“95-р хичээл—Сургаал ба Гэрээ 84:33–44: Санваарын тангараг ба гэрээ,” Сургаал ба Гэрээний семинарын багшийн гарын авлага (2025)
“Сургаал ба Гэрээ 84:33–44,” Сургаал ба Гэрээний семинарын багшийн гарын авлага
95-р хичээл: Сургаал ба Гэрээ 84
Сургаал ба Гэрээ 84:33–44
Санваарын тангараг ба гэрээ
Сургаал ба Гэрээ 84:20-д Аврагч “[санваарын] ёслолуудад бурханлиг чанарын хүч илэрхийлэгддэг” хэмээн илчилсэн. Энэхүү санваарын хүч нь баптисмын болон ариун сүмийн гэрээ байгуулж, сахидаг Сүмийн бүх гишүүнд боломжтой. Сургаал ба Гэрээ 84:33–44-т Аврагч Өөрийн санваарын хүчний ашиглалтыг захирдаг тангараг, гэрээг заасан. Энэ хичээл нь суралцагчдад санваарын тангараг болон гэрээний талаарх ойлголтоо гүнзгийрүүлэхэд тусалж чадна.
Боломжит суралцах үйл ажиллагаа
Тэнгэрлэг Эцэг гэрээгээ сахигчдыг Өөрийн хүчээр адисалдаг
Та гэрээний замыг төлөөлсөн замыг самбарт зурснаар хичээлээ эхлүүлж болно. Та замын эхлэлийг “төрөх,” төгсгөлийг “Тэнгэрлэг Эцэгтэй мөнхөд амьдрах” гэж тэмдэглэж болно. Суралцагчдыг самбарт гарч уг зам дээрээ баптисм, гишүүний баталгаа, эрэгтэйчүүдийн хувьд санваарын томилгоо, хишиг, лацдан холболт зэрэг замдаа байгуулдаг гэрээнүүдийг тэмдэглэхэд урь.
Суралцагчдад гэрээнүүд нь Бурхантай байгуулсан хоёр талын амлалт гэдгийг ойлгуулахад тусламж хэрэгтэй бол дараах асуултуудыг ярилцаад, ерөнхийлөгч Рассэлл М.Нэлсоны мэдэгдлийг хуваалц.
-
Бид баптисмын ёслолыг хүлээн авахдаа Тэнгэрлэг Эцэгт ямар амлалт өгдөг вэ? (Мозая 18:8–10 ба Сургаал ба Гэрээ 20:77–79-ийг үзнэ үү.)
-
Энэ гэрээг дагахыг хичээх үед Тэнгэрлэг Эцэг бидэнд юу амладаг вэ?
Ерөнхийлөгч Рассэлл М.Нэлсоны дараах үгийг судалж, Тэнгэрлэг Эцэгийн Өөртэй нь гэрээ байгуулж, сахидаг хүмүүст өгдөг адислалыг олж мэд.
Баптисмын усан санд болон ариун сүмд гэрээ байгуулж, гэрээгээ сахидаг хүн бүр Есүс Христийн хүчнээс илүү их хүртэх боломжтой болдог юм. Энэ гайхалтай үнэнийг тунгаан бодоорой!
Бурхантай байгуулсан гэрээгээ сахисны шагнал бол сорилт, уруу таталт, сэтгэлийн зовлонгоо илүү сайн даван туулахад биднийг хүчирхэгжүүлдэг тэнгэрлэг хүч юм. Энэ хүч бидний замыг хялбарчилдаг. Есүс Христийн дээд хуулиудаар амьдардаг хүмүүс Түүний дээд хүчийг хүртэх боломжтой. (Рассэлл М.Нэлсон, “Ертөнцийг ялж, амралтыг олох нь,” Лиахона, 2022 оны 11-р сар, 96)
-
Ерөнхийлөгч Нэлсоны тодорхойлсон гэрээний адислалууд Тэнгэрлэг Эцэг рүү буцаж очих замд яагаад хэрэгтэй вэ?
Санваарын тангараг ба гэрээ
Сургаал ба Гэрээ 84-т Есүс Христ Иосеф Смитэд “санваарын талаарх илчлэлт”-ийг өгсөн (уг хэсгийн гарчгийг үзнэ үү). Энэ илчлэлтийн нэг хэсэгт Тэр санваарын “тангараг ба гэрээ”-г (39–40-р шүлэг) дүрсэлсэн. (Тангараг бол нандин амлалт юм.)
Судлах тэмдэглэл дээрх хуудасны дээд талд “Санваарын тангараг ба гэрээ” гэж бич. Энэ гарчгийн доор хоёр багана үүсгэ. Нэг баганыг “Тэнгэрлэг Эцэгийн амлалтууд,” нөгөө баганыг “Бидний амлалтууд” гэж гарчигла.
Суралцагчид доорх сургалтын үйл ажиллагааг бие даан гүйцэтгэж болно. Дараа нь тэд олсон зүйлээ жижиг бүлгүүд дотроо хуваалцах боломжтой.
Эсвэл та суралцагчдыг хос хосоор нь болгоод, нэг хамтрагчаар нь Тэнгэрлэг Эцэгийн амлалтуудыг, нөгөөгөөр нь бидний амлалтыг хайлгаж болно. Дараа нь тэд өөр хоорондоо хуваалцаж, ярилцсан зүйлээ судлах тэмдэглэлдээ бичиж болох юм.
Сургаал ба Гэрээ 84:33–44. Тэнгэрлэг Эцэгийн биднийг амлахад урьсан амлалтуудыг нэг янзаар, гэрээнүүдээ дагадаг хүмүүст Түүний өгдөг адислалуудыг өөрөөр тэмдэглэх талаар бодож үз. Олж мэдсэн зүйлээ судлах тэмдэглэлийнхээ харгалзах баганад бич.
Энэ нь суралцагчдад зарчмуудыг тодорхойлох дадлага хийхэд тохиромжтой цаг байх болно. Тэд янз бүрийн зарчмыг тодорхойлж болох юм. Та тэднээр бидний амласан зүйлээр эхэлж, Бурханы амласан зүйлээр төгсдөг мэдэгдлүүдийг ашиглан зарчмуудыг олж тогтоолгож болно. Жишээлбэл: Суралцагчид дараах зарчмуудыг олж болно.
-
Хэрэв бид Сүм дэх дуудлага, үүрэг хариуцлагаа эрхэмлэн биелүүлэх юм бол Бурхан биднийг Сүнсээрээ ариусгаж, бидний биеийг шинэчлэх болно.
-
Хэрэв бид Аароны болон Мелкизедек санваарыг итгэлтэйгээр хүртэж, Бурханы сонгосон үйлчлэгчдийг хүлээн авбал Тэнгэрлэг Эцэг биднийг Өөрт байгаа бүхнээр адислах болно.
Суралцагчдад илүү сайн ойлгохыг хамгийн их хүсэж байгаа амлалтуудын талаар залбирч байгаад судлах цаг гаргаж өг. Тэд ганцаараа эсвэл ижил амлалтыг судлахаар сонгосон бусад суралцагчтай жижиг бүлэг болон хамтдаа суралцаж болно.
Энэхүү тараах материал нь санваарын тангараг болон гэрээн дэх хэд хэдэн амлалтыг илүү сайн ойлгоход туслах эх сурвалжуудыг агуулсан. Хэрэв хүсвэл энэ гарын авлагыг суралцагчдад өгч болно.
Хэрэв суралцагчид тараах материалд ороогүй үг хэллэгийг судлах сонирхолтой байгаа бол тэднийг сонгосон сэдэв эсвэл сэдвүүдийнхээ талаар дараах эх сурвалжуудыг ашиглан чадах ядахаараа сайн суралцахад урь.
Санваарын тангараг, гэрээний талаарх ойлголтоо гүнзгийрүүл
Биеэ шинэчлэхийн тулд Сүнсээр ариусгагдсан (33-р шүлгийг үзнэ үү)
Тэргүүн зөвлөлийн ерөнхийлөгч Хэнри Б.Айринг Тэнгэрлэг Эцэгийн амлалтын талаар ийн ярьсан.
Би энэ амлалтыг өөрийнхөө болон бусдын амьдралд биелэхийг харсан. Миний нэг найз номлолын ерөнхийлөгчөөр үйлчилсэн юм. Тэр үйлчилж байхдаа орой бүр, маргаашийг яажшуухан давж гарах эсэхээ гайхширан бодсоор орондоо арайхийн ордог байснаа надад хэлсэн юм. Харин маргааш өглөө нь түүний эрч хүч, урам зориг сэргэсэн байдаг байв. Та нар үүнийг Их Эзэн Есүс Христийг болон сэргээгдсэн сайн мэдээг гэрчлэхээр зогсох бүрд шинэчлэгддэг юм шиг санагддаг ахимаг настай бошиглогчдын амьдралаас харж байсан. Энэ нь санваарын үйлчлэлдээ итгэл тээн урагшилдаг хүмүүст зориулсан амлалт юм. (Henry B. Eyring, “Faith and the Oath and Covenant of the Priesthood,” Liahona, May 2008, 62)
Аароны болон Мелкизедек санваарыг хүртэхдээ итгэлтэй бай (33-р шүлгийг үзнэ үү)
“Энэ хоёр санваарыг хүртэхэд” (Сургаал ба Гэрээ 84:33) итгэлтэй байхад Аароны болон Мелкизедек санваарын ёслолуудыг хүртэж, холбогдох гэрээг итгэлтэйгээр сахиснаар ирэх хүч чадал, адислалуудыг олж авах багтдаг. Бошиглогч Иосеф Смит хүн “бүх зарлигийг сахиж, Их Эзэний өргөөний бүх ёслолыг дуулгавартай дагаснаар” санваарын бүрэн байдлыг олж авдаг гэж заасан (Сүмийн ерөнхийлөгчдийн сургаалаас: Иoсеф Смит [2007], 474).
Эрэгтэйчүүдийн хувьд энэ нь тэдэнд санваар хүртээх, санваарын албан тушаалд томилогдсон байх зэрэг нь орно.
Дуудлагаа эрхэмлэн биелүүл (33-р шүлэг)
Дуудлага хүлээн авч, Их Эзэний авралын ажилд оролцох боломж
Арван хоёр төлөөлөгчийн чуулгын ерөнхийлөгч М.Рассэлл Баллард ийн заасан.
Бид дуудлагаа эрхэмлэн биелүүлэхээр хөдөлмөрлөхдөө үйлчилдэг хүмүүстээ хамгийн сайн туслах арга замаар асуудлыг шийдвэрлэх Сүнсний өдөөлтийг эрэлхийлэх ёстой. Бидэнд байдаг удирдамж бүхий гарын авлагаа бид дагаж мөрдөх ёстой. Гэхдээ энэ хүрээнд бодох, бүтээлч байх, хувь хүний авьяасыг ашиглах зэрэг асар их боломж бий. Дуудлагаа эрхэмлэн биелүүлэх удирдамж нь үүнийг гоёж, төвөгтэй болгох зарлиг биш юм. Шинэчилнэ гэдэг нь заавал баяжуулна гэсэн үг биш, харин ихэнхдээ энэ нь хялбарчилна гэсэн үг юм. (M. Russell Ballard, “O Be Wise,” Liahona, Nov. 2006, 19)
Тэнгэрлэг Эцэгт байгаа бүхэн (38-р шүлгийг үзнэ үү)
Сургаал ба Гэрээ 76:55–60; 81:6
Арван хоёр төлөөлөгчийн чуулгын ахлагч Роналд А.Расбанд ийн заасан.
Бидэнд Тэнгэр дэх Эцэг байгаа бөгөөд Есүс Христ бол Түүний Цорын ганц Хүү гэдгийг мэдэх нь бид өнөөдрийн зогсож байгаа газраасаа цааших гэрээний замыг харж байгаа гэсэн үг юм. Энэ нь бид Эцэгт байгаа бүхний өв залгамжлагчид гэдэгтээ талархаж, тоо томшгүй хаант улсууд Түүний хаанчлал ба биднийх байж болно гэсэн үг юм. Аврагч “хэрэв чи эцсээ хүртэл итгэлтэй байх аваас чи үхэшгүй байдлын титэм, мөн Эцэгийнхээ өргөөнд миний бэлтгэсэн харшуудад мөнх амьдралтай байх болно” хэмээн амласан. (Ronald A. Rasband, “The Divine Destiny of His Daughters” [BYU Women’s Conference, Apr. 30, 2021], broadcasts.ChurchofJesusChrist.org)
Судлах хангалттай хугацаа өгсний дараа суралцагчдыг сурсан зүйлээ хамтрагчтайгаа эсвэл жижиг бүлэгтэй хуваалцахад урь. Ярилцлагыг удирдан чиглүүлэхийн тулд та дараах асуултуудыг ашиглаж болно.
-
Энэ адислал өнөөдөр та нарт яагаад чухал вэ?
-
Энэ адислал Тэнгэрлэг Эцэгийн тухай та нарт юу зааж байна вэ?
Сонгосон амлалтыг чинь биелүүлж байгааг харуулсан жишээг (судраас эсвэл амьдралаас) хуваалц.
Хичээлийн төгсгөлд та Тэнгэрлэг Эцэгтэй байгуулсан гэрээнүүдээ итгэлтэйгээр сахихыг хичээж байхдаа санваарын хүчээр хэрхэн адислагдсанаа хуваалцаж болно. Бурханы гэрээт хүүхдүүддээ амласан санваарын хүчийг ашиглах боломжуудыг хайж олоход ангийнхныг урь.