Սեմինարիա
Դաս 65․ Վարդապետություն և Ուխտեր 50, Մաս 1 Խուսափեք խաբեությունից

«Դաս 65․ Վարդապետություն և Ուխտեր 50, Մաս 1․ Խուսափեք խաբեությունից», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 50, Մաս 1», Վարդապետություն և Ուխտեր․ Սեմինարիայի ուսուցչի ձեռնարկ

Դաս 65. Վարդապետություն և Ուխտեր 49–50

Վարդապետություն և Ուխտեր 50, Մաս 1

Խուսափեք խաբեությունից

մի մարդ կանգնած է, և սլաքները ցույց են տալիս տարբեր ուղղություններ

Հոգևոր պարգևներ զգալու իրենց ձգտումով տարված՝ վաղ շրջանի որոշ նորադարձներ Օհայո նահանգի Կիրթլենդ քաղաքում խաբվել էին՝ մտածելով, որ որոշ անսովոր դրսևորումներ Սուրբ Հոգուց են, երբ իրականում դա այդպես չէր: Տերը առաջարկեց ուղղորդում՝ օգնելու նրանց տարբերել, թե ինչն է Իրենից և ինչը՝ ոչ: Այս դասը նպատակ ունի օգնելու ուսանողներին հասկանալ, թե ինչպես կարող է Տերը օգնել իրենց ճանաչել ճշմարտությունը և խուսափել խաբեությունից:

Հնարավոր ուսումնական վարժություններ

Զոլավոր կատուն

Կիսվեք հետևյալ պատմությունով։ Կարող եք ցուցադրել ժանտաքիսի նկար։

ժանտաքիս

Տասներկու Առաքյալների Քվորումից երեց Գարի Ի. Սթիվենսոնը կիսվել է հետևյալ պատմությունով․

2:3
Երեց Գարի Ի. Սթիվենսոն

Մեծ հորեղբայր Գրովերը … ապրում էր քաղաքից շատ հեռու գտնվող մի տնակում։ Հորեղբայր Գրովերը շատ էր ծերացել։ Մենք մտածեցինք, որ մեր որդիները պետք է հանդիպեն նրան մինչև նրա մահանալը։ Ուստի, մի օր մենք երկար ճամփորդեցինք դեպի նրա համեստ տունը։ Մենք միասին նստեցինք ու մեր որդիները ծանոթացան նրա հետ։ Մի փոքր զրուցելուց հետո մեր երկու կրտսեր որդիները, գուցե հինգ և վեց տարեկան, ցանկացան դուրս գնալ և խաղալ։

Հորեղբայր Գրովերը, լսելով նրանց խնդրանքը, դեմքով խոնարհվեց նրանց ուղղությամբ։ … Իր խռպոտ ձայնով նա ասաց նրանց․ «Չգույշ եղեք, այնտեղ շատ ժանտաքիսներ կան»։ Սա լսելով Լիզան և ես ավելի քան զարմացած էինք․ մենք անհանգստանում էինք տղաների համար։ Շուտով տղաները դուրս գնացին խաղալու, մինչ մենք շարունակում էինք մեր այցելությունը։

Ավելի ուշ, երբ նստեցինք մեքենան և տուն էինք վերադառնում, ես հարցրի տղաներին․ «Դուք ժանտաքիսի հանդիպեցի՞ք»։ Նրանցից մեկը պատասխանեց․ «Ոչ, մենք ոչ մի ժանտաքիս էլ չտեսանք, բայց մենք տեսանք մի սև կատու՝ մեջքին սպիտակ զոլեր»։ (Գարի Ի. Սթիվենսոն, «Մի խաբիր ինձ», Լիահոնա, նոյեմբեր 2019 թ․, 93)

  • Ձեր կարծիքով երեխաները ինչո՞ւ չճանաչեցին ժանտաքիսին։

  • Ինչո՞ւմ է կայանում որևէ բանի իրական էությունը չճանաչելու վտանգը:

  • Ինչպե՞ս է այս պատմությունը կապված այն ամենի հետ, ինչին սատանան ուզում է, որ մենք հավատանք իր վերաբերյալ:

    Կարող եք առաջարկել ուսանողներին աշխատել դասընկերոջ հետ՝ խաբեություն բառի սահմանումը գրելու համար: Գրելու համար բավարար ժամանակ տրամադրելուց հետո նրանցից մի քանիսին խնդրեք դասարանի հետ կիսվել իրենց սահմանումներով: Եթե օգտակար լինի, կարող եք կիսվել Սուրբ գրքերի ուղեցույցում տրված սահմանումով. «Սուրբ գրքերում խաբել նշանակում է ինչ-որ մեկին ստիպել հավատալ մի բանի, որը ճիշտ չէ» (Սուրբ գրքերի ուղեցույց, «Խաբել, մոլորեցնել, խաբեություն», scriptures.ChurchofJesusChrist.org)։

    Կարող եք գրատախտակին գրել ուսանողների պատասխանները հետևյալ հարցերին։

  • Ի՞նչ եղանակներով է սատանան այսօր փորձում խաբել դեռահասներին:

  • Ձեր կարծիքով, սատանայի խաբեություններն ինչո՞ւ են երբեմն այդքան լավ աշխատում:

Առաջարկեք ուսանողներին Սուրբ Հոգուց ոգեշնչում փնտրել, որը կօգնի նրանց ճանաչել խաբեությունը և խուսափել դրանից:

Խաբեությունը վաղ Սրբերի շրջանում

Երբ 1831 թվականի փետրվարի սկզբին Ջոզեֆ Սմիթը ժամանեց Կիրթլենդ (Օհայո), նա նկատեց, որ «որոշ տարօրինակ պատկերացումներ և կեղծ ոգիներ են ներթափանցել» Սրբերի մեջ (History, 1838–1856 [Եկեղեցու ձեռագիր պատմություն], հատ. Ա-1, 93, josephsmithpapers.org)։

Ջոն Ուիթմերն այս ժամանակաշրջանի մասին արձանագրել է հետևյալը.

Ջոն Ուիթմեր

Ոմանք տեսիլքներ էին տեսնում և չէին կարողանում բացատրել, թե ինչ են տեսել, ոմանք էլ երևակայում էին, թե ունեն Լաբանի սուրը և այն իրենց ձեռքում է [ձիավոր զինվորի պես], ոմանք իրենց պահում էին ինչպես հնդկացին՝ սկալպահանման [գլխամաշկը հանելու] գործողության ժամանակ, ոմանք սահում էին կամ սողում … հատակի վրա՝ օձի արագությամբ։ … Այսպիսով, սատանան կուրացրեց որոշ լավ և ազնիվ աշակերտների աչքերը: (Ջոն Ուիթմեր, History, 1831–circa 1847, 26, josephsmithpapers.org)

Այս գործողությունների վերաբերյալ մտահոգությունը դրդեց Ջոզեֆ Սմիթին հարցնել Տիրոջը և ստանալ Վարդապետություն և Ուխտեր 50 գլուխը։ Հատվածներ 1–9-ում Տերը զգուշացրեց Եկեղեցու երեցներին կեղծ ոգիների և նույնիսկ անդամների մասին, որոնք խաբում էին մարդկանց:

Կարդացեք Վարդապետություն և Ուխտեր 50․1–3 հատվածները՝ փնտրելով Աստծո զգուշացումներից մեկը։

  • Ձեր կարծիքով, ինչո՞ւ է սատանան օգտագործում խաբեությունը՝ Հիսուս Քրիստոսից մեզ հեռացնելու համար:

Օգնեք ուսանողներին հասկանալ, որ չնայած սատանան շատ խելացի է խաբեության մեջ, Հիսուս Քրիստոսը սիրով մի խորհուրդ տվեց հատվածներ 10–35-ում՝ օգնելու Իր հետևորդներին ճանաչել ճշմարտությունը և խուսափել խաբեությունից:

Կարող եք գրատախտակին ցուցադրել կամ գրել ստորև բերված անավարտ թավագիր արտահայտությունը: Կարող եք ուսանողներին բաժանել փոքր խմբերի և յուրաքանչյուր խմբին հանձնարարել սուրբգրային հետևյալ հատվածներից մեկը: Այնուհետև ուսանողները կարող են պատրաստվել կիսվելու, թե ինչ սովորեցին հետևյալ վարժությունից:

Կարդացեք ստորև նշված հատվածները՝ փնտրելով, թե ինչպես կարող եք ավարտել հետևյալ ճշմարտությունը. Տերը կօգնի մեզ խուսափել խաբեությունից, երբ մենք …

Բավարար ժամանակից հետո առաջարկեք ուսանողներին գրել իրենց գտածը գրատախտակին՝ անավարտ արտահայտության տակ։ Պատասխանները կարող են ներառել հետևյալը․ … ձգտենք ուսուցանել և սովորել Ճշմարտության Հոգով, … ձգտենք ստանալ Իր լույսը, … աղոթենք, որպեսզի իմանանք, թե երբ է ոգին Աստծուց, և երբ՝ ոչ։ Կարող եք դասարանով քննարկել հետևյալ հարցերը կամ ցուցադրել դրանք և առաջարկել ուսանողներին պատասխանել դրանց իրենց ուսումնական օրագրերում. Իրենց մտքերն անմիջապես գրի առնելը կարող է օգնել ուսանողներին ավելի վստահ և պատրաստ լինել կիսվելու դրանցով: Ուսանողները կարող են լրացուցիչ հարցեր ունենալ այս ճշմարտությունների վերաբերյալ: Ժամանակ հատկացրեք՝ նրանց հարցերը ուսումնասիրելու համար: Նրանց դասընկերները գուցե կարողանան արժեքավոր մտքեր հայտնել՝ ի լրումն նրան, ինչով դուք կարող եք կիսվել:

դասընթացի պատկերակՈրպեսզի օգնեք ուսանողներին պատասխանատվություն ստանձնել իրենց ուսման համար, ուսումնասիրեք «Տուրք մի տվեք յուրաքանչյուր մեկնաբանությանը և հարցին պատասխանելու միտումին․ առաջարկեք դասարանին պատասխանել» վերնագրով դասընթացը։ Այն տեղադրված է Ուսուցիչների կատարելագործման հմտություններ ուսուցողական նյութում։

  • Ի՞նչ է նշանակում այդ ուսմունքը:

  • Ինչպե՞ս կարող է այս ուսմունքն օգնել ձեզ ստանալ Տիրոջ օգնությունը՝ խուսափելու սատանայի խաբեություններից:

Նախորդ հարցը քննարկելիս օգտակար կլինի գրատախտակի վրա ուսանողներին ցուցադրել այն եղանակների ցուցակը, որոնցով Սատանան փորձում է խաբել դեռահասներին: Ուսանողները կարող էին նշել, թե ինչպես Փրկչի՝ իրենց ընտրած ուսմունքը կարող է օգնել իրենց արձագանքել գրված խաբեություններից մեկին կամ մի քանիսին:

Խաբեությունից խուսափելու պարզ եղանակ

Տերը եզրափակեց՝ սիրով հավաստիացնելով մեզ, որ Իր շնորհիվ մենք չպետք է վախենանք: Կարդացեք Վարդապետություն և Ուխտեր 50․40–44 հատվածները՝ փնտրելով, թե ինչ եք սովորում Փրկչի մասին:

  • Այս հատվածներում Փրկչի մասին ո՞ր ճշմարտությունն ամենաշատը տպավորեց ձեզ։

  • Նրա մասին այդ ճշմարտություններն իմանալն ինչպե՞ս կարող է մեզ օգնել մի աշխարհում, որը լի է այդքան խաբեությամբ:

  • Ինչպե՞ս եք դուք ճանաչել Հիսուս Քրիստոսի մասին այդ ճշմարտությունները կամ հավատացել այդ ճշմարտություններին։

Նախագահ Ռասսել Մ. Նելսոնն ուսուցանել է հետևյալն այն մասին, թե ինչպես կարող ենք հրավիրել Տիրոջ օգնությունը՝ խաբեությունից խուսափելու համար.

5:49
Նախագահ Ռասսել Մ. Նելսոն

Աշխարհի ձայներն ու ճնշումները դյութիչ են ու անհամար։ Բայց չափազանց շատ ձայներ խաբուսիկ ու հրապուրիչ են, և կարող են մեզ դուրս մղել ուխտի ճանապարհից: Դրան հաջորդող անխուսափելի տառապանքից խուսափելու համար ես աղաչում եմ, որ դուք այսօր հակազդեք աշխարհի հրապուրանքին՝ ամեն օր ձեր կյանքում ժամանակ տրամադրելով Տիրոջը։

Եթե տեղեկատվության մեծ մասը ստանում եք սոցիալական լրատվամիջոցներից կամ այլ տեսալսողական նյութերից, ապա Հոգու շշուկները լսելու ձեր ունակությունը կնվազի: Եթե միևնույն ժամանակ ամենօրյա աղոթքի և ավետարանի ուսումնասիրության միջոցով դուք չեք փնտրում Տիրոջը, դուք ձեզ անպաշտպան եք թողնում այն փիլիսոփայությունների առջև, որոնք կարող են հետաքրքրաշարժ լինել, բայց ճշմարիտ չեն: Նույնիսկ այն Սրբերը, որոնք ընդհանուր առմամբ հավատարիմ են, կարող են շեղվել «Բաբելոնի երգչախմբի» (աշխարհի ձայների) անընդհատ զարկերի ներքո։

Իմ եղբայրներ և քույրեր, ես աղաչում եմ ձեզ, որ ժամանակ տրամադրեք Տիրոջը: Ձեր անձնական հոգևոր հիմքը ամրացրեք և դիմակայեք ժամանակի փորձությանը՝ անելով այն բաները, որոնք հնարավորություն են տալիս Սուրբ Հոգուն միշտ ձեզ հետ լինել: (Ռասսել Մ. Նելսոն, «Ժամանակ տրամադրեք Տիրոջը», Լիահոնա, նոյեմբեր 2021, 120)

  • Ուրիշ ի՞նչ գաղափարներ գտաք, որոնք կարող են օգնել ձեզ խուսափել խաբեությունից:

Կարող եք ուսանողներին ժամանակ տալ՝ կիսվելու մի բանով, որն իրենք սովորել են կամ ոգեշնչվել են անել՝ խաբեությունից խուսափելու համար: Առաջարկեք նրանց շարունակել փնտրել աստվածային ճշմարտությունը ճանաչելու և խաբեությունից խուսափելու եղանակներ: Որպեսզի օգնեք ուսանողներին դա անել, կարող եք կիսվել Տիրոջ ցանկության և կարողության հանդեպ ձեր վստահությամբ։