Սեմինարիա
Դաս 66․ Վարդապետություն և Ուխտեր 50, Մաս 2. Ուսուցանեք և սովորեք Հոգով

«Դաս 66․ Վարդապետություն և Ուխտեր 50, Մաս 2. Ուսուցանեք և սովորեք Հոգով», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 50, Մաս 2», Վարդապետություն և Ուխտեր․ Սեմինարիայի ուսուցչի ձեռնարկ

Դաս 66. Վարդապետություն և Ուխտեր 49–50

Վարդապետություն և Ուխտեր 50, Մաս 2

Ուսուցանել և սովորել Հոգու միջոցով

դասարանային ուսուցում

Վարդապետություն և Ուխտեր 50 գլխում Փրկիչն ուսուցանել է, որ Սրբերը պետք է ուսուցանեն և սովորեն ավետարանը Ճշմարտության Հոգով: Որպես Վարդապետ Ուսուցիչ, Հիսուս Քրիստոսը Հոգով ուսուցանելու կատարյալ օրինակ էր: Փրկչի Եկեղեցու բոլոր անդամները հնարավորություններ կունենան ուսուցանելու և սովորելու Հոգով իրենց ողջ կյանքում: Այս դասը ուսանողներին հնարավորություն կտա ուսուցանել և սովորել Ճշմարտության Հոգով:

Հնարավոր ուսումնական վարժություններ

Հիսուսը ավետարանի կատարյալ ուսուցիչ է

Դասի սկզբում կարող եք օգնել ուսանողներին մտածել այն մասին, թե ինչպիսի ուսուցիչ էր Փրկիչը: Դա անելու ձևերից մեկն է գրատախտակին գրել Հատկանիշներ արդյունավետ ուսուցանելու և սովորելու համար վերնագիրը։ Վերնագրի տակ ստեղծեք երեք սյունակ, որոնցից առաջինը վերնագրեք Հիսուս Քրիստոս։

Առաջարկեք ուսանողներին քննարկել, թե որ հատկությունները Հիսուս Քրիստոսին դարձրին ավետարանի կատարյալ ուսուցիչ և գրեք դրանք գրատախտակին: «Ուսուցում Փրկչի ձևով Երեց Ուխդորֆի հետ» (53:34) տեսանյութի 19:01-20:06-ը հատվածը կարող է օգնել ուսանողներին մտածել Փրկչի նման ուսուցանելու կարևորության մասին:

53:34

«Ուսուցանել Փրկչի ձևով» Երեց Ուխդորֆի հետ

Առաջարկեք ուսանողներին այսօր ուսուցանելիս և սովորելիս կիրառել ավետարանը քրիստոսանման ուսուցանելու և սովորելու հատկությունները:

Կարդացեք հետևյալ խոսքերը Առաջին Նախագահությունից՝ փնտրելով, թե ավետարանի ուսուցման ինչպիսի հնարավորություններ կարող եք ունենալ այժմ և ապագայում:

Ի՜նչ փառահեղ հնարավորություն ունեք ուսուցանելու Հիսուս Քրիստոսի ավետարանը: Անկախ նրանից՝ դուք ուսուցանելու հատուկ կոչում ունեք, թե ոչ, դուք ուսուցիչ եք: Որպես Վարդապետ Ուսուցչի՝ Հիսուս Քրիստոսի աշակերտ, դուք հնարավորություն ունեք կիսվելու Նրա լույսով, ուր էլ որ լինեք՝ տանը, եկեղեցում, ձեր ընկերների շրջապատում և ուրիշներին սպասավորելիս: Ավետարանի ուսուցումը սուրբ վստահություն է: Դա Տիրոջ աշխատանքի կարևոր մասն է, և այն հնարավորինս արդյունավետ է, երբ մենք դա անում ենք Նրա ձևով: («Ուսուցանել Փրկչի ձևով», [2022 թ․], 1)

  • Հիսուս Քրիստոսի ավետարանի ուսուցումն ինչո՞ւ կարող է դիտվել որպես «սրբազան վստահություն»:

  • Ի՞նչ կարծիք ունեք ավետարանի ուսուցման մասին։

Մենք ուսուցանում և սովորում ենք Հոգով

Հիսուսն ուսուցանում է Սրբերին

Եթե դուք երեք սյունակ եք ստեղծել գրատախտակին, ապա մյուս երկուսը վերնագրեք Ուսուցիչներ և Սովորողներ։ Առաջարկեք ուսանողներին սյունակներում ավելացնել ուսուցիչների կամ սովորողների այն հատկանիշները, որոնք նրանք գտնում են ստորև բերված հատվածներում:

Կարդացեք Վարդապետություն և Ուխտեր 50.13–14, 17–22 հատվածները՝ փնտրելով, թե ինչպես է Փրկիչը ցանկանում, որ Իր ավետարանը ուսուցանվի:

  • Ձեր կարծիքով, ի՞նչ է նշանակում ուսուցանել և սովորել ավետարանը Հոգով:

  • Ի՞նչ օրհնություններ ենք մենք ստանում, երբ ուսուցանում և սովորում ենք Հոգով:

Օգնեք ուսանողներին բացահայտել հետևյալ սկզբունքը․ Երբ մենք ուսուցանում և սովորում ենք Հոգով, մենք հասկանում ենք մեկս մյուսին և շենանում ու ցնծում ենք միասին: Կարող եք հիշեցնել ուսանողներին, որ շենանալ նշանակում է բարձրանալ կամ կառուցվել:

Որպեսզի օգնեք ուսանողներին հասկանալ, թե ինչ է նշանակում ուսուցանել և սովորել Հոգով, կարող եք նրանց տրամադրել սուրբ գրությունների մի քանի հղում, օրինակ՝ Ալմա 31․5; Վարդապետություն և Ուխտեր 42․14; 88․118, 122 և 130․18–19։ Առաջարկեք ուսանողներին աշխատել գործընկերների կամ փոքր խմբերի հետ, որպեսզի բացահայտեն, թե ինչպես ենք մենք ուսուցանում և սովորում Հոգով: Ավելացրեք այդ գաղափարները գրատախտակին՝ «Ուսուցիչներ» և «Սովորողներ» սյունակներում:

Որպեսզի օգնեք ուսանողներին զգալ այս սկզբունքի կարևորությունը, կարող եք ցուցադրել «Եկ, հետևիր ինձ. Ցնծացեք միասին» տեսանյութը (1:20) ChurchofJesusChrist.org կայքում կամ դասարանով քննարկեք հետևյալ հարցերը. Ուսանողները կարող են հետաքրքրությամբ լսել, երբ դուք պատմեք, թե ինչպես եք օրհնվել՝ լսելով իրենց և սովորելով իրենցից սեմինարիայում:

1:20

Come, Follow Me: Rejoice Together

  • Ե՞րբ եք դուք զգացել այդ օրհնությունները որպես ավետարանի ուսուցիչ կամ սովորող:

  • Ի՞նչ կարող ենք մենք անել մեր սեմինարիայի դասարանում, որպեսզի բոլորը կարողանան ստանալ այդ օրհնությունները:

Մենք կարող ենք ուսուցանել Փրկչի ձևով

Առաջարկեք ուսանողներին ավետարանի համառոտ դաս պատրաստել ուսուցանելու համար: Ուսանողները կարող են պատրաստել դասը անհատապես կամ դասընկերոջ հետ: Առաջարկեք ուսանողներին աղոթքով մտածել իրենց դասընկերների կարիքների մասին և գտնել մի ուղերձ կամ թեմա, որը կարող է օգնել այդ կարիքներ հարցում:

Դասի տարբերակները կարող են պարունակել․

աշխատաթերթի պատկերակՍտորև բերված աշխատաթերթը կօգնի ուսանողներին պատրաստել իրենց դասը: Երբ ուսանողները պատրաստվեն ուսուցանելու, կարող եք նրանց հիշեցնել ավետարանի ուսուցիչների և սովորողների հատկանիշները, որոնք նշել էին գրատախտակին: Առաջարկեք նրանց, որ ձգտեն լինել ավետարանի լավ սովորողներ, երբ դասընկերները կիսվեն իրենց դասերով: Նախապատրաստվելու համար համապատասխան ժամանակ տրամադրելուց հետո առաջարկեք ուսանողներին ուսուցանել իրենց ուղերձը դասընկերոջը կամ փոքր խմբին: Անհրաժեշտության դեպքում կարող եք առաջարկել մի քանի պատրաստակամ ուսանողի ուսուցանել իրենց ուղերձը դասարանին:

Ուսուցանել Փրկչի ձևով

Կազմեք ավետարանի կարճ դաս՝ օգնելու ուրիշներին սովորել Հիսուս Քրիստոսի մասին: Ձեր դասը պատրաստելիս և ուսուցանելիս ոգեշնչում փնտրեք Սուրբ Հոգուց: Դասի հետևյալ պլանը կարող է օգնել ձեզ պատրաստվել ուսուցանելու:

  • Դասի թեման և/կամ սուրբ գրությունների հղումները.

  • Հիմնական ճշմարտությունը կամ սկզբունքը, որը ես պետք է ուսուցանեմ.

  • Ինչպես պետք է այս դասը կենտրոնացնեմ Հիսուս Քրիստոսի վրա.

  • Ինչ հարց(եր) պետք է տամ․

  • Ինչպես եմ ես զգացել այս ճշմարտության զորությունը իմ կյանքում (վկայություն).

  • Ինչ կառաջարկեմ սովորողներին անել.

Մենք սովորում ենք ավետարանի ճշմարտությունները Հոգով

Վարժությունից հետո առաջարկեք ուսանողներին գնահատել ուսուցման և սովորելու փորձը: Կարող եք անդրադառնալ գրատախտակին գրված ցուցակներին և քննարկել, թե ինչպես են ուսանողները փորձել կիրառել այս հատկանիշները: Նրանք կարող են իրենց օրագրերում պատասխանել հետևյալ հարցերին.

  • Փրկչի ձևով ուսուցանելու վերաբերյալ ի՞նչ նկատեցիք այս վարժության ընթացքում։ Ի՞նչ նկատեցիք Հոգով սովորելու վերաբերյալ։

  • Այս վարժությունից հետո ինչպե՞ս եք գնահատում Հոգով ուսուցանելու ձեր կարողությունը:

Գովեք ուսանողներին Հոգով ուսուցանելու և սովորելու իրենց ջանքերի համար: Երբ ուսանողները ուսուցանեն և ուսումնասիրեն ավետարանը, առաջարկեք նրանց շարունակել կիրառել այն, ինչ իրենք սովորեցին: