Սեմինարիա
Դաս 94․ Վարդապետություն և Ուխտեր 84.1–32. «Աստվածայնության զորությունը»

«Դաս 94․ Վարդապետություն և Ուխտեր 84․1–32. «Աստվածայնության զորությունը»», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 84․1–32», Վարդապետություն և Ուխտեր․ Սեմինարիայի ուսուցչի ձեռնարկ

Դաս 94․ Վարդապետություն և Ուխտեր 84

Վարդապետություն և Ուխտեր 84․1–32

«Աստվածայնության զորությունը»

արարողություններ

Միսիայից տուն վերադառնալիս մի խումբ երեցներ հանդիպեցին Մարգարե Ջոզեֆ Սմիթին: Միասին աղոթելիս մարգարեն հայտնություն ստացավ։ Այդ հայտնությունը պատկերացումներ էր տալիս «աստվածայնության զորության» վերաբերյալ (Վարդապետություն և Ուխտեր 84.20), որը հասանելի է կանանց և տղամարդկանց՝ քահանայության արարողությունների միջոցով: Այս դասը կօգնի ուսանողներին հասկանալ աստվածայնության զորություն ստանալու կարևորությունը, որն առաջարկում է Հիսուս Քրիստոսն Իր քահանայության արարողությունների միջոցով:

Հնարավոր ուսումնական վարժություններ

Քահանայության արարողությունները

Կարող եք ցուցադրել Տասներկու Առաքյալների Քվորումից Երեց Նիլ Լ. Անդերսենի ստորև բերված խոսքերը։ Ուսանողներին առաջարկեք կիսվել, թե ինչ են մտածում նրա հարցերի վերաբերյալ և ինչպես կարող են պատասխանել դրանց:

Երեց Նիլ Լ. Անդերսեն

Որպես Տասներկու Առաքյալների Քվորումի անդամ իմ ճամփորդությունների ընթացքում ես հանդիպում եմ երիտասարդների ամբողջ աշխարհում: Նրանցից շատերն իրականում մտահոգություններ են ունենում. «Արդյո՞ք Աստված կօգնի ինձ։ Արդյո՞ք Նա կառաջնորդի ինձ իմ կյանքում: Ինչպե՞ս կարող եմ ստանալ ինձ անհրաժեշտ օգնությունը, ուղղորդումն ու խաղաղությունը»: (Նիլ Լ․ Անդերսեն «Աստվածայնության զորությունը քահանայության արարողությունների և օրհնությունների միջոցով», Երիտասարդներին զորացնելու համար, օգոստոս, 2021 թ․, 10)

  • Հիշեք ձեր կյանքի այն պահերը, երբ դուք օգնության, ուղղորդման և խաղաղության կարիք ունեիք: Ի՞նչ եք արել կամ կարող եք անել՝ Աստծո օգնությունն ու առաջնորդությունը փնտրելու համար:

Կարդացեք երեց Նիլ Լ. Անդերսենի խոսքերի մնացած մասը և փնտրեք, թե ինչ է տվել Աստված՝ մեզ օգնելու համար:

Երեց Նիլ Լ. Անդերսեն

Իմ սիրելի երիտասարդ ընկերներ, Աստված կօգնի ձեզ, և Նա պատրաստ է օրհնել ձեզ: Որպես մեր սիրող Հայր, Նա մեզ տվել է արարողություններ, որոնք օգնում են մեզ մեր կյանքում զգալ Նրա զորությունը՝ աստվածայնության զորությունը: (Նիլ Լ․ Անդերսեն «Աստվածայնության զորությունը քահանայության արարողությունների և օրհնությունների միջոցով», Երիտասարդներին զորացնելու համար, օգոստոս, 2021 թ․, 10)

Ուսանողները գուցե չեն մտածել, թե ինչպես կարող են արարողություններն օգնել իրենց կյանքում: Կարող եք առաջարկել ուսանողներին խորհել արարողությունների վերաբերյալ իրենց մտքերի և զգացմունքների շուրջ: Դա անելու համար կարող եք ցուցադրել հետևյալ ինքնագնահատման տարբերակը.

Ինչպես կգնահատեք ձեր վստահությունը հետևյալ խոսքերի նկատմամբ՝ օգտագործելով 1–5 սանդղակը (1 = ցածր; 5 = բարձր).

  • Ես գիտեմ, թե ինչ են քահանայության արարողությունները:

  • Ես գիտակցում եմ, թե ինչպես է Աստված արդեն օրհնել իմ կյանքը՝ քահանայության արարողությունների միջոցով:

  • Ես գիտակցաբար պատրաստվում եմ ստանալ հաջորդ արարողությունն իմ կյանքում:

Բաժին 84-ի ուսումնասիրության ընթացքում ուսանողներին առաջարկեք ընկալել Սուրբ Հոգուց ստացած տպավորությունները և ավելին իմանալ Աստծո զորության մասին, որը կարող է իրենց կյանք գալ քահանայության արարողությունների միջոցով:

Տաճարը և քահանայությունը

Մտածեք, թե ինչպես կարող եք ուսանողների հետ կիսվել հետևյալ տեղեկություններով.

1832 թվականի սեպտեմբերին Միացյալ Նահանգների արևելքում ավետարանը քարոզելուց հետո միսիոներները վերադարձան Կիրթլենդ, Օհայո: Նրանց վերամիավորման ընթացքում Մարգարե Ջոզեֆ Սմիթը հայտնություն ստացավ, որը նկարագրված է Վարդապետություն և Ուխտեր 84 բաժնում։ Այս հայտնության մեջ Տերն ընդլայնեց Սրբերի ընկալումը քահանայության վերաբերյալ: Կարդացեք Վարդապետություն և Ուխտեր 84․1–5 հատվածները՝ փնտրելով Տիրոջ հրահանգն այն մասին, թե ինչին պետք է Սրբերն առաջնահերթություն տան՝ Նոր Երուսաղեմ քաղաքը կառուցելիս:

  • Ըստ ձեզ, ինչո՞ւ է կարևոր, որ Տերը քահանայության վերաբերյալ հայտնությունը սկսել է տաճարների կարևորության մասին ուսուցանելով:

Եթե ուսանողները չնշեն դա, դուք կարող եք նշել, որ տաճարում քահանայության արարողություններ են կատարվում, որոնք անհրաժեշտ են մեր փրկության և վեհացման համար:

Կարող եք կիսվել ուսանողների հետ այն մասին, որ հատվածներ 6–18-ում Տերն ասել է, որ Իր քահանայությունը շնորհվել է Ադամին և շարունակվել է մինչև Մովսեսի ժամանակները: Հիսուս Քրիստոսը նաև քահանայություն է շնորհել Ահարոնին և նրա սերունդներին: Կարող եք նշել, որ Նրա քահանայությունն այսօր շարունակվում է Հիսուս Քրիստոսի վերականգնված Եկեղեցում: Քահանայության ողջ իշխանությունը, ներառյալ այն, ինչ պահանջվում է տաճարային արարողությունները կատարելու համար, գալիս է Հիսուս Քրիստոսից:

Աստվածայնության զորությունը բացահայտվում է արարողությունների միջոցով

Հարցրեք ձեր ուսանողներին, թե ինչ է արարողությունը: Եթե նրանք կդժվարանան բացատրել, կարող եք առաջարկել նրանց օգտագործել սուրբ գրությունների օժանդակ նյութերը՝ դա պարզելու համար: Օգնեք նրանց հասկանալ, որ արարողությունը սրբազան, պաշտոնական գործողություն կամ արարողակարգ է, որը կատարվում է քահանայության իշխանությամբ։ Որոշ արարողություններ կարևոր են մեր վեհացման համար:

Կարող եք գրատախտակին գրել քահանայության արարողությունները, օրինակ՝ մկրտություն, հաղորդություն, մխիթարության և խորհրդի օրհնություններ, հայրապետական օրհնություն, Սուրբ Հոգու հաստատում և պարգև, տաճարային օժտում և տաճարային կնքում:

Կարդացեք Վարդապետություն և Ուխտեր 84․19–22 հատվածները և փնտրեք, թե Տերն ինչ է ուսուցանում արարողությունների մասին։

վարդապետության սերտման հատվածի պատկերակ Վարդապետություն և Ուխտեր 84․20–22 հատվածները սուրբ գրությունների սերտման հատվածներ են։ Առաջարկեք ուսանողներին նշել վարդապետության սերտման հատվածները տարբերակիչ եղանակով, որպեսզի կարողանան հեշտությամբ գտնել դրանք:

  • Ի՞նչ սովորեցիք քահանայության արարողությունների մասին:

  • Ի՞նչ հարցեր ունեք կարդացածի վերաբերյալ:

    Կախված ուսանողների ընկալումից և նրանց տված հարցերից՝ դուք կարող եք կիսվել հետևյալով.

  • «Մեծագույն քահանայությունը սպասավորում է ավետարանը» հասկացությունը վերաբերում է Մելքիսեդեկյան Քահանայության իշխանությանը, որը սպասավորում է մեր փրկության և վեհացման համար անհրաժեշտ արարողությունները:

  • «Աստծո խորհուրդները» «հոգևոր ճշմարտություններ են, որոնք տրվում են միայն հայտնությամբ» (Սուրբ գրքերի ուղեցույց, «Աստծո խորհուրդները», scriptures.ChurchofJesusChrist.org)։

  • «Աստվածայնության զորությունը» վերաբերում է այն զորությանը, որը գալիս է Աստծուց, որպեսզի օգնի մեզ այս կյանքում և նախապատրաստի մեզ հավերժական կյանքին:

Օգնեք ուսանողներին բացահայտել, որ քահանայության արարողությունների միջոցով մենք կարող ենք ստանալ աստվածայնության զորությունը մեր կյանքում։

Որպեսզի օգնեք ուսանողներին խորացնել այս ճշմարտության վերաբերյալ իրենց հասկացողությունը, առաջարկեք նրանց ընտրել գրատախտակին նշված արարողություններից մեկը, որի մասին նրանք կցանկանային ավելին իմանալ: Նրանց ժամանակ տրամադրեք՝ գրի առնելու երկու-երեք հարց, որոնք կարող են առաջանալ այդ արարողության վերաբերյալ: Կամ կարող եք մտածելու համար ցուցադրել ստորև թվարկված երեք հարցերը:

  • Ինչպե՞ս կարող է մարդը պատրաստվել ընդունելու այս արարողությունը:

  • Ըստ ձեզ, ինչպե՞ս է քահանայության այս արարողությունն օգնում մեզ ստանալ աստվածայնության զորությունը, որը կօգնի մեզ այս կյանքում:

  • Այս արարողությունը ստանալը ինչպե՞ս կարող է օգնել մեզ ավելի նմանվել Երկնային Հորը և Հիսուս Քրիստոսին:

Ուսանողներին առաջարկեք փնտրել աստվածայնորեն սահմանված աղբյուրներ, որպեսզի իմանան ավելին իրենց կողմից ընտրած արարողության մասին և ստանան իրենց հարցերի պատասխանները: Նրանք կարող են դա անել ինքնուրույն կամ այն ուսանողների հետ, որոնք ընտրել են նույն արարողությունը: Ընդհանուր ձեռնարկ. Ծառայել Հիսուս Քրիստոսի Վերջին Օրերի Սրբերի Եկեղեցում հասանելի է ChurchofJesusChrist.org կայքում, և օգտակար տեղեկատվություն է տրամադրում նրանց համար, ովքեր որոշել են ուսումնասիրել տաճարային օժտումը (27.2) և կնքումը (27.3)։ Նրանք կարող են նաև խորհել անձնական փորձառությունների շուրջ, երբ այդ արարողություններն օգնել են իրենց զգալ աստվածայնության զորությունն իրենց կյանքում:

Բավարար ժամանակ հատկացնելուց հետո ուսանողներին առաջարկեք անհատապես կամ խմբերով դասարանի հետ կիսվել իրենց սովորածով:

Արարողությունների կարևորությունը

Որպեսզի օգնեք ուսանողներին մտորել այն մասին, թե ինչ են սովորել քահանայության արարողությունների կարևորության մասին, կարող եք առաջարկել նրանց պատասխանել հետևյալ հարցերից մի քանիսին կամ բոլորին: Ուսանողները կարող են ընտրել հարցը և իրենց պատասխաններով կիսվել դասընկերոջ հետ:

  • Ի՞նչ սովորեցիք աստվածայնության զորության և քահանայության արարողությունների մասին:

  • Այդ արարողություններին ուղղված աշխատանքն ու դրանց ստացումը ինչպե՞ս կարող է օգնել ձեզ ավելի մոտենալ Հիսուս Քրիստոսին:

  • Ե՞րբ եք զգացել Աստծո զորությունը ձեր ստացած քահանայության արարողությունների միջոցով:

Կարող եք կիսվել Աստծո զորության վերաբերյալ ձեր մտքերով և զգացմունքներով, որը ստացել եք ձեր կյանքում՝ քահանայության արարողությունների միջոցով:

Մտապահեք

Կարող եք օգնել ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Սուրբգրային հիմնական արտահայտությունն է՝ «Նրա արարողություններում է բացահայտվում աստվածայնության զորությունը»: Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում: