Doktrina ug mga Pakigsaad 81–83

Doktrina ug mga Pakigsaad 81–83

Kinatibuk-ang Pagpasabot

Sa tingpamulak sa 1832, ang Propeta Joseph Smith ug ang uban pa mibiyahe ngadto sa Independence, Missouri, nagtuman sa sugo sa Ginoo sa pag-establisar og organisasyon aron sa pagtukod sa Zion ug sa pag-atiman sa mga kabos (tan-awa sa Doktrina ug mga Pakigsaad 78). Didto, ang Propeta nakadawat og usa ka pagpadayag nga naghulagway sa mga gilaoman sa Ginoo sa Iyang mga katawhan ug midapit sa mga miyembro sa Nagkahiusa nga Kapunongan sa pagbugkos sa ilang mga kaugalingon pinaagi sa pakigsaad sa pagdumala sa mga kalihokan sa Iyang Simbahan.

Giyahe ang mga tigkat-on sa pag-ila sa impluwensiya sa Ginoo sa ilang mga kinabuhi: Samtang tabangan nimo ang mga estudyante nga makaila kon sa unsang paagi gipanalanginan sa Manluluwas ang mga kinabuhi sa mga tawo diha sa mga kasulatan, pangita og mga paagi aron matabangan sila nga makamatikod kon sa unsang paagi usab Niya gipanalanginan ang ilang mga kinabuhi. Alang sa dugang pa kon sa unsang paagi kini gibuhat sa Manluluwas, tan-awa ang seksiyon nga “Tabangi ang mga Tigkat-on nga Makaila sa Gugma, Gahom, ug Kaluoy sa Ginoo diha sa Ilang Kinabuhi” diha sa Pagtudlo Sumala sa Pamaagi sa Manluluwas. Makita usab nimo ang usa ka ehemplo kon unsaon sa pagbuhat niini diha sa leksiyon karong semanaha nga giulohan og “Doktrina ug mga Pakigsaad 82:1–7.”

Pangandam sa pagtudlo

Ang mosunod nga impormasyon naghatag kanimo og mga ideya kon unsa ang imong gikinahanglan nga andamon daan alang sa matag leksiyon.

Doktrina ug mga Pakigsaad 82:1–7

Katuyoan sa leksiyon: Aron matabangan ang mga estudyante nga makasabot sa mga paagi nga ang Ginoo nagpanalangin kanila ug kon sa unsang paagi Niya gilaoman nga gamiton nila kadto nga mga panalangin.

• Pagpangandam sa estudyante: Dapita ang mga estudyante sa paghimo og lista sa mga panalangin nga ilang nadawat gikan sa Ginoo.

• Mga butang nga andamon: Mga butang nga huptan sa mga estudyante atubangan sa klase, sama sa kopya sa Basahon ni Mormon, usa ka sobre nga adunay dakong kantidad sa salapi nga gisulat sa gawas (pananglitan $1,000,000), ug pipila ka mga piraso sa kendi

• Handout: “Mga Panalangin gikan sa Ginoo”

• Bidyo: “Treasures in Heaven: The John Tanner Story” (20:31; tan-awa gikan sa time code 8:21 hangtod sa 12:24)

Doktrina ug mga Pakigsaad 82:8–24

Katuyoan sa leksiyon: Aron matabangan ang mga estudyante nga makasabot kon unsaon sa pagtuman ang mga pakigsaad nga atong gihimo uban sa Langitnong Amahan ug ni Jesukristo.

• Pagpangandam sa estudyante: Dapita ang mga estudyante nga mangutana sa usa ka ginikanan o sa lider sa kabatan-onan kon sa unsang paagi nagmalig-on ang iyang relasyon kang Jesukristo pinaagi sa pagtuman sa Iyang mga sugo.

• Mga butang nga andamon: Duha ka magnet

Sukda ang Imong Nakat-onan 6

Katuyoan sa leksiyon: Aron matabangan ang mga estudyante sa pagtimbang-timbang sa ilang espirituhanong pagtubo gikan sa ilang pagtuon sa Doktrina ug mga Pakigsaad sa pagkakaron.

• Pagpangandam sa estudyante: Ikonsiderar ang pagdapit sa mga estudyante sa pagpamalandong sa mga paagi nga tingale sila nagtubo sa espirituhanong paagi, ilabi na diha sa pagpaduol kang Jesukristo.

• Mga hulagway nga ipakita: Mga tawo nga nagbaktas, nagbisikleta, ug nagdagan; Joseph Smith ug Sidney Rigdon; dayagram mahitungod sa pagbasa sa kasulatan