Fotopampianarana sy Fanekempihavanana 67–70

Fotopampianarana sy Fanekempihavanana 67–70

Topimaso ankapobeny

Tamin’ny nôvambra 1831 nandritra ny fihaonambe miavaka iray tao Hiram, Ohio, dia nanapa-kevitra ny hamoaka amboarana fanambarana voarain’i Joseph Smith ireo loholon’ny Fiangonana. Rehefa nisalasala hijoro ho vavolombelona ny sasany tamin’ireo loholona fa avy amin’ny Tompo ireo fanambarana ireo, dia nambarany ny Fotopampianarana sy Fanekempihavanana 67. Ankoatra izany dia nangataka an’i Joseph Smith mba hanontany ny Tompo momba ny sitrapony mikasika azy ireo ny efatra tamin’ireo loholona. Nandray fanambarana izay voarakitra ankehitriny ao amin’ny Fotopampianarana sy Fanekempihavanana 68 ny Mpaminany. Izany dia ahitana ny torohevitra fa ny ray aman-dreny dia tokony hampianatra ireo zanany ny fitsipika sy ôrdônansin’ny filazantsara.

Fantaro ny toe-javatra iainan’ny mpianatra tsirairay: Ny mpianatra rehetra dia manana zavatra niainana sy fifandraisana samy hafa izay misy fiantraikany eo amin’ny fiheverany sy fahatsapany ireo fahamarinana ao amin’ny filazantsara. Katsaho ny hahatakatra ny mpianatra tsirairay sy ny toe-javatra iainany. Rehefa manomana lesona ianareo ary rehefa mandray anjara amin’ny lesona ny mpianatra, dia eritrereto ireo lafin-javatra samihafa izay mety hiovaova ka mety hisy fiantraikany amin’ny fomba fandraisan’ny mpianatra ny lesona. Mba hahitana fampahalalana bebe kokoa momba ny fomba nanaovan’ny Mpamonjy izany dia jereo ny fizarana mitondra ny lohateny hoe “Fantatry ny Mpamonjy isika ary takany ireo toe-javatra iainantsika sy ny zavatra ilaintsika ary ny tanjatsika” ao amin’ny Mampianatra araka ny fomban’ny Mpamonjy. Afaka mahita ohatra iray momba ny fomba hanaovana izany ianao ao amin’ny lesona amin’ity herinandro ity mitondra ny lohateny hoe “Fotopampianarana sy Fanekempihavanana 68:25–31.”

Miomana hampianatra

Ity fampahalalana manaraka ity dia manome hevitra anao momba ny zavatra mety hilaina homanina mialoha ho an’ny lesona tsirairay.

Fotopampianarana sy Fanekempihavanana 67

Tanjon’ny lesona: Mba hanampiana amin’ny fampitomboana ny fahatokian’ny mpianatra fa ny Tompo dia afaka miteny amintsika amin’ny alalan’ny mpaminany ary ny Fotopampianarana sy Fanekempihavanana dia teniny.

• Fanomanana ny mpianatra: Asao ny mpianatra hieritreritra hoe hatraiza ny fahatokian’izy ireo fa miresaka amintsika amin’ny alalan’ny mpaminany ny Tompo ary ny Fotopampianarana sy Fanekempihavanana dia tenin’ny Tompo. Afaka misaintsaina zavatra niainana izay nisy fiantraikany teo amin’ny fijoroan’izy ireo ho vavolombelona izy ireo ary koa olana izay mety hanembantsembana ny zavatra inoan’izy ireo.

• Votoatiny haseho: Raha tsy misy ny fahafahana mampiseho ny “Les paroles du prophète sont vraies” ao amin’ny gazetiboky Jeunes soyez forts! juin 2021 amin’ny endrika natao printy na aseho fotsiny dia zavatra hafa azo atao ao amin’ilay lesona.)

Fotopampianarana sy Fanekempihavanana 68:25–31

Tanjon’ny lesona: Mba hanampiana ny mpianatra hahatakatra kokoa ny didin’ny Tompo ho an’ireo ray aman-dreny ny hampianaran’izy ireo ny filazantsara an’ireo zanany ao an-tokantrano.

• Fanomanana ny mpianatra: Hevero ny hanasa ny mpianatra hieritreritra mikasika ny fomba nianaran’izy ireo ny filazantsara hatreto teo amin’ny fiainany. Avy eo dia asao izy ireo hieritreritra ny zavatra mitovy na tsy mitovy amin’izany izay mety hataony rehefa mampianatra ny zanak’izy ireo manokana izy ireo.

• Votoatiny haseho: Iray amin’ireo sahanasa telo izay tianao hampiasaina