“Leksiyon 108—Doktrina ug mga Pakigsaad 93:19–53: Pagdawat sa Kahayag ug Kamatuoran sa Manluluwas,” Manwal sa Magtutudlo sa Seminary sa Doktrina ug mga Pakigsaad (2025)
“Doktrina ug mga Pakigsaad 93:19–53,” Manwal sa Magtutudlo sa Seminary sa Doktrina ug mga Pakigsaad
Leksyon 108: Doktrina ug mga Pakigsaad 93
Doktrina ug mga Pakigsaad 93:19–53
Pagdawat sa Kahayag ug Kamatuoran sa Manluluwas
Sa pagpadayag nga narekord sa Doktrina ug mga Pakigsaad 93, gihulagway sa Manluluwas kon sa unsang paagi kita makadawat og mas dakong kahayag ug kamatuoran nga gikan Kaniya. Kini nga leksiyon makatabang sa mga estudyante nga magplano sa pagdawat og mas dakong kahayag ug kamatuoran sa ilang kinabuhi.
Mga Posibleng Kalihokan sa Pagkat-on
Kahayag batok sa kangitngit
Gihulagway ni Elder Timothy J. Dyches sa Seventy ang kasinatian niya ug sa iyang mga anak nga lalaki samtang nagpatighulog gamit ang pisi [rappel] sa usa ka lawom nga langob.
Light Cleaveth unto Light
Elder Dyches teaches that Jesus Christ is the Light of the World and the source of true happiness and peace.
Sa walay pasidaan, ang mga suga diha sa [langob] kalit lang nga hingpit nga napalong. Nga nagbitay sa dili mabana-bana nga giladmon, gilibotan kami sa hilabihang kangitngit nga dili gani namo makita ang among mga kamot sa among atubang nga naggunit sa mga pisi. Usa ka tingog diha dayon nanawag, “Pa, Pa, naa kaba diha?”
“Nia ra ko, Anak, nia ra ko dinhi,” mitubag ko.
Ang wala dahomang pagkawala sa kahayag gituyo sa pagpakita nga kon walay elektrisidad, ang kangitngit sa langob dili mahulagway. Nagmalamposon kini; “gibati” namo ang kangitngit. (Timothy J. Dyches, “Ang Kahayag Mounong ngadto sa Kahayag,” Liahona, Mayo 2021, 113)
-
Unsa ang pipila ka mga pagbati ang ikonektar sa mga tawo ngadto sa kangitngit?
-
Unsa ang pipila ka pulong o hugpong sa mga pulong nga naghulagway sa kon unsay pagbati sa kahayag?
Gihulagway ni Elder Dyches kon unsay gibati niya ug sa iyang mga anak dihang misiga og balik ang mga suga sa langob.
Light Cleaveth unto Light
Elder Dyches teaches that Jesus Christ is the Light of the World and the source of true happiness and peace.
Dihang ang suga misiga og balik, ang kangitngit diha dayon nawala, kay ang kangitngit sa kanunay mawala, bisan sa labing gamay nga kahayag. Ang akong mga anak ug ako gibilinan og panumdoman mahitungod sa kangitngit nga wala pa namo sukad masinati, usa ka mas dako nga pagdayeg sa kahayag nga dili namo hikalimtan, ug sa kasiguroan nga kami wala mag-inusara sa kangitngit.
Ang among pagpaus-os niana nga langob sa pipila ka paagi mipahisama sa atong panaw latas sa mortalidad. (“Ang Kahayag Mounong ngadto sa Kahayag,” 113)
-
Unsay pagkaparehas ang imong nabantayan tali niini nga istorya ug sa atong panaw latas sa mortalidad?
Basaha ang Doktrina ug mga Pakigsaad 93:36, nga mangita sa mga pulong nga naghulagway sa himaya sa Diyos.
-
Sa unsang paagi ang kahayag ug kamatuoran nga gikan sa Langitnong Amahan ug ni Jesukristo magtabang nimo sa imong panaw paingon sa mortalidad?
Dapita ang mga estudyante sa paghunahuna bahin sa kon unsa ka dako nga kahayag sa Dios o impluwensiya ang ilang nabati sa ilang kinabuhi karon. Pwede usab nimo silang dapiton sa paghunahuna kon unsa ka lahi ang ilang kinabuhi kon naay mas dakong impluwensiya niini ang Langitnong Amahan ug si Jesukristo.
Ipasabot nga sa Doktrina ug mga Pakigsaad 93, nagtudlo ang Manluluwas bahin sa mga kinaiya nga posibleng makapadugang o makapakunhod sa atong akses sa kahayag ug kamatuoran nga gikan Niya. Samtang nagtuon ang mga estudyante, dasiga sila sa pagpangita og mga pagtulun-an nga motabang nilang makadawat og dugang pang kahayag ug kamatuoran sa Manluluwas sa ilang kinabuhi.
Gitudloan kita ni Jesukristo kon sa unsang paagi ta makadawat sa Iyang kahayag
Ikonsiderar ang pagpakita sa mosunod nga tsart ug pagdapit sa mga estudyante sa pagkopya niini sa ilang mga journal sa pagtuon. Pwede nilang kompletohon ang kalihokan sa pagtuon uban ang usa ka pares o ang gamayng grupo.
|
Makapadugang sa kahayag ug kamatuoran |
Makapakunhod sa kahayag ug kamatuoran |
|---|---|
Basaha ang mga bersikulo nga nakalista sa tsart, ug pangitaa ang mga pagtulun-an sa Manluluwas nga naghulagway sa kon unsaon nato pagdugang o pagkunhod ang Iyang kahayag ug kamatuoran sa atong kinabuhi. Irekord ang imong mga nadiskobrehan sa matag kolum.
-
Unsa nga mga panalangin ang anaa niadtong nangita sa kahayag ug kamatuoran sa Manluluwas?
-
Unsaon nimo pagpamubo ang imong mga nadiskobrehan para sa matag kolum sa imong tsart isip mga pamahayag sa kamatuoran?
Pwedeng maila sa mga estudyante ang mga kamatuoran nga parehas sa mosunod: Atong madugangan ang kahayag ug kamatuoran sa Manluluwas sa atong kinabuhi samtang atong tumanon ang Iyang mga sugo (mga bersikulo 20, 28). Ang pagkamasinopakon makapawala sa kahayag ug kamatuoran sa Manluluwas gikan sa atong kinabuhi (bersikulo 39).
-
Sa imong hunahuna, unsay epekto sa pagtuman sa mga sugo sa Manluluwas diha sa imong katakos sa pag-ila sa kamatuoran?
Ingon og bahin sa inyong panaghisgot sa nag-unang pangutana, ikonsiderar ang pagpakita o pagdrowing sa mosunod nga imahe. Dapita ang mga estudyante sa pagpakigbahin kon unsay ilang panglantaw sa mga pagtulun-an sa Doktrina ug mga Pakigsaad 93 nga girepresentahan niini. Kon gikinahanglan, ipasabot nga samtang atong ginatuman ang mga sugo sa Dios, panalanginan kita og dugang kahayag ug kamatuoran sa Manluluwas diha sa atong kinabuhi, nga magdugang sa atong katakos sa pagsabot o pag-ila sa kamatuoran. Dihang supakon nato ang mga sugo, mawala kanato ang kahayag ug kamatuoran sa Manluluwas ug makunhoran ang atong katakos sa pagsabot o pag-ila sa kamatuoran.
-
Sa unsang paagi ang pagsabot sa mga pagtulun-an sa Manluluwas niini nga mga bersikulo makaapektar sa atong mga desisyon?
Pagdugang sa kahayag ug kamatuoran sa Manluluwas sa atong kinabuhi
-
Unsa ang pipila ka pihong butang nga nakatabang o makatabang tingali nimo aron makadawat og dugang kahayag sa Manluluwas sa imong kinabuhi?
Pwedeng hisgotan sa mga estudyante ang nag-unang pangutana uban sa usa ka pares o gamayng mga grupo sa dili pa ipakigbahin ang ilang mga tubag sa klase. Pwede usab nimong ikonsiderar ang paggamit sa mosunod nga pamahayag ni Elder Dieter F. Uchtdorf aron matabangan ang mga estudyante nga makahunahuna og mga ideya.
Si Elder Dieter F. Uchtdorf sa Korum sa Napulog Duha ka Apostoles mipakigbahin og mga ehemplo kon sa unsang paagi nato masinati ang kahayag sa Manluluwas.
Mga Tighupot sa Langitnong Kahayag
Mitudlo si Presidente Uchtdorf sa mga priesthood nga sila mga tighupot sa kahayag sa Dios, nga magdala og espiritwal nga pagkaayo niadtong mga anaa sa kangitngit.
Matag higayon nga ibalik ninyo ang inyong kasingkasing sa Dios sa mapaubsanong pag-ampo, masinati ninyo ang Iyang kahayag. Matag higayon nga tinguhaon ninyo ang Iyang pulong ug kabubut-on diha sa mga kasulatan, ang kahayag mosanag. Matag higayon nga makabantay mo nga dunay nanginahanglan ug mosakripisyo sa inyong kaugalingong kaharohay aron makatabang uban sa gugma, modako ug mosanag ang kahayag. Matag higayon nga isalikway ninyo ang tentasyon ug pilion ang kaputli, matag higayon nga mangita o mohatag kamo og kapasayloan, maisogong mopamatuod sa kamatuoran, ang kahayag mopuli sa kangitngit ug modani usab sa uban nga nangita og kahayag ug kamatuoran. (Dieter F. Uchtdorf, “Mga Tighupot sa Langitnong Kahayag,” Liahona, Nob. 2017, 79)
Ikonsiderar ang pagdapit sa pipila ka estudyante sa pagpakigbahin kon sa unsang paagi ang mga ideya nga ilang gihisgotan nakahimo og kausaban sa ilang kaugalingong kinabuhi. Ingon og bahin niini nga panaghisgot, ikonsiderar ang pagpasalida sa “Finding Christ during Difficult Times” (4:35), nga anaa sa ChurchofJesusChrist.org. Pwede nimong dapiton ang mga estudyante nga bantayan kon sa unsang paagi ang pagkawala ug ang pagdugang sa kahayag sa Manluluwas nakaapektar sa batan-ong lalaki niini nga bidyo.
Finding Christ During Difficult Times
A young pole-vaulter contemplates suicide, then turns his life around when he fasts to know if the Church is true and gets baptized.
Gamita ang mga pagtulun-an sa Manluluwas
Dapita ang mga estudyante nga mainampoong ikonsiderar kon unsaon nila sa pagdugang ang kahayag ug kamatuoran sa Manluluwas sa ilang kinabuhi samtang ilang tubagon ang mosunod nga mga pangutana diha sa ilang mga journal sa pagtuon.
-
Unsay nagtukmod nimo nga sugdan ang pagdawat og dugang kamatuoran ug kahayag sa Manluluwas diha sa imong kinabuhi? Unsay hinungdan kon nganong gihunong nimo kini?
-
Unsang mga babag ang imo tingaling atobangon kon imong sugdan o ihunong kini nga mga aksiyon? Unsaon nimo pag-atubang ang mga babag nga imong nailhan?
Sa pagtapos sa leksiyon, ikonsiderar ang pagpakigbahin sa imong gibati bahin sa kahayag ug kamatuoran ni Kristo nga gidala niini sa imong kinabuhi. Dapita ang mga estudyante nga maningkamot nga dugangan ang kahayag sa Manluluwas sa ilang kinabuhi pinaagi sa kon unsay ilang gustong himoon karon.