Mataupu Faavae ma Feagaiga 71–75

Mataupu Faavae ma Feagaiga 71–75

Vaaiga Aoao

I le taumalulu o le 1831, o ni tusi e i ai faamatalaga sese e uiga i Iosefa Samita ma le Ekalesia sa tufatufaina atu i le eria o Katelani, Ohaio. Sa faatonuina e le Faaola ia Iosefa Samita ma Sini Rikitone e malaga i le itulagi atoa e faasa’o mea sese.

Faamamafa atu le faataitaiga a Iesu Keriso: O se tasi o auala e tuu ai Iesu Keriso i le totonugalemu o le aoao atu ma le aoaoina o le faamamafa atu lea pe faapefea ona avea o Ia ma faataitaiga atoatoa o mataupu faavae uma o le talalelei. E tusa lava pe le o faasino tonu le faataitaiga a le Faaola i se fuaitau o mau, e mafai ona tatou fesoasoani i tatou tagata aoao e faia ni fesootaiga i le va o mea o loo tatou aoaoina i le tala faatusi paia ma le faataitaiga a le Faaola. Mo nisi faamatalaga i le auala e faia ai e le Faaola lenei mea, tagai i le “Faamamafa le faataitaiga a Iesu Keriso.” vaega i le Aoao Atu i le Auala a le Faaola. E mafai foi ona e vaai i se faataitaiga o le auala e faia ai lenei mea i le lesona i lenei vaiaso ua faaulutalaina “Mataupu Faavae ma Feagaiga 71.”

Ia saunia e aoao atu

O lenei faamatalaga e tuuina atu ai ia te oe ni manatu o mea atonu e manaomia ona muai saunia mo lesona taitasi.

Mataupu Faavae ma Feagaiga 71

Faamoemoega o le lesona: Ina ia fesoasoani i tagata aoga ia malamalama i le ala e finagalo le Faaola tatou te tali atu ai pe a faitioina e tagata o tatou talitonuga.

• Sauniuniga a le tagata aoga: Valaaulia tagata aoga e mafaufau i se taimi na latou faalogo ai i se tasi o faitio pe tauemu i Le Ekalesia a Iesu Keriso o le Au Paia o Aso e Gata Ai po o o latou talitonuga, ma mafaufau loloto i fesili nei: O le a se mea na lelei ona ou fai atu ai pe faia? O le a se mea e mafai ona lelei atu ona ou faia?

Faataitaiga o le Atamai i Aoaoga Faavae 5

Faamoemoega o le lesona: Ina ia tuu atu i tagata aoga ni avanoa e tauloto ai fuaitau faasino o le atamai i aoaoga faavae ma o latou fuaitau autu o mau faapea ma le aoaoina ma le faaaogaina o mataupu faavae paia mo le mauaina o le malamalama faaleagaga.

• Sauniuniga a le tagata aoga: Valaaulia tagata aoga e mafaufau i faamatalaga na latou taulotoina na fesoasoani ia i latou i le aoga, i le galuega, po o gaoioiga latou te fiafia i ai. E mafai ona mafaufau tagata aoga pe aisea latou te faafetai ai ona ua latou taulotoina lena faamatalaga.

• Anomea mo tagata aoga: O kopi o le siata o loo i ai mau faasino o le atamai i aoaoga faavae ma fasifuaitau autu o mau; seleulu

• Pepa e tufa atu: “Matagofie e Sui A’i Le Lefulefu: O Le Ala o le Faamagalo Atu ma le Faamagalo Mai”

Iloilo Lou Aoaoina 5

Faamoemoega o le lesona: Ina ia fesoasoani i tagata aoga e manatua ma iloilo pe na faapefea e o latou aafiaga i le suesueina o le Mataupu Faavae ma Feagaiga ona fesoasoani i lo latou tuputupu a’e faaleagaga.

• Sauniuniga a le tagata aoga: Valaaulia tagata aoga e filifili se gaoioiga latou te fiafia i ai ma mafaufau e uiga i fesili nei: E faapefea ona e iloa pe o e alualu i luma? E mafai faapefea ona e fuaina lou tuputupu ae i lenei gaoioiga?

• Anomea: O se meafaigaluega, e pei o se fua toso po o se uati taimi, e fesoasoani ia te oe e fua ai le alualu i luma i se gaoioiga e te auai ai i le

• Ata: O se loto ma se mafaufau

• Anotusi e faaali atu: O se lisi o fesili mo tagata aoga e filifili mai ai ma tali mai