« គោលលទ្ធិ និងសេចក្ដីសញ្ញា ៧៧–៨០ ៖ ទិដ្ឋភាពទូទៅ » សៀវភៅសិក្សាព្រះគម្ពីរគោលលទ្ធិ និងសេចក្ដីសញ្ញា សម្រាប់គ្រូបង្រៀនថ្នាក់សិក្ខាសាលា ( ឆ្នាំ ២០២៥ )
« គោលលទ្ធិ និងសេចក្ដីសញ្ញា ៧៧–៨០ » គោលលទ្ធិ និងសេចក្តីសញ្ញា សៀវភៅសិក្សាសម្រាប់គ្រូបង្រៀនថ្នាក់សិក្ខាសាលា
គោលលទ្ធិ និងសេចក្តីសញ្ញា ៧៧–៨០
គោលលទ្ធិ និងសេចក្តីសញ្ញា ៧៧–៨០
ទិដ្ឋភាពទូទៅ
ព្រះអម្ចាស់បានណែនាំ យ៉ូសែប ស៊្មីធ និងថ្នាក់ដឹកនាំសាសនាចក្រផ្សេងទៀតឲ្យបង្កើតក្រុមមួយដើម្បីគ្រប់គ្រងធុរកិច្ចរបស់សាសនាចក្រ និងកិច្ចខិតខំប្រឹងប្រែងបោះពុម្ពផ្សាយ ។ ក្រុមនេះត្រូវបានហៅថា សហក្រុម និងជាក្រុមដែលមើលការខុសត្រូវលើសាសនាចក្រក្នុងការរកប្រាក់ និងមើលថែអ្នកដែលខ្វះខាត ។ ដើម្បីបំពេញបញ្ជារបស់ព្រះអង្គសង្រ្គោះក្នុងការ « ផ្សាយដំណឹងល្អដល់គ្រប់មនុស្សទាំងអស់ » ( គោលលទ្ធិ និងសេចក្តីសញ្ញា ៨០:១ ) បុគ្គលទាំងឡាយត្រូវបានហៅឲ្យបម្រើបេសកកម្ម ។ យ៉ារេឌ ខារតើរ, ស្ទេផាន ប៊ើរណែត និង អេដែន ស៊្មីធ បានទទួលការហៅ ។
សូមជួយសិស្សម្នាក់ៗឲ្យចូលរួមចំណែកនៅក្នុងបទពិសោធន៍រៀនសូត្រ ៖ ទទួលស្គាល់ដោយពិតប្រាកដថា សិស្សម្នាក់ៗត្រូវការ និងមានការរួមចំណែកក្នុងការបង្កើត ។ សិស្សមួយចំនួនអាចមានទំនោរចង់ចូលរួមច្រើនជាងសិស្សផ្សេងទៀត ។ សូមខិតខំបន្ថែម និងមានភាពច្នៃប្រឌិត ដើម្បីជួយសិស្សម្នាក់ៗ រួមចំណែកតាមរបៀបដែលមានផាសុខភាពសម្រាប់ពួកគេ ។ សម្រាប់ព័ត៌មានបន្ថែមទៀតអំពីរបៀបដែលព្រះអង្គសង្គ្រោះបានធ្វើការណ៍នេះ សូមមើលផ្នែក « ព្រះអង្គសង្គ្រោះបានធ្វើឲ្យប្រាកដថា មនុស្សទាំងអស់ទទួលអារម្មណ៍ថា ពួកគេមានគេគោរព និងផ្ដល់តម្លៃឲ្យ » នៅក្នុង ការបង្រៀនតាមរបៀបរបស់ព្រះអង្គសង្គ្រោះ ។ អ្នកក៏អាចឃើញឧទាហរណ៍មួយអំពីរបៀបធ្វើកិច្ចការនេះក្នុងមេរៀននៅសប្តាហ៍នេះផងដែរ ដែលមានចំណងជើងថា « គោលលទ្ធិ និងសេចក្តីសញ្ញា ៧៨ » ។
រៀបចំខ្លួនបង្រៀន
ព័ត៌មានខាងក្រោមផ្តល់ឲ្យអ្នកនូវគំនិតខ្លះៗអំពីអ្វីដែលអ្នកអាចត្រូវរៀបចំទុកជាមុនសម្រាប់មេរៀននីមួយៗ ។
គោលលទ្ធិ និងសេចក្តីសញ្ញា ៧៨
គោលបំណងមេរៀន ៖ ជួយសិស្សបង្កើនបំណងប្រាថ្នារបស់ពួកគេដើម្បីប្រែក្លាយដូចជាព្រះអង្គសង្គ្រោះដោយការមើលថែអ្នកដែលខ្វះខាត ។
-
ការរៀបចំសិស្ស ៖ ការសិក្សាព្រះគម្ពីរគឺជាវិធីមួយដែលសិស្សអាចរៀបចំខ្លួនបានកាន់តែល្អប្រសើរដើម្បីទទួលបានវិវរណៈផ្ទាល់ខ្លួន ។ សូមពិចារណាអញ្ជើញសិស្សឲ្យអធិស្ឋានដោយស្ងៀមស្ងាត់ពេញមួយមេរៀននេះ ដើម្បីដឹងពីអ្វីដែលព្រះវរបិតាសួគ៌នឹងឲ្យពួកគេរៀន មានអារម្មណ៍ ឬធ្វើតាមលទ្ធផលនៃអ្វីដែលពួកគេសិក្សា ។
-
សម្ភារ ៖ ប្រអប់មួយមានដាក់ស្លាក « ឃ្លាំងរបស់ព្រះអម្ចាស់ » ក្រដាសសម្រាប់សិស្សម្នាក់ៗ
គោលលទ្ធិ និងសេចក្តីសញ្ញា ៧៩–៨០
គោលបំណងមេរៀន ៖ សូមជួយសិស្សឲ្យចែកចាយដំណឹងល្អរបស់ព្រះអង្គសង្គ្រោះពេញមួយជីវិតរបស់ពួកគេ ។
-
ការរៀបចំសិស្ស ៖ សូមពិចារណាអំពីការអញ្ជើញសិស្សឲ្យពិចារណាដោយការអធិស្ឋានអំពីបុគ្គលម្នាក់ៗ ដែលពួកគេអាចចែកចាយដំណឹងល្អនៃព្រះយេស៊ូវគ្រីស្ទ ។ សូមលើកទឹកចិត្តសិស្សឲ្យគិតពីរបៀបដែលមនុស្សទាំងនេះអាចទទួលបានពរជ័យដោយសារដំណឹងល្អនេះ ហើយពិចារណាពីវិធីធម្មតាដែលពួកគេអាចចែកចាយដំណឹងល្អជាមួយពួកគេ ។
-
សម្ភារ ៖ ច្បាប់ចម្លងសំណៅចែក « ប្រកាសដំណឹងល្អរបស់យើង »
-
វីដេអូ ៖ « Good Things to Share » ( ២:២១ )