Վարդապետություն և Ուխտեր 58–59

Վարդապետություն և Ուխտեր 58–59

Ակնարկ

1831 թ. օգոստոսին մի խումբ Սրբեր վերջերս ժամանել էին Միսսուրի նահանգի Ջեքսոն շրջան: Շատերը ցանկանում էին օգնել Փրկչին կառուցել Սիոնը, սակայն վստահ չէին, թե ինչ պետք է անել։ Տերը բացատրեց, որ Ինքը ակնկալում է, որ նրանք կօգտագործեն իրենց ազատ կամքը՝ ծառայելու եղանակներ գտնելու համար: Նա նաև հորդորեց նրանց ապաշխարել իրենց մեղքերից և հրահանգեց սուրբ պահել Հանգստության օրը:

Ընդլայնեք ուսումնառության փորձառությունը․ հրավիրելով ձեր ուսանողներին գործել ըստ ճշմարիտ վարդապետության՝ դուք հրավիրում եք նրանց ընդլայնել ուսումնառության փորձառությունը՝ ընդգրկելով իրենց տունը և առօրյա կյանքը։ Օգնեք ձեր ուսանողներին դիտարկել հոգևոր ուսումնառությունը որպես ամենօրյա փորձառություն, այլ ոչ թե մի բան, որը տեղի է ունենում միայն դասարանում: Սա կարող է շարժառիթ լինել՝ օգնելով ուսանողներին սովորել և կիրառել ավետարանի ուսմունքները: Փրկչի օրինակի մասին ավելին իմանալու համար, տես «Փրկիչը հրավիրել է մարդկանց ապրել Իր ուսմունքների համաձայն» բաժինը Ուսուցանել Փրկչի ձևով ձեռնարկում։ Այդպես վարվելու օրինակ կարող եք տեսնել նաև այս շաբաթվա դասում, որը վերնագրված է «Վարդապետություն և Ուխտեր 58․26–29»։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 58․26-29

Դասի նպատակը․ օգնել ուսանողներին հասկանալ, թե ինչպես հետևել Փրկչի օրինակին և շրջել՝ բարիք գործելով:

• Ուսանողի նախապատրաստում․ առաջարկեք ուսանողներին մտածել իրենց ծանոթ մարդու մասին, որն ուղիներ է գտնում՝ ծառայելու Քրիստոսանման եղանակներով: Խնդրեք նրանց խորհել, թե ինչ կարող են սովորել Փրկչի բնավորության մասին այդ մարդու օրինակից:

• Բովանդակություն ցուցադրման համար․ աղյուսակ, որն օգնում է ուսանողներին ուսումնասիրել Վարդապետություն և Ուխտեր 58.26–29 հատվածները

• Տեսանյութեր․ «Հիսուս Քրիստոսը կարեկցում և բժշկում է մարդկանց» (6:32), Նայինի այրին (2:22)

Վարդապետություն և Ուխտեր 58․38–60

Դասի նպատակը․ օգնել ուսանողներին հույս գտնել, որ Փրկիչը ներում է նրանց, ովքեր ապաշխարում են իրենց մեղքերից:

• Ուսանողի նախապատրաստում․ առաջարկեք ուսանողներին մտածել այնպիսի հարցերի կամ մտահոգությունների մասին, որոնք հետ են պահում որոշ դեռահասների ապաշխարելուց, երբ նրանք սխալ են գործում: Հրավիրեք նրանց խորհել, թե ինչ գիտեն Հիսուս Քրիստոսի մասին, որը կարող է օգնել պատասխանել այդ հարցերին կամ հաղթահարել մտահոգությունները:

• Նկար ցուցադրման համար․ դեռահասի նկար

• Նյութեր․ Երիտասարդներին զորացնելու համար. Ընտրություններ կատարելու ուղեցույց (2022)

• Տեսանյութեր․ «Հիսուս Քրիստոսը երիտասարդության ուժն է» (14:12, դիտել 0:34-2:12), «Փրկիչը ցանկանում է ներել» (5:50)

Վարդապետություն և Ուխտեր 59

Դասի նպատակը․ օգնել ուսանողներին պատվել Տիրոջը՝ սուրբ պահելով Հանգստության օրը:

• Ուսանողի նախապատրաստում․ առաջարկեք ուսանողներին խորհել, թե իրենք ինչպես են վերաբերվում Հանգստության օրվան: Առաջարկեք նրանց մտածել այն մասին, թե ինչու է Փրկիչը պատվիրում մեզ ամեն շաբաթ մեկ օր հատկացնել՝ Իր և Իր ավետարանի վրա կենտրոնանալու համար:

• Նյութեր․ Երիտասարդներին զորացնելու համար. Ընտրություն կատարելու ուղեցույց

• Տեսանյութեր «Միայն արդարակեցության սկզբունքներով» (10:11, դիտել 4:59-5:24 և 5:24-6:26), «Իմ սուրբ օրը․ Պատվեք Հանգստության օրը» (1:30)