Սեմինարիա
Դաս 105․ Վարդապետություն և Ուխտեր 89.18–21. «Ես՝ Տերս, տալիս եմ նրանց խոստում»

«Դաս 105․ Վարդապետություն և Ուխտեր 89․18–21․ «Ես՝ Տերս, տալիս եմ նրանց խոստում», Վարդապետություն և Ուխտեր․ Սեմինարիայի ուսուցչի ձեռնարկ (2025)

«Վարդապետություն և Ուխտեր 89․18–21», Վարդապետություն և Ուխտեր․ Սեմինարիայի ուսուցչի ձեռնարկ

Դաս 105. Վարդապետություն և Ուխտեր 89–92

Վարդապետություն և Ուխտեր 89․18–21

«Ես՝ Տերս, տալիս եմ նրանց խոստում»

երիտասարդները ֆիզիկական ակտիվ գործեր են անում

Ջոզեֆ Սմիթին Իմաստության Խոսքը հայտնելուց հետո (տես «Վարդապետություն և Ուխտեր 89.1–17» դասը), Հիսուս Քրիստոսը բացատրեց որոշ օրհնություններ, որոնք Ինքը առաջարկում է նրանց, ովքեր հավատարմությամբ պահում են այս հայտնության մեջ ուսուցանված սկզբունքները: Այս դասը նախատեսված է օգնելու ուսանողներին ընտրել ապրել Իմաստության Խոսքով և ստանալ Փրկչի խոստացած օրհնությունները:

Հնարավոր ուսումնական վարժություններ

Պատնեշը

Դասը սկսեք՝ օգնելով ուսանողներին հասկանալ, որ Փրկիչը տվել է մեզ Իմաստության Խոսքը որպես պաշտպանություն, քանի որ Նա սիրում է մեզ: Դա անելու եղանակներից մեկը հետևյալն է․ գրատախտակին նկարեք ծովածոց, որը արհեստական պատնեշով առանձնացված է բաց օվկիանոսից, ինչպես հետևյալ օրինակում:

օվկիանոսի նկար

Բացատրեք, որ Յոթանասունից երեց Ֆոն Գ. Քիթչը (1960–2018) կարևոր դաս յուրացրեց մի լողափում, որը նման էր այս նկարում պատկերվածին: Կիսվեք նրա փորձառությամբ՝ օգտագործելով հետևյալ պարբերությունը և ստորև բերված նրա խոսքերը:

Երեց Ֆոն Գ. Քիթչը մի օր էր վայելում իր օրը լողափում, երբ լողափ եկած մի խումբ սերֆինգիստներ սկսեցին վրդովվել, թե ինչու է ծովածոցի և բաց օվկիանոսի միջև արհեստական պատնեշ դրվել: Սերֆինգիստները զայրացած բողոքում էին, որ պատնեշը փչացնում է իրենց ճամփորդությունը՝ թույլ չտալով իրենց սահել մեծ ալիքների վրայով, որոնք մնում էին ծովածոցից դուրս:

10:19
Երեց Վոն Գ. Քիչ

Ի վերջո [տեղացի մի տարեց սերֆինգիստ] վեր կացավ և մոտեցավ խմբին։ Առանց որևէ բան ասելու, նա իր ուսապարկից հանեց հեռադիտակը և տվեց սերֆերներից մեկին՝ մատնացույց անելով պատնեշի կողմը։ Բոլոր սերֆինգիստները նայեցին հեռադիտակով։ Երբ իմ հերթը հասավ, հեռադիտակի օգնությամբ ես տեսա մի բան, որը մինչ այդ չէի կարող տեսնել. մեջքի լողակներ՝ մեծ շնաձկները պատնեշի մյուս կողմում, ստորջրյա ժայռերի մոտ սնվում էին։ …

Մենք կանգնած էինք այդ գեղեցիկ լողափին, և մեր տեսակետը միանգամից փոխվեց: Պատնեշը, որը կոպիտ ու սահմանափակող էր թվում և կարծես թե խանգարում էր մեծ ալիքների վրայով սահելու զվարճանքին ու ուրախությանը, դարձավ լրիվ ուրիշ բան։ Նորովի ընկալելով վտանգը, որը թաքնված էր անմիջապես մակերեսի տակ, այդ արգելքը մեզ արդեն պաշտպանություն, ապահովություն և խաղաղությունն էր ներշնչում։ (Ֆոն Գ. Քիթչ, «Օրհնված ու երջանիկ են նրանք, ովքեր պահում են Աստծո պատվիրանները», Լիահոնա, նոյեմբեր 2015, 116)

  • Երեց Քիթչի փորձառությունը ի՞նչ կարող է սովորեցնել մեզ Աստծո և Նրա պատվիրանների մասին:

  • Ո՞ր պատվիրաններն են լավագույնս ցույց տալիս մեզ պաշտպանելու Աստծո ցանկությունը: Ինչո՞ւ։

    Կարող եք գրատախտակին նկարված ծովածոցի և բաց օվկիանոսի միջև եղած պատնեշը պիտակել որպես «Իմաստության Խոսք»: Խնդրեք ցանկացողներին կիսվել, թե ինչ են հիշում Իմաստության Խոսքի մասին: (Եթե նախորդ դասին ուսանողները պատրաստել են Իմաստության Խոսքը ներկայացնող բրոշյուրներ, ապա կարող են օգտվել դրանցից)։

    Որպես հիշեցում, ուսանողները կարող են նաև կարդալ և կիսվել Վարդապետություն և Ուխտեր 89.1–4 հատվածների այն արտահայտություններով, որոնք նկարագրում են Իմաստության Խոսքը հայտնելու Տիրոջ շարժառիթները։

    Այնուհետև կարող եք ցուցադրել ստորև ներկայացվող հարցերը և առաջարկել ուսանողներին իրենց օրագրերում գրել պատասխանները:

  • Իմաստության Խոսքը դուք համարում եք Երկնային Հոր օրհնությո՞ւն, թե՞ սահմանափակում ձեր կյանքում:

  • Ի՞նչ գիտեք այն օրհնությունների մասին, որոնք Երկնային Հայրն առաջարկում է նրանց, ովքեր պահում են Իմաստության Խոսքը:

  • Որքանո՞վ է կարևոր է ձեզ համար պահել Իմաստության Խոսքը: Ինչո՞ւ։

Օրհնություններ, որոնք Փրկիչը ցանկանում է տալ մեզ

Ջոզեֆ Սմիթին Իմաստության Խոսքը հայտնելուց հետո Հիսուս Քրիստոսը բացատրեց այն օրհնությունները, որոնք Ինքը և Երկնային Հայրն առաջարկում են նրանց, ովքեր հավատարմությամբ հնազանդվում են այդ հայտնությանը:

Կարդացեք Վարդապետություն և Ուխտեր 89․18–21 հատվածները և նշեք խոստումներից յուրաքանչյուրը, որ Նրանք տալիս են հնազանդներին։

վարդապետության սերտման հատվածի պատկերակ Վարդապետություն և Ուխտեր 89․18–21 հատվածները սուրբ գրությունների սերտման հատվածներ են։ Առաջարկեք ուսանողներին նշել վարդապետության սերտման հատվածները տարբերակիչ ձևով, որպեսզի կարողանան հեշտությամբ գտնել:

Գրատախտակին նկարված ծովածոցի վրա ուսանողները կարող են գրել իրենց գտած օրհնությունները: Համոզվեք, որ ուսանողները հասկանում են, որ Տերը կօրհնի մեզ ավելի լավ առողջությամբ, ավելի շատ իմաստությամբ, տոկունությամբ և պաշտպանությամբ, եթե հետևենք Նրա Իմաստության Խոսքին:.

  • Ձեր կարծիքով, ի՞նչ հարցեր կարող են ունենալ մարդիկ, երբ կարդում են Տիրոջ այս խոստումները:

Ուսանողների կողմից նշած հարցերի և հասանելի ժամանակի հիման վրա որոշեք, թե դասի հետևյալ երեք բաժիններից որն առավել օգտակար կլինի ուսանողների համար: Կարող եք հնարավորություն տալ դասարանին ընտրել, թե որ բաժինները կցանկանային ուսումնասիրել:

Առողջության և տոկունության օրհնություններ (հատվածներ 18, 20)

Այս բաժինը կօգնի ուսանողներին հասկանալ, որ Տերը չի խոստանում կատարյալ առողջություն նրանց, ովքեր պահում են Իմաստության Խոսքը, բայց Նա օրհնում է հնազանդներին՝ պարգևելով ավելի լավ առողջություն, քան նրանք կունենային, եթե չհետևեին Իր խորհրդին:

Կարդացեք «Ձեռք բերել հոգևոր գիտելիքներ» բաժնի պարբերություն 7–8 Վարդապետության սերտման հիմնարար փաստաթղթում (2023): Կարդացեք նաև նախկինում Առաջին նախագահությունից նախագահ Դիտեր Ֆ․ Ուխդորֆի հետևյալ ուսմունքները: Նա հիշում է մի փորձառություն, որն ունեցել է երիտասարդ տարիքում զինվորական ծառայության ժամանակ, երբ նկատել է, որ որոշ զինվորներ, որոնք չեն պահում Իմաստության Խոսքը, գերազանցում են իրեն իրենց ֆիզիկական պատրաստվածությամբ: Փնտրեք ճշմարտություններ, որոնք կարող են օգնել մարդկանց գտնել իրենց հարցերի պատասխանները Տիրոջ տված խոստումների վերաբերյալ՝ Վարդապետություն և Ուխտեր 89.18, 20 հատվածներում:

Երեց Դիտեր Ֆ. Ուխդորֆ

Ի վերջո, ես սովորեցի, որ Աստծո խոստումները չեն կատարվում այնքան արագ կամ այնպես, ինչպես մենք ենք ակնկալում. դրանք գալիս են Իր ժամանակին և Իր ձևով: Տարիներ անց, ես պարզորոշ տեսա ապացույցն այն աշխարհիկ օրհնությունների, որոնք գալիս էին նրանց, ովքեր հնազանդվում էին Իմաստության Խոսքին՝ ի լրումն այն հոգևոր օրհնությունների, որոնք գալիս են անմիջապես՝ Աստծո բոլոր օրենքներին հնազանդվելու արդյունքում: Հետ նայելով՝ ես գիտեմ հաստատ, որ Տիրոջ խոստումները գուցե միշտ չեն արագ կատարվում, սակայն անտարակուսելի են (Դիտեր Ֆ. Ուխդորֆ, «Համբերությամբ շարունակենք», Լիահոնա, մայիս 2010, 58)

  • Ի՞նչ սովորեցիք Տիրոջ և Նրա խոստումների մասին, որ կարող է օգնել մարդուն, որը հավատարմությամբ պահում է Իմաստության Խոսքը, բայց շարունակում է պայքարել առողջական խնդիրների դեմ:

Իմաստության և գիտելիքի օրհնություններ (հատվածներ 19)

Կարդացեք Վարդապետություն և Ուխտեր 29․34 հատվածը և մտածեք, թե ինչպես կարող է այս հատվածում Փրկչի ուսուցանած վարդապետությունը կիրառվել Իմաստության Խոսքի վերաբերյալ:

  • Ինչո՞ւ է Իմաստության Խոսքը առաջին հերթին նաև հոգևոր օրհնություն, բացի ֆիզիկական օրհնություն լինելուց:

  • Մեր հնազանդությունն Իմաստության Խոսքին ինչպե՞ս է հնարավորություն տալիս Փրկչին օրհնել մեզ աշխարհիկ իմաստությամբ և գիտելիքով, նաև հոգևոր իմաստությամբ և գիտելիքով:

  • Իմաստության Խոսքին հնազանդվելն ինչպե՞ս է օգնում մեզ լիարժեք հայտնություն ստանալ Աստծուց՝ Սուրբ Հոգու միջոցով:

Որպեսզի օգնեք ուսանողներին պատասխանել նախորդ հարցին, կարող եք կիսվել նախագահ Բոյդ Կ. Փաքերի առաջին ուղերձով՝ «Օժանդակ նյութեր» բաժնից:

Որպես վկայություն, որ Աստված օրհնում է նրանց, ովքեր պահում են առողջությանը վերաբերող Իր օրենքները, կարող եք ցուցադրել Դանիելի այս պատկերը, որտեղ նա հրաժարվում է ուտել «թագավորի կերակուրը» (Դանիել 1.8): Առաջարկեք ուսանողներին կիսվել, թե ինչ են հիշում այս պատմության մասին: Անհրաժեշտության դեպքում՝ հիշեցնելու համար կարող եք կիսվել հետևյալ պարբերություններից մի քանիսով։

Դանիելը հրաժարվում է թագավորի առաջարկած ուտելիքից

Դանիելը և Բաբելոնում ապրող այլ երիտասարդներ ուսում էին ստացել և վարժվել էին, որպեսզի դառնան թագավորի իմաստունները։ Երբ նրանց առաջարկեցին թագավորի կերակուրը, Դանիելը հրաժարվեց այն ուտել՝ Տիրոջ՝ այն ժամանակվա առողջական օրենքների պատճառով։ Թագավորի ծառան՝ որպես փորձարկում թույլ տվեց Դանիելին և նրա ընկերներին 10 օր շարունակ ուտել տարբեր ուտեստներ՝ տեսնելու, թե արդյոք նրանք նույնքան առողջ և խելացի կլինեն, որքան ծրագրին մասնակցող մյուս երիտասարդները:

Կարդացեք Դանիել 1.17–20 հատվածները՝ փնտրելով իմաստության աշխարհիկ և հոգևոր օրհնությունների ապացույցները, որ Աստված տվեց Դանիելին և նրա ընկերներին:

  • Աստծո օրհնությունների ի՞նչ ապացույցներ գտաք։

Պաշտպանության օրհնություններ (հատված 21)

Զատիկի պատրաստություն

Կարող եք ցուցադրել Զատիկի այս պատկերը և ուսանողների ուշադրությունը հրավիրել դռան կողասյուններին առկա արյան վրա: Բացատրեք, որ «կործանող հրեշտակից» պաշտպանության հետ կապված մենք կարող ենք հիշել, թե իսրայելացիներն ինչպես պաշտպանվեցին անդրանիկ զավակների մահվան պատուհասից, որը տարածվեց Հին Եգիպտոսում: Նրանք, ովքեր հնազանդորեն իրենց դռների վրա քսեցին գառան արյունը (խորհրդանշում է Աստծո Գառի արյունը), փրկվեցին: Պաշտպանության այս խոստումը կարող է վերաբերել ֆիզիկական և հոգևոր ապահովությանը։

Գրատախտակին պատկերված բաց օվկիանոսի նկարի վրա ուսանողները կարող են գրել այն վտանգները, որոնցից Փրկիչը պաշտպանում է մեզ Իմաստության Խոսքի միջոցով: (Նրանք կարող են թվարկել այնպիսի վտանգներ, ինչպիսիք են՝ կախվածությունը, հիվանդությունը, անարժեքության զգացումը, խզված հարաբերությունները և այլն)

Որպեսզի օգնեք ուսանողներին քննարկել հոգևոր պաշտպանությունը, որը Փրկիչն առաջարկում է մեզ, կարող եք կիսվել նախագահ Փաքերի երկրորդ ուղերձով՝ «Օժանդակ նյութեր» բաժնից:

  • Փրկչի պաշտպանության ի՞նչ օրինակներ են եղել ձեր կյանքում՝ Իմաստության Խոսքը պահելու արդյունքում:

Հնազանդվել Իմաստության Խոսքին

Կարող եք վկայել այն մասին, թե ինչպես է Տերը օրհնել ձեզ Իմաստության Խոսքը պահելու համար: Խրախուսեք ուսանողներին իրենց օրագրերում գրել հետևյալ հարցի պատասխանները։

  • Հիմնվելով Իմաստության Խոսքի մասին ձեր սովորածի վրա, ինչո՞ւ եք կարծում, որ դուք պետք է հնազանդվեք Քրիստոսի այս հայտնությանը:

Կազմեք ծրագիր, որը կօգնի ձեզ պահել Իմաստության Խոսքը: Նշեք իրավիճակներ կամ գայթակղություններ, որոնց դուք կարող եք բախվել, և որոշեք լավագույն եղանակը, որով կարող եք դրանք հաղթահարել: Կարող եք աղոթքի միջոցով Երկնային Հոր հետ կիսվել ձեր ցանկություններով և ձեր ծրագրով և խնդրել Նրա զորությունը՝ հաջողության հասնելու համար:

Մտապահեք

Օգնեք ուսանողներին այս դասի ընթացքում մտապահել վարդապետության սերտման հղումը և սուրբգրային հիմնական արտահայտությունը, ապա կրկնել դրանք հետագա դասերի ժամանակ: Սուրբգրային հիմնական արտահայտությունն է՝ «Իմաստության Խոսքի օրհնությունները»: Մտապահելու համար նախատեսված վարժությունների վերաբերյալ գաղափարները ներկայացված են հավելվածի նյութերում՝ «Վարդապետության սերտման կրկնության վարժություններ» բաժնում: