуулгын ахлагч Марвин Ж.Эштон (1915–1994) нэмэлт сүнслэг бэлгүүдийн тухай ийн ярьжээ.

Нэмэлт суралцах үйл ажиллагаа

Бид бүгдэд өөр өөр боловч амин чухал бэлгүүд бий

Энэ үйл ажиллагааг тараах материалын оронд ашиглаж болно.

Хичээл эхлэхийн өмнө 13–25 хүртэл тоонуудыг цаасны энд тэнд бич. Дараа нь цаасыг 13 хэсэг болгон, тус бүр дээр нь нэг тоо байхаар хайчил.

Хичээлийн тодоор бичсэн үнэнийг тодорхойлсны дараа, суралцагчдын дунд эвлүүлдэг зургийн хэсгүүдийг тараана. Цаасан дээрх тоонууд нь Сургаал ба Гэрээ 46-д байгаа шүлгүүдийг төлөөлж байгаа бөгөөд эдгээр нь бүгд Сүнсний бэлгүүдийг нэрлэж байгааг тайлбарла. Суралцагчдыг тэдэнд өгөгдсөн тоонуудтай таарч байгаа шүлгүүдийг чанга уншихад урь.

Шүлэг бүрийг уншсаны дараа, тэр бэлэг нь Бурханы хүүхдүүдэд ашиг тустай байж болох нэг нөхцөл байдлыг санал болгохыг суралцагчдаас хүс. Хуваалцахад нь ангийнхныг хамтдаа хэсгүүдийг эвлүүлэхэд урь. Суралцагчдад хэсгүүдийг эвлүүлэхэд шаардагдах өөр өөр хэсгийг өгсөнтэй адил бидэнд бие биедээ тус болоход хэрэгтэй өөр өөр сүнслэг бэлгийг өгсөн гэдгийг онцол (12-р шүлгийг үзнэ үү).

Мэдэх ба итгэх

Хэдийгээр Есүс Христ бол Бурханы Хүү гэдгийг мэдэх бэлгийг бид хараахан эзэмшээгүй байсан ч Түүнд итгэх бэлэг нь Бурханаас өгсөн томоохон бэлэг юм гэдгийг олж харах нь суралцагчдад хэрэгтэй байж болно (Сургаал ба Гэрээ 46:13–14-ийг үзнэ үү).

Арван хоёр төлөөлөгчийн чуулгын ахлагч Жэффри Р.Холланд ийн заасан.

Ахлагч Жэффри Р.Холланд

14 настай нэгэн хөвгүүн надад эргэлзсэн байдалтайгаар ‘Холланд ах аа, би Сүм үнэн гэж хараахан хэлж чадахгүй ч гэсэн үнэн гэдэгт итгэж байна’ гэж хэлж билээ. Би тэр хөвгүүнийг бараг нүдийг нь бүлтэртэл чангаар тэвэрч, итгэх гэдэг үг, үйлдэл хэчнээн нандин болох талаар бас тэр хэзээ ч ‘зөвхөн итгэж’ байгаадаа уучлал хүсэх ёсгүйг зүрх сэтгэлийнхээ угаас түүнд зөвлөн хэлсэн юм. (Жэффри Р.Холланд, “Эзэн минь, би итгэж байна,” 2013 оны 4-р сарын Ерөнхий чуулган, 94)

Суралцагчид Их Эзэн итгэх бэлэгтэй хүмүүсийг хэрхэн хүндэлдгийг илүү сайн ойлгохын тулд тэнгэрээс томилогдсон эх сурвалжуудыг судалж болно. Жишээлбэл: Тэд ахлагч Холландын хэлсэн “Эзэн, би итгэж байна” үгийг эсвэл Алма 32:16–27-г судалж болно.

тараах материал