Վարդապետություն և Ուխտեր 64–66

Վարդապետություն և Ուխտեր 64–66

Ակնարկ

Ջոզեֆ Սմիթը և մյուս երեցները Միսսուրից վերադարձան Օհայո: Ճամփորդության ընթացքում որոշ երեցներ տարաձայնություններ ունեցան, բայց նրանց մեծ մասը հաշտեցրին իրենց հակառակության զգացմունքները: Երբ Ջոզեֆ Սմիթը պատրաստվում էր տեղափոխվել Օհայո նահանգի Հիրամ քաղաք և օգնում էր մարդկանց պատրաստվել մեկնել Միսսուրի, նա հայտնություն ստացավ, որը նկարագրված է Վարդապետություն և Ուխտեր 64 բաժնում։ Տերը հայտնության մեջ պատվիրեց Եկեղեցու անդամներին ներել միմյանց և ուսուցանեց նրանց, թե ինչ զոհաբերություններ է Ինքը պահանջում: Վարդապետություն և Ուխտեր 65 բաժնում Նա ուսուցանում է, որ ավետարանը կհասնի բոլոր ազգերին՝ ի պատրաստություն Փրկչի Երկրորդ Գալուստին, և որ Սրբերը պետք է աղոթեն Աստծո արքայության աճի համար։

Խրախուսեք պատրաստվել ուսման փորձառությունների. Կան բազմաթիվ եղանակներ, որոնցով ուսանողները կարող են պատրաստել իրենց միտքն ու սիրտը ավետարանը սովորելու համար: Ահա այդ եղանակներից մի քանիսը՝ աղոթել հայտնության համար, զարգացնել սովորելու ցանկություն, ապաշխարել, ուսումնասիրել, հարցերին պատասխանել, մասնակցելու պատրաստակամություն և պատրաստվել՝ ուրիշներին ուսուցանելու համար: Ավելին իմանալու համար, թե ինչպես է Փրկիչը արել դա, տես «Փրկիչը հրավիրել է մարդկանց պատրաստվել սովորելու» բաժինը Ուսուցանել Փրկչի ձևով ձեռնարկում։ Դա անելու օրինակ կարող եք նաև տեսնել ստորև՝ «Վարդապետություն և Ուխտեր 64․20–43» դասի տակ։

Պատրաստվեք ուսուցանել

Հետևյալ տեղեկությունները ձեզ հուշում են, թե ինչ պետք է նախապատրաստեք յուրաքանչյուր դասի համար:

Վարդապետություն և Ուխտեր 64․1–17

Դասի նպատակը․ օգնել ուսանողներին հետևել Հիսուս Քրիստոսի օրինակին և դառնալ ավելի ներողամիտ:

• Ուսանողի նախապատրաստում․ Առաջարկեք ուսանողներին խորհել իրենց կյանքում մի մարդու մասին, որը կարող է իրենց ներման կարիքը ունենալ:

• Տեսանյութեր «Ներում. Իմ բեռը թեթևացավ» (8:24) «Երջանիկ և հավերժ» (13:09, դիտել 9:47-10:39), «Հաշտության սպասավորությունը» (16:12, դիտել 10:11-11:23)

• Նկար ցուցադրման համար Փրկիչը

Վարդապետություն և Ուխտեր 64․20–43

Դասի նպատակը․ օգնել ուսանողներին ավելի մեծ ցանկություն զգալ՝ Տիրոջը տալու իրենց սիրտն ու պատրաստակամ միտքը:

• Ուսանողի նախապատրաստում․ այս դասից առաջ ուսանողներին տրամադրեք «Տերը պահանջում է սիրտն ու պատրաստակամ միտքը» արտահայտությունը (Վարդապետություն և Ուխտեր 64.34)։ Հրավիրեք նրանց մտածել այս արտահայտության իմաստի կամ այն մասին, թե ինչպես մենք կարող ենք տալ Տիրոջը մեր սրտերն ու պատրաստակամ միտքը:

• Խրախուսեք պատրաստվել ուսումնառության փորձառությունների. ուսանողների նախապատրաստման նախորդ գաղափարը օրինակներից մեկն է, թե ինչպես կարելի է ուսանողներին խրախուսել պատրաստվել ուսումնառության փորձառությունների։ Սրա վերաբերյալ լրացուցիչ ուսուցում ստանալու համար տես «Ստեղծեք հրավերներ, որոնք կօգնեն սովորողներին պատրաստվել ուսումնառության հաջորդ փորձառությանը» դասընթացը Ուսուցչի կատարելագործման հմտություններ․ Հրավիրեք ջանասիրաբար սովորելու ուսուցողական նյութում։

• Նկարներ ցուցադրման համար․ Իսահակ Մորլի ֆերման, սիրտ և միտք, որոնք հեշտությամբ կարելի է նկարել

Վարդապետություն և Ուխտեր 65

Դասի նպատակը․ օգնել ուսանողներին հասկանալ Եկեղեցու դերը աշխարհը Հիսուս Քրիստոսի Երկրորդ Գալուստին նախապատրաստելու գործում:

• Ուսանողի նախապատրաստում․ Առաջարկեք ուսանողներին փնտրել Եկեղեցու աճի ապացույցները: Նրանք կարող են ծնողի կամ իրենց ծխի անդամի հետ քննարկել, թե ինչպես են տեսել Եկեղեցու տարածումն ամբողջ աշխարհում: Ուսանողները կարող են նաև ապացույցներ փնտրել՝ օգտագործելով «Փաստեր և վիճակագրություն» բաժինը newsroom.ChurchofJesusChrist.org կայքում։

• Տեսանյութ. «Իսրայելի հույսը» (1:01:34, դիտել 51:42-52:04)