Lesson 62: Doktrina at mga Tipan 46–48

Doktrina at mga Tipan 46:7–33, Bahagi 1

Mga Kaloob ng Espiritu

Pinagpapala ng Ama sa Langit ang matatapat na miyembro ng Simbahan ng mga espirituwal na kaloob. Ang mga kaloob na ito ay nagtutulot sa atin na maging higit na katulad ng Tagapagligtas at pagpalain ang mga nasa paligid natin. Ang lesson na ito ay makatutulong sa mga estudyante na madama ang pagmamahal ng Ama sa Langit para sa kanila habang natututuhan nila kung bakit Niya tayo binibiyayaan ng mga espirituwal na kaloob.

Mga Posibleng Aktibidad sa Pag-aaral

Ito ang una sa dalawang lesson tungkol sa mga kaloob ng Espiritu. Ang bahagi 1 ay magtutuon sa mga layunin ng Ama sa Langit sa pagbibigay sa atin ng mga espirituwal na kaloob. Ang Bahagi 2 ay tutulong sa mga estudyante na malaman kung paano sila makahahangad ng mga espirituwal na kaloob. Kung limitado ang oras ng klase at isang lesson lang tungkol sa paksang ito ang maituturo, isipin kung paano maaaring pagsamahin nang epektibo ang mga lesson.

Katibayan ng pagmamahal ng Ama sa Langit

Maaari mong simulan ang klase sa pamamagitan ng pagkanta o pakikinig sa isang himno o awitin tungkol sa pagmamahal ng Ama sa Langit para sa Kanyang mga anak, tulad ng “Ako ay Mahal ng Ama sa Langit” (2:58). Kung inanyayahan ang mga estudyante na gawin ang aktibidad sa paghahanda, maaaring magandang pagkakataon ito para mag-follow up. O maaari mong sabihin sa mga estudyante na pag-isipan at pagkatapos ay ibahagi ang mga sagot sa mga tanong na tulad ng mga sumusunod:

My Heavenly Father Loves Me

The Mormon Tabernacle Choir sings, "My Heavenly Father Loves Me."

• Kailan ka nabigyang-inspirasyon ng Espiritu Santo na mag-isip, magsabi, o gumawa ng isang bagay na nagpala sa iyong buhay o sa buhay ng iba?

• Ano ang itinuro sa iyo ng karanasang ito tungkol sa pagmamahal ng Ama sa Langit para sa Kanyang mga anak?

Mga Kaloob ng Espiritu

Ang mga pagpapala at kakayahang ibinibigay sa atin ng Diyos sa pamamagitan ng Espiritu Santo ay tinatawag na mga espirituwal na kaloob.

• Ano ang nalalaman mo tungkol sa mga espirituwal na kaloob at layunin ng mga ito?

Upang matulungan ang mga estudyante na maunawaan ang hangarin ng mga naunang miyembro ng Simbahan na tumanggap ng mga kaloob ng Espiritu, maaari mong basahin sa Mga Banal: Ang Kuwento ng Simbahan ni Jesucristo sa Mga Huling Araw, Tomo 1, Ang Pamantayan ng Katotohanan, 1815–1846 (2018), 127–29 (matatagpuan sa saints.ChurchofJesusChrist.org). Bilang alternatibo, maaari mong ibahagi ang sumusunod na buod.

Ang mga naunang nagbalik-loob sa Simbahan sa Kirtland ay sabik sa pangako na makatatanggap sila ng mga espirituwal na kaloob. Gayunpaman, hindi naunawaan ng ilan kung paano ipinaalam ang mga kaloob na ito.

Ilan sa mga Banal sa Kirtland ay ipinamumuhay ang kanilang mga paniniwala nang sobra-sobra, nagsasaya sa mga bagay na sa tingin nila ay mga kaloob ng Espiritu. Ilang tao ang nagsabi na nagkaroon sila ng mga pangitain na hindi nila maipaliwanag. Ang iba naman ay naniwala na hinimok sila ng Espiritu Santo na magpadalusdos o magpadulas sa lupa. Isang lalaki ang tumatalon sa mga silid o bumibitin mula sa mga suleras ng kisame tuwing sa tingin niya ay nadarama niya ang Espiritu. Ang isa naman ay kumilos tulad ng isang unggoy na malaki.

Nang makita nila ang pag-uugaling ito, ilan sa mga nagbalik-loob ay pinanghinaan ng loob at sinukuan ang bagong simbahan. (Mga Banal, 1:128–29)

• Ano ang ilang tanong o maling pagkaunawa ang maaaring mayroon ang mga tao tungkol sa mga kaloob ng Espiritu sa ating panahon?

Maaaring anyayahan ang mga estudyante na ibahagi ang sarili nilang mga tanong tungkol sa mga espirituwal na kaloob. Hikayatin ang mga estudyante na maghanap ng mga turo na makatutulong sa kanila na mas maunawaan ang mga espirituwal na kaloob at kung paano naging katibayan ng pagmamahal ng Diyos ang mga kaloob na ito.

Inihayag ng Panginoon ang mga katotohanan tungkol sa mga espirituwal na kaloob

Humingi si Propetang Joseph Smith ng patnubay mula sa langit kung paano tutulungan ang mga Banal sa Kirtland. Bilang bahagi ng paghahayag na natanggap ng Propeta, nagturo ang Panginoon ng mga alituntunin na tutulong sa mga Banal na hindi malinlang at tutulong sa kanila na maunawaan ang mga tunay na kaloob ng Espiritu.

Basahin ang Doktrina at mga Tipan 46:7–8, at alamin ang mga babalang ibinigay ng Panginoon sa mga Banal.

• Ano ang itinuro ng Panginoon sa mga talatang ito tungkol sa kung paano tayo hindi malilinlang?

Basahin ang Doktrina at mga Tipan 46:9–12, 26. Hanapin ang mga sagot sa mga sumusunod na tanong:

• Sino ang binibigyan ng mga espirituwal na kaloob?

• Bakit nagbibigay ang Ama sa Langit ng mga espirituwal na kaloob sa Kanyang mga anak?

  Idispley ang naunang dalawang tanong upang matingnan ng mga estudyante habang nag-aaral sila. Maaari silang mag-aral nang mag-isa o sa maliliit na grupo. Matapos nilang magkaroon ng sapat na oras upang mag-aral, sabihin sa kanila na talakayin ang kanilang mga sagot sa mga tanong.

  Bilang bahagi ng inyong talakayan, tulungan ang mga estudyante na matukoy ang sumusunod na katotohanan: Pinagpapala ng Ama sa Langit ang Kanyang mga anak ng mga espirituwal na kaloob upang ang lahat ay makinabang.

• Paano makatutulong sa atin ang kaalaman tungkol sa layunin ng mga espirituwal na kaloob para matukoy natin ang mga ito sa ating buhay?

Unawain pa ang tungkol sa mga espirituwal na kaloob

Upang matulungan ang mga estudyante na malaman ang tungkol sa mga espirituwal na kaloob na binanggit sa Doktrina at mga Tipan 46, bigyan sila ng handout na may pamagat na “Ang mga Kaloob na ito ay Nagmumula sa Diyos.” Maaaring kumpletuhin ito ng mga estudyante nang mag-isa o sa maliit na grupo. Maaari ding makatulong na i-display ang mga sumusunod na kahulugan:

• Malaman ang pagkakaiba-iba ng pangangasiwa (talata 15): Ang kaloob na ito ay makatutulong sa mga lider na matukoy ang mga espirituwal na kaloob ng iba at kung paano makatutulong ang mga ito sa iba’t ibang katungkulan sa paglilingkod.

• Malaman ang iba’t ibang pamamalakad (talata 16): Ang kaloob na ito ay tumutulong sa mga tao na malaman kung ang isang turo o impluwensya ay nagmumula sa Diyos o sa iba pang source.

• Kaloob na magpropesiya (talata 22): “Ang patotoo ni Jesus ang espiritu ng propesiya” (Apocalipsis 19:10). Ang personal na paghahayag ang pinagmumulan ng patotoo, at ang patotoo ay nagbibigay ng kakayahan sa isang tao na magpropesiya o magpatotoo sa gawain ng Diyos.

• Ang pagkilala ng mga espiritu (talata 23): Ito ay nagtutulot sa isang tao na mahiwatigan o maunawaan ang totoong intensyon at tagong mga layunin ng ibang tao. Ang kaloob na ito ay tumutulong sa isang tao na matuklasan ang mga itinatagong kasamaan at makita ang mabuti sa iba.

“Ang mga Kaloob na Ito ay Nagmumula sa Diyos”

Basahin ang Doktrina at mga Tipan 46:13–26 at tukuyin ang iba’t ibang espirituwal na kaloob na ibinibigay ng Diyos sa Kanyang mga anak. Upang mas maunawaan kung paano makikinabang ang mga anak ng Diyos sa mga kaloob na ito, itugma ang bawat talata sa angkop na sitwasyon.

Mga Espirituwal na Kaloob		Mga Espirituwal na Kaloob
Mga Espirituwal na Kaloob Doktrina at mga Tipan 46:13	Mga Espirituwal na Kaloob Habang naglilingkod bilang president ng kanyang Young Women class, natukoy ni Michelle ang iba’t ibang lakas ng mga miyembro ng kanyang klase. Ang pagtukoy na ito ay nakatulong sa kanya na gumawa ng mga assignment na nagbigay-daan sa mga miyembro ng kanyang klase na mag-ambag at maglingkod sa makabuluhang mga paraan.
Mga Espirituwal na Kaloob Doktrina at mga Tipan 46:14	Mga Espirituwal na Kaloob Habang nakikinig si Samantha sa mga patotoo ng iba, hindi siya sigurado na makakasama siya sa kanila sa pagsasabi na alam niyang totoo ang Simbahan. Ngunit ang pakikinig sa kanilang mga patotoo ay nagpaibayo ng kanyang paniniwala sa Tagapagligtas. Ang paniniwalang ito ay nagbibigay-inspirasyon sa kanya na patuloy na mamuhay nang tapat.
Mga Espirituwal na Kaloob Doktrina at mga Tipan 46:15	Mga Espirituwal na Kaloob Inanyayahan si Lucy sa isang party. Bagama’t walang nagbigay sa kanya ng mga detalye, hindi siya mapalagay tungkol sa pagdalo. Magalang niyang tinanggihan ang paanyaya, at bagama’t mahirap, pakiramdam niya ay tama ang ginawa niya.
Mga Espirituwal na Kaloob Doktrina at mga Tipan 46:16	Mga Espirituwal na Kaloob Tinulungan ng Panginoon ang maraming propeta na magpropesiya ng mga mangyayari sa hinaharap, kabilang ang ministeryo ni Jesucristo (tingnan sa Isaias 7:14; 1 Nephi 11:27–28; Mosias 3:5–10).
Mga Espirituwal na Kaloob Doktrina at mga Tipan 46:17–18	Mga Espirituwal na Kaloob Habang si Robert ay nagsisikap na ipamuhay ang ebanghelyo, palaging manalangin, at pag-aralan ang mga banal na kasulatan, nalaman niya na si Jesucristo ang kanyang Tagapagligtas.
Mga Espirituwal na Kaloob Doktrina at mga Tipan 46:19–20	Mga Espirituwal na Kaloob Ang gawaing misyonero ay naging mahirap para kina Elder Vasquez at Elder Cox. Gayunpaman, determinado silang maglingkod nang may pananampalataya kay Jesucristo. Sa paglipas ng panahon, nakita nilang napapalambot ang mga puso at nagkakaroon ng mga himala sa buhay ng mga taong tinuturuan nila.
Mga Espirituwal na Kaloob Doktrina at mga Tipan 46:21	Mga Espirituwal na Kaloob Kapag may sakit si Mark, alam niya na maaari siyang humingi sa kanyang ama ng basbas ng priesthood. Sa maraming pagkakataon, ang mga basbas na ito ay nagdulot sa kanya ng dagdag na kapayapaan at lakas.
Mga Espirituwal na Kaloob Doktrina at mga Tipan 46:22	Mga Espirituwal na Kaloob Isang post sa social media ang naging dahilan para pagdudahan ng isa sa mga kaibigan ni Alice ang kanyang pananampalataya. Nang ibahagi niya ang post kay Alice, natukoy niya na ang impormasyon ay hindi tungkol sa Diyos.
Mga Espirituwal na Kaloob Doktrina at mga Tipan 46:23	Mga Espirituwal na Kaloob Hiniling kay Judie na magturo sa kanyang Young Women class. Nang humingi siya ng tulong sa Ama sa Langit, nadama niya na ginabayan siya sa kanyang paghahanda at nakapagturo siya ng isang nakapagpapatibay na lesson.
Mga Espirituwal na Kaloob Doktrina at mga Tipan 46:24–25	Mga Espirituwal na Kaloob Si Sister Erickson ay tinawag na magmisyon sa ibang bansa. Nang humingi siya ng tulong sa Diyos at nagsikap na matutuhan ang wika, nalaman niya na nauunawaan niya ang iba at naibabahagi niya ang kanyang patotoo nang mabisa.

Kapag natapos na ng mga estudyante ang aktibidad, ibahagi sa kanila ang mga sagot: 1e, 2b, 3a, 4h, 5i, 6g, 7f, 8d, 9c, 10j. Linawin kung kinakailangan.

• Ano ang natutuhan mo tungkol sa kung paano pinagpapala ng Ama sa Langit ang Kanyang mga anak sa pamamagitan ng mga kaloob ng Espiritu?

  Ipaliwanag na maaaring matukoy ng mga estudyante na binibigyan sila ng Ama sa Langit ng mga espirituwal na kaloob bukod pa sa nakalista sa mga banal na kasulatan. Halimbawa, sa pamamagitan ng Espiritu Santo, maaari Niya silang pagkalooban ng pagtitiis sa isang mahirap na sitwasyon, kakayahang patawarin ang isang taong nakasakit sa kanilang damdamin, tapang sa oras ng pangangailangan, o mas malaking hangaring paglingkuran ang isang tao. Maaaring anyayahan ang mga estudyante na mag-isip ng mga karagdagang espirituwal na kaloob na matatamo natin at kung paano naging pagpapakita ang mga ito ng pagmamahal ng Diyos. Maaari mong ilista sa pisara ang ilan sa mga ito.

• Ano ang ilang espirituwal na kaloob na ibinigay sa iyo ng Ama sa Langit?

• Paano ka Niya napagpala sa pamamagitan ng mga espirituwal na kaloob ng iba?

• Paano nakaapekto ang iyong karanasan sa mga espirituwal na kaloob sa iyong ugnayan sa Ama sa Langit?

Karagdagang Resources

Saan ko malalaman pa ang tungkol sa mga espirituwal na kaloob?

Para sa detalyadong paliwanag tungkol sa ilan sa mga espirituwal na kaloob na binanggit sa lesson na ito, tingnan ang talahanayan sa Manwal ng Estudyante para sa Bagong Tipan (2018), “1 Corinto 12–14.”

Doktrina at mga Tipan 46:7–8: Paano nililinlang ng kaaway ang mga tao na maniwala na nadarama nila ang Espiritu?

Bagama’t ang mga espirituwal na panlilinlang na naranasan ng ilan sa mga Banal sa Kirtland ay hindi pangkaraniwan sa Simbahan ngayon, nililinlang pa rin ng kaaway ang mga tao, na humahantong sa pag-uugali na hindi naaayon sa ebanghelyo ni Jesucristo.

Ibinahagi ni Elder Dale G. Renlund ng Korum ng Labindalawang Apostol ang sumusunod:

Isang Framework para sa Personal na Paghahayag

Itinuro ni Elder Renlund kung paano makatanggap ng personal na paghahayag sa pamamagitan ng Espiritu Santo at kung paano maiwasan ang panlilinlang.

Minsa’y ikinuwento sa akin ng isang lalaki ang kanyang mga paghihirap para mapatatag ang pinansyal na sitwasyon ng kanyang pamilya. Nagkaroon siya ng ideya na magdispalko ng pondo bilang solusyon, ipinagdasal niya iyon, at nadamang nakatanggap siya ng paghahayag na dapat niya iyong gawin. Alam ko na nalinlang siya dahil humingi siya ng paghahayag na taliwas sa isang utos ng Diyos. Nagbabala si Propetang Joseph Smith, “Walang higit na magpapahamak sa mga anak ng tao kaysa maimpluwensyahan ng mapanlinlang na espiritu, samantalang inaakala nila na nasa kanila ang Espiritu ng Diyos” [Joseph Smith, sa Times and Seasons, Abr. 1, 1842, 744, josephsmithpapers.org]. (Dale G. Renlund, “Isang Framework para sa Personal na Paghahayag,” Liahona, Nob. 2022, 17)

Kailangan ba ang kaloob na Espiritu Santo para makatanggap ng mga espirituwal na kaloob?

Itinuro ni Propetang Joseph Smith:

Naniniwala … kami sa propesiya, sa mga wika, sa mga pangitain, at sa mga paghahayag, sa mga kaloob, at sa mga pagpapagaling; at na ang mga bagay na ito ay hindi tatamasahin nang wala ang kaloob ng Espiritu Santo. (Mga Turo ng mga Pangulo ng Simbahan: Joseph Smith [2007], 136)

Ano ang ilan sa iba pang mga espirituwal na kaloob na matatamo natin?

Itinuro ni Elder John C. Pingree Jr. ng Pitumpu:

"I Have a Work for Thee"

Pinatotohanan ni Elder Pingree na ang Diyos ay may gawain para sa ating lahat. Nagbahagi rin siya ng mga alituntunin na tutulong sa atin na magawa ang gawaing iyon at binalaan tayo sa mga paraan na gagamitin ni Satanas upang mahadlangan tayo.

Ang maraming espirituwal na kaloob ay nakatala sa banal na kasulatan [tingnan sa 1 Corinto 12:1–11, 31; Moroni 10:8–18; Doktrina at mga Tipan 46:8–26], ngunit marami pang iba. Maaaring kabilang ang pagiging maawain, pagpapakita ng pag-asa, kahusayan sa pakikipag-ugnayan sa mga tao, pagiging epektibo sa pag-oorganisa, nakahihikayat ang pagsasalita o pagsusulat, pagtuturo nang malinaw, at kasipagan sa pagtatrabaho. (John C. Pingree Jr., “Ako ay May Gawain Para sa Iyo,” Liahona, Nob. 2017, 33)

Nagsalita si Elder Marvin J. Ashton (1915-1994) ng Korum ng Labindalawang Apostol tungkol sa karagdagang mga espirituwal na kaloob:

“There Are Many Gifts”

Elder Marvin J. Ashton delivers a message titled "'There Are Many Gifts'"

Mga Karagdagang Aktibidad sa Pag-aaral

Bawat isa sa atin ay may magkakaiba ngunit mahahalagang kaloob

Maaaring gamitin ang aktibidad na ito sa halip na ang handout.

Bago magklase, isulat ang mga numero mula 13 hanggang 25 nang hindi sunud-sunod sa isang papel. Pagkatapos ay gupitin ang papel sa 13 piraso ng puzzle, na may numero sa bawat piraso ng puzzle.

Matapos matukoy ang katotohanan na nakasulat sa bold letter sa lesson, ipamahagi ang mga piraso ng puzzle sa mga estudyante. Ipaliwanag na ang mga numero sa mga piraso ng papel ay tumutukoy sa mga talata sa Doktrina at mga Tipan 46 at ang bawat isa sa mga talatang ito ay nagbabanggit ng isang kaloob ng Espiritu. Ipabasa nang malakas sa mga estudyante ang mga talatang tumutugma sa mga numerong ibinigay sa kanila.

Matapos basahin ang bawat talata, sabihin sa mga estudyante na magmungkahi ng isang sitwasyon kung saan mapakikinabangan ng mga anak ng Diyos ang kaloob na iyon. Habang nagbabahagi sila, sabihin sa klase na magtulungan sa pagbuo ng puzzle. Ipaliwanag na tulad ng mga estudyante na binigyan ng iba’t ibang piraso na kailangan para makumpleto ang puzzle, lahat tayo ay binibigyan ng iba’t ibang espirituwal na kaloob upang mapakinabangan ng isa’t isa (tingnan sa talata 12).

Malaman at maniwala

Maaaring makinabang ang mga estudyante kapag naunawan nila na ang kaloob na maniwala kay Jesucristo ay isang mahalagang kaloob mula sa Diyos, kahit hindi pa natin taglay ang kaloob na malaman na Siya ang Anak ng Diyos (tingnan sa Doktrina at mga Tipan 46:13–14).

Ibinahagi ni Elder Jeffrey R. Holland ng Korum ng Labindalawang Apostol:

“Panginoon, Nananampalataya Ako”

Buong katapatang kilalanin ang inyong mga tanong at alalahanin, ngunit pag-alabin muna ang inyong pananampalataya, dahil lahat ng bagay ay posible sa kanila na sumasampalataya.

Isang 14-anyos na batang lalaki ang medyo atubiling nagsabi sa akin kamakailan, “Brother Holland, hindi ko pa masabi na alam kong ang Simbahan ay totoo, pero naniniwala akong totoo ito.” Niyakap ko nang mahigpit ang batang iyon hanggang sa lumuwa ang kanyang mga mata. Sinabi ko sa kanya nang buong taimtim na ang paniniwala ay mahalagang salita, mas mahalaga pa kung ipapakita, at hindi niya kailangang humingi ng paumanhin sa “paniniwala lamang.” (Jeffrey R. Holland, “Panginoon, Nananampalataya Ako,” Liahona, Mayo 2013, 94)

Maaaring saliksikin ng mga estudyante ang sources na itinalaga ng Diyos upang mas maunawaan kung paano ikinararangal ng Panginoon ang mga taong may kaloob na paniniwala. Halimbawa, maaari nilang pag-aralan pa ang mensahe ni Elder Holland na “Panginoon, Nananampalataya Ako” o Alma 32:16–27.