Doktrina ug mga Pakigsaad 51–57

Doktrina ug mga Pakigsaad 51–57

Kinatibuk-ang Pagpasabot

Usa ka grupo sa mga Santos miabot sa Thompson, Ohio, ug naningkamot sa pagsunod sa balaod sa pagpahinungod. Bisan pa niana, si Leman Copley milapas sa iyang pakigsaad sa pagpahinungod sa iyang yuta ngadto sa Simbahan, nakaingon sa daghang mga Santos nga walay dapit nga kapuy-an. Kini nga mga Santos misunod og pagpadayag gikan sa Ginoo ug mibalhin sa Missouri. Ubos sa direksiyon sa Ginoo, si Joseph Smith ug ang ubang mga elder mibiyahe ngadto sa Missouri alang sa usa ka komperensiya. Didto, ang Ginoo mipadayag nga sila kinahanglan motukod sa Zion didto sa Missouri.

Tabangi ang mga tigkat-on nga tuyoong maningkamot nga mahisama ni Jesukristo: Daghang mga estudyante ang adunay Kristohanong mga hiyas ug mga kalidad. Samtang kita mag-obserbar ug moila sa Kristohanong kinaiya, ang mga estudyante mobati nga madasig sa pagpadayon niana nga kinaiya. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Tabangi ang mga Estudyante nga Tuyoong Maningkamot nga Mahimong Mas mahisama ni Jesukristo” diha sa Pagtudlo Sumala sa Pamaagi sa Manluluwas. Makakita ka usab og usa ka ehemplo kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 57.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 51

Katuyoan sa leksiyon: Aron matabangan ang mga estudyante nga makasabot kon sa unsang paagi sila makasunod sa tambag sa Ginoo aron mahimong matinud-anon, makiangayon, ug maalamon nga mga tinugyanan.

• Pagpangandam sa estudyante: Dapita ang mga estudyante sa paghunahuna sa pipila ka mga responsibilidad nga anaa kanila gumikan sa pagkamiyembro sa Simbahan sa Manluluwas. Hangyoa sila sa paghunahuna mahitungod sa mga panalangin nga ilang nadawat pinaagi niini nga mga responsibilidad.

Doktrina ug mga Pakigsaad 57

Katuyoan sa leksiyon: Aron matabangan ang mga estudyante nga mobati og mas dakong tinguha nga mahimong katawhan sa Ginoo pinaagi sa pagtukod sa Zion.

• Pagpangandam sa estudyante: Ikonsiderar ang pagdapit sa mga estudyante sa pagbasa sa Moises 7:18 ug hunahunaa ang mga benepisyo sa pagpuyo sa usa ka katilingban sama sa gihulagway niana nga bersikulo.

• Mga materyal nga ipakita: Usa ka litrato sa Manluluwas ug usa ka litrato ni Enoch ug sa iyang mga katawhan

• Mga bidyo: “Mata aron sa Pagtan-aw” (9:35) gikan sa time code 4:54 hangtod sa 6:54; “Ang mga Panginahanglan nga atong Giatubang” (11:57) gikan sa time code 6:03 hangtod sa 8:10

Pagbansay 4 sa Doktrinal nga Kahanas

Katuyoan sa leksiyon: Aron mahatagan ang mga estudyante og mga kahigayonan sa pagbansay sa pagkahanas sa mga tudling sa doktrinal nga kahanas ug sa doktrina nga gitudlo niini nga mga tudling, ingon man sa pagkat-on ug paggamit sa balaanong mga baroganan sa pag-angkon og espirituhanong kahibalo.

• Pagpangandam sa estudyante: Ikonsiderar ang pagdapit sa mga estudyante sa pagrebyo sa pipila ka tudling sa doktrinal nga kahanas nga ilang natun-an karong tuiga. Usa ka lista sa mga tudling makita diha sa Mahinungdanon nga Dokumento sa Doktrinal nga Kahanas (2023).

• Mga materyal alang sa mga estudyante: Mahinungdanon nga Dokumento sa Doktrinal nga Kahanas