Doktrina ug mga Pakigsaad 77–80

Doktrina ug mga Pakigsaad 77–80

Kinatibuk-ang Pagpasabot

Ang Ginoo misugo ni Joseph Smith ug sa ubang mga lider sa Simbahan sa paghimo og usa ka kapunongan nga modumala sa negosyo sa Simbahan ug sa mga paningkamot sa pagmantala. Kini nga kapunongan gitawag og Nagkahiusang Kapunongan ug nagdumala sa mga paningkamot sa Simbahan sa pagtigom og salapi ug sa pag-atiman niadtong nanginahanglan. Aron sa pagtuman sa sugo sa Manluluwas sa “pagsangyaw sa ebanghelyo ngadto sa matag linalang” (Doktrina ug mga Pakigsaad 80:1), ang mga indibidwal gitawag sa mga misyon. Sila si Jared Carter, Stephen Burnett, ug Eden Smith nakadawat og mga tawag sa misyon.

Tabangi ang matag estudyante nga makatampo sa kasinatian sa pagkat-on: Tinud-anay nga ilha nga ang matag estudyante kay gikinahanglan ug adunay kontribusyon nga himoon. Ang uban mahimong mas hilig sa pag-apil kay sa uban. Paghimo og dugang nga paningkamot ug pagmamugnaon aron matabangan ang matag estudyante sa pagtampo sa mga paagi nga komportable alang kanila. Alang sa dugang pa kon giunsa kini sa pagbuhat sa Manluluwas, tan-awa ang seksiyon nga “Gipaniguro sa Manluluwas Nga ang Tanan Mibati nga Gitahod ug Gihatagan og Bili” diha sa Pagtudlo Sumala sa Pamaagi sa Manluluwas. Makita usab nimo ang usa ka ehemplo kon unsaon sa pagbuhat niini diha sa leksiyon karong semanaha nga giulohan nga “Doktrina ug mga Pakigsaad 78.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 78

Katuyoan sa leksiyon: Tabangi ang mga estudyante nga madugangan ang ilang tinguha nga mahimong sama sa Manluluwas pinaagi sa pag-atiman niadtong nanginahanglan.

• Pagpangandam sa estudyante: Ang pagtuon sa mga kasulatan maoy usa ka paagi nga mas makaandam ang mga estudyante sa pagdawat og personal nga pagpadayag. Ikonsiderar ang pagdapit sa mga estudyante nga hilom nga mag-ampo sa tibuok leksiyon aron mahibaloan kon unsay gusto sa Langitnong Amahan nga ilang makat-onan, mabati, o mabuhat isip resulta sa unsay ilang gitun-an.

• Mga materyal: Usa ka kahon nga gimarkahan og “Ang balay tipiganan sa Ginoo”; mga piraso sa papel alang sa matag estudyante

Doktrina ug mga Pakigsaad 79–80

Katuyoan sa leksiyon: Tabangi ang mga estudyante sa pagpakigbahin sa ebanghelyo sa Manluluwas sa tibuok nilang mga kinabuhi.

• Pagpangandam sa estudyante: Ikonsiderar ang pagdapit sa mga estudyante sa mainampoong pagkonsiderar sa mga indibidwal kon kinsa ang ilang mapaambitan sa ebanghelyo ni Jesukristo. Dasiga ang mga estudyante sa paghunahuna kon sa unsang paagi kini nga mga tawo mahimong mapanalanginan pinaagi sa mensahe sa ebanghelyo ug ikonsiderar ang natural nga mga paagi nga mahimo nilang ipaambit kini kanila.

• Mga materyal: Mga kopya sa handout sa“Isangyaw ang Akong Ebanghelyo”

• Bidyo: “Good Things to Share” (2:21)