« គោលលទ្ធិ និងសេចក្តីសញ្ញា ៦០–៦៣ ៖ ទិដ្ឋភាពទូទៅ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្តីសញ្ញា ៦០–៦៣ » ព្រះគម្ពីរគោលលទ្ធិ និងសេចក្ដីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ៦០–៦៣
គោលលទ្ធិ និងសេចក្តីសញ្ញា ៦០–៦៣
ទិដ្ឋភាពទូទៅ
បន្ទាប់ពីព្យាការី យ៉ូសែប ស្ម៊ីធ និងពួកអែលឌើរមួយចំនួននៃសាសនាចក្របានផ្ដល់ការងារបម្រើដល់ពួកបរិសុទ្ធនៅរដ្ឋមិសសួរីនារដូវក្តៅឆ្នាំ ១៨៣១ រួចហើយ ពេលវេលាក៏បានមកដល់ដើម្បីធ្វើដំណើរត្រឡប់ទៅរដ្ឋអូហៃអូវិញ ។ វិវរណៈដែលបានកត់ត្រានៅក្នុង គោលលទ្ធិ និងសេចក្ដីសញ្ញា ៦០–៦២ មាននូវដំបូន្មានមកពីព្រះអម្ចាស់ដើម្បីជួយពួកអែលឌើរទាំងនោះនៅក្នុងការធ្វើដំណើររបស់ពួកលោក ។ នៅក្នុង គោលលទ្ធិ និងសេចក្ដីសញ្ញា ៦៣ ព្រះអម្ចាស់កែតម្រូវឥរិយាបថមិនត្រឹមត្រូវរបស់ពួកបរិសុទ្ធនៅរដ្ឋអូហៃអូ ។
ផ្ដោតលើគោលការណ៍ប្រែចិត្តជឿ ៖ សូមជួយសិស្សឲ្យរកឃើញគោលលទ្ធិ និងគោលការណ៍នានាដែលអាចមានឥទ្ធិពលលើទំនាក់ទំនងរបស់ពួកគេជាមួយព្រះវរបិតាសួគ៌ និងព្រះយេស៊ូវគ្រីស្ទ ។ សូមលើកទឹកចិត្តពួកគេឲ្យវិភាគពីរបៀបដែលសេចក្ដីពិតទាំងនេះអាចធ្វើឲ្យការប្រែចិត្តជឿរបស់ពួកគេបានកាន់តែស៊ីជម្រៅ និងជួយពួកគេឲ្យធ្វើសកម្មភាពដោយសេចក្តីជំនឿ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានបង្រៀនសេចក្តីពិតដែលនាំទៅការប្រែចិត្តជឿ និងស្ថាបនាសេចក្តីជំនឿ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកអាចក៏ឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្តាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៦០–៦២ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យគំនិតខ្លះៗអំពីអ្វីដែលអ្នកអាចត្រូវរៀបចំជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៦០–៦២
គោលបំណងមេរៀន ៖ ដើម្បីជួយសិស្សឲ្យយល់កាន់តែច្បាស់អំពីការរំពឹងទុក និងបំណងប្រាថ្នារបស់ព្រះអង្គសង្គ្រោះសម្រាប់ពួកគេ ។
-
ការរៀបចំសិស្ស ៖ សូមអញ្ជើញសិស្សឲ្យគិតអំពីគ្រានានានៅក្នុងជីវិតរបស់ពួកគេ ពេលដែលពួកគេអាចបានពឹងផ្អែកលើឥទ្ធិពលនៃព្រះវិញ្ញាណបរិសុទ្ធ និងការវិនិច្ឆ័យរបស់ពួកគេផ្ទាល់ដើម្បីធ្វើការសម្រេចចិត្ត ។ សូមអញ្ជើញពួកគេឲ្យពិចារណាអំពីរបៀបដែលព្រះអម្ចាស់បានប្រទានពរដល់ពួកគេនៅក្នុងស្ថានភាពទាំងនេះ ។
-
មាតិកាដែលត្រូវបង្ហាញ ៖ ស្ថានភាពនៅដើមមេរៀននេះ និងតារាងសកម្មភាពសិក្សា
គោលលទ្ធិ និងសេចក្តីសញ្ញា ៦៣:១–២៣
គោលបំណងមេរៀន ៖ ដើម្បីជួយសិស្សឲ្យដឹងអំពីសារៈសំខាន់នៃការគោរពប្រតិបត្តិផ្ទាល់ខ្លួនតាមច្បាប់ព្រហ្មចារីភាពរបស់ព្រះអម្ចាស់ ។
-
ការរៀបចំសិស្ស ៖ សូមអញ្ជើញសិស្សឲ្យសិក្សាផ្នែកដូចតទៅនេះពីក្នុងសៀវភៅ ដើម្បីកម្លាំងនៃយុវជន ៖ សេចក្តីណែនាំសម្រាប់ធ្វើការជ្រើសរើស ( ឆ្នាំ ២០២២ ) ៖ « ដើរក្នុងពន្លឺរបស់ព្រះ » ( ទំព័រ ១៦–២១ ) និង « រូបកាយរបស់អ្នកគឺពិសិដ្ឋ » ( ទំព័រ ២២–២៩ ) ។ សូមអញ្ជើញសិស្សឲ្យរកមើលបទដ្ឋានរបស់ព្រះអម្ចាស់ ដែលទាក់ទងនឹងច្បាប់ព្រហ្មចារីភាព ។
-
រូបភាពដែលត្រូវបង្ហាញ ៖ ការពិពណ៌នាអំពីព្រះយេស៊ូវគ្រីស្ទ
-
សម្ភារដែលត្រូវយកមក ៖ សៀវភៅ ដើម្បីកម្លាំងនៃយុវជន ៖ សេចក្តីណែនាំសម្រាប់ធ្វើការជ្រើសរើស ( ឆ្នាំ ២០២២ ) សម្រាប់សិស្សដែលប្រហែលជាពុំអាចចូលប្រើឯកសារឌីជីថលបាន
គោលលទ្ធិ និងសេចក្ដីសញ្ញា ៦៣:៥៧–៦៤
គោលបំណងមេរៀន ៖ ដើម្បីជួយសិស្សឲ្យដឹងអំពីសារៈសំខាន់ក្នុងការប្រើព្រះនាមរបស់ព្រះអង្គសង្គ្រោះដោយមានគារវភាព ។
-
ការរៀបចំសិស្ស ៖ សូមអញ្ជើញសិស្សឲ្យសិក្សា គោលលទ្ធិ និងសេចក្ដីសញ្ញា ៦៣:៥៧–៦៤ ដោយរកមើលការបង្រៀនអំពីព្រះយេស៊ូវគ្រីស្ទ ដែលអាចប៉ះពាល់ដល់របៀបដែលពួកគេនិយាយអំពីទ្រង់ ។