Դաս 71. Վարդապետություն և Ուխտեր 58–59

Վարդապետություն և Ուխտեր 58․26–29

«Ջերմեռանդորեն ներգրավված լինել բարի գործի մեջ»:

Շատ Սրբեր, այդ թվում մի խումբ Նյու Յորք նահանգի Քոլսվիլ քաղաքից, նոր էին ժամանել Միսսուրի նահանգի Ջեքսոնի շրջան: Նրանք ցանկանում էին օգնել Փրկչին կառուցել Սիոնը, սակայն վստահ չէին, թե ինչ պետք է անել։ Տերը բացատրեց, որ նրանցից ակնկալվում է օգտագործել իրենց ազատ կամքը՝ օգնելու և ծառայելու եղանակներ գտնելու համար: Այս դասը կօգնի ուսանողներին հասկանալ, թե ինչպես հետևել Փրկչի օրինակին և բարի գործեր անել:

Հնարավոր ուսումնական վարժություններ

Մի օր Քրիստոսի կյանքից

Դասից առաջ գրատախտակին կարող եք գրել Նրանք բարի գործեր են անում խոսքերը։ Յուրաքանչյուր ուսանողի առաջարկեք կիսվել իրենց ծանոթներից մեկի անունով, որի կյանքը համապատասխանում է այդ նկարագրությանը: Մի քանի կամավորներ կարող են կիսվել, թե ինչու է այդ արտահայտությունն իրենց հիշեցնում իրենց ընտրած մարդուն:

Ասացեք ուսանողներին, որ Գործք Առաքելոց 10 գլուխը Կեսարիայում Պետրոսի ուսմունքների արձանագրությունն է։ Նրանց առաջարկեք ուսումնասիրել Գործք Առաքելոց 10.38 հատվածը, որպեսզի տեսնեն, թե Պետրոսն ում անունը կգրեր գրատախտակին:

Պատկերացրեք, թե ինչ կլիներ, եթե Հիսուսը ծնվեր մեր օրերում, ապրեր ձեր հարևանությամբ կամ հաճախեր ձեր դպրոցը:

• Ըստ ձեզ, Նա ի՞նչ կարող էր անել, որը կարելի էր նկարագրել որպես «բարի գործեր անել»:

Որպեսզի օգնեք ուսանողներին ցանկանալ հետևել Փրկչի օրինակին, կարող եք նրանց ժամանակ տրամադրել՝ ուսումնական օրագրերում գրի առնելու իրենց մտքերը հետևյալ հուշումի վերաբերյալ:

Փորձեք պատկերացնել, թե ինչ զգացողություններ կունենաք, եթե շաբաթ օրն անցկացնեք Հիսուսի հետ՝ ամբողջ օրը «բարի գործեր անելով»: Ինչպե՞ս կարող է այդ փորձառությունն ազդել այն բանի վրա, թե ինչպես կծախսեք ձեր ժամանակը նաև այն օրերին, երբ Նրա հետ չեք:

Ընտրեք բարի գործեր կատարել

Երբ ստացվեց Վարդապետություն և Ուխտեր 58 բաժինը, Ջոզեֆ Սմիթը և Եկեղեցու մի քանի երեց նոր էին ժամանել Միսսուրի։ Նրանք ցանկանում էին ցուցումներ ստանալ այդ տարածքում Սիոն կառուցելու և Եկեղեցի հիմնելու վերաբերյալ։ Փրկիչն ուսուցանեց նրանց, թե ինչպես կարող են օգտագործել իրենց ազատ կամքը՝ Իր աշխատանքը կատարելու համար:

Կարդացեք Վարդապետություն և Ուխտեր 58․26–29 հատվածները, որպեսզի իմանաք, թե ինչ է Փրկիչն ուսուցանել Սրբերին իրենց ազատ կամքն օգտագործելու վերաբերյալ: Գրեք բառեր և արտահայտություններ, որոնք կգտնեք հետևյալ աղյուսակի համապատասխան բաժիններում: (Նշում. «Դա չի համապատասխանում» նշանակում է, որ դա անհրաժեշտ կամ ցանկալի չէ):

Կարող եք գրատախտակին ցուցադրել հետևյալ աղյուսակը կամ ուսանողներին տրամադրել դրա օրինակը: Դա կօգնի ուսանողներին ավելի շատ ներգրավված լինել այս վարժության կատարման գործընթացում, եթե նրանց առաջարկվել է կատարել այն դասընկերոջ հետ:

Օգտագործենք մեր ազատ կամքը՝ …

Ավելի շատ նմանվելու Հիսուսին	Ավելի քիչ նմանվելու Հիսուսին

Երբ ուսանողներն ավարտեն վարժությունը, կարող եք նրանց հարցեր տալ, որոնք կօգնեն մտածել և հասկանալ իրենց գտած արտահայտությունների իմաստը: Օրինակ՝

• Ձեր կարծիքով, ի՞նչ է նշանակում «ջերմեռանդորեն ներգրավված լինել» բարի գործի մեջ կամ ակտիվորեն ձգտել բարի գործ անել:

• Ըստ ձեզ, ինչո՞ւ մենք պետք է խուսափենք «հարկադրված» կամ ստիպված բարի գործեր անելուց:

• Ձեր կարծիքով, ինչո՞ւ են կարևոր բարի գործեր անելու մեր շարժառիթները:

Ելնելով այս հատվածներից՝ ձեր օրագրում կամ ձեր սուրբ գրություններում ձեր բառերով գրեք մեկ կամ երկու ճշմարտություն, որոնք ըստ ձեզ կարևոր են Փրկչի համար:

Ուսանողներին առաջարկեք կիսվել իրենց գրած ճշմարտություններով կամ գրել դրանք գրատախտակին: Ճշմարտություններից մեկը, որը նրանք կարող են ներկայացնել, հետևյալն է Աստված հատուցում է նրանց, ովքեր ակտիվորեն ձգտում են արդար գործեր անել։

Կարող եք առաջարկել ուսանողներին խորհել կամ գրել, թե որքան հաճախ են իրենք ակտիվորեն եղանակներ փնտրում՝ ծառայելու Աստծուն և ուրիշներին՝ չսպասելով, որ իրենց ասեն, թե ինչ անել: Նրանց առաջարկեք ուշադրություն դարձնել այն եղանակներին, որոնցով իրենք կարող են ձգտել ավելի ջերմեռանդորեն ներգրավվել լավ գործերի մեջ՝ շարունակելով իրենց ուսումնասիրությունը:

• Ի՞նչ օրինակներ կարող եք հիշել սուրբ գրությունների հատվածներից, որտեղ նկարագրված է, թե ինչպես է մարդն ապրում Փրկչի ուսմունքներով:

• Որո՞նք են այն օրինակները, որտեղ Փրկիչը տեսնում է բարիք գործելու հնարավորությունները և օգտագործում է Իր ազատ կամքը:

Կարող եք ուսանողներին ցուցադրել «Հիսուս Քրիստոսը կարեկցում և բժշկում է մարդկանց» (6:32) տեսանյութը, որը հասանելի է ChurchofJesusChrist.org կայքում։ Այն ներկայացնում է հարություն առած Փրկչին, երբ Նա նախընտրեց որոշ ժամանակ մնալ նեփիացիների մոտ, որպեսզի ծառայի և բժշկի նրանց։

Jesus Christ Has Compassion and Heals the People | 3 Nephi 17:1–10

Կամ կարող եք ցուցադրել «Նայինի այրին» (2։22) տեսանյութը, որը հասանելի է ChurchofJesusChrist.org կայքում։ Այն ներկայացնում է Փրկչին, երբ Նա նկատեց սգավոր մորը և դադար վերցրեց, որպեսզի մխիթարի նրան և բժշկի նրա որդուն:

Widow of Nain

Փրկչի ուսմունքները մեր կյանքում

Օգնեք ուսանողներին բացահայտել, թե հատվածներ 26–29-ում Փրկչի ուսմունքներն ինչպես կարող են կիրառվել իրական կյանքի իրավիճակներում: Կարող եք օգտագործել հետևյալ իրավիճակներից մի քանիսը կամ այլ իրավիճակներ, որոնք ավելի շատ են համապատասխանում ձեր ուսանողներին:

Ուսանողներին բաժանեք փոքր խմբերի՝ քննարկելու համար, թե որ հատվածները կամ արտահայտությունները կարող են լավագույնս կիրառվել յուրաքանչյուր իրավիճակի համար: Խմբերին հորդորեք մտածել մի քանի եղանակ, որոնցով յուրաքանչյուր մարդ կարող է օգտագործել իր ազատ կամքը, որպեսզի ներգրավվի լավ գործերում:

Այնուհետև յուրաքանչյուր խմբի կարող եք առաջարկել կրկնել վարժությունը՝ ստեղծելով իրենց սցենարը, որտեղ դեռահասը կկիրառի բաժին 58-ում ներկայացված Փրկչի ուսմունքները։

1. Ջուլիետին վերջերս հանձնարարվեց ծառայել մի ընտանիքի, որին նա երբեք չէր հանդիպել: Նա անգամ չգիտի, թե ինչպես սկսել:

2. Էննի կիրակնօրյա դպրոցի ուսուցիչը հիանալի մարդ է, սակայն փորձառու ուսուցիչ չէ: Նրա դասընկերներից շատերը, կարծես, կորցրել են հետաքրքրությունը դասերի նկատմամբ և այլևս չեն փորձում ներգրավվել դասապրոցեսի մեջ։

3. Ժասմինը նկատում է, որ մայրը վերջերս սովորականից ավելի հոգնած է երևում։

4. Հավիերը սոցիալական ցանցերում հանդիպել է դաժան գրառումների մեկ այլ ուսանողի մասին:

5. Ջարեդն ազատ օր ունի, և նա ոչինչ չունի անելու և ոչ մի տեղ չունի գնալու:

Եզրափակելով՝ կարող եք ուսանողներին առաջարկել երգել կամ լսել մի օրհներգ, որն ամրապնդում է այս դասում սովորած սկզբունքները: Օրինակ՝ «Ես արե՞լ եմ որևէ լավ բան» (Հիմներ, հմր․ 223): Խնդրեք նրանց խորհել, թե ինչպես են երգի տեքստերը վերաբերում այն սկզբունքներին, որոնք Փրկիչն ուսուցանել է բաժին 58-ում։ Մեկ կամ երկու ուսանողի առաջարկեք դասարանի հետ կիսվել, թե ըստ իրենց, Փրկիչն ինչ կցանկանար, որ իրենք հիշեն իրենց այսօրվա ուսումնասիրությունից: Օգտակար կլինի հնարավորություն տալ ուսանողներին գրի առնել իրենց մտքերը, այնուհետև մի քանի ուսանողի առաջարկել բարձրաձայն կիսվել դրանցով:

Կարող եք առաջարկել ուսանողներին հնարավորություն փնտրել գործնականում կիրառելու իրենց սովորածը՝ մինչև սեմինարիայի հաջորդ դասը: Կարող եք նաև առաջարկել պատրաստակամ ուսանողներին իրենց փորձառությամբ կիսվել դասարանի հետ:

Օժանդակ նյութեր

Ի՞նչ եղանակներով կարող ենք կիրառել Վարդապետություն և Ուխտեր 58.26–29 հատվածները մեր կյանքում:

Եկեղեցու ղեկավարների կողմից սպասավորության ծրագիրը ներկայացնելուց կարճ ժամանակ անց Տասներկու Առաքյալների Քվորումից երեց Ջեֆրի Ռ. Հոլլանդը ասել է հետևյալը. Շատ անդամներ հարցեր ունեին այն մասին, թե ինչպես արդյունավետությամբ ծառայել ուրիշներին:

Հաշտության սպասավորությունը

Մենք … առաջարկում ենք, որ չսպասեք լրացուցիչ ցուցումների։ Պարզապես ցատկեք լողավազանի մեջ և լողացեք: Եվ գնացեք դեպի կարիքավորները: Մի կաշկանդվեք, մտածելով՝ արդյոք պիտի մեջքի՞ վրա լողաք, թե՞ շնալող տաք: Եթե մենք հետևենք ուսուցանված հիմնական սկզբունքներին, գործադրենք քահանայության բանալիները և փնտրենք Սուրբ Հոգու առաջնորդությունը, մենք չենք ձախովղի: (Ջեֆրի Ռ. Հոլլանդ, «Հաշտության սպասավորությունը», Լիահոնա, նոյեմբեր 2018, 77)

Առաջին Նախագահության Նախագահ Դալլին Հ. Օուքսը բացատրել է, թե ինչպես կարող են այս սկզբունքները կիրառվել Աստծուց հայտնություն և առաջնորդություն փնտրելու համար.

Հայտնություն ստանալու ցանկացած ջանքի հիմքում ընկած է պարտավորություն. անել ամեն բան մեր սեփական ջանքերով և խոհեմությամբ: Սա նշանակում է, որ մենք պետք է ծառայենք և աշխատենք:

Մեր ծառայությամբ և աշխատանքով առաջ գնալը կարևոր եղանակ է հայտնության իրավունք ստանալու համար: Սուրբ գրությունների ուսումնասիրության ընթացքում ես նկատել եմ, որ Աստծո զավակները հայտնության մեծ բաժին ստանում են այն ժամանակ, երբ շարժման մեջ են, այլ ոչ թե նստած իրենց բնակարաններում սպասում են, թե Տերը երբ է ասելու, թե որն է լինելու նրանց առաջին քայլը: (Դալլին Հ. Օուքս, «In His Own Time, in His Own Way», Ensign, օգոստոս 2013, 22)

Երիտասարդ կանանց գերագույն նախագահությունից քույր Ռեբեկա Լ. Քրեյվենը կիսվել է, թե ինչպես կարող են այս սկզբունքները կիրառվել վկայություն ձեռք բերելու համար.

Արեք այն, ինչն ամենից կարևոր է

Ես մի հաճելի փորձառություն ունեցա մի սիրելի երիտասարդ կնոջ հետ, որը շատ անկեղծ հարց տվեց. «Քույր Քրեյվեն, որտեղի՞ց գիտեք, որ Եկեղեցու մասին ամեն բան ճշմարիտ է: Որովհետև ես ոչինչ չեմ զգում»:

Նախքան պատասխանին անցնելը՝ ես նախ նրան որոշ հարցեր տվեցի։ «Պատմեք ինձ սուրբ գրությունների ձեր անհատական ուսումնասիրության մասին»:

Նա պատասխանեց. «Ես չեմ կարդում սուրբ գրությունները»:

Ես հարցրի. «Իսկ ձեր ընտանի՞քը»: Դուք միասին ուսումնասիրո՞ւմ եք Եկ, հետևիր ինձ ձեռնարկը:

Նա ասաց. «Ոչ»:

Ես հարցրի նրա աղոթքների մասին. «Ի՞նչ եք զգում, երբ աղոթում եք»:

Նա պատասխանեց. «Ես չեմ աղոթում»:

Նրան ուղղված իմ պատասխանը պարզ էր. «Եթե ցանկանում եք որևէ բան իմանալ, պետք է ինչ-որ բան անեք»:

Արդյո՞ք դա ճիշտ չէ այն ամենի դեպքում, ինչը մենք ցանկանում ենք սովորել կամ իմանալ: Ես առաջարկեցի իմ նոր ընկերուհուն սկսել կատարել այն, ինչ ուսուցանվում է Հիսուս Քրիստոսի ավետարանում՝ աղոթել, ուսումնասիրել, ծառայել ուրիշներին և վստահել Տիրոջը: Դարձը տեղի չի ունենա, երբ դուք ոչինչ չենք անում: Այն գալիս է Սուրբ Հոգու զորությամբ, երբ մենք նպատակադրված ջանքեր ենք գործադրում իմանալու համար՝ խնդրելով, փնտրելով և թակելով: Այն տեղի է ունենում, երբ գործում ենք: (Ռեբեկա Լ. Քրեյվեն, «Արեք այն, ինչն ամենից կարևոր է», Լիահոնա, մայիս 2022, 62)

Օժանդակ ուսումնական վարժություններ

Դասը սկսելու այլընտրանքային տարբերակ

Կարող եք սկսել դասը ստորև ներկայացված սցենարով, որտեղ մարդը կարող է օգտագործել իր ազատ կամքը՝ որևէ լավ բան անելու համար կամ ընտրել անգործությունը, քանի դեռ ստիպված չի որևէ բան անել:

Պատկերացրեք, թե փողոցով քայլելիս տեսնում եք մի ծեր մարդու, որը վայր է ընկնում: Հետևյալ քայլերից ո՞րը պետք է կատարեք.

1. Դադար առնեք, որ տեսնեք՝ արդյոք Երկնային Հայրը հուշում է ձեզ օգնություն ցույց տալ:

2. Սպասեք, որ տեսնեք՝ արդյոք տարեց մարդն ուղղակիորեն օգնություն է խնդրում ձեզանից:

3. Սպասեք, որ որևէ մեկը ձեզ ասի, թե ինչ անեք:

4. Անմիջապես մտածեք, թե ինչպես կարող եք օգնել ընկած մարդուն:

Երբ ուսանողները պատասխանեն, խնդրեք նրանց կիսվել այն պատճառներով, թե ինչու որևէ մեկը կարող է ընտրել նշված տարբերակներից յուրաքանչյուրը: Այնուհետև առաջարկեք նրանց կարդալ Վարդապետություն և Ուխտեր 58.26–29 հատվածները և խորհել, թե ինչպես կազդեն մեր ընտրություններն այն բանի վրա, թե ի վերջո մենք ով կդառնանք:

«Հավատարմություն նեղության մեջ»

Ուսանողներին առաջարկեք հիշել մի մրցույթ, որտեղ դատավորները հաշվի են առնում դժվարության աստիճանը, երբ որոշում են կայացնում, թե ինչ գնահատականի է արժանի մարդը: Օրինակ՝ մարմնամարզության, չմշկասահքի կամ սնոուբորդի մրցումները: Օգնեք ուսանողներին դա կապել մեր կատարյալ Դատավորի՝ Հիսուս Քրիստոսի հետ, ով լիովին հասկանում է այն դժվարությունները, որոնց հետ առնչվում է յուրաքանչյուր մարդ երկրի վրա: Այնուհետև ուսանողներին առաջարկեք կարդալ Վարդապետություն և Ուխտեր 58․1–4 հատվածները՝ փնտրելով, թե ինչ են իրենք սովորում Փրկչի դատաստանի մասին:

Հատվածներ 26–29-ի ժամանակակից կիրառումը

Որպեսզի ուսանողներին օգնեք տեսնել Փրկչի ուսմունքների արդիականությունը, խմբերին տրամադրեք «Լրացուցիչ նյութեր» բաժնում ներառված պնդումների օրինակները։ Յուրաքանչյուր խումբ կարող է կարդալ այդ պնդումները և որոշել, թե Վարդապետություն և Ուխտեր 58.26–29 հատվածներից որ արտահայտություններն են ամենակիրառելին։ Այնուհետև ուսանողներին առաջարկեք կիսվել տարբեր իրավիճակներով, որտեղ պատանին կարող է օգտագործել այն, ինչ ուսուցանում են այդ արտահայտությունները:

Արդիականության վարժություն

Փոքրիկ թղթի վրա յուրաքանչյուր ուսանող կարող է գրել այն վայրը, որտեղ գտնվելու է հաջորդ շաբաթվա ընթացքում (տուն, դպրոց, եկեղեցի, աշխատանք, ֆուտբոլի դաշտ և այլն) և թուղթը դնել զամբյուղի մեջ: Պատահականության սկզբունքով դուրս հանեք թղթերը զամբյուղից և առաջարկեք դասարանին կիսվել ստեղծագործական եղանակներով, որոնցով որևէ մեկը կարող է ակտիվորեն լավ գործեր անել տվյալ իրավիճակում կամ վայրում:

Ակտիվորեն ներգրավվել ուսուցման մեջ

Որպեսզի օգնեք ուսանողներին քննարկել, թե ինչպես կարող են բաժին 58-ի ճշմարտությունները կիրառվել իրենց սեմինարիայի փորձառության մեջ, կարող եք ցուցադրել Տասներկու Առաքյալների Քվորումից Երեց Դեյվիդ Ա. Բեդնարի այս խոսքերը:

«Ազատ կամքն օգտագործելով և ճիշտ սկզբունքների համաձայն գործելով՝ ուսանողը բացում է իր սիրտը Սուրբ Հոգու առաջ և ներս հրավիրում Նրա ուսմունքները, վկայության ուժը և հաստատող վկայությունը։ Հավատքով ուսումնասիրությունը պահանջում է հոգևոր, մտավոր և ֆիզիկական ջանք, այլ ոչ թե պարզապես գիտելիքների պասիվ ընդունում: …

«… Ուսանողը պետք է հավատք գործադրի և գործի, որպեսզի գիտելիք ձեռք բերի իր համար» (Դեյվիդ Ա. Բեդնար, «Ուսում փնտրեք հավատքով», Ensign, սեպտեմբեր 2007, 64):

Ուսանողներին առաջարկեք նկարագրել ընտրություններ, որոնք ուսանողը կարող է կատարել դասից առաջ, դասի ընթացքում և դասից հետո, որոնք կարող են ավելացնել կամ նվազեցնել այն, ինչ նրանք սովորում և զգում են սեմինարիայում:

Եթե օգտակար լինի, ուսանողները կարող են քննարկել, թե ինչպես բաժին 58-ի թեմաները և Երեց Բեդարի խոսքերը կարող են բարելավել դպրոցական միջավայրում սովորելու իրենց փորձը: