Doktrina at mga Tipan 85–87

Doktrina at mga Tipan 85–87

Buod

Habang ginagawa ng Propeta ang inspiradong pagsasalin ng Biblia noong Disyembre 1832, inihayag ng Panginoon ang interpretasyon ng talinghaga tungkol sa trigo at mga agingay (tingnan sa Doktrina at mga Tipan 86). Makalipas ang ilang linggo, noong Pasko, pinagninilayan ng Propeta ang kaguluhang pulitikal at sibil na nauugnay sa pagkaalipin sa Estados Unidos. Inihayag ng Panginoon sa Propeta na ang mga pangyayaring ito ay hahantong sa isang napakatinding digmaan.

Tulungan ang mga mag-aaral na matuklasan ang doktrina at mga alituntunin ng ebanghelyo: Ang isang paraan upang matulungan ang mga estudyante na matuklasan ang doktrina at mga alituntunin ay magbigay ng mga tanong na pag-iisipan at maghihikayat ng talakayan sa halip na mga tanong na nangangailangan ng mga partikular na sagot. Ang mga epektibong tanong ay tutulong sa mga estudyante na mapag-isipan ang nadama nilang makabuluhan at nauugnay sa kanila. Para sa karagdagang impormasyon tungkol sa kung paano ito ginawa ng Tagapagligtas, tingnan ang bahaging “Natutuhan ng Tagapagligtas ang Doktrina” sa Pagtuturo sa Paraan ng Tagapagligtas. Maaari ka ring makakita ng halimbawa ng paraan kung paano ito gawin sa lesson sa linggong ito na may pamagat na “Doktrina at mga Tipan 87.”

Maghandang magturo

Ang sumusunod na impormasyon ay nagbibigay sa iyo ng mga ideya sa kung ano ang maaaring kailangan mong ihanda nang maaga para sa bawat lesson.

Doktrina at mga Tipan 86

Layunin ng lesson: Tulungan ang mga estudyante sa kanilang mga pagsisikap na makibahagi sa Tagapagligtas sa pagtitipon ng Israel.

• Paghahanda ng estudyante: Anyayahan ang mga estudyante na basahin ang talinghaga tungkol sa trigo at mga agingay o damo mula sa Mateo 13:24–30 at maghandang ibahagi kung ano ang ibig sabihin ng talinghagang ito sa kanila.

• Mga Video: “Jesus Declares the Parables of the Wheat and Tares, Mustard Seed, and Leaven” (2:15; panoorin mula sa time code na 00:00 hanggang 01:30); “Hayaang Manaig ang Diyos” (18:42; panoorin mula sa time code na 4:14 hanggang 5:48); “Maging Ilaw ng Sanlibutan—Tularan ang Halimbawa ni Jesucristo. Share His Light—Serve as He Served” (2:35: panoorin mula sa time code na 0:29 hanggang 2:17).

Doktrina at mga Tipan 87

Layunin ng lesson: Tulungan ang mga estudyante na maunawaan na lahat ng salita ng Panginoon sa Kanyang mga propeta ay matutupad.

• Paghahanda ng estudyante: Dumating sa klase na handang ibahagi ang isang halimbawa sa banal na kasulatan kung saan ipinropesiya ng propeta ng Diyos ang isang pangyayari sa hinaharap.